Pɔ̀n Chɛ̀ Luu To-a La 10:21 - Ku̍o̍ Delee 1999

²¹ Dǒ ti̍ laa̍ di̍i̍-ɛ, nɛ̀ Jusu nmɔ-ɛ dě Nyɔsoa-a Sùù di̍i̍. Wɛ̀ ɔ̍ la̍a̍, “Baa, mɔ̀ ɔ̀ nu̍-a bloa̍ ke ja̍u̍n-a Joi-ɛ, ǐn po̍ ìn tlɔ̌. Dɛ̍nu̍ɛ, dɛ̍ᵻ ìn sìle-a flɔ̍nwlùh kɔn nyɔ̍ ke dɛ̍ juo nyɔ̍ jii̍-ɛ, i̍h bo ìn toe ka plǒai nyɔ̍. I̍i̍n, Baa, àn gbǐh po̍ dɛ̍ bo.

Pɔ̀n Chɛ̀ Luu To-a La 10:21 Iomraidhean Croise

Matio 16:17

Wɛ̀ Jusu la̍a̍, “Jona-a jǔ Samo, ìn nmɔ i̍, dɛ̍nu̍ɛ, ɛ̍ se̍ wlɔ̀ nyi̍ɔ̍ ùh se̍ ìn nǎ po̍ dǒ tìh-a taǐn la we̍. Jɛ ǐn Baa nɛ-a dě ja̍i̍wlɔ̀-ɛ bo ɔ̀ toe ìn ìh la.

Matio 21:16

Wɛ̀ u̍h tèle Jusu i̍, u̍h la̍a̍, “Dɛ̍ nynuu̍plìh la u̍h-a bla̍-aɛ, àn wɔ̌n i̍h ae?” Ɔ̍ la̍a̍, “I̍i̍n. Mɔ̀-ɔ se̍-a Nyɔsoa-a wlu̍ la slè sàì ae? Ɛ̍ la̍a̍, ‘Àn sà nynuu̍plìh ke nynuu̍pli wlu̍ di̍i̍ iě u̍h-a po̍ ìn tìhwe̍.’ ”

Matio 3:7

Jɛ Chɔɔn jě Fɛlesii nyɔ̍ ke Sadiusii nyɔ̍ dɔu-a ji̍ dǒ ɔ̍ we̍ u̍h iě nǐ dlǔ po̍. Wɛ̀ ɔ̍ la̍a̍ dě u̍h we̍, “Mɔ̀ na̍a̍ mɔ̀ flɔn di̍i̍ i̍ kǎ mɔ̀ dǎ. Nyɔ̍ kàn gbɛ̍n-ɛ ɛ̀ Nyɔsoa-a mu̍-a dbo̍-ɛ, mɔ̀ jajeɛ̍ mɔ̀-a mu̍ ɛ̍ i̍ pǔh de ae?

Pɔ̀n Chɛ̀ Maɛ To-a La 10:15

Bɔ̌ ǐn sèàɛ̍ mɔ̀ tìh-a taǐn wlùh, nyɔ̍ jɔ se̍-a Nyɔsoa-a kmɔ̌ wlu̍ i̍ kɔn-ɛa tìh i̍ gbɛ̍n mu̍ ka jǔwɛ-ɛ, nɛ̀ ɔ̍ se̍-e i̍ sǐ mu̍.”

Pɔ̀n Chɛ̀ Luu To-a La 15:5

Pò ɔ̍ jě ɛ̍-ɛ, nɛ̀ ɔ̍ se̍ ɛ̍ wlè i̍ po̍ mu̍ ɔ̍ iě nmɔ ae?

Pɔ̀n Chɛ̀ Luu To-a La 15:9

Pò ɔ̍ jě ɛ̍-ɛ, nɛ̀ ɔ̍ mu̍ ɔ̍ ba̍ᵻ ke nyɔ̍ nɛ-a dǒ gbò wɔ̍ɔ̍n-ɛ dǎ. Nɛ̀ ɔ̍ mu̍ ka dǎ dě u̍h we̍, ‘Mɔ̀ gbǎ ǐn we̍ à iě nmɔ, dɛ̍nu̍ɛ, ǎn sebla̍ wliɛ̍ ɛ̀ mǎ-a de-ɛ, ǐn jě ɛ̍ wɛ̀.’

Chɔɔn 11:41

Wɛ̀ u̍h sà-o sɔɔ̌ laa̍. Iě ɔ̍ gbɛ̀n dě ja̍i̍, wɛ̀ ɔ̍ la̍a̍, “Baa, ǐn po̍ ìn tlɔ̌ ka àn dounᵻá nɛ-a nɔ̌ ǐn we̍-ɛ.

2 Kɔwlɛntiɔn 4:3

Pò pɔ̀n chɛ̀ à bla̍-aɛ, nyɔ̍ se̍ ɛ̍-ɛ i̍ wɔ̌n-ɛ, nɛ̀ nyɔ̍ ùh-u pǔh-aɛ bo ùh se̍ ɛ̍-ɛ i̍ wɔ̌n.

Ɛfɛsɔ 1:11

Dɛ̍ᵻ kli̍hgbɛ̍ ìh kɔn di̍i̍chì Nyɔsoa chɛ̍n-aɛ, i̍h bo ìh-a nɛ. À ke Klai ke à nɛ due, ɛ̍ kɔn ɔ̍ tba̍ àɔ̀ chèɛ̀ à iě ɔ̍ nyɔ̍ nu̍. Ɛ̍ bo ɔ̍ po̍ gbɔ̀ se̍e̍, iě ɛ̍ tè-e ɔ̍ wlùh i̍.

Ɛfɛsɔ 1:5

ɛ̀ nu̍ ɛ̍ iě ɔ̍ po̍ ɛ̍ gbɔ̀ se̍e̍ ɔ̍ iě à ɔ̍ nynuu̍ we̍i̍ nu̍ dě Klai ja̍a̍. Ɛ̍ bo ɛ̀ nu̍ ɔ̍ wlùh-a kɛ̍n i̍ wɔ̌ɛn dɛ̍.