Kelesea 6:2 - Ku̍o̍ Delee 1999

² Pò jɔ kɔn ba̍ ja tìh jě-ɛ, nɛ̀ ɔ̍ gbǎ ɔ̍ we̍ u̍h iě ɛ̍ kwa̍a̍ i̍ gblè-e. Ɛ̍ ja laan nɛ-ɛ, nɛ̀ mɔ̀-a jě la̍ Klai-a telě kli̍hgbɛ̍ dɛ̍ɛ̍.

Kelesea 6:2 Iomraidhean Croise

Matio 8:17

Ɛ̀ la ɛ̍ nɛ-ɛ, wɛ̀ Nyɔsoa-a tu̍owli po̍ nyɔ̍ Asaia-a wlu̍ ɔ̍ bla̍-ɛ, ɛ̍ iě tìh-a taǐn nu̍. Ɔ̍ la̍a̍, “Ɔ̍ sà à poa-a dɛ̍ᵻ kli̍hgbɛ̍ ku̍u̍-i, iě ɔ̍ gba̍ à wɛ̌ᵻ kli̍hgbɛ̍.”

Pɔ̀n Chɛ̀ Luu To-a La 11:46

Jusu la̍a̍, “Chlě dǒ mɔ̀ we̍ ke, telě nǎ poe nyɔ̍. Dɛ̍nu̍ɛ, gbɛ̀ᵻ ìh ku-a kwa̍-aɛ bo mɔ̀-a po̍ dǒ nyɔ̍ duuh kleǐ. Jɛ nɛ̀ mɔ̀-a chɛ̀-ɛ wɔ̌ɛn u̍h sɔ̍n we̍ po̍ tìh i̍.

Chɔɔn 13:34

Mɔ̀ jbɛɛ we̍, ɛ̍ bo ɛ̀ nu̍ slǔh delee ǎn po̍ mɔ̀. Ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Chɔɔn 15:12

Ɛ̀ la bo ɛ̀ nu̍ ǎn telě, ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Wloma 15:1

Àɔ̀ juh kɔn wlùh gbaɛ ku̍-a i̍-ɛ, àɔ̀ bo à iě juh kɔn naɛ se̍-a i̍ ku̍-ɛ we̍ gbǎ wɛ̀ ɛ̍ iě u̍h-a gbǔh ja̍i̍ dǔ. Ɛ̍ se̍ à chɛ̀-a wlùh i̍ tè-e kai.

Wloma 8:2

Dɛ̍nu̍ɛ, Nyɔsoa-a Sùù-a telě ɛ̀ ja-a à feɛ dě à ke Jusu Klai-a due nɛ-ɛ di̍i̍-ɛ, ɛ̍ bo ɛ̀ nu̍ ɛ̍ iě telě ɛ̀ ja-a gblɛ̍n sɔ̀ɛ̀n ke mɛ̌ɛ-ɛ, wɛ̀ ɛ̍ se̍ ǐn wlu̍ i̍ kɔn.

1 Kɔwlɛntiɔn 9:21

Pò ǐn jɛɛ nyɔ̍ ùh se̍-a dǒ telě sɔ̀n nɛ-ɛ, nɛ̀ ǐn nu̍ ǎn chɛ̀ se̍ dǒ telě sɔ̀n nɛ nyɔ̍ we̍i̍, wɛ̀ ɛ̍ iě kmɔ̌ nɛ iě u̍h-a wlùh fèàɛ̀ dě Klai we̍. Jɛ ɛ̍ se̍ nɛ ǐn se̍ dǒ Nyɔsoa-a telě sɔ̀n nɛ kai, ǐn nɛ dǒ Klai-a telě sɔ̀n kleǐn.

Kelesea 6:5

Dɛ̍nu̍ɛ, nyɔ̍ jɔ-ɛ, ɔ̍ mu̍ ɔ̍ chɛ̀-a gbɛ̀ blě.

