Pɔ̀n Chɛ̀ Luu To-a La 15:10 - Ku̍o̍ Delee 1999

¹⁰ Ǎn sèàɛ̍ mɔ̀ wlùh, kǎ ɛ̍ nɛ ke. Nyɔsoa-a ǐnchɔ̀-a nu̍ mɔna̍ dɛ̍blɔ dǒ gblɛ̍n sɔ̀ɛ̀n nyɔ̍ due ɔ̀ bǐi-a i̍-ɛ we̍.”

Pɔ̀n Chɛ̀ Luu To-a La 15:10 Iomraidhean Croise

Matio 10:32

Ɔ̍ la̍a̍, “Nyɔ̍ jɔ ɔ̀ mu̍-a jlǔh nyna wɛ̀ ɔ̀ iě-a ǎn tìh i̍ wɔ̌ɛn-ɛ, nɛ̀ ǎn mu̍ jlǔh nyna ke dǒ ǐn Baa nɛ-a dě ja̍i̍wlɔ̀-ɛ jǔ, wɛ̀ iě ɔ̍ tìh i̍ wɔ̌ɛn ke.

Matio 18:10

Jusu la̍a̍, “Mɔ̀ nu̍ nɛnɛ̌ ùh plìh la mɔ̀-ɔ je̍e u̍h-a nyɔ̍ due jlǐhɛ̍ dlǔ bla̍. Bɔ̌ ǐn sèàɛ̍ mɔ̀ wlùh, dɛ̍nu̍ɛ, u̍h-a Nyɔsoa-a ǐnchɔ̀ nɛ-a dě ja̍i̍wlɔ̀-ɛ, i̍h ke ǐn Baa-a jiěe te̍e̍ deě. [

Matio 18:14

Kǎ ɛ̍ nu̍ nɛ-ɛ ke, mɔ̀ Baa nɛ-a dě ja̍i̍wlɔ̀-ɛ, ɔ̍ se̍ pɔ̀n ùh plìh la u̍h-a due iě kwlǎ sie.”

Pɔ̀n Chɛ̀ Luu To-a La 12:8

“Ǎn sèàɛ̍ mɔ̀ wlùh, nyɔ̍ ɔ̀ mu̍-a jlǔh nyna wɛ̀ ɔ̀ iě-a ǎn tìh i̍ wɔ̌ɛn-ɛ, nɛ̀ Nyi̍ɔ̍-a Jǔ-a mu̍ jlǔh nyna ke dǒ Nyɔsoa-a ǐnchɔ̀ jǔ wɛ̀ ɔ̍ iě ɔ̍ tìh i̍ wɔ̌ɛn ke.

Pɔ̀n Chɛ̀ Luu To-a La 12:9

Jɛ nyɔ̍ ɔ̀ mu̍-a jlǔh nyna wɛ̀ ɔ̀ iě-a ǐn chla tba̍-ɛ, nɛ̀ Nyi̍ɔ̍-a Jǔ-a mu̍ jlǔh nyna ke dǒ Nyɔsoa-a ǐnchɔ̀ jǔ wɛ̀ ɔ̍ iě ɔ̍ chla tba̍.

Pɔ̀n Chɛ̀ Luu To-a La 13:5

Iěe, jɛ ǎn sèàɛ̍ mɔ̀ wlùh, pò mɔ̀ se̍ mɔ̀-a gblɛ̍n sɔ̀ɛ̀n kɛ̍n i̍ poe-ɛ, nɛ̀ kǎ mɔ̀-a mu̍ mɛ̌-ɛ nu̍ ke.”

Pɔ̀n Chɛ̀ Luu To-a La 15:11

Wɛ̀ Jusu la̍a̍, “Jɔ̍gbau due bo ɔ̀ blě jɔ̍gbauᵻ nynuu̍ sɔɔ̌n.

