Kelesea 6:8 - Ku̍o̍ Delee 1999

⁸ Pò nyɔ̍ tù dɛ̍ dě ɔ̍ gblɛ̍n sɔ̀ɛ̀n-a tu̍ di̍i̍-ɛ, nɛ̀ mɛ̌ɛ bo ɔ̍ mu̍-e gbǎn-ɛ. Pò ɔ̍ tù dɛ̍ dě Nyɔsoa-a Sùù di̍i̍-ɛ, nɛ̀ dě Sùù di̍i̍ bo ɔ̍ mu̍ kmɔ̌ sie feɛ gbǎn-ɛ.

Kelesea 6:8 Iomraidhean Croise

Matio 19:29

Nyɔ̍-o-nyɔ̍ ɔ̀ mu̍-a ɔ̍ gbòᵻ o, de̍di̍i̍ᵻ jɔ̍gbauᵻ o, de̍di̍i̍ᵻ nynɔ̌gbaɔᵻ o, de̍ o, baa o, nynuu̍ o, klèᵻ o, ɔ̍ mu̍-a i̍h-a dɛ̍ i̍ tǎli ǎn tìh-ɛ, nɛ̀ ɔ̍ mu̍ i̍h-a gbɔ̍ᵻá kmɛ jě dǒ kɛ̍n. Wɛ̀ ɔ̍ iě kmɔ̌ sie feɛ blě dɛ.

Matio 25:46

Nɛ̀ u̍h-a mu̍ kàn gbɛ̍n-ɛ se̍-a dlǔ i̍ chlà la̍ kɔn-ɛ we̍ mu̍. Jɛ nɛ̀ i̍ slɛ̌-nyɔ̍-a mu̍ kmɔ̌ sie feɛ we̍ mu̍.”

Pɔ̀n Chɛ̀ Luu To-a La 18:30

nɛ̀ ɔ̍ mu̍ i̍h-a dɔu jě da̍a ti̍laa kmɔ̌ di̍i̍, wɛ̀ ɔ̍ iě kmɔ̌ sie feɛ jě dě kmɔ̌ delee di̍i̍.”

Chɔɔn 4:14

Jɛ nyɔ̍-o-nyɔ̍ ǎn mu̍-a nǐ nyǐ wɛ̀ ɔ̍ iě ɛ̍ nǎ-ɛ, nɛ̀ dǒ ɔ̍ wlì se̍ gba̍ bǔ dɛ. Nǐ ǎn mu̍-a ɔ̍ nyǐ-ɛ, ɛ̍ mu̍ kao̍dlu nu̍ dě ɔ̍ ja̍a̍, wɛ̀ ɛ̍ klɛ̀nklɛ̀n iě ɔ̍ kmɔ̌ sie feɛ nyǐ.”

Chɔɔn 4:36

Nyɔ̍ ɔ̀ chɛ̍n-a klè-ɛ, ɔ̍ jě pɛ̌ɛ la. Iě ɔ̍ gbòe i̍h-a jɔ̌ i̍ i̍h iě kmɔ̌ sie feɛ jě. Wɛ̀ nyɔ̍ ɔ̀ tù-a dɛ̍ dě klè-ɛ ke, jɔ chɛ̍n-a klè-ɛ, u̍h iě mɔna̍ tàdùè nui.

Chɔɔn 6:27

Di̍-dɛ̍ᵻ jih-a mu̍-a sɔ̀n-ɛ, mɔ̀ bɔ̌ i̍h-a dbo̍ nu̍-ɛ. Jɛ di̍-dɛ̍ jɛ mu̍-a mɔ̀ i̍ kui wɛ̀ mɔ̀ iě-a kmɔ̌ sie feɛ blě-ɛ, ɛ̍ kɔn dbo̍ bo mɔ̀ iě nu̍. Di̍-dɛ̍ ǎn dǎ-aɛ, ɛ̍ bo ɔ̀ nu̍-a Nyi̍ɔ̍-a Jǔ-ɛ ɔ̍ mu̍-a mɔ̀ nyǐ. Dɛ̍nu̍ɛ, ɔ̍ bo Baa Nyɔsoa wɔ̌ɛn we̍.”

