Pɔ̀n Chɛ̀ Luu To-a La 10:11 - Ku̍o̍ Delee 1999

¹¹ ‘Mɔ̀-a wlɔ̀-a blǔh-a chɛ̀ nɛ-a à bu̍hᵻ i̍-ɛ bo à gbàbo-a, wɛ̀ mɔ̀ iě ɛ̍ i̍ jě. Jɛ mɔ̀ bɔ̌ mǎle-ɛ ka Nyɔsoa-a kmɔ̌ wlu̍ i̍ kɔn-ɛ nɛ-a mɔ̀ i̍ wɛ̀-ɛ.’

Pɔ̀n Chɛ̀ Luu To-a La 10:11 Iomraidhean Croise

Matio 10:14

Nɛ̀ pò nyɔ̍ se̍ mɔ̀-a tìh i̍ gbɛ̍n, iě u̍h se̍ mɔ̀-a wlu̍ dounᵻ we̍ po̍-ɛ, pò mɔ̀ ja dě gbò àe̍e̍ dǒ wlɔ̀ laa̍ di̍i̍ sɔ-ɛ, nɛ̀ mɔ̀ gbàbo blǔh bu̍h sɔ̀n i̍, wɛ̀ mɔ̀ iě-o sɔ.

Matio 10:7

Pò mɔ̀ mu̍-ɛ, mɔ̀ po̍ tu̍owli la. Nɛ̀ mɔ̀ la̍a̍, ‘Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.’

Matio 3:2

Ɔ̍ la̍a̍, “Mɔ̀ bǐi i̍, mɔ̀ iě gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Pɔ̀n Chɛ̀ Maɛ To-a La 6:11

Pò mɔ̀ sǐ dǒ wlɔ̀ di̍i̍ i̍, wɛ̀ nyɔ̍ nɛ-a dǒ ɛ̍ di̍i̍-ɛ, u̍h se̍ mɔ̀-a tìh i̍ gbɛ̍n àe̍e̍ u̍h se̍ mɔ̀ dounᵻ we̍ po̍-ɛ, nɛ̀ mɔ̀ chɛ̍n-o tìè. Mɔ̀ ja-o sɔ-ɛ, nɛ̀ mɔ̀ gbàbo blǔh bu̍hᵻ sɔ̀n i̍. Nɛ̀ nyɔ̍ nɛ-a dǒ wlɔ̀ laa̍ di̍i̍-ɛ, u̍h-a mu̍ ɛ̍ i̍ jě.”

Pɔ̀n Chɛ̀ Luu To-a La 10:10

Jɛ pò mɔ̀ sǐ dǒ wlɔ̀ di̍i̍ i̍, iě u̍h se̍ mɔ̀-a tìh i̍ gbɛ̍n-ɛ, nɛ̀ mɔ̀ mu̍ dě gbale̍e̍ wèa̍, mɔ̀ la̍a̍,

Pɔ̀n Chɛ̀ Luu To-a La 10:9

Nɛ̀ mɔ̀ pǔh-i poa-nyɔ̍ nɛ-a dǒ wlɔ̀ laa̍ di̍i̍-ɛ. Nɛ̀ mɔ̀ la̍a̍ dě wlɔ̀ nyɔ̍ kli̍hgbɛ̍ we̍, ‘Nyɔsoa-a kmɔ̌ wlu̍ i̍ kɔn-ɛ nɛ mɔ̀ i̍ wɛ̀.’

Pɔ̀n Chɛ̀ Luu To-a La 9:5

Wlɔ̀ kɔn di̍i̍ u̍h se̍-a mɔ̀-a tìh i̍ gbɛ̍n-ɛ mu̍-ɛ, pò mɔ̀ ja doǒ sɔ-ɛ, nɛ̀ mɔ̀ gbàbo blǔh bu̍hᵻ sɔ̀n i̍, wɛ̀ ɛ̍ iě ɛ̍ to ka tìh tè-a dǒ u̍h dlǔ i̍-ɛ.”

