Kelesea 6:3 - Ku̍o̍ Delee 1999

³ Pò nyɔ̍ se̍ dɛ̍-a nyɔ̍ wɛ̀ ɔ̍ iě ɔ̍ chɛ̀ dɛ̍-a nyɔ̍ dǎɛ-ɛ, nɛ̀ ɔ̍ boe-e ɔ̍ chɛ̀ i̍.

Kelesea 6:3 Iomraidhean Croise

Pɔ̀n Chɛ̀ Luu To-a La 18:11

Fɛlesii jǔ nyna i̍ iě ɔ̍ ba̍le dǒ ɔ̍ chɛ̀ we̍. Ɔ̍ la̍a̍, ‘Nyɔsoa, ǐn po̍ ìn tlɔ̌ wɛ̀ ǐn se̍ nyɔ̍ duuh ùh nu̍-a klǎn kɔn nyɔ̍ ke, telě wa̍ nyɔ̍ ke, nynɛ̌à nu̍ nyɔ̍-ɛ wɔ̀. Wɛ̀ ǐn se̍ taa̍sìh sà jǔ-a chɛ̀ la wɔ̀, nɛ̀ ǐn po̍ ìn tlɔ̌.

Nu̍-dɛ̍ᵻ 5:36

Ɛ̍ nu̍ ti̍ due wɛ̀ Tuda wlǔh kwlǎ ɔ̍ la̍ ɔ̍-ɔ dɛ̍-a nyɔ̍, iě ùh gbǎ-a dǒ ɔ̍ de̍e̍-ɛ, u̍h wɛ̀ nyɔ̍-a kmɛ nyìɛ̍ (400). Wɛ̀ ɔ̍ dbǎ-ɛ, wɛ̀ ɔ̍ de̍e̍ na nyɔ̍ kli̍hgbɛ̍ gbà ja̍i̍, iě ɔ̍ naɛ nynɛ̌ mɛ̌.

Wloma 12:16

Mɔ̀ kli̍hgbɛ̍ mɔ̀ blě wlùh due. Mɔ̀ bɔ̌ blɔ̌-ɛ, jɛ nyɔ̍ ùh nyɔ̍gbei se̍-a jbɛɛ-ɛ u̍h bo mɔ̀ iě-e jbɛɛ. Mɔ̀ nɛ due-a flɔ̍nwlùh bɔ̌ flɔ̍nwlùh nu̍-ɛ.

Wloma 12:3

Blɛ Nyɔsoa nɛ-a dǒ ǐn we̍-ɛ, dǒ ǐn tba̍ bu̍h i̍ iě ǎn sèàɛ̍ ka mɔ̀ kli̍hgbɛ̍ wlùh. Mɔ̀ bɔ̌ mɔ̀-a chɛ̀ dɛ̍kɛ̍n gbǎ nyɔ̍ slè-eɛ wɛ̀ mɔ̀ bɔ̌-o i̍ sì-ɛ. Jɛ mɔ̀ kɔn gblɛ̍n mɔ̀ iě mɔ̀-a chɛ̀ tɔ̀ɔ̀n tù dǒ wlùh gbaɛ Nyɔsoa nyǐ-a mɔ̀-ɛ we̍.

1 Kɔwlɛntiɔn 13:2

Pò ǎn jɛ blě Nyɔsoa-a tu̍owli po̍-ɛa gbǐh, wɛ̀ iě tɔɔ kli̍hgbɛ̍ blě, iě slǎnᵻ kli̍hgbɛ̍ juo, wɛ̀ iě wlùh gbaɛ kli̍hgbɛ̍ ɛ̀ sà-a tlu̍hᵻ wlù-ɛ blě-a chɛ̀ sǔh, jɛ pò ǐn se̍ nyɔ̍ɔ jbɛɛ-ɛ, nɛ̀ ǐn se̍ dɛ̍ i̍ blaɛ.

1 Kɔwlɛntiɔn 3:18

Mɔ̀-a nyɔ̍ bɔ̌ ɔ̍ chɛ̀ i̍ boe-ɛ. Pò nyɔ̍ nɛ dě mɔ̀ nynɛ̌ wɛ̀ ɔ̍ iě ɔ̍ chɛ̀ di̍i̍ i̍ flɔn nyɔ̍ dǎɛ nɔ̌ kmɔ̌ la we̍-ɛ, nɛ̀ ɔ̍ nu̍ ɔ̍ chɛ̀ bo-nyɔ̍ we̍i̍, wɛ̀ ɛ̍ iě ɛ̍ nu̍ ɔ̍ iě flɔ̍nwlùh blě.

