Kelesea 6:12 - Ku̍o̍ Delee 1999

¹² Nyɔ̍ ùh-a pɔ̀n-a u̍h-a chɛ̀ nyɔ̍ chɛ̀ we̍i̍ nu̍-ɛ i̍-ɛ, u̍h bo ùh-a nɛ̌ mɔ̀ kɛ̍ɛ̍n mɔ̀ iě plɔ̀n gbǎ. U̍h-a nu̍ laan wɛ̀ u̍h-u je̍e klě jě Klai ɔ̀ mɛ̌-a dǒ gbàɛ̍ kɛ̍n i̍ tu̍ wlì-ɛ ɔ̍ tìh.

Kelesea 6:12 Iomraidhean Croise

Matio 23:27

“Mɔ̀ɔ̍ telě nǎ poe nyɔ̍ ke Fɛlesii nyɔ̍ la, chlě dǒ mɔ̀ we̍. Mɔ̀ nɛ mɛɔ sɔɔ̌n wɔ̍ɔ̍n. Mɔ̀ wɔ̀ gbàlɔ̍ᵻ ìh u̍h po̍-a pɛ̍ntɛ̍n plǔ-ɛ. Nɔ̌ i̍h-a sɔ̀n ka nɛ maloo, jɛ nɛ̀ nyɔ̍ gbǎᵻ ke chai̍n-a sǔh jǐ dě i̍h di̍i̍.

Matio 23:28

Kǎ mɔ̀ nɛ ke, pò mɔ̀ wlǔh-i nyɔ̍ kɛ̍n-ɛ, nɛ̀ mɔ̀ nmɔ kɛ̍n i̍ dě u̍h jlǐh ka i̍ slɛ̌-nyɔ̍-ɛ. Jɛ nɛ̀ dě mɔ̀ di̍i̍ jǐ-i dǒ kà kɔn-ɛ ke mɛɔ sɔɔ̌n wɔ̍ɔ̍n nɛ-ɛ we̍.

Matio 23:5

Ìh kli̍hgbɛ̍ u̍h-a nu̍-aɛ, u̍h-a nu̍ i̍h u̍h iě nyɔ̍-a jlǐh gbɛ̍n. Nyɔsoa-a wlu̍-a dɛ̍ku seeɛ u̍h bla̍-a dlǔ iě u̍h pìàɛ̍n-a sɔ̍n i̍-ɛ, i̍h bo mɔ̀ iě ja̍ gbɛ̀n sǔh mɔ̀ iě jě. Ɛ̍ ke u̍h-a dɛ̍wlo̍o̍-a baie tɔ̀ɔ̀nᵻ ke.

Matio 5:10

“Nyɔ̍ ùh-a nu̍-a dɛ̍ Nyɔsoa-a pɔ̀n-a i̍, wɛ̀ u̍h tù-a ɛ̍ tìh u̍h-a jě-ea u̍h klě-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ u̍h we̍.

Matio 6:16

Jusu la̍a̍, “Pò mɔ̀ ja jlǔh po̍ dě Nyɔsoa dɛ di̍i̍-ɛ, mɔ̀ bɔ̌ mɔ̀-a chɛ̀-a pio nu̍-ɛ. Nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ, kǎ u̍h-a nu̍ u̍h-a chɛ̀-a pio nu̍-ɛ, wɛ̀ ka u̍h-a po̍-a jlǔh-ɛ nyɔ̍ iě-o dɛ̍ i̍ juo. Bɔ̌ ǐn sèàɛ̍ mɔ̀ wlùh, nɛ̀ u̍h naɛ dɛ̍ jě ka̍ bo wɛ̀.

Matio 6:2

“Ɛ̍ tìh-ɛ, pò ìn ja wlùh nmɔ-ɛ, nɛ̀ ìn bɔ̌ ɛ̍ gbaɛ̍we̍ tè-ɛ. Nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ, kǎ u̍h-a nu̍ dě wɛɛ sà gbòᵻ sɔ̀n i̍ ke dǒ wlɔ̀gbàɛ̀, wɛ̀ nyɔ̍ɔ iě u̍h tìhwe̍ po̍. Bɔ̌ ǐn sèàɛ̍ mɔ̀ wlùh, nyɔ̍ kaɛn laa̍ nɛ̀ u̍h naɛ dɛ̍ jě ka̍ bo wɛ̀.