Nu̍-dɛ̍ᵻ 13:26

“Ǐn de̍di̍i̍ᵻ, mɔ̀ɔ̍ nu̍-a Eblaɛɛn-a tloemlai-ɛ, ɛ̍ ke mɔ̀ɔ̍ ùh se̍-a Juu nyɔ̍ ùh-a ple̍-a Nyɔsoa-a faɔn-ɛ ke, nɔ̌ àɔ̀ we̍ bo nyɔ̍ pǔh-i tu̍owli la ɛ̍ ji̍.

Nu̍-dɛ̍ᵻ 13:40

Ɛ̍ tìh-ɛ, mɔ̀ nu̍ nɛnɛ̌, wɛ̀ dɛ̍ Nyɔsoa-a tu̍owli po̍ nyɔ̍ bla̍-aɛ, ɛ̍ je̍e mɔ̀ pùn nɛ. U̍h la̍a̍,

Nu̍-dɛ̍ᵻ 13:46

Wɛ̀ Pɔɔ ke Banaba wlu gbài̍gbài̍, u̍h la̍a̍, “Dě mɔ̀ we̍ bo à kɔn à iě Nyɔsoa-a wlu̍ la bla̍-ɛ sàǐtòò. Jɛ ka mɔ̀ tba̍-a ɛ̍ chla-ɛ, iě mɔ̀-a chɛ̀ nɔ̀ɔ̍, mɔ̀ se̍-a kmɔ̌ sie feɛ jě ka̍ nɛ-ɛ, nɛ̀ à mu̍ à dɛ̍ dě ùh se̍-a Juu nyɔ̍-ɛ we̍ o.

Nu̍-dɛ̍ᵻ 13:51

Wɛ̀ Pɔɔ bei gbàbo blǔh bu̍hᵻ sɔ̀n i̍, wɛ̀ nyɔ̍ laa̍ u̍h iě ɛ̍ i̍ jě. Wɛ̀ Pɔɔ ke Banaba mu̍ dǒ Akɔniɔ.

Wloma 10:21

Jɛ kǎ ɔ̍ dǎ ka dǒ Eslɔɛ nyɔ̍-a dɛ we̍, ɔ̍ la̍a̍, “Ka sɔ̀n-a sɛ̀n-aɛ, kǎ ǎn gbɛ̍n nyɔ̍ wɔ̍n gbàì blaɛ nyɔ̍ ke nyɔ̍ jla̍-a i̍ nu̍ nyɔ̍-a bu̍hᵻ i̍ u̍h iě ǐn we̍ ji̍ dode̍.”

Wloma 10:8

Kǎ Nyɔsoa-a wlu̍ dǎ ka, ɛ̍ la̍a̍, “Nyɔsoa-a tu̍owli kɔǎɛn ìn we̍ i̍. Ɛ̍ nɛ dǒ ìn wɔ̍i̍n ke dǒ ìn wlùh kɛ̍n.” Tu̍owli-a chɛ̀ bo ɛ̀ nu̍-a wlùh gbaɛ blě tìh à bla̍-a.

Iblu 1:3

Ɔ̍ blě Nyɔsoa-a tìh-a i̍ bɛ̌-ɛ. Ɔ̍ nɛ dě Nyɔsoa-a tu̍ di̍i̍ te̍kle̍e̍. Ɔ̍ blě kmɔ̌ la kwa̍ dǒ ɔ̍ gbǐh kɔn wlu̍ we̍. Ɔ̍ wɔ̀-a ɛ̍ nu̍-ɛ, wɛ̀ Nyɔsoa tǎli kmɔ̌ nyɔ̍-a gblɛ̍n sɔ̀ɛ̀n-a tìh i̍, wɛ̀ ɔ̍ dǔ i̍ tè-ɛ dě ja̍i̍wlɔ̀ dǒ Tìh-a I̍ Bɛ̌-ɛ Nyɔsoa-a di̍na̍ we̍.