Pɔ̀n Chɛ̀ Luu To-a La 11:4 - Ku̍o̍ Delee 1999

⁴ Tǎli à gblɛ̍n sɔ̀ɛ̀n-a tìh i̍, ka à nu̍-a gblɛ̍n sɔ̀ɛ̀n nyɔ̍ kli̍hgbɛ̍ nu̍-a à pùn-ɛ i̍ tǎli-ɛ. Bɔ̌ à blu̍ja̍a̍ gbǎ tìh i̍ wɔ̌ɛn.’ ”

Pɔ̀n Chɛ̀ Luu To-a La 11:4 Iomraidhean Croise

Matio 18:35

“Ɛ̍ tìh-ɛ, mɔ̀-a nyɔ̍ jɔ se̍-a ɔ̍ ba̍-a dɛ̍ sɔ̀n-a tìh i̍ tǎli mu̍ dě ɔ̍ wlùh di̍i̍-ɛ, nɛ̀ ǐn Baa nɛ-a dě ja̍i̍wlɔ̀-ɛ, kǎ ɔ̍ mu̍ ɔ̍ tìh nu̍ ke.”

Matio 26:41

Mɔ̀ tù ba̍le-ɛ jlǐhɛ̍, wɛ̀ mɔ̀-ɔ je̍e blu̍ja̍a̍ gbǎ. Mɔ̀-a pɔ̀n i̍ slɛ̌ dɛ̍ nu̍-ɛ i̍ de, jɛ mɔ̀ se̍ ɛ̍ we̍ gbǐh blě.”

Pɔ̀n Chɛ̀ Luu To-a La 11:5

Wɛ̀ Jusu la̍a̍ dě u̍h we̍, “Pò mɔ̀-a nyɔ̍ blě ba̍ wɛ̀ ɔ̍ iě dě ɔ̍ we̍ mu̍ tòloo, ɔ̍ iě ka nu̍, ‘Ǐn ba̍, po̍ ǐn blèe̍ gba̍nᵻ ta̍a̍n-a gba̍-a lě.

Pɔ̀n Chɛ̀ Luu To-a La 13:4

Nɛ̀ nyɔ̍-a pùè jɔ̌ mɛ̀ta̍a̍n ùh gbàsla gbǎ-a kɛ̍n dǒ Sailowɔun wlɔ̀ di̍i̍ wɛ̀ u̍h mɛ̌-aɛ, mɔ̀ jajeɛ̍ u̍h bo ùh nu̍ gblɛ̍n sɔ̀ɛ̀n nyɔ̍-a ìèke̍e̍ dǒ nyɔ̍ ùh tǐn-a dǒ Juluslɛn-ɛ kɛ̍n de ae?

Pɔ̀n Chɛ̀ Luu To-a La 22:46

Wɛ̀ ɔ̍ la̍a̍ dě u̍h we̍, “Dɛ̍nu̍ mɔ̀-a mɔ̌ ɛ? Mɔ̀ sɔ bloɔ̍ mɔ̀ iě ba̍le, wɛ̀ mɔ̀-ɔ je̍e blu̍ja̍a̍ gbǎ.”

Pɔ̀n Chɛ̀ Luu To-a La 8:13

Jih gbǎ-a dǒ sɔɔ̌ paɔ kɛ̍n-ɛ, i̍h bo ìh wɔ̀ nyɔ̍ ùh wɔ̌n-a Nyɔsoa-a wlu̍ iě u̍h gbɛ̍n-a ɛ̍ i̍ dǒ mɔna̍ we̍-ɛ. Jɛ ɛ̍ se̍ sɛ̌n po̍ dě u̍h ku̍sɔ̀n. Ɛ̍ kɔn u̍h blě wlùh gbaɛ dǒ ti̍ gbɔ̀ di̍i̍. Jɛ nyɔ̍ i̍ tɛ̀n-ɛ ji̍-aɛ, iě u̍h ple̍.

Chɔɔn 17:15

Ǐn se̍ ba̍le ìè u̍h nɔ̌ kmɔ̌ we̍ sà, jɛ ǎn ba̍le-e ìè u̍h kɛ̍n kaɛn u̍h iě Nyɔ̍ Sɔ̀n we̍ i̍ ti̍ɛ̍ɛn.

