Pɔ̀n Chɛ̀ Luu To-a La 10:2 - Ku̍o̍ Delee 1999

² Iě ɔ̍ la̍a̍ dě u̍h we̍, “Klèᵻ la i̍h tìè i̍, jɛ i̍h-a chɛ̍n-nyɔ̍ se̍ i̍ tìè. Ɛ̍ tìh-ɛ, mɔ̀ wlu dě klè joi we̍ ɔ̍ iě kɔɔ chɛ̍n-nyɔ̍ dɔu nɔ̌ klè la dbo̍.

Pɔ̀n Chɛ̀ Luu To-a La 10:2 Iomraidhean Croise

Matio 20:1

Jusu la̍a̍, “Nyɔsoa-a kmɔ̌ wlu̍ i̍ kɔn-ɛ ke nɛnǎ la wɔ̀ɛ. Jɔ̍gbau due bo ɔ̀ tlùìn ɔ̀ sɔ bloɔ̍ klàɛ̍we̍. Wɛ̀ ɔ̍ sǐ sɔ̀n ɔ̍ iě nyɔ̍-ɔ dǔ u̍h iě dě ɔ̍ blǐ klè dbo̍ nui.

Pɔ̀n Chɛ̀ Maɛ To-a La 13:34

Ɛ̍ wɔ̀ jɔ̍gbau due-a dihwa̍a̍ mu̍-ɛ. Ɔ̍ wɔ̌an mu̍-u tìh-ɛ, wɛ̀ ɔ̍ si̍e̍ gbò dě ɔ̍ pòi̍nynuu̍ kwa̍a̍, iě ɔ̍ gblè u̍h dbo̍ jii̍. Wɛ̀ ɔ̍ sèàɛ̍ gbò jlǐhɛ̍ tù nyɔ̍ wlùh ɔ̍ iě ɛ̍ jlǐhɛ̍ tù.

Pɔ̀n Chɛ̀ Maɛ To-a La 16:15

Wɛ̀ ɔ̍ la̍a̍ dě u̍h we̍, “Mɔ̀ mu̍, mɔ̀ ple̍ kmɔ̌ la we̍, mɔ̀ iě pɔ̀n chɛ̀ la ɛ̍ tìh we̍i̍ bla̍ dě nyɔ̍ kli̍hgbɛ̍ we̍.

Pɔ̀n Chɛ̀ Maɛ To-a La 16:20

Wɛ̀ u̍h mu̍ tà kli̍hgbɛ̍ u̍h-a bla̍ Nyɔsoa tìh. Nɛ̀ kǎ Joi-a po̍ u̍h sɔ̍n we̍ dǒ jbaɛdih po̍ la̍, wɛ̀ u̍h-a bla̍-a tìh iě gbɔ̀ i̍ ku̍.]

Pɔ̀n Chɛ̀ Luu To-a La 9:1

Jusu dǎ ɔ̍ kòà-a pùè jɔ̌ sɔɔ̌n laa̍ iě ɔ̍ po̍ u̍h tàdùè. Wɛ̀ ɔ̍ nyǐ u̍h gbǐh, iě ɔ̍ nyǐ u̍h tùn u̍h iě nyɔ̍ jeědih kaɛn kaɛn kli̍hgbɛ̍ de̍e̍ i̍ sà u̍h iě nyɔ̍ɔ-a wɛ̌ᵻ bɔ̌-ɛ.

Nu̍-dɛ̍ᵻ 11:19

Klě jě-ɛ ɛ̀ dbǎ-a Slifɛn-ɛ, Nyɔsoa nyɔ̍ ùh gbà-a ja̍i̍ dǒ ɛ̍ ti̍ laa̍ we̍-ɛ, u̍h-a duuh mu̍ dě Fɔnisia blǔh ke, Saiplɔ blǔh ke dǒ Antiɔ wlɔ̀ di̍i̍. Jɛ nɛ̀ dě Juu nyɔ̍ nɛ due we̍ bo u̍h-a po̍-e Nyɔsoa-a tu̍owli.

Nu̍-dɛ̍ᵻ 13:2

U̍h nɛ dǒ Joi wɛɛ sà la̍ u̍h-a po̍ jlǔh, wɛ̀ Nyɔsoa-a Sùù la̍a̍ dě u̍h we̍, “Mɔ̀ tè-e Banaba ke Sɔɔ pɔ̌ dǒ ǐn we̍, dbo̍ kɔn tìh ǐn dǎ-a u̍h-ɛ, u̍h iě ɛ̍ nu̍.”

