Pɔ̀n Chɛ̀ Luu To-a La 11:9 - Ku̍o̍ Delee 1999

⁹ Ǎn sèàɛ̍ mɔ̀ wlùh, mɔ̀ jbǎ dɛ̍, nɛ̀ ɛ̍ mu̍ mɔ̀ kwa̍a̍ gbǎ. Mɔ̀ pɔ̀n dɛ̍ i̍, nɛ̀ mɔ̀-a mu̍ ɛ̍ jě. Mɔ̀ bla̍ gbaba, nɛ̀ ɛ̍ mu̍ pɔ̀ni dǒ mɔ̀ we̍.

Pɔ̀n Chɛ̀ Luu To-a La 11:9 Iomraidhean Croise

Matio 21:22

Pò mɔ̀ blě wlùh gbaɛ wɛ̀ mɔ̀ iě dɛ̍-a tìh i̍ tèle dě ba̍le-ɛ di̍i̍-ɛ, nɛ̀ mɔ̀-a mu̍ ɛ̍ jě.”

Matio 21:31

Nɛ̀ u̍h nɛ-a sɔɔ̌n-ɛ, nyɔ̍ bo ɔ̀ nu̍ ɔ̍ baa-a wlu̍ ɛ?” U̍h la̍a̍, “Klaa naɛ bo ɔ̀ nu̍ ɔ̍ wlu̍.” Wɛ̀ Jusu la̍a̍ dě u̍h we̍, “Bɔ̌ ǐn sèàɛ̍ mɔ̀ tìh-a taǐn wlùh, taa̍sìh sà nyɔ̍ ke kàìà nynɔ̌gbaɔᵻá mu̍ la̍ mɔ̀ jǔ dě Nyɔsoa-a kmɔ̌ wlu̍ i̍ kɔn-ɛ di̍i̍.

Matio 6:29

Jɛ bɔ̌ ǐn sèàɛ̍ mɔ̀ wlùh, Blǔh Baa Sɔlɔma-a chɛ̀ ɔ̀ blě-a pàn-dɛ̍ᵻ kli̍hgbɛ̍-ɛ, ɔ̍ jlii̍ ɔ̍ pa̍-aɛ, i̍h-a jii̍ nmɔ-ɛ se̍ pei la i̍h-a fɔ̀ài̍n due sìì.

Pɔ̀n Chɛ̀ Maɛ To-a La 11:24

Ɛ̍ kɔn ǎn sèàɛ̍ mɔ̀ wlùh, pò mɔ̀ tèle dɛ̍-a tìh i̍ dě ba̍le-ɛ di̍i̍-ɛ, nɛ̀ mɔ̀ gbaɛ ɛ̍ wlùh ka mɔ̀-a mu̍-a ɛ̍ jě-ɛ, nɛ̀ ɛ̍ mu̍ mɔ̀ kwa̍a̍ gbǎ.

Pɔ̀n Chɛ̀ Maɛ To-a La 13:37

Nɛ̀ dɛ̍ ǎn bla̍-a dě mɔ̀ we̍-ɛ, ǎn bla̍ ɛ̍ dě nyɔ̍ kli̍hgbɛ̍ we̍. Na̍a̍, mɔ̀ tù-o jlǐhɛ̍ o.”

Pɔ̀n Chɛ̀ Luu To-a La 11:10

Dɛ̍nu̍ɛ, nyɔ̍ jɔ jbǎ-a dɛ̍-ɛ, nɛ̀ ɛ̍ gbǎ ɔ̍ kwa̍a̍. Nɛ̀ nyɔ̍ ɔ̀ pɔ̀n-a dɛ̍ i̍-ɛ, nɛ̀ ɔ̍ jě ɛ̍. Nɛ̀ nyɔ̍ ɔ̀ bla̍-a gbaba-ɛ, nɛ̀ ɛ̍ mu̍ pɔ̀ni dǒ ɔ̍ we̍.

Chɔɔn 14:13

Nɛ̀ dɛ̍-o-dɛ̍ mɔ̀-a mu̍-a jbǎ dǒ ǎn nynɛ̌ kɛ̍n-ɛ, ǎn mu̍ ɛ̍ nu̍. Wɛ̀ Jǔ iě Baa-a nynɛ̌ i̍ bɛ̌-ɛ.

Chɔɔn 15:16

Mɔ̀ se̍ ǐn chèɛ̀ tba̍, mɔ̍ bo ɔ̀ tba̍ mɔ̀ chèɛ̀ iě ǐn dbo̍ mɔ̀ mɔ̀ iě buǒᵻ ìh se̍-a jii̍ nyni la̍ kɔn-ɛ po̍. Nɛ̀ pò mɔ̀ jbǎ-ɛ Baa dɛ̍ dǒ ǎn nynɛ̌ kɛ̍n-ɛ, nɛ̀ ɔ̍ mu̍ ɛ̍ mɔ̀ nyǐ.

Chɔɔn 15:7

Pò mɔ̀ nɛ dě ǐn ja̍a̍ iě ǎn wlu̍ iě dě mɔ̀ ja̍a̍ nɛ ke-ɛ, nɛ̀ dɛ̍-o-dɛ̍ mɔ̀-a pɔ̀n-aɛ, mɔ̀ jbǎ ɛ̍, nɛ̀ mɔ̀-a mu̍ ɛ̍ jě.