Wloma 13:14

Jɛ Joi Jusu Klai bo ɔ̀ iě jliɛ̍ nu̍ mɔ̀ iě-e pa̍, nɛ̀ mɔ̀ bɔ̌ mɔ̀-a gblɛ̍n sɔ̀ɛ̀n nu̍ ku̍-a wlùh-a i̍ pɔ̀n-ɔ dɛ̍ᵻ nu̍-ɛ dɛ.

Wloma 6:13

Mɔ̀ bɔ̌ mɔ̀-a ku̍-a dɛ̍-o-dɛ̍ gblɛ̍n sɔ̀ɛ̀n kwlǎ sà-ɛ dǒ kà gblɛ̍n nu̍-ɛ we̍. Jɛ mɔ̀ sà-ɛ mɔ̀-a chɛ̀ Nyɔsoa kwlǎ ka nyɔ̍ ùh wlǔh-ae wɛ̀ ùh nɛ-a kmɔ̌ dode̍-ɛ. Mɔ̀ sà-ɛ mɔ̀-a ku̍ kli̍hgbɛ̍ Nyɔsoa kwlǎ dǒ i̍ slɛ̌-ɛ dɛ̍ᵻ nu̍-ɛ we̍.

Wloma 6:23

Nɛ̀ɛ̍, gblɛ̍n sɔ̀ɛ̀n-a pɛ̌ɛ la nu̍ mɛ̌ɛ, jɛ Nyɔsoa-a nyǐ-dɛ̍ nu̍ kmɔ̌ sie feɛ dě à Joi Jusu Klai ja̍a̍.

Wloma 8:11

Nyɔsoa ɔ̀ sà-e Jusu-ɛ, ka ɔ̍ Sùù nɛ-a dě mɔ̀ ja̍a̍-ɛ, nɛ̀ ɔ̍-ɔ due sà-e Jusu Klai-ɛ, ɔ̍ mu̍ ɔ̍ Sùù ɛ̀ nɛ-a dě mɔ̀ ja̍a̍-ɛ jii wɛ̀ ɔ̍ iě mɔ̀-a ku̍ ɛ̀ mu̍-a mɛ̌-ɛɛ kmɔ̌ nɛ-ɛ ke.

Wloma 8:13

Pò mɔ̀ nu̍ dɛ̍ ɛ̀ gblɛ̍n sɔ̀ɛ̀n tu̍ dǎ-aɛ, nɛ̀ mɔ̀-a mu̍ mɛ̌. Jɛ pò Nyɔsoa-a Sùù nu̍ ɛ̍ wɛ̀ mɔ̀ iě gblɛ̍n sɔ̀ɛ̀n tu̍-a nu̍-dɛ̍ᵻ dbǎ-ɛ, nɛ̀ mɔ̀-a mu̍ kmɔ̌ nɛ.

Wloma 8:6

Nɛ̀ nyɔ̍ ɔ̀ kɔn wlùh gblɛ̍n sɔ̀ɛ̀n-a tu̍ kɔn-a wlu̍ i̍-ɛ, ɔ̍ mu̍ mɛ̌. Jɛ nyɔ̍ ɔ̀ kɔn wlùh Sùù kɔn-a wlu̍ i̍-ɛ, nɛ̀ ɔ̍ mu̍ feɛ ke wlùh-a i̍ tè-ɛ blě.

1 Kɔwlɛntiɔn 15:42

Kǎ ɛ̍ mu̍ nɛ ke dǒ mɛ̌-nyɔ̍ ùh-a mu̍-ae wlǔh-ɛ we̍. Nyɔ̍-a ku̍-a mu̍ mɛ̌, jɛ ku̍ jɛ mu̍-ae wlǔh-ɛ, nɛ̀ ɛ̍ se̍ mɛ̌ mu̍ dɛ.

Kelesea 6:7

Bɔ̌ àn chɛ̀ i̍ boe-ɛ, nyɔ̍-ɔ nui Nyɔsoa-a tìh jlǐh i̍. Dɛ̍ nyɔ̍ tù-a bo ɔ̍ mu̍ gbǎn.