1 Tɛsoloniɔn 5:14

À de̍di̍i̍ᵻ, à ba̍le mɔ̀-ɛ, mɔ̀ gbòɛ̀ɛ̀ flàn-nyɔ̍, mɔ̀ iě faɛn nyɔ̍ wlì i̍ bɛ̌ɛ. Nɛ̀ mɔ̀ gbǎ gbǐh-a mɛ̌-nyɔ̍ we̍. Mɔ̀ gbɛ̍n wlùh i̍ dǒ u̍h kli̍hgbɛ̍ we̍.

Chiin 1:25

Jɛ telě la ɛ̀ wɛ̀-a nɛi̍ wɛ̀ ɛ̀ pǔh-ia nyɔ̍-ɛ, nyɔ̍ ɔ̀ tù-a ɛ̍ dounᵻ ɔ̀ se̍-a ɛ̍ we̍ mǎle wɛ̀ ɔ̀ gba̍-a ɛ̍ nu̍-ɛ dluwe̍ i̍-ɛ, nɛ̀ ɔ̍ mu̍ pɔ̀ìě jě dǒ ɔ̍ nu̍-dɛ̍ kɛ̍n.

Chiin 2:12

Mɔ̀-a wlu-ɛ ke mɔ̀-a nu̍-dɛ̍ᵻ kɔn i̍h iě nyɔ̍ ùh-a mu̍-a sàwi̍h sì dě telě ɛ̀ pǔh-ia nyɔ̍-ɛ di̍i̍-ɛ wɔ̀.

Chiin 2:8

Telě-a klaa naɛ ɛ̀ nɛ-a dě Nyɔsoa-a wlu̍ di̍i̍ ɛ̀ la̍a̍, “Jbɛɛ ìn pònyɔ̍-ɔ ka àn chɛ̀-ɛ,” pò mɔ̀ gbɛ̍n ɛ̍ i̍ chɛ̀ɛ̌chɛ̀-ɛ, nɛ̀ mɔ̀-a dɛ̍ slɛ̌ i̍ wɛ̀.

1 Pitɛ 2:24

Klai tù à gblɛ̍n sɔ̀ɛ̀n dǒ ɔ̍ chɛ̀ pùn wɛ̀ ɔ̍ gba̍ i̍h dǒ gbàɛ̍ kɛ̍n i̍ tu̍ wlì. Ɔ̍ nu̍ ɛ̍-ɛ à ke gblɛ̍n sɔ̀ɛ̀n-a wloa̍ iě chɛn, wɛ̀ à iě dě i̍ slɛ̌-ɛ kmɔ̌ di̍i̍ nɛ. Ɔ̍ dɛ̍ᵻá i̍ tbaɛ bo ɛ̀ pǔh-i mɔ̀.

2 Pitɛ 2:21

Pò u̍h se̍ i̍ slɛ̌-wìè juo de kleǐn-ɛ, nɛ̀ ɛ̍ nmɔ jii̍ ɛ̍ sìì u̍h wɔ̀ ɛ̍ juo-ɛ, wɛ̀ u̍h poe Nyɔsoa-a telě jɛ nyɔ̍ bla̍-a dě u̍h we̍-ɛ kɛ̍n i̍.

2 Pitɛ 3:2

Wlu̍ Nyɔsoa-a tu̍owli po̍ nyɔ̍ bla̍-a dě mɔ̀ we̍ tɛin-ɛ, ǎn pɔ̀n mɔ̀ iě i̍h wlùh we̍ nu̍, ɛ̍ ke à Joi ɔ̀ nu̍-a à Sèìe Nyɔ̍-ɛ, ɔ̍ nyɔ̍ slǔh po̍-ɛ ɔ̍ jaɛ-a dě mɔ̀-a gba̍tòà ja̍a̍-ɛ ke.

1 Chɔɔn 4:21

Telě la bo Nyɔsoa nyǐ àɔ̀. Ɔ̍ la̍ nyɔ̍ jɔ jbɛɛ-a ɔ̍-ɛ, nɛ̀ ɔ̍ kɔn ɔ̍ iě ɔ̍ de̍di̍i̍ jbɛɛ ke.