Chɔɔn 4:10

Wɛ̀ Jusu la̍a̍, “Pò ìn juo Nyɔsoa-a nyǐ-dɛ̍ de wɛ̀ ìè nyɔ̍ ɔ̀ jbǎ-ɛa ìn nǐ-ɛ juo ke de-ɛ, nɛ̀ àn mu̍ ɔ̍ i̍ tèle wɛ̀ ɔ̍ iě ìn nǐ ɛ̀ nyǐ-a nyɔ̍ feɛ-ɛ nyǐ de.”

Wloma 2:7

Nyɔ̍ duuh-a pɔ̀n Nyɔsoa iě u̍h tìh-a i̍ bɛ̌-ɛ ke, ja̍ tè-ɛ ke nɛ̀ mɛ̌ feɛ nyǐ, ɛ̍ kɔn u̍h-a gba̍ dɛ̍ chɛ̀ nu̍-ɛ dluwe̍ i̍. U̍h bo Nyɔsoa-a mu̍ kmɔ̌ sie feɛ nyǐ.

2 Kɔwlɛntiɔn 6:2

Nyɔsoa la̍a̍, “Ti̍ nyni̍-a iě-a ìn we̍ gbǎ-ɛ, ǐn wɔ̌n àn wlu̍ i̍. Weɛ̍ iě-a ìn pǔh-iɛ, ǐn gbǎ ìn we̍.” Ti̍ nyni̍ wɛ̀ kaka dǒ Nyɔsoa-a nyɔ̍ we̍ gbǎ la̍. Kaka bo ɛ̀ nu̍ sèàn weɛ̍ dǒ nyɔ̍-a pǔh-ɛ we̍.

Iblu 11:6

Nyɔ̍ se̍ wlùh gbaɛ blě-ɛ nɛ̀ ɔ̍ se̍ Nyɔsoa-a wlùh i̍ tè-eɛ bɛ̌ɛ. Nyɔ̍ jɔ ji̍-a Nyɔsoa we̍-ɛ, nɛ̀ ɔ̍ kɔn ɔ̍ iě ɛ̍ tìh chɛ̀ po̍ ka Nyɔsoa nɛ-a kmɔ̌ iě nyɔ̍ ùh-a pɔ̀n-a ɔ̍ kwlǐh i̍-ɛ, ɔ̍ nyǐ-a u̍h dɛ̍-ɛ.

Iblu 4:16

Ka ɛ̍ nɛ-a ka-ɛ, mɔ̀ à ku̍ di̍i̍ i̍ à iě Nyɔsoa ɔ̀ nɛ-a blɛ-ɛ, ɔ̍ nynɛ̌ gbalǎ wlì mu̍. Wɛ̀ ɔ̍ iě à wɔɛ jě ɔ̍ iě blɛ nɛ dǒ à we̍, wɛ̀ ɛ̍ iě à we̍ gbǎ pò à nɛ we̍ gbǎ ka̍-ɛ.

Chiin 1:5

Pò mɔ̀-a nyɔ̍ se̍ flɔ̍nwlùh blě-ɛ, nɛ̀ ɔ̍ tèle Nyɔsoa i̍, nɛ̀ ɔ̍ mu̍ ɛ̍ ɔ̍ nyǐ. Nyɔsoa bo ɔ̀ kɔn nyɔ̍ dɛ̍ nyǐ-ɛ pe̍ɛ kɛ̍n i̍. Ɔ̍ nyǐ nyɔ̍ kli̍hgbɛ̍ dɛ̍ blɛ ka.

Chiin 5:15

Nɛ̀ wlu̍ u̍h-a mu̍-aa ba̍le dě wlùh gbaɛ di̍i̍-ɛ, ɛ̍ bo ɛ̀ mu̍ poa-nyɔ̍ laa̍ pǔh-i, wɛ̀ Joi iě ɔ̍ bloɔ̍-ɔ sà. Nɛ̀ pò ɔ̍ nu̍ gblɛ̍n sɔ̀ɛ̀n-ɛ, nɛ̀ i̍h-a tìh-a mu̍ i̍ tǎli-ɛ.

1 Chɔɔn 3:22

À jbǎ-ɛ ɔ̍ dɛ̍ jɛ-ɛ, nɛ̀ à jě ɛ̍-ɛ, dɛ̍nu̍ɛ, à tè-o ɔ̍ telě i̍, iě à nu̍ dɛ̍ ɛ̀ tè-ea ɔ̍ wlùh i̍-ɛ.

Wlɛfeleseɔn 2:24

“Jɛ mɔ̀ɔ̍ juh sie-a dě Taɛtawla-ɛ, mɔ̀ se̍ dǒ nynɔ̌ la ɔ̍ nǎ po̍ wlu̍ de̍e̍ gbǎ. Mɔ̀ se̍ ìh u̍h-a dǎɛ-a Setɔn-a sìle dɛ̍ᵻɛ́ we̍ i̍ ju̍o̍e. Ɛ̍ kɔn na̍ ǐn se̍ mɔ̀ slùgbɛ̀ dɛɛ kleǐ po̍ mu̍ dɛ.