Matio 6:5

Ɔ̍ la̍a̍, “Pò mɔ̀ ja Nyɔsoa ba̍le-ɛ, nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ, mɔ̀ bɔ̌ u̍h we̍ dɛ̍ nu̍-ɛ. U̍h jbɛɛ nyna i̍ dǒ wlɔ̀gbàɛ̀ ke dě wɛɛ sà gbo̍ᵻ sɔ̀n i̍ wɛ̀ ìè ba̍le, wɛ̀ nyɔ̍gbei iě u̍h jě. Tìh-a taǐn ǎn sèàɛ̍ mɔ̀ wlùh, nyɔ̍ kaɛn laa̍ nɛ̀ u̍h naɛ dɛ̍ jě ka̍ bo wɛ̀.

Pɔ̀n Chɛ̀ Luu To-a La 16:15

Jɛ Jusu la̍a̍ dě u̍h we̍, “Mɔ̀ɔ̍ bo ùh-a dǎɛ mɔ̀-a chɛ̀ i̍ slɛ̌-nyɔ̍ dǒ nyɔ̍ɔ jlǐhwai. Jɛ Nyɔsoa juo mɔ̀-a wlùh. Dɛ̍nu̍ɛ, dɛ̍ ɛ̀ gbǎ-a dɛ̍kɛ̍n kaa̍ dě nyɔ̍ jlǐh-ɛ, ɛ̍ se̍ dɛ̍wɛ-a chɛ̀ wɔ̀ dě Nyɔsoa nɔ̀ɔ̍ jlǐh.

Pɔ̀n Chɛ̀ Luu To-a La 20:47

U̍h-a bla̍ tèwànynɔ̌gbaɔᵻ jlǐhɛ̍ dlǔ, iě u̍h-a jǎ u̍h-a kɔn-dɛ̍ᵻ kɛ̍n. Ɛ̍ tìh u̍h-a tɛn-ɛ ba̍le-ɛ dlǔ wɛ̀ u̍h iě u̍h-a chɛ̀ dě nyɔ̍ jlǐh i̍ nmɔ-ɛ. U̍h naɛ kàn gbɛ̍n-ɛa mu̍-o dɛ̍ i̍ sìì.”

Chɔɔn 7:18

Nyɔ̍ ɔ̀ wlu-ia dǒ ɔ̍ chɛ̀-a sɔ̍n kɛ̍n-ɛ, nɛ̀ ɔ̍ chɛ̀-a ja̍ tè-ɛ bo ɔ̍ pɔ̀n i̍. Jɛ pò ɔ̍ ja ɛ̍ nu̍ wɛ̀ nyɔ̍ɔ iě nyɔ̍ dbo̍-a ɔ̍-ɛ ja̍ tè-ɛ, nɛ̀ tìh-a taǐn nyɔ̍ bo. Nɛ̀ ɔ̍ dɛ se̍ si̍h i̍ nɛ fu̍u̍.

Nu̍-dɛ̍ᵻ 15:1

Dǒ nyɔ̍ duuh sɔ-ɛ Judia fɔɔ iě u̍h ji̍ dǒ Antiɔ. Wɛ̀ u̍h-a po̍ de̍di̍i̍ᵻ nɛ-a doǒ-ɛ nǎ. U̍h la̍a̍, “Pò mɔ̀ gbǎ plɔ̀n ka Mose-a telě dǎ-aɛ, nɛ̀ à sà-o ɛ̍ tɛ̀. Jɛ pò mɔ̀ se̍ la̍a̍n nu̍-ɛ, nɛ̀ mɔ̀ se̍ pǔh ke̍ o.”

Nu̍-dɛ̍ᵻ 15:5

Wɛ̀ wlùh gbaɛ-ɛ blě nyɔ̍ juh nɛ-a dě Fɛlesii nyɔ̍ naɛ gbɔ̀ù di̍i̍-ɛ, iě u̍h nyna i̍, u̍h la̍a̍, “Ùh se̍-a Juu nyɔ̍-ɛ u̍h kɔn u̍h iě plɔ̀n gbǎ, nɛ̀ mɔ̀ à sèàɛ̍ u̍h wlùh u̍h iě Mose-a telě dɛ̍ɛ̍ jě.”

2 Kɔwlɛntiɔn 10:12

Nyɔ̍ ùh-a bɛ̌-ɛa u̍h-a chɛ̀ i̍-ɛ, à se̍ u̍h à chɛ̀ we̍ po̍ mu̍, àe̍e̍ à se̍ à chɛ̀ u̍h i̍ blaɛ mu̍. Jɛ pò u̍h ja u̍h-a chɛ̀ dɛ̍ dbee dǒ u̍h-a chɛ̀ we̍, u̍h ja u̍h-a chɛ̀ u̍h-a chɛ̀ i̍ blaɛ-ɛ, nɛ̀ u̍h bo we̍i̍.

