Pɔ̀n Chɛ̀ Luu To-a La 1:42 - Ku̍o̍ Delee 1999

⁴² Iě ɔ̍ wǐ, ɔ̍ la̍a̍, “Nyɔsoa nyǐ ìn pɔ̀ìě dě nynɔ̌gbaɔᵻ kli̍hgbɛ̍ nynɛ̌, wɛ̀ ɔ̍ nyǐ jǔ àn mu̍-a wlǔh-iɛ pɔ̀ìě ke.

Pɔ̀n Chɛ̀ Luu To-a La 1:42 Iomraidhean Croise

Pɔ̀n Chɛ̀ Luu To-a La 1:28

Wɛ̀ Nyɔsoa-a ǐnchɔ̀ ji̍ dǒ ɔ̍ we̍. Iě ɛ̍ la̍a̍, “Wlùh-a i̍ tè-ɛ dǒ ìn we̍. Joi nɛ ìn we̍ iě ɔ̍ nyǐ ìn pɔ̀ìě klaa.”

Pɔ̀n Chɛ̀ Luu To-a La 1:41

Ilesebɛ wɔ̌n-a Mɛle-a ɔ̍ nyinɔ̍ i̍ sà wlu̍-ɛ, jǔpliɛ nɛ-a dě ɔ̍ di̍i̍-ɛ, sɔ ɔ̍ buǒ mu̍-o ja̍i̍ sǔh, iě Nyɔsoa-a Sùù jǐi Ilesebɛ-ɛ i̍.

Pɔ̀n Chɛ̀ Luu To-a La 1:43

Dɛ̍ bo ɛ̀ sà-e ǎn jua̍a̍ wɛ̀ ǎn Joi de̍-a ji̍ nɔ̌ ǐn we̍ i̍ nala ɛ?

Pɔ̀n Chɛ̀ Luu To-a La 1:48

Mɔ̍ nu̍-a ɔ̍ plǒai pòi̍ju-ɛ, ɔ̍ se̍ ǎn tìh we̍ mǎle. Sɔ da̍a sèàn blǐ-ɛ, nyɔ̍ kli̍hgbɛ̍-a mu̍ ǐn i̍ nmɔ nynɔ̌ dǎɛ.

Pɔ̀n Chɛ̀ Luu To-a La 19:38

U̍h la̍a̍, “Pɔ̀ìě dǒ Blǔh Baa ɔ̀ ji̍-a dǒ Joi-a nynɛ̌ kɛ̍n-ɛ we̍. Wlùh-a i̍ tè-ɛ dě ja̍i̍wlɔ̀, nɛ̀ tìh-a i̍ bɛ̌-ɛ dǒ Nyɔsoa we̍.”

Wloma 9:5

U̍h bo ùh nu̍ à blǔh baaᵻá nynuu̍, wɛ̀ Klai nu̍ u̍h blǐ jǔ dě nyi̍ɔ̍tu di̍i̍. Nɛ̀ Nyɔsoa ɔ̀ kɔn-a dɛ̍ᵻ kli̍hgbɛ̍ wlu̍ i̍-ɛ, ɔ̍ bo ɔ̀ iě nǐ wɔ̍n sà-ɛɛ nɔ̌ kmɔ̌-a kmɔ̌. Kǎ ɛ̍-ɛ nɛ.

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.