Pɔ̀n Chɛ̀ Luu To-a La 11:2 - Ku̍o̍ Delee 1999

² Wɛ̀ Jusu la̍a̍ dě u̍h we̍, “Pò mɔ̀ ja ba̍le-ɛ, nɛ̀ mɔ̀ la̍a̍, ‘Baa, àn nynɛ̌ bo nyɔ̍ iě ja̍ tè. Àn kmɔ̌ wlu̍ i̍ kɔn-ɛ iě ji̍.

Pɔ̀n Chɛ̀ Luu To-a La 11:2 Iomraidhean Croise

Matio 10:32

Ɔ̍ la̍a̍, “Nyɔ̍ jɔ ɔ̀ mu̍-a jlǔh nyna wɛ̀ ɔ̀ iě-a ǎn tìh i̍ wɔ̌ɛn-ɛ, nɛ̀ ǎn mu̍ jlǔh nyna ke dǒ ǐn Baa nɛ-a dě ja̍i̍wlɔ̀-ɛ jǔ, wɛ̀ iě ɔ̍ tìh i̍ wɔ̌ɛn ke.

Matio 3:2

Ɔ̍ la̍a̍, “Mɔ̀ bǐi i̍, mɔ̀ iě gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Matio 5:16

Ɛ̍ tìh-ɛ, mɔ̀-a sɔ̀npli bo ɛ̀ iě fa̍n dǒ nyɔ̍gbei we̍, nɛ̀ mɔ̀-a nu̍-dɛ̍ᵻ chɛ̀ bo u̍h-a mu̍ jě sasǎ, wɛ̀ u̍h iě mɔ̀ Baa Nyɔsoa nɛ-a dě ja̍i̍wlɔ̀-ɛ tìhwe̍ po̍.”

Pɔ̀n Chɛ̀ Luu To-a La 11:1

Dǒ weɛ̍ due di̍i̍ Jusu wɔ̀-a ba̍le-ɛ, iě ɔ̍ kòà-a due la̍a̍ dě ɔ̍ we̍, “Joi, toe àɔ̀ ba̍le-ɛ, ka Chɔɔn nu̍-a ɔ̍ kòà ba̍le-ɛ toe-ɛ.”

Wloma 1:7

Chlǐh-dɛ̍ la ɛ̍ ji̍ mɔ̀ɔ̍ Nyɔsoa-a tìh kma nyɔ̍ kli̍hgbɛ̍ nɛ-a dǒ Wlom wlɔ̀ di̍i̍-ɛ we̍, mɔ̀ɔ̍ ɔ̍ dǎ-a mɔ̀ iě-a ɔ̍ chɛ̀-a nyɔ̍ nu̍-ɛ. Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Wloma 8:15

Dɛ̍nu̍ɛ, Sùù ɛ̀ mɔ̀ jě-aɛ, ɛ̍ se̍ mɔ̀ kèi̍ᵻ we̍i̍ nu̍ la̍ ji̍ dode̍ mɔ̀ iě faɔn ple̍. Jɛ mɔ̀ jě ɛ̍-ɛ, ɛ̍ iě mɔ̀ Nyɔsoa-a nynuu̍ we̍i̍ nu̍, wɛ̀ à iě Nyɔsoa à Baa dǎɛ.

1 Kɔwlɛntiɔn 1:3

Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

2 Kɔwlɛntiɔn 1:2

Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Kelesea 1:4

Jusu sà ɔ̍ chɛ̀ kwlǎ à gblɛ̍n sɔ̀ɛ̀n-a tìh, wɛ̀ ɔ̍ iě à dě dɛ̍ᵻ sɔ̀nᵻ nu̍ kmɔ̌ la di̍i̍ sèìe dě à Baa Nyɔsoa-a wlùh-a i̍ pɛ̌n-ɛ di̍i̍.