Nu̍-dɛ̍ᵻ 13:4

U̍h nɛ-a sɔɔ̌n-ɛ bo Nyɔsoa-a Sùù dbo̍, iě u̍h mu̍ dǒ Salusia wlɔ̀ di̍i̍. Dǒ u̍h gbǎ-ɛ blǎgbè di̍i̍, wɛ̀ u̍h mu̍ dǒ tbǒ ɛ̀ kɔn nynɛ̌ nu̍-a Saiplɔ-ɛ kɛ̍n.

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

Nu̍-dɛ̍ᵻ 22:21

Wɛ̀ Joi la̍a̍, ‘Mu̍, dɛ̍nu̍ɛ, ǎn mu̍ ìn tà tɔ̀ɔ̀n dbo̍ dě ùh se̍-a Juu nyɔ̍-ɛ we̍.’ ”

Nu̍-dɛ̍ᵻ 8:4

Nyɔ̍ ùh gbà-a ja̍i̍-ɛ, ìh u̍h mu̍-a i̍-ɛ, nɛ̀ kǎ u̍h-a bla̍ Nyɔsoa-a tìh ke sǔh.

1 Kɔwlɛntiɔn 12:28

Nyɔsoa tba̍ Klai-a gba̍tòà chèɛ̀ dě chɔchi̍h, iě ɔ̍ tba̍ ɔ̍ tu̍owli po̍ nyɔ̍ chèɛ̀. Wɛ̀ ɔ̍ tba̍ nǎ po̍ nyɔ̍ chèɛ̀, iě ɔ̍ tba̍ jbaɛdih po̍ nyɔ̍ chèɛ̀. Wɛ̀ ɔ̍ tba̍ nyɔ̍ pǔh-i nyɔ̍ ke, nyɔ̍ we̍ gbǎ nyɔ̍ ke, dɛ̍ᵻ we̍ i̍ gbɛ̀n nyɔ̍ ke, wlu̍ diih po̍ nyɔ̍ chèɛ̀.

1 Kɔwlɛntiɔn 15:10

Jɛ Nyɔsoa-a blɛ bo ɛ̀ nu̍ ɛ̍ wɛ̀ ǐn nɛ ka ǐn nɛ-a ka-ɛ. Sɔ ɔ̍ blɛ ɔ̍ nɛ-a dǒ ǐn we̍-ɛ, ɛ̍ se̍ bu̍ɛ̍i̍ nu̍. Iěe, ǐn nu̍ dbo̍ kaa̍ ɛ̍ sìì gba̍tòà kli̍hgbɛ̍. Ɛ̍ se̍ ǎn chɛ̀ ɔ̀ se̍ dbo̍ nu̍, jɛ Nyɔsoa-a blɛ ɔ̍ nɛ-a dǒ ǐn we̍-ɛ bo ɛ̀ nu̍ ɛ̍.

2 Kɔwlɛntiɔn 6:1

Ka à nu̍-a Nyɔsoa-a pòi̍nynuu̍-ɛ, nɛ̀ à ba̍le mɔ̀ɔ̍ ùh jě-a ɔ̍ blɛ-ɛ, mɔ̀ɔ̍ je̍e ɛ̍-ɛ gbɔ̀lɔ.

Felepai 2:21

Jɛ juh kli̍hgbɛ̍ sie-a dǒ de̍-ɛ, u̍h-a sì u̍h-a chɛ̀-a tìh sǔh, u̍h se̍ Jusu Klai-a tìh sì.

Felepai 2:25

Ǐn naɛ-a ɛ̍ wlùh i̍-ɛ, ɛ̍ blaɛ i̍ iě à de̍di̍i̍ Ipaflodaitɔ dě mɔ̀ we̍ dbo̍ ke. Ɔ̍ bo ɔ̀ nu̍ dbo̍ iě ɔ̍ fɔ̀n dɛ̍ we̍ ke dǒ ǐn gbèɛ̀n kɛ̍n. Iě mɔ̀ dbo̍ ɔ̍ ɔ̍ iě ǐn sɔ̀nᵻ we̍ i̍ naɛ dɛ ke.

Felepai 2:30

Dɛ̍nu̍ɛ, ɔ̍ tè ɔ̍ feɛ tɔ̀ma̍a̍ ɔ̍ iě ǐn we̍ gbǎ, iě ɔ̍ tɛ̌blɛ mɛ̌-ɛ Klai-a dbo̍ nu̍ tìh. Wɛ̀ ka mɔ̀ se̍-a ǐn we̍ gbǎ-a nu̍-ɛ bɛ̌ɛ-ɛ, iě ɔ̍ nu̍ la̍a̍n ǐn we̍ gbǎ-a.

