Pɔ̀n Chɛ̀ Luu To-a La 1:1 - Ku̍o̍ Delee 1999

¹ Ǎn jbɛɛ nyɔ̍ Tiɔfelɔ, nyɔ̍ dɔu fɔ̀n dɛ̍ we̍ wɛ̀ u̍h chlǐh dɛ̍ᵻ ìh gbǎ-a dě à nynɛ̌ we̍-ɛ.

Pɔ̀n Chɛ̀ Luu To-a La 1:1 Iomraidhean Croise

Pɔ̀n Chɛ̀ Maɛ To-a La 16:20

Wɛ̀ u̍h mu̍ tà kli̍hgbɛ̍ u̍h-a bla̍ Nyɔsoa tìh. Nɛ̀ kǎ Joi-a po̍ u̍h sɔ̍n we̍ dǒ jbaɛdih po̍ la̍, wɛ̀ u̍h-a bla̍-a tìh iě gbɔ̀ i̍ ku̍.]

Chɔɔn 20:31

Ìh la i̍h chlǐh-ɛ, wɛ̀ mɔ̀ iě ɛ̍ tìh chɛ̀ po̍ ka Jusu nu̍-a Nyɔsoa-a Jǔ ɔ̀ nu̍-a ɔ̍ Chèɛ̀ Tba̍ju-ɛ. Nɛ̀ wlùh gbaɛ blě-ɛ bo ɛ̀ mu̍ mɔ̀ feɛ nyǐ dǒ ɔ̍ nynɛ̌ kɛ̍n.

Wloma 14:5

Nyɔ̍ due la̍ weɛ̍ due nɛ dě wǐh nynɛ̌ ɛ̍ gbǎ dɛ̍kɛ̍n ɛ̍ sìì ɛ̍ ba̍ᵻ. Wɛ̀ dɔɔ la̍ wǐh kli̍hgbɛ̍ beɛ̍ɛ. Jɔ-ɛ nɛ̀ ɔ̍ naɛ kɔn ɛ̍ iě dě ɔ̍ di̍i̍ i̍ sǐi.

Wloma 4:21

Ɔ̍ juo ɛ̍ kleǐn Nyɔsoa se̍ ɔ̍ tɔ̀ma̍a̍ wlu̍ kɛ̍n gblìh-ɛ bɛ̌ɛ.

Kalase 2:2

Ǎn nu̍ ɛ̍-ɛ wɛ̀ ɛ̍ iě u̍h-a wlùh fùka, u̍h iě due nɛ dě jbɛɛ di̍i̍. Nɛ̀ u̍h-a mu̍ dɛ̍ɛ̍ i̍ wɔ̌n-ɛa nya̍ pàn-ɛ slèěslè, wɛ̀ u̍h iě Klai ɔ̀ nu̍-a Nyɔsoa-a sìle dɛ̍-ɛ juo.

Kalase 4:12

Ipafla ɔ̀ nu̍-a mɔ̀-a chɛ̀-a nyɔ̍ due ɔ̀ nu̍-a Jusu Klai-a pòi̍ju-ɛ, ɔ̍ la̍ ɔ̍ sà mɔ̀ nyinɔ̍ i̍. Ɔ̍ po̍-e gbǐh, ɔ̍ ba̍le Nyɔsoa dǒ mɔ̀-a tàà te̍e̍ ɔ̍ iě mɔ̀ i̍ kui. Wɛ̀ mɔ̀ iě Nyɔsoa-a wlùh dɛ̍ᵻ kli̍hgbɛ̍ juo, iě mɔ̀ iě ɛ̍ nu̍ te̍kle̍e̍.

1 Tɛsoloniɔn 1:5

Dɛ̍nu̍ɛ, pɔ̀n chɛ̀ à ja-a dě mɔ̀ we̍-ɛ, ɛ̍ se̍ wɔ̍i̍n wlu̍-a sǔh, jɛ ɛ̍ ke, gbǐh ke Nyɔsoa-a Sùù na. Ɛ̍ ke à pɔ̀n chɛ̀ wlùh gbaɛ nu̍-a tìh-a taǐn-ɛ ke. Ti̍ à nɛ-a dě mɔ̀ we̍-ɛ, mɔ̀-a tìh ka à nu̍-a nɛ-ɛɛ, mɔ̀ juo i̍h.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

2 Timote 4:17

Jɛ Joi nyna ǐn de̍e̍ i̍, wɛ̀ ɔ̍ nyǐ ǐn gbǐh iě tu̍owli po̍ gblaan, wɛ̀ ùh se̍-a Juu nyɔ̍-ɛ u̍h kli̍hgbɛ̍ iě i̍h wɔ̌n. Iě ɔ̍ sèìe m dě gbòlò wɔ̍ɔ̍n.

Iblu 10:22

Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.

Iblu 6:11

Ɛ̍ tìh-ɛ, à pɔ̀n mɔ̀-a jɔ-ɛ, ɔ̍ iě ɛ̀ la gbǐh i̍ gbɛ̍n-ɛ te̍e̍ wɛ̀ ti̍ iě dlǔ i̍ chlà. Dɛ̍ mɔ̀ tba̍-a wlùh i̍-ɛ, nɛ̀ mɔ̀-a mu̍ ɛ̍ juo te̍kle̍e̍ ka mɔ̀-a mu̍-a ɛ̍ jě-ɛ.