Pɔ̀n Chɛ̀ Luu To-a La 12:11 - Ku̍o̍ Delee 1999

¹¹ “Pò u̍h gba̍ mɔ̀ dě Juu nyɔ̍-a wɛɛ sà gbò sɔ̀n, àe̍e̍ dǒ kɔ̀mla̍ ke blǔh baaᵻ jǔ-ɛ, nɛ̀ ka mɔ̀-a mu̍-a u̍h-a wlu̍ pùn we̍ sà-a nu̍-ɛ ke dɛ̍ mɔ̀-a mu̍-a bla̍-ɛ, i̍h-a sèò bɔ̌ mɔ̀ nu̍-ɛ.

Pɔ̀n Chɛ̀ Luu To-a La 12:11 Iomraidhean Croise

Matio 23:34

Ɛ̍ tìh-ɛ, ǎn mu̍ Nyɔsoa-a tu̍owli po̍ nyɔ̍ ke di̍i̍-i flɔn nyɔ̍ ke nǎ po̍ nyɔ̍ dě mɔ̀ we̍ dbo̍. Nɛ̀ mɔ̀-a mu̍ duuh dbǎ, mɔ̀ iě duuh dǒ gbàɛ̍ kɛ̍n i̍ tu̍ wlì kɔ̍-ɛ. Nɛ̀ mɔ̀-a mu̍ duuh bla̍ dě mɔ̀-a wɛɛ sà gbòᵻ sɔ̀n i̍, wɛ̀ mɔ̀ iě duuh i̍ nu̍ wlɔ̀ᵻ di̍i̍ i̍.

Matio 6:25

“Ɛ̍ tìh-ɛ, ǎn sèàɛ̍ mɔ̀ wlùh, sèò bɔ̌ mɔ̀ nu̍-ɛ dǒ mɔ̀-a feɛ-a tìh we̍, ɛ̍ ke dɛ̍ mɔ̀-a mu̍-a di̍-ɛ ke, dɛ̍ mɔ̀-a mu̍-a nǎ-ɛ ke dɛ̍ mɔ̀-a mu̍-a dǒ pùn tù-ɛ we̍. Mɔ̀-a feɛ-a chɛ̀ la ɛ̍ se̍ dɛ̍kɛ̍n gbǎ ɛ̍ se̍ di̍-dɛ̍ sìì ae? Iě mɔ̀-a ku̍-a chɛ̀ se̍ dɛ̍kɛ̍n gbǎ ɛ̍ se̍ pùn tù dɛ̍ sìì ke ae?

Matio 6:27

Mɔ̀-a nyɔ̍we̍ bo ɔ̀ bɛ̌ɛ ɔ̍ chɛ̀-a wǐh kɛ̍n poe-ɛ dǒ sèò-a sǔh we̍ ɛ?

Matio 6:28

“Nɛ̀ pùn tù dɛ̍-a sèò se̍ kɔn ɛ̍ iě mɔ̀ nu̍. Mɔ̀ gbɛ̀n pei-a fɔ̀ài̍n la ja̍ mɔ̀ iě ka i̍h-a nu̍-a ku̍-ɛ jě. I̍h-i nu̍ dbo̍, i̍h wɔ̍-ɔ nu̍ jlii̍ dǒ i̍h-a chɛ̀ we̍ ke.

Matio 6:31

“Ɛ̍ tìh-ɛ, di̍-dɛ̍ᵻ ke, nǎ-dɛ̍ᵻ ke pùn tù dɛ̍ᵻá sèò bɔ̌ mɔ̀ nu̍-ɛ.

Matio 6:34

Ɛ̍ tìh-ɛ, klàe̍ weɛ̍-a sèò bɔ̌ mɔ̀ nu̍-ɛ. Dɛ̍nu̍ɛ, klàe̍ weɛ̍-a mu̍ sèò blě dǒ ɛ̍ chɛ̀ we̍. Sɔ nɛ̀ bɔ̌ weɛ̍ jɛ-ɛ, ɛ̍ iě ɛ̍ chɛ̀-a wɔ̍ɔ̍n i̍ bɛ̌ɛ blě.”

Pɔ̀n Chɛ̀ Luu To-a La 12:22

Wɛ̀ Jusu la̍a̍ dě ɔ̍ kòà we̍, “Ɛ̍ tìh-ɛ, ǎn sèàɛ̍ mɔ̀ wlùh, sèò bɔ̌ mɔ̀ nu̍-ɛ dǒ mɔ̀-a feɛ-a tìh we̍, ɛ̍ ke dɛ̍ mɔ̀-a mu̍-a di̍-ɛ ke dɛ̍ mɔ̀-a mu̍-a dǒ pùn tù-ɛ we̍.