1 Kɔwlɛntiɔn 10:13

Nyɔ̍ blu̍ja̍a̍ po̍-ɛ ɛ̀ ji̍-a nyɔ̍ kli̍hgbɛ̍ we̍-ɛ, ɛ̍ ba̍ bo ɛ̀ ji̍ mɔ̀ we̍ ke. Jɛ Nyɔsoa-a gblìh wlu̍ kɛ̍n. Nyɔ̍ i̍ tɛ̀n-ɛ ɛ̀ mu̍-a mɔ̀ klà sà-ɛ, ɔ̍ se̍ wɔ̌n mu̍ ɛ̍ iě mɔ̀ we̍ ji̍. Jɛ pò ɛ̍ ji̍ mɔ̀ we̍-ɛ, ɔ̍ mu̍ ɛ̍ nu̍ mɔ̀ iě-e klì i̍ ku̍, wɛ̀ mɔ̀ iě ɛ̍ wɔ̍i̍n wa̍n.

Kalase 3:13

Mɔ̀ bɔ̌ feǎn wlì we̍ kɔn-ɛɛ, mɔ̀ iě gblɛ̍n sɔ̀ɛ̀n-a tìh we̍ i̍ tǎli-ɛ. Pò jɔ kɔn ba̍ nu̍ ɔ̍ dɛ̍ pùn-ɛ, ɛ̀ kɔn ba̍ Joi nu̍-a mɔ̀-a gblɛ̍n sɔ̀ɛ̀n-a tìh i̍ tǎli-ɛɛ, kǎ mɔ̀ iě nu̍ ke dǒ mɔ̀ ba̍ᵻ we̍.

2 Tɛsoloniɔn 3:3

Jɛ Joi-i gblìh wlu̍ kɛ̍n, ɔ̍ mu̍ mɔ̀ gbǐh nyǐ wɛ̀ ɔ̍ iě mɔ̀ kɛ̍n kaɛn dǒ Nyɔ̍ Sɔ̀n we̍.

2 Timote 4:18

Joi-a mu̍ ǐn dɛ̍ᵻ sɔ̀nᵻ kli̍hgbɛ̍ wɔ̍i̍n sèìe, wɛ̀ ɔ̍ iě ǐn dě ɔ̍ wlu̍ i̍ kɔn kmɔ̌ nɛ-a dě ja̍i̍wlɔ̀-ɛ di̍i̍ gba̍ pɛlɛpɛ. Dǒ ɔ̍ we̍ tìh-a i̍ bɛ̌-ɛ kɔn nɔ̌ kmɔ̌-a kmɔ̌. Kǎ ɛ̍-ɛ nɛ.

Chiin 2:13

Dɛ̍nu̍ɛ, ti̍ sàwi̍h-a mu̍-a sì-ɛ dǒ Nyɔsoa jǔ-ɛ, nɛ̀ ɔ̍ se̍ nyɔ̍ se̍-a wɔɛ kɔn-ɛ wɔɛ jě mu̍. Jɛ wɔɛ jǎ dǒ sàwi̍h dlǔ.

Wlɛfeleseɔn 2:10

Mɔ̀ bɔ̌ faɔn ple̍-ɛ dǒ jih kɔn jua̍i̍ mɔ̀-a ji̍-a sàɛ̀ la̍-a we̍. Kǔ-a mu̍ mɔ̀-a nyɔ̍ duuh kasoo po̍ wɛ̀ mɔ̀-a wlùh gbaɛ iě i̍ tɛ̀n-ɛ. Wɛ̀ mɔ̀ iě klě jě dǒ wǐh pùè di̍i̍. Pò ɛ̍ jɛ ja mɔ̀ dbǎ mu̍-ɛ, mɔ̀ blě wlùh gbaɛ, nɛ̀ ǎn mu̍ mɔ̀ feɛ-a blawɛ̌ tèè.

Wlɛfeleseɔn 3:10

Ǎn mu̍ mɔ̀ kɛ̍n kaɛn dǒ jua̍i̍ sàɛ̀ ɛ̀ mu̍-a kmɔ̌ kli̍hgbɛ̍ la we̍ ji̍ ɛ̀ iě-a nyɔ̍ kli̍hgbɛ̍ nɛ-a nɔ̌ blǔh la kɛ̍n-ɛ tɛ̀n-ɛ we̍. Dɛ̍nu̍ɛ, mɔ̀ nu̍ ǎn wlu̍ dǒ mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ di̍i̍.