Pɔ̀n Chɛ̀ Luu To-a La 15:7

Ǎn sèàɛ̍ mɔ̀ wlùh, kǎ ɛ̍ mu̍ nɛ ke. Pò gblɛ̍n sɔ̀ɛ̀n nyɔ̍ due bǐi i̍-ɛ, nɛ̀ mɔna̍-a mu̍ nui-ɛ dɛ̍blɔ dě ja̍i̍wlɔ̀ ɛ̍ iě i̍ slɛ̌-nyɔ̍-a kwela mɛ̀nyìɛ̍ jɔ̌ mɛ̀nyìɛ̍ ùh la̍ ùh se̍-a i̍ bǐi nyɔ̍-ɛ sìì.

Pɔ̀n Chɛ̀ Luu To-a La 15:9

Pò ɔ̍ jě ɛ̍-ɛ, nɛ̀ ɔ̍ mu̍ ɔ̍ ba̍ᵻ ke nyɔ̍ nɛ-a dǒ gbò wɔ̍ɔ̍n-ɛ dǎ. Nɛ̀ ɔ̍ mu̍ ka dǎ dě u̍h we̍, ‘Mɔ̀ gbǎ ǐn we̍ à iě nmɔ, dɛ̍nu̍ɛ, ǎn sebla̍ wliɛ̍ ɛ̀ mǎ-a de-ɛ, ǐn jě ɛ̍ wɛ̀.’

Pɔ̀n Chɛ̀ Luu To-a La 7:47

Ɛ̍ tìh-ɛ, ǎn sèàɛ̍ ìn wlùh, ɔ̍ gblɛ̍n sɔ̀ɛ̀n dɔu la i̍h-a tìh tǎli-ɛ i̍. Ɛ̍ kɔn ɔ̍ jbɛɛ wlùh bɛ̌ i̍ kaa̍. Nyɔ̍ ɔ̀ kɔn gblɛ̍n sɔ̀ɛ̀n wei-a tìh tǎli-ɛ i̍-ɛ, nɛ̀ ɔ̍ jbɛɛ wlùh wàn i̍.”

Nu̍-dɛ̍ᵻ 11:18

U̍h wɔ̌n-a wlu̍ la-a, sɔ ɛ̍ po̍ u̍h su̍e̍ wɔ̍i̍n. Iě u̍h-a po̍ Nyɔsoa tìhwe̍, u̍h la̍a̍, “Iě nɛ̀ Nyɔsoa nyǐ ùh se̍-a Juu nyɔ̍-ɛ flɔna̍ wɛ̀ ke, pò u̍h bǐi i̍-ɛ u̍h iě kmɔ̌ nɛ.”

Nu̍-dɛ̍ᵻ 5:19

Jɛ Joi-a ǐnchɔ̀ ji̍-i maɔ̍, wɛ̀ ɛ̍ pɔ̀ni kasoo gbò wɔ̍i̍n iě ɛ̍ sǐ-i u̍h sɔ̀n.

2 Kɔwlɛntiɔn 7:10

Wlùh-a seɔn gbǎ-a ɛ̀ nu̍-a Nyɔsoa-a wlùh dɛ-ɛ, ɛ̍ blě nyɔ̍-a i̍ bǐi-ɛ, ɛ̍ ja pǔh-ɛ. Ɛ̍-ɛ po̍ nyɔ̍-a wlùh dě de̍i̍. Jɛ kmɔ̌ we̍ wlùh-a seɔn gbǎ-a ja mɛ̌ɛ.

Faɛlimɔ 1:15

Nyɔ̍-se̍-juo ɛ̍ kɔn ɔ̍ sɔ dǒ ìn pùn dǒ ti̍ gbɔ̍ di̍i̍ wɛ̀ pò ɔ̍ ji̍ de̍-ɛ, ìè ɔ̍ blě la̍ sǔh kleǐnklein.

Iblu 1:14

Ǐnchɔ̀-a chɛ̀ ka i̍h-a tìh nɛ ɛ? I̍h kli̍hgbɛ̍ bo ìh-a dbee Nyɔsoa jǔ. Iě Nyɔsoa dbo̍ i̍h, i̍h iě nyɔ̍ ɔ̍ mu̍-a pǔh-iɛ we̍ gbǎ.