1 Timote 1:16

Jɛ ɛ̍ kɔn tìh bo Nyɔsoa jě ǐn wɔɛ. Wɛ̀ ka Jusu Klai-a gbɛ̍n-a wlùh i̍ kaa̍ dǒ gblɛ̍n sɔ̀ɛ̀n nyɔ̍-a gblìmia we̍-ɛ, wɛ̀ nyɔ̍ sie-a dǒ de̍-ɛ, u̍h iě ɛ̍ dɛ̍ i̍ blaɛ dǒ ǐn pùn. Wɛ̀ u̍h iě ɔ̍ wlùh gbaɛ, nɛ̀ u̍h-a mu̍ kmɔ̌ sie feɛ blě.

Taitɔ 3:7

Ɔ̍ nɛ blɛ dǒ àɔ̀ we̍ ɛ̍ iě à i̍ slɛ̌-nyɔ̍ we̍i̍ nu̍, wɛ̀ kmɔ̌ sie feɛ à kɔ̍-a wlùh i̍-ɛ, à iě ɛ̍ kɔn.

Chiin 3:18

Nyɔ̍ ùh-a gbe̍ɛ̍ɛn-a kmɔ̌ i̍-ɛ, nɛ̀ u̍h-a tù dɛ̍ wɛ̀ ɛ̍ iě i̍ slɛ̌-dɛ̍-a buǒᵻ po̍.

2 Pitɛ 2:12

Jɛ nǎ po̍ nyɔ̍-a si̍h naɛ la ùh se̍ dɛ̍ we̍ i̍ wɔ̌n-ɛ, nɛ̀ u̍h-a po̍-a ɛ̍ wlu̍ pùn i̍-ɛ, u̍h wɔ̀ nmi̍i̍ ìh-a nu̍-a i̍h-a chɛ̀-a slɛ̌-ɛ. Kwlǎ nmi̍i̍ la ìh nɛ-a nɔ̌ kmɔ̌ sǔh gbɛ̍n ìè dbǎ tìh-ɛ, i̍h bo u̍h wɔ̀. U̍h-a mu̍-u gbɔ̀lɔ ke ka kwlǎ nmi̍i̍-ɛ.

2 Pitɛ 2:19

Nǎ po̍ nyɔ̍-a si̍h naɛ la u̍h-a po̍ wlu̍ tɔ̀ma̍a̍ u̍h iě nyɔ̍ dě kèìe̍e̍ sà, jɛ nɛ̀ u̍h-a chɛ̀ nɛ dě tba̍ɛ kɛ̍n i̍-a kèìe̍e̍. Nyɔ̍ ɔ̀ dɛ̍-o-dɛ̍ kɔn-a wlu̍ i̍-ɛ, nɛ̀ ɔ̍ nɛ dě ɛ̍ kèìe̍e̍.

Judi 1:21

Mɔ̀ naɛ dě Nyɔsoa-a jbɛɛ di̍i̍ ma̍u̍, nɛ̀ mɔ̀ fuo kmɔ̌ sie feɛ à Joi Jusu Klai-a mu̍-a mɔ̀ nyǐ ɔ̍ wɔɛ kɔn tìh-ɛ.

Wlɛfeleseɔn 22:11

Bɔ̌ dɛ̍ᵻ sɔ̀nᵻ nu̍ nyɔ̍ gba̍ u̍h-a dɛ̍ᵻ sɔ̀nᵻ dluwe̍ i̍, iě sììjii̍ nu̍ nyɔ̍ iě u̍h-a sììjii̍ nu̍-ɛ dluwe̍ i̍ gba̍. Nɛ̀ i̍ slɛ̌-nyɔ̍ gba̍ u̍h-a i̍ slɛ̌-ɛ dɛ̍ᵻ dluwe̍ i̍, iě nɛi̍ wɛ̀ nyɔ̍ iě u̍h-a nɛi̍ wɛ̀-ɛ dluwe̍ i̍ gba̍.”