Kelesea 6:16 - Ku̍o̍ Delee 1999

¹⁶ Dɛ̍ ǎn bla̍-aɛ, nyɔ̍ ɔ̀ mu̍-a ɛ̍ nu̍-ɛ, nɛ̀ ɔ̍ mu̍ wɔɛ jě-ɛ, wɛ̀ ɔ̍ wlùh iě i̍ tè. Mɔ̀ɔ̍ bo ùh wɔ̀ ka Eslɔɛ nyɔ̍ wɛ̀ dǒ Nyɔsoa we̍.

Kelesea 6:16 Iomraidhean Croise

Chɔɔn 1:47

Dǒ Jusu jě-e Natanio nɛ̀ ɔ̍ ji̍ ɔ̍ wlì. Iě Jusu bla̍ ɔ̍ dɛ we̍i̍, ɔ̍ la̍a̍, “Ɔ̀ la bo ɔ̀ nu̍ Eslɔɛ jǔ gbe̍i̍n, si̍h dɛ se̍ dě ɔ̍ ja̍a̍ nɛ.”

Chɔɔn 14:27

“Ǎn siee mɔ̀ wlùh-a i̍ tè-ɛ. Ǎn wlùh-a i̍ tè-ɛ ǎn nyǐ-a mɔ̀-ɛ, ǐn se̍ ɛ̍ mɔ̀ nyǐ ka kmɔ̌-a nyɔ̍ nyǐ nyɔ̍ wlùh-a i̍ tè-ɛ. Mɔ̀-a wlùh bɔ̌ i̍ na-a, mɔ̀ wɔ̍ bɔ̌ faɔn ple̍-ɛ ke.

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Wloma 1:7

Chlǐh-dɛ̍ la ɛ̍ ji̍ mɔ̀ɔ̍ Nyɔsoa-a tìh kma nyɔ̍ kli̍hgbɛ̍ nɛ-a dǒ Wlom wlɔ̀ di̍i̍-ɛ we̍, mɔ̀ɔ̍ ɔ̍ dǎ-a mɔ̀ iě-a ɔ̍ chɛ̀-a nyɔ̍ nu̍-ɛ. Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Wloma 4:12

Nyɔ̍ ùh gbǎ-a plɔ̀n ùh blě-a wlùh gbaɛ-ɛ, u̍h baa bo ke, dɛ̍nu̍ɛ, u̍h se̍ plɔ̀n gbǎ sǔh. Jɛ wlùh gbaɛ à baa Eblaɛɛn blě-a wɛ̀ ɔ̍ iě-a plɔ̀n gbǎ-a dǔ-ɛ, ɔ̍ wɔ̀ɔ̀ bo u̍h-a sà la̍-e i̍.

Kelesea 1:3

Ǎn sà nǐ wɔ̍n Baa Nyɔsoa ke à Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Kelesea 3:29

Pò mɔ̀ kɔn dǒ Klai we̍-ɛ, nɛ̀ mɔ̀ɔ̍ Eblaɛɛn-a tloemlai, nɛ̀ mɔ̀-a mu̍ dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a jě.

Kelesea 5:16

Jɛ dɛ̍ ǎn sà-aɛ, ɛ̍ nu̍ mɔ̀ naɛ dě Nyɔsoa-a Sùù di̍i̍, wɛ̀ mɔ̀ɔ̍ je̍e mɔ̀-a chɛ̀-a wlùh i̍ tè-e dǒ mɔ̀-a tu̍ ɛ̀ pɔ̀n-a gblɛ̍n sɔ̀ɛ̀n nu̍-ɛ i̍-ɛ we̍.

Kelesea 5:25

Ka à nɛ-ɛa Sùù kmɔ̌ wɛ̀-ɛ, nɛ̀ mɔ̀ à naɛ dě Sùù di̍i̍.

Ɛfɛsɔ 6:23

Ǎn sà nǐ wɔ̍n Baa Nyɔsoa ke Joi Jusu Klai iě de̍di̍i̍ᵻ kli̍hgbɛ̍ kmɔ̌-a i̍ gbe̍ɛ̍ɛn ke wlùh gbaɛ ke jbɛɛ nyǐ.

Felepai 3:16

Dɛ̍ à iě-a nu̍-ɛ, ɛ̍ nu̍ wìè due à nɛ-a kɛ̍n se̍e̍-ɛ ɛ̍ bo à iě kɛ̍n nɛ.

Felepai 3:3

Àɔ̀ nɔ̀ɔ̍, àɔ̀ bo à gbǎ plɔ̀n-a gblangbai̍ naɛ, dɛ̍nu̍ɛ, à se̍ plɔ̀n gbǎ dǒ nyi̍ɔ̍-a sɔ̍n we̍. À sà Nyɔsoa wɛɛ dě ɔ̍ Sùù di̍i̍. À nmɔ-ɛ, dɛ̍nu̍ɛ, à nɛ kmɔ̌ dě Jusu Klai ja̍a̍. À se̍ dɛ̍ᵻ à nu̍-a à chɛ̀ pùn-ɛ wlì tè.

Felepai 4:7

Nɛ̀ Nyɔsoa-a wlùh-a i̍ tè-ɛ ɛ̀ sìì-a nyi̍ɔ̍ naɛ flɔ̍nwlùh kli̍hgbɛ̍-ɛ, ɛ̍ mu̍ mɔ̀-a wlùh ke mɔ̀-a pɔluh i̍ pɛ̌n-ɛ dě Jusu Klai ja̍a̍.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

Judi 1:2

Ǎn sà nǐ wɔ̍n Nyɔsoa-a wɔɛ kɔn-ɛ ke, ɔ̍ wlùh-a i̍ tè-ɛ ke jbɛɛ-ɛ iě kɛ̍n i̍ gboǎɛ dǒ mɔ̀ we̍.