Kelesea 6:7 - Ku̍o̍ Delee 1999

⁷ Bɔ̌ àn chɛ̀ i̍ boe-ɛ, nyɔ̍-ɔ nui Nyɔsoa-a tìh jlǐh i̍. Dɛ̍ nyɔ̍ tù-a bo ɔ̍ mu̍ gbǎn.

Kelesea 6:7 Iomraidhean Croise

Pɔ̀n Chɛ̀ Luu To-a La 16:25

Jɛ Eblaɛɛn la̍a̍, ‘Ǎn jǔ, nu̍ wlùh, ti̍ ìn tè-a kmɔ̌ i̍-ɛ, nɛ̀ àn jě dɛ̍ᵻ chɛ̀ chɛ̀, wɛ̀ Laaslɔɛ-a jě sɔ̀ɛ̀n. Jɛ ɔ̍ nu̍ la̍ kmɔ̌ nɔ̍ɔ̀ iě àn sàɛ̀ ka jua̍i̍.

Pɔ̀n Chɛ̀ Luu To-a La 21:8

Iě Jusu la̍a̍, “Mɔ̀ nu̍ mɔ̀-a chɛ̀-a nɛnɛ̌ wɛ̀ nyɔ̍-ɔ je̍e mɔ̀ i̍ boe. Dɛ̍nu̍ɛ, nyɔ̍ dɔu-a mu̍ dǒ ǎn nynɛ̌ kɛ̍n jii, u̍h iě ka nu̍, ‘Mɔ̍ bo ɔ̀ nu̍ Chèɛ̀ Tba̍ju. Bɔ̌ɛ-o ti̍ kɔǎn we̍ wɛ̀.’ Jɛ mɔ̀ bɔ̌ dǒ u̍h de̍e̍ gbǎ-a.

1 Kɔwlɛntiɔn 15:33

Bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ, “Ba̍ᵻ sɔ̀nᵻá nyni i̍ nyɔ̍ jii̍.”

1 Kɔwlɛntiɔn 3:18

Mɔ̀-a nyɔ̍ bɔ̌ ɔ̍ chɛ̀ i̍ boe-ɛ. Pò nyɔ̍ nɛ dě mɔ̀ nynɛ̌ wɛ̀ ɔ̍ iě ɔ̍ chɛ̀ di̍i̍ i̍ flɔn nyɔ̍ dǎɛ nɔ̌ kmɔ̌ la we̍-ɛ, nɛ̀ ɔ̍ nu̍ ɔ̍ chɛ̀ bo-nyɔ̍ we̍i̍, wɛ̀ ɛ̍ iě ɛ̍ nu̍ ɔ̍ iě flɔ̍nwlùh blě.

1 Kɔwlɛntiɔn 6:9

Mɔ̀ juo ɛ̍, ka nyɔ̍ ùh se̍-a i̍ slɛ̌-ɛ, u̍h se̍-a dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍ mu̍-ɛ. Mɔ̀ bɔ̌ mɔ̀-a chɛ̀ i̍ boe-ɛ, gbǎn nu̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, nynɛ̌à nu̍ nyɔ̍ ke, tba̍ɛ kɛ̍n i̍ nu̍ nyɔ̍ ke,

2 Kɔwlɛntiɔn 9:6

Mɔ̀ bɔ̌ mǎle-ɛ ka nyɔ̍ ɔ̀ po̍-a dɛ̍ᵻ wei-ɛ, nɛ̀ ɔ̍ mu̍-a dɛ̍ᵻ wei chɛ̍n-ɛ. Iě nyɔ̍ ɔ̀ po̍-a dɛ̍ᵻ dɔu-ɛ, nɛ̀ ɔ̍ mu̍-a dɛ̍ᵻ dɔu chɛ̍n-ɛ.

Kelesea 6:3

Pò nyɔ̍ se̍ dɛ̍-a nyɔ̍ wɛ̀ ɔ̍ iě ɔ̍ chɛ̀ dɛ̍-a nyɔ̍ dǎɛ-ɛ, nɛ̀ ɔ̍ boe-e ɔ̍ chɛ̀ i̍.

Ɛfɛsɔ 5:6

Bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ si̍h tmɔ̌-ɛ we̍. Dɛ̍ᵻ sɔ̀nᵻ la bo ìh-a mu̍ ɛ̍ nu̍ wɛ̀ Nyɔsoa iě nyɔ̍ ùh se̍-a ɔ̍ wlu̍ nu̍-ɛ jlu̍h-u gbǎ-ɛ.

2 Tɛsoloniɔn 2:3

Mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ dɛ̍-o-dɛ̍ we̍. Dɛ̍nu̍ɛ, pò weɛ̍ laa̍ ɛ̍ iě ji̍-ɛ, nɛ̀ Nyɔsoa kɛ̍n i̍ poe-ɛa mu̍ nɛ, wɛ̀ Nyɔ̍ Sɔ̀n iě à kɛ̍n wlǔh-i. Ɔ̍ tìh chɛn i̍ wɛ̀ ɔ̍ iě-e gbɔ̀lɔ-ɛ.

Chiin 1:22

Wlu̍-a chɛ̀ bo mɔ̀ iě nu̍, jɛ mɔ̀ bɔ̌ ɛ̍ dounᵻ we̍ po̍ nyɔ̍ nu̍-ɛ sǔh. Pò mɔ̀ po̍ ɛ̍ dounᵻ we̍ iě mɔ̀ se̍ ɛ̍ nu̍-ɛ, nɛ̀ mɔ̀-a boe mɔ̀-a chɛ̀ i̍.

Chiin 1:26

Nyɔ̍ jɔ ɔ̀ la̍ ɔ̀ nu̍-a Nyɔsoa dɛ wɛ̀ ɔ̀ se̍-a ɔ̍ chɛ̀-a wɔ̍n gbèwe̍ gbɛ̍n-ɛ bɛ̌ɛ-ɛ, nɛ̀ ɔ̍ boe ɔ̍ chɛ̀ i̍. Nɛ̀ ɔ̍ Nyɔsoa dɛ se̍ dɛ̍kɛ̍n gbǎ.

1 Chɔɔn 1:8

Pò à la̍ à-a nu̍ gblɛ̍n sɔ̀ɛ̀n-ɛ, nɛ̀ à boe à chɛ̀ i̍. Nɛ̀ tìh-a taǐn se̍ dě à ja̍a̍ nɛ.

1 Chɔɔn 3:7

Ǎn nynuu̍, mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ. Nyɔ̍ jɔ nu̍-a i̍ slɛ̌-dɛ̍-ɛ, nɛ̀ ka Klai nu̍-a i̍ slɛ̌-ɛɛ, nɛ̀ kǎ ɔ̍ nɛ wɛ̀ ke.

Judi 1:18

Dɛ̍ u̍h sèàɛ̍-a mɔ̀ wlùh-ɛ, u̍h la̍a̍, “Dǒ bɔ̌ɛ-o wǐh di̍i̍-ɛ, jlii̍h nu̍ nyɔ̍ ùh se̍-a Nyɔsoa dɛ-ɛ nɛ, ùh-a nu̍-a u̍h-a chɛ̀-a wlùh-ɛ, u̍h-a mu̍ mɔ̀ kɛ̍n wlǔh-i.”