Kalase 1:29

Ɛ̍ kɔn ǐn nu̍ dbo̍, iě ǐn po̍ gbɔ̍igbɔ̍ dǒ ǎn kmu-gbǐh ìh Klai po̍-a dě ǐn ku̍u̍-ɛ we̍.

Kalase 4:12

Ipafla ɔ̀ nu̍-a mɔ̀-a chɛ̀-a nyɔ̍ due ɔ̀ nu̍-a Jusu Klai-a pòi̍ju-ɛ, ɔ̍ la̍ ɔ̍ sà mɔ̀ nyinɔ̍ i̍. Ɔ̍ po̍-e gbǐh, ɔ̍ ba̍le Nyɔsoa dǒ mɔ̀-a tàà te̍e̍ ɔ̍ iě mɔ̀ i̍ kui. Wɛ̀ mɔ̀ iě Nyɔsoa-a wlùh dɛ̍ᵻ kli̍hgbɛ̍ juo, iě mɔ̀ iě ɛ̍ nu̍ te̍kle̍e̍.

1 Tɛsoloniɔn 2:9

À de̍di̍i̍ᵻ, mɔ̀ bɛ̌ɛ mɔ̀ iě wlùh nu̍, ti̍ à nɛ-a dě mɔ̀ we̍-ɛ, nɛ̀ à nu̍ kmu-u dbo̍ iě à sàɛ̀ jua̍i̍ wlù ke sɔ̀n, wɛ̀ à-a je̍e nyɔ̍-o-nyɔ̍ wɔ̍ɔ̍n i̍ bɛ̌ɛ dǒ à Nyɔsoa-a pɔ̀n chɛ̀ bla̍-a we̍.

1 Tɛsoloniɔn 5:12

À de̍di̍i̍ᵻ, nyɔ̍ ùh nu̍-a mɔ̀-a dlǔtuᵻ dě Joi ja̍a̍ iě u̍h-a nu̍-a dbo̍ dě mɔ̀ nynɛ̌, wɛ̀ u̍h-a po̍-a mɔ̀ slɛ̌ chèɛ̀ i̍-ɛ, à gbɛ̍n mɔ̀-a bu̍hᵻ i̍ mɔ̀ iě u̍h dɛ̍ɛ̍ jě.

2 Tɛsoloniɔn 3:1

Ɛ̀ bɔ̌ɛ-aoɛ, à de̍di̍i̍ᵻ, mɔ̀ ba̍le dǒ à tàà wɛ̀ Joi-a wlu̍ iě na suei̍, wɛ̀ nyɔ̍gbei iě ɛ̍ ja̍ tè ka ɛ̍ nɛ-a dě mɔ̀ we̍-ɛ.

1 Timote 4:10

À po̍ gbɔ̍igbɔ̍ iě à po̍-e dbo̍ nu̍-ɛa gbǐh. Dɛ̍nu̍ɛ, kmɔ̌ nɛ Nyɔsoa bo à kɔ̍ wlùh i̍, ɔ̀ nu̍-a nyɔ̍ kli̍hgbɛ̍-a Sèìe Nyɔ̍-ɛ. Wlùh gbaɛ blě nyɔ̍ bo ǎn dǎ gbe̍i̍n.

2 Timote 4:5

Jɛ mɔ̀ɔ̍, tù àn chɛ̀ tɔ̀ɔ̀n dǒ dɛ̍ᵻ kli̍hgbɛ̍ we̍. Ku̍-e klì i̍ dǒ jua̍i̍ sàɛ̀ la̍. Nu̍ àn pɔ̀n chɛ̀ bla̍ dbo̍, nɛ̀ ìn nu̍ ɛ̍ sɔ̍nᵻ ka ìn nu̍-a Nyɔsoa-a pòi̍ju-ɛ.

Faɛlimɔ 1:1

Mɔ̍ Pɔɔ ɔ̀ nu̍-a gbɛ̍n-nyɔ̍ Jusu Klai-a tìh-ɛ, nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ. À tìh kma nyɔ̍ Faɛlimɔ, mɔ̀ nu̍-a ǐn ba̍ dbo̍ nu̍ nyɔ̍-ɛ, dě ìn we̍ ɛ̍ ji̍.

Iblu 3:6

Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.

Wlɛfeleseɔn 2:1

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Ɛfɛsɔ wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě ɔ̀ blě-a chǔhtlɛ̀n mɛ̀sɔɔ̌n dě ɔ̍ di̍na̍ kwa̍a̍ wɛ̀ ɔ̍ naɛ-a dě chlǎn nape̍ᵻá kɛ̍n tè dɛ̍ᵻ mɛ̀sɔɔ̌n ìh nui-a kòo̍-ɛ nynɛ̌ we̍.