2 Kɔwlɛntiɔn 11:13

Nyɔ̍ kaɛn la Klai-a gba̍tòà-a si̍h naɛ bo. U̍h-a tmɔ̌ si̍h dǒ u̍h-a dbo̍ u̍h-a nu̍-aɛ we̍. U̍h-a nu̍ u̍h-a chɛ̀ Klai-a gba̍tòà we̍i̍.

Kelesea 2:14

Ti̍ ǐn juo-ao dɛ̍ i̍ ka u̍h-u naɛ-a dě pɔ̀n chɛ̀-a tìh-a taǐn di̍i̍-ɛ, wɛ̀ na̍a̍ dě Pitɛ we̍ dǒ u̍h kli̍hgbɛ̍ jlǐhwai, “Mɔ̀ Juu jǔ, jɛ àn nu̍ la̍ ùh se̍-a Juu nyɔ̍-ɛ u̍h-a gblɛ̍n, nɛ̀ nu̍ Juu gblɛ̍n dɛ. Ka ɛ̍ iě nu̍ wɛ̀ àn nɛ̌ ùh se̍-a Juu nyɔ̍-ɛ kɛ̍ɛ̍n u̍h iě Juu gblɛ̍n nu̍ ɛ?”

Kelesea 2:3

Taitɔ ɔ̀ ke ǐn ke à na-aɛ, ɔ̍-ɔ Klii jǔ gbɛɛ, jɛ u̍h se̍ ɔ̍ kloǒ nu̍ u̍h iě ɔ̍ plɔ̀n po̍.

Kelesea 5:11

Ǐn de̍di̍i̍ᵻ, pò ǐn ja plɔ̀n gbǎ tìh bla̍-a dluwe̍ i̍ gba̍ wɛ̀ iě ka nu̍ ɛ̍ nmɔ jii̍-ɛ, nɛ̀ dɛ̍-ɛ tìh u̍h-a jě-e ǐn klě ɛ? Pò ɛ̍ nɛ la̍a̍n-ɛ, nɛ̀ tìh ǎn bla̍-a dǒ Klai-a gbàɛ̍ kɛ̍n i̍ tu̍ wlì mɛ̌ɛ dɛ we̍-ɛ, nɛ̀ ɛ̍ se̍ nyɔ̍ɔ wɔ̍i̍n nyaɛ mu̍ de.

Kelesea 6:13

Nyɔ̍-a chɛ̀ ùh gbǎ-a plɔ̀n-ɛ, u̍h-u jě telě dɛ̍ɛ̍. Jɛ u̍h-a pɔ̀n mɔ̀ iě plɔ̀n gbǎ wɛ̀ u̍h iě mɔ̀-a plɔ̀n gbǎ dɛ i̍ blɔ̌-ɛ.

Felepai 1:15

Kǎ ɛ̍ nɛ, duuh-a Klai-a tìh bla̍-a kɔ̍-o wlɛ̀n ke chɛ̀-eɛ kɛ̍n i̍. Jɛ duuh-a bla̍ ɔ̍ tìh dǒ wlùh wlǎ we̍.

Felepai 2:4

Mɔ̀-a jɔ-ɛ, nɛ̀ ɔ̍ jě ɔ̍ ba̍-a bli kwlǐ wɔ̍n, jɛ ɔ̍ bɔ̌ ɔ̍ chɛ̀ nɛ due-a bli kwlǐ wɔ̍n jě-ɛ sǔh.

Felepai 3:18

Ɛ̀ la ǐn dǔ ɛ̍ mɔ̀ wlùh sèàɛ̍ se̍e̍, iě ǎn gba̍ la̍ ɛ̍ kɛ̍n i̍ dɛ dǒ mǐtɛɛn we̍. Nyɔ̍ dɔu-a chɛ̀-a gblɛ̍n bo ɛ̀ to ɛ̍ ka u̍h faɛn-a Klai-a dǒ gbàɛ̍ kɛ̍n i̍ tu̍ wlì mɛ̌-ɛ tìh-ɛ.

Kalase 2:23

Gbànᵻ kaɛn la i̍h wɔ̀ flɔ̍nwlùh chɛ̀. Ɛ̍ kɔn i̍h-a nu̍ nyɔ̍-a kloǒ u̍h iě Nyɔsoa-a ǐnchɔ̀ wɛɛ sà. Ìh la i̍h-a ja nyɔ̍ wlù fɔɔ ka. Jɛ kǎ i̍h-a nu̍ nyɔ̍ɔ tìh jě-ɛ. I̍h nɔ̀ɔ̍, i̍h-i po̍-o nyɔ̍ dɛ̍ dǒ nyɔ̍-a wlùh dɛ̍ᵻ bɔ̌ i̍ po̍-ɛ we̍.