Pɔ̀n Chɛ̀ Luu To-a La 10:16 - Ku̍o̍ Delee 1999

¹⁶ Jusu la̍a̍ dě ɔ̍ kòà we̍, “Nyɔ̍ ɔ̀ mu̍-a mɔ̀-a wlu̍ i̍ wɔ̌n-ɛ, nɛ̀ ǎn wlu̍ bo ɔ̍ wɔ̌n i̍. Nɛ̀ nyɔ̍ ɔ̀ mu̍-a mɔ̀ chla tba̍-aɛ, nɛ̀ mɔ̍ bo ɔ̍ tba̍ chla. Nyɔ̍ ɔ̀ tba̍-a ǐn chla-aɛ, nɛ̀ nyɔ̍ ɔ̀ dbo̍-a m-ɛ bo ɔ̍ tba̍ chla.”

Pɔ̀n Chɛ̀ Luu To-a La 10:16 Iomraidhean Croise

Matio 10:40

Jusu la̍a̍, “Nyɔ̍ ɔ̀ mu̍-a mɔ̀-a tìh i̍ gbɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke. Nɛ̀ nyɔ̍ ɔ̀ gbɛ̍n-a ǎn tìh i̍-ɛ, nɛ̀ nyɔ̍ ɔ̀ dbo̍-a m-ɛ, ɔ̍ tìh bo ɔ̍ gbɛ̍n i̍ wɛ̀ ke.

Matio 18:5

Nyɔ̍-o-nyɔ̍ ɔ̀ gbɛ̍n-a jǔwɛ la ɔ̍ tìh i̍ dǒ ǎn nynɛ̌ kɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke.”

Pɔ̀n Chɛ̀ Maɛ To-a La 9:37

“Nyɔ̍-o-nyɔ̍ ɔ̀ gbɛ̍n-a jǔwɛ la ɔ̍ tìh i̍ dǒ ǎn nynɛ̌ kɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke. Nɛ̀ nyɔ̍-o-nyɔ̍ ɔ̀ gbɛ̍n-a ǎn tìh i̍-ɛ, nɛ̀ ɛ̍ se̍ ǎn tìh ɔ̍ se̍ i̍ gbɛ̍n, jɛ nɛ̀ nyɔ̍ ɔ̀ dbo̍-a m-ɛ, ɔ̍ kɔn tìh bo ɔ̍ gbɛ̍n i̍ wɛ̀.”

Pɔ̀n Chɛ̀ Luu To-a La 9:48

Wɛ̀ ɔ̍ la̍a̍, “Nyɔ̍-o-nyɔ̍ ɔ̀ gbɛ̍n-a jǔwɛ la ɔ̍ tìh i̍ dǒ ǎn nynɛ̌ kɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke. Nɛ̀ nyɔ̍-o-nyɔ̍ ɔ̀ gbɛ̍n-a ǎn tìh i̍-ɛ, nɛ̀ ɔ̍ gbɛ̍n nyɔ̍ ɔ̀ dbo̍-a m-ɛ ɔ̍ tìh i̍ wɛ̀ ke. Nɛ̀ nyɔ̍ ɔ̀ ja-a ɔ̍ chɛ̀ wlù dě mɔ̀ kli̍hgbɛ̍ nynɛ̌-ɛ bo ɔ̀ ku̍ wɔ̍n ɔ̀ sìì ɔ̍ ba̍ᵻ.”

Chɔɔn 12:44

Iě Jusu wǐ, ɔ̍ la̍a̍, “Nyɔ̍ jɔ gbaɛ-a ǐn wlùh-ɛ, nɛ̀ ɛ̍ se̍ ǐn nɛ due ɔ̍ se̍ wlùh gbaɛ. Jɛ nɛ̀ nyɔ̍ ɔ̀ dbo̍-a m-ɛ bo ɔ̍ gbaɛ wlùh ke.

Chɔɔn 12:48

Jɛ nyɔ̍ jɔ ɔ̀ tba̍-a ǐn chla sǔh wɛ̀ ɔ̀ se̍-a ǎn wlu̍ nu̍-ɛ, ɔ̍ blě dɛ̍ ɛ̀ mu̍-a ɔ̍ tìh gbɛ̍n-ɛɛ. Wlu̍ ǎn bla̍-a ka-ɛ, ɛ̍ bo ɛ̀ mu̍ ɔ̍ tìh gbɛ̍n-ɛ dǒ bɔ̌ɛ-o weɛ̍ di̍i̍.

Chɔɔn 13:20

Tìh-a taǐn ǎn sèàɛ̍ mɔ̀ wlùh, nyɔ̍-o-nyɔ̍ ǐn dbo̍-a, nyɔ̍ jɔ gbɛ̍n-a ɔ̍ tìh i̍-ɛ, nɛ̀ ɔ̍ gbɛ̍n ǎn tìh i̍ wɛ̀. Nyɔ̍ ɔ̀ gbɛ̍n-a ǎn tìh i̍-ɛ, nɛ̀ ɔ̀ dbo̍-a m-ɛ, ɔ̍ tìh bo ɔ̍ gbɛ̍n i̍ wɛ̀ ke.”

Nu̍-dɛ̍ᵻ 5:4

Ìè-a blǔh laa̍ ple̍-ɛ, nɛ̀ mɔ̀ kɔn ɛ̍. Wlǐ ɛ̍ jě-aɛ, mɔ̀ kɔn i̍h ke. Dɛ̍ bo ɛ̀ po̍ dɛ̍ kaɛn la dǒ ìn pɔluh kɛ̍n ɛ? Ìn se̍ nyi̍ɔ̍ si̍h wɔ̍i̍n tmɔ̌-ɛ, jɛ Nyɔsoa bo ìn tmɔ̌-ɛ si̍h wɔ̍i̍n o.”

Kelesea 4:14

Ǎn poa-a sàɛ̀ mɔ̀ jua̍i̍ kaa̍, jɛ mɔ̀ se̍ ǐn faɛn, iě mɔ̀ wɔ̍ se̍ ǐn chla tba̍ ke. Wɛ̀ ka mɔ̀ iě-a Nyɔsoa-a ǐnchɔ̀ ke Jusu Klai-a tìh i̍ gbɛ̍n-ɛ nu̍-ɛ, iě mɔ̀ nu̍ la̍a̍n ǎn tìh i̍ gbɛ̍n-ɛ.

1 Tɛsoloniɔn 4:8

Ɛ̍ tìh-ɛ, nyɔ̍-o-nyɔ̍ ɔ̀ tba̍-a nǎ po̍ wlu̍ la chla-ɛ, nɛ̀ ɔ̍ se̍ wlɔ̀ nyi̍ɔ̍ chla tba̍, jɛ nɛ̀ Nyɔsoa bo ɔ̍ tba̍ chla, ɔ̀ nyǐ-a mɔ̀ ɔ̍ Sùù-ɛ.