Pɔ̀n Chɛ̀ Luu To-a La 12:5 - Ku̍o̍ Delee 1999

⁵ Jɛ nyɔ̍ mɔ̀ iě-a jǔ ple̍-ɛ, ǎn mu̍ ɔ̍ mɔ̀ toe. Nyɔsoa wɔ̀ nyɔ̍ dbǎ-aɛ, nɛ̀ ɔ̍ blě gbǐh ɔ̍ iě nyɔ̍ laa̍ dě kàn nɛ̍ di̍i̍ po̍ dɛ. Ǎn sèàɛ̍ mɔ̀ wlùh, ɔ̍ bo mɔ̀ iě jǔ ple̍.

Pɔ̀n Chɛ̀ Luu To-a La 12:5 Iomraidhean Croise

Matio 10:28

Ɛ̍ tìh-ɛ, nyɔ̍ ùh-a mu̍-a mɔ̀-a nyi̍ɔ̍tu nɛ due dbǎ-a, mɔ̀ bɔ̌ u̍h jǔ ple̍-ɛ. Dɛ̍nu̍ɛ, u̍h se̍ mɔ̀-a sùù nɔ̀ɔ̍ dbǎ mu̍. Jɛ Nyɔsoa bo mɔ̀ ìè jǔ ple̍. Dɛ̍nu̍ɛ, ɔ̍-ɔ bo ɔ̀ bɛ̌ɛ mɔ̀-a sùù ke mɔ̀-a nyi̍ɔ̍tu dě kàn nɛ̍ di̍i̍ po̍-ɛ, wɛ̀ i̍h iě-e gbɔ̀lɔ.

Matio 25:41

“Nɛ̀ ɔ̍ mu̍ ka dǎ dě ùh nɛ-a dě ɔ̍ kwe̍na̍ we̍ ka-a we̍, ‘Mɔ̀ɔ̍ ùh Nyɔsoa po̍-a wlu̍we̍i̍-ɛ, mɔ̀ sɔ da̍a ǐn jua̍i̍. Mɔ̀ mu̍ dě nɛ̍ ɛ̀ se̍-a mɔ̌ la̍ kɔn-ɛ di̍i̍, ɛ̀ ɔ̍ po̍-a gba̍a̍ dǒ Kǔ ke ɛ̍ ǐnchɔ̀ we̍-ɛ.

Matio 25:46

Nɛ̀ u̍h-a mu̍ kàn gbɛ̍n-ɛ se̍-a dlǔ i̍ chlà la̍ kɔn-ɛ we̍ mu̍. Jɛ nɛ̀ i̍ slɛ̌-nyɔ̍-a mu̍ kmɔ̌ sie feɛ we̍ mu̍.”

Matio 5:22

Jɛ mɔ̍ɔ, kǎ ǐn dǎ ka o, nyɔ̍ ɔ̀ tìh se̍-a tìh ɔ̀ mu̍-a ɔ̍ ba̍ jlu̍h-u gbǎ-ɛɛ, nɛ̀ u̍h-a mu̍ ɔ̍ gba̍ ɔ̍ iě sàwi̍h sì. Nɛ̀ nyɔ̍ ɔ̀ mu̍-a ɔ̍ ba̍ wlu̍ sɔ̀n pùn po̍-ɛ, nɛ̀ u̍h-a mu̍ ɔ̍ dě Juu-a taɔ klaaᵻ jǔ gba̍. Nɛ̀ nyɔ̍ ɔ̀ mu̍-a dě ɔ̍ ba̍ we̍ gbɛ̀n wɛ̀ ɔ̍ iě ka nu̍, ‘Bo-dɛ̍ la,’ nɛ̀ ɔ̍ mu̍ dě kàn nɛ̍ di̍i̍ gbǎ.

Pɔ̀n Chɛ̀ Maɛ To-a La 13:23

Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌. Ɛ̍ kɔn ǐn si̍e̍ ti̍ nya̍ duedɛ wɛ̀ ǎn sèàɛ̍ mɔ̀ dɛ̍ᵻ kli̍hgbɛ̍ wlùh.

1 Tɛsoloniɔn 4:6

Nɛ̀ɛ̍, nyɔ̍ bɔ̌ ɔ̍ de̍di̍i̍ dɛ̍ sɔ̀n pùn nu̍-ɛ, àe̍e̍ ɔ̍ bɔ̌ ɔ̍ wɔ̍n sìì dɛ nu̍-ɛ dě blǐ tǐn-i dɛ la di̍i̍. À sèàɛ̍ mɔ̀ wlùh se̍e̍, iě à gbòɛ̀ɛ̀ mɔ̀ ka Joi-a mu̍-a ɛ̍ we̍ nyɔ̍ kàn gbɛ̍n-ɛ.

Iblu 10:31

Ɛ̍ nu̍ faɔn dɛ̍ wɛ̀ kmɔ̌ nɛ Nyɔsoa iě nyɔ̍ kwa̍ kɛ̍n tè.

2 Pitɛ 2:4

Nyɔsoa bo ɔ̀ gbɛ̍n ɔ̍ chɛ̀-a ǐnchɔ̀ nu̍-a gblɛ̍n sɔ̀ɛ̀n-ɛ kàn. Wɛ̀ ɔ̍ po̍ i̍h dě kàn nɛ̍ di̍i̍ dě biě jlu̍jlu̍ di̍i̍ i̍h iě-e nɛ te̍e̍ wɛ̀ sàwi̍h sì ti̍ iě nyni̍.

Wlɛfeleseɔn 14:7

Iě ɛ̍ we̍le, ɛ̍ la̍a̍, “Mɔ̀ tè Nyɔsoa ja̍, nɛ̀ mɔ̀ bɛ̌-ɛ ɔ̍ nynɛ̌ i̍, dɛ̍nu̍ɛ, ti̍ nyni̍ wɛ̀ ɔ̍ iě nyɔ̍ kli̍hgbɛ̍-a taɔ pa̍. Mɔ̀ sà ɔ̍ wɛɛ. Ɔ̍-ɔ bo ɔ̀ nu̍ bloa̍ ke, ja̍i̍wlɔ̀ ke, jbǒ ke kao̍dluᵻ.”

Wlɛfeleseɔn 15:4

Joi, nyɔ̍ kli̍hgbɛ̍-a mu̍ ìn ja̍ tè, u̍h iě àn nynɛ̌ i̍ bɛ̌-ɛ. Dɛ̍nu̍ɛ, ìn nɛ due bo ɔ̀ wɛ̀ nɛi̍. Bloa̍ kli̍hgbɛ̍-a mu̍ ji̍, wɛ̀ u̍h iě ìn wɛɛ sà. Dɛ̍nu̍ɛ, nyɔ̍ kli̍hgbɛ̍ jě ɛ̍ wɛ̀ ka àn nu̍-dɛ̍ᵻ slɛ̌-a i̍-ɛ.”

Wlɛfeleseɔn 20:14

Iě mɛ̌ɛ ke mɛ̌-nyɔ̍-a wlɔ̀ poe-ɛ dě pɔ̀nɔ̌ nɛ̍-a pàìbǒ di̍i̍. Pɔ̀nɔ̌ nɛ̍-a pàìbǒ laa̍ bo ɛ̀ nu̍ mɛ̌ɛ-a sɔɔ̌n naɛ.