1 Kɔwlɛntiɔn 8:2

Nyɔ̍ ɔ̀ la̍ ɔ̀ juo-a dɛ̍-ɛ, nɛ̀ ɔ̍ se̍ ɛ̍ juo ka ɔ̍ kɔn ɔ̍ iě-a ɛ̍ juo-ɛ nu̍-ɛ.

2 Kɔwlɛntiɔn 12:11

Ǐn nu̍ dɛ̍ᵻ ka bo-nyɔ̍-ɛ, jɛ mɔ̀ɔ̍ bo ùh nu̍ ɛ̍. Mɔ̀ɔ̍ bo ùh kɔn ùh iě ǎn tìh-a bu̍hᵻ wlù i̍ po̍ de. Ǐn se̍ dɛ̍-a chɛ̀ gbɛɛ, jɛ ǐn se̍ gba̍tòà-a konynǐ naɛ dǒ nyɔ̍ la mɔ̀-a dǎɛ-a Klai-a gba̍tòà klaaᵻɛ́ kɛ̍n.

2 Kɔwlɛntiɔn 3:5

Ɛ̍ se̍ nɛ̀ à blě gbǐh dǒ à chɛ̀ we̍ à iě dɛ̍-o-dɛ̍ nu̍. Gbǐh à blě-aɛ, i̍h sɔ dě Nyɔsoa we̍.

Kelesea 2:6

Jɛ nyɔ̍ u̍h-a dǎɛ-a nyɔ̍ klaaᵻɛ́, u̍h se̍ flɔ̍nwlùh delee dǒ naɛ̍ kɛ̍n po̍. Ka jɛ u̍h nɛ-a chɛ̀-ɛ, dɛ̍ ɛ̀ iě-a dǒ dɔɔ̌ nɛ dǒ ǐn we̍-ɛ, ɛ̍ se̍ nɛ dɛ̍nu̍ɛ, Nyɔsoa-a chlɛ̌-e nyɔ̍ i̍.

Kelesea 2:9

Chiin ke, Pitɛ ke Chɔɔn u̍h-a dǎɛ-a gbo̍tu-ɛ, u̍h juo-o dɛ̍ i̍ ka Nyɔsoa nyǐ-a ǐn dbo̍ la-ɛ. Ɛ̍ kɔn tìh u̍h tǔh ǐn ke Banaba kwa̍, ɛ̍ iě ɛ̍ to-ɛ ka u̍h ke à nu̍-a dbo̍ due-ɛ. Iě u̍h wɔ̌n ǐn ke Banaba ke à iě dě ùh se̍-a Juu nyɔ̍-ɛ we̍ dbo̍ nui, wɛ̀ u̍h iě dě Juu nyɔ̍ we̍ dbo̍ nui ke.

2 Timote 3:13

Nɛ̀ dɛ̍ᵻ sɔ̀nᵻ nyɔ̍ ke de̍ sì nyɔ̍-a mu̍ dě de̍i̍ gbǎ. U̍h-a boe nyɔ̍ɔ i̍, iě u̍h-a boe u̍h-a chɛ̀ i̍ ke.

Chiin 1:22

Wlu̍-a chɛ̀ bo mɔ̀ iě nu̍, jɛ mɔ̀ bɔ̌ ɛ̍ dounᵻ we̍ po̍ nyɔ̍ nu̍-ɛ sǔh. Pò mɔ̀ po̍ ɛ̍ dounᵻ we̍ iě mɔ̀ se̍ ɛ̍ nu̍-ɛ, nɛ̀ mɔ̀-a boe mɔ̀-a chɛ̀ i̍.

Chiin 1:26

Nyɔ̍ jɔ ɔ̀ la̍ ɔ̀ nu̍-a Nyɔsoa dɛ wɛ̀ ɔ̀ se̍-a ɔ̍ chɛ̀-a wɔ̍n gbèwe̍ gbɛ̍n-ɛ bɛ̌ɛ-ɛ, nɛ̀ ɔ̍ boe ɔ̍ chɛ̀ i̍. Nɛ̀ ɔ̍ Nyɔsoa dɛ se̍ dɛ̍kɛ̍n gbǎ.

1 Chɔɔn 1:8

Pò à la̍ à-a nu̍ gblɛ̍n sɔ̀ɛ̀n-ɛ, nɛ̀ à boe à chɛ̀ i̍. Nɛ̀ tìh-a taǐn se̍ dě à ja̍a̍ nɛ.