Ɛfɛsɔ 1:2

Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Felepai 1:2

Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Felepai 4:20

Dǒ à Baa Nyɔsoa we̍ bo tìh-a i̍ bɛ̌-ɛ iě kɔn nɔ̌ kmɔ̌-a kmɔ̌. Kǎ ɛ̍-ɛ nɛ.

Kalase 1:2

Ɛ̍ mu̍ dě Nyɔsoa nyɔ̍ ùh nu̍-a à de̍di̍i̍ᵻ ùh gbaɛ-a Klai wlùh dǒ Kalase wlɔ̀ di̍i̍-ɛ we̍. Ǎn sà nǐ wɔ̍n, à Baa Nyɔsoa-a blɛ ke ɔ̍ wlùh-a i̍ tè-ɛ iě dǒ mɔ̀ we̍ nɛ.

1 Tɛsoloniɔn 1:1

Mɔ̍ Pɔɔ ke Sale ke Timote ke, nɔ̌ à we̍ bo chlǐh-dɛ̍ la ɛ̍ sɔ-ɔ. Ɛ̍ mu̍ chɔchi̍h nyɔ̍ nɛ-a dǒ Tɛsolonaika wlɔ̀ di̍i̍-ɛ we̍, ùh nɛ-a dě à Baa Nyɔsoa ke Joi Jusu Klai ja̍a̍-ɛ. Ǎn sà nǐ wɔ̍n Nyɔsoa iě mɔ̀ blɛ ke wlùh-a i̍ tè-ɛ nyǐ.

1 Tɛsoloniɔn 1:3

Mɔ̀-a wlùh gbaɛ ɛ̀ blě-a nu̍-dɛ̍ᵻ ke jbɛɛ ɛ̀ nɛ-a kmu-u dbo̍ de̍e̍-ɛ, ɛ̍ ke mɔ̀-a à Joi Jusu Klai wlì tè-ɛ ɛ̀ ku̍-ae klì i̍-ɛ, pò à nɛ dǒ à Baa Nyɔsoa jǔ-ɛ, nɛ̀ à nu̍ i̍h wlùh we̍.

2 Tɛsoloniɔn 2:16

Ǎn sà nǐ wɔ̍n, à Joi Jusu Klai-a chɛ̀ ke à Baa Nyɔsoa ɔ̀ jbɛɛ àɔ̀, wɛ̀ ɔ̀ nyǐ-a à kmɔ̌ sie wlì i̍ bɛ̌-ɛ ke wlì tè dɛ̍ chɛ̀ dě ɔ̍ blɛ nɛ-ɛ di̍i̍-ɛ,

Wlɛfeleseɔn 11:15

Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”

Wlɛfeleseɔn 15:4

Joi, nyɔ̍ kli̍hgbɛ̍-a mu̍ ìn ja̍ tè, u̍h iě àn nynɛ̌ i̍ bɛ̌-ɛ. Dɛ̍nu̍ɛ, ìn nɛ due bo ɔ̀ wɛ̀ nɛi̍. Bloa̍ kli̍hgbɛ̍-a mu̍ ji̍, wɛ̀ u̍h iě ìn wɛɛ sà. Dɛ̍nu̍ɛ, nyɔ̍ kli̍hgbɛ̍ jě ɛ̍ wɛ̀ ka àn nu̍-dɛ̍ᵻ slɛ̌-a i̍-ɛ.”

Wlɛfeleseɔn 19:6

Wɛ̀ ǐn wɔ̌n slɛ̀ ka nyɔ̍ tlùgbei̍-a wlu̍-ɛ. Slɛ̀-a chɛ̀ ke nǐ-a klu̍h-ɛ ke tɛ̀n-a plǎn-a mu̍i we̍. Slɛ̀-a chɛ̀ la̍a̍, “Mɔ̀ po̍ Nyɔsoa tìhwe̍, à Joi Nyɔsoa Ɔ̀ Blě-a Gbǐh Kli̍hgbɛ̍-ɛ, ɔ̍ nu̍ Blǔh Baa.

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.