Biblia Todo Logo
Bìoball air-loidhne

- Sanasan -




Kelesea 6:10 - Ku̍o̍ Delee 1999

10 Ɛ̍ tìh-ɛ, pò à jě flɔn la̍-ɛ, mɔ̀ à nu̍ dɛ̍ᵻ chɛ̀ dǒ nyɔ̍ kli̍hgbɛ̍ we̍. Nyɔ̍ ùh ke à nɛ-a dě Klai wlùh gbaɛ dɛ di̍i̍-ɛ, u̍h bo à iě ɛ̍ pùn nu̍ chɛ̀ɛ̌chɛ̀.

Faic an caibideil Dèan lethbhreac




Kelesea 6:10
38 Iomraidhean Croise  

Ɛ̍ mu̍ i̍ blaɛ sǔh sùku̍u̍ jǔ iě ɔ̍ nǎ po̍ nyɔ̍ wɔ̀, wɛ̀ pòi̍ju iě ɔ̍ dlǔtu wɔ̀. Nyɔ̍ ɔ̀ nu̍-a gbò-a dlǔtu-ɛ, pò u̍h ja ɔ̍ jeědih-a dlǔtu Biɛsibo dǎɛ-ɛ, nɛ̀ à ji̍ gbò kli̍hgbɛ̍-a chɛ̀ jě lě.”


Dɛ̍nu̍ɛ, nyɔ̍ ɔ̀ nu̍-a ǐn Baa nɛ-a dě ja̍i̍wlɔ̀-ɛ ɔ̍ wlùh dɛ̍-ɛ, nɛ̀ ɔ̍-ɔ bo ɔ̀ nu̍ ǐn de̍di̍i̍ jɔ̍gbau ke ǐn de̍di̍i̍ nynɔ̌gbaɔ ke ǐn de̍.”


Nɛ̀ Blǔh Baa-a mu̍ ka dǎ dě u̍h we̍, ‘Bɔ̌ ǐn sèàɛ̍ mɔ̀ wlùh, dɛ̍ jɛ mɔ̀ nu̍-a dǒ ǐn de̍di̍i̍ᵻ la u̍h-a bla̍-a jlǐhɛ̍ dlǔ-ɛ we̍-ɛ, nɛ̀ mɔ̀ nu̍ ɛ̍ ǐn pùn wɛ̀.’


Ɔ̍ la̍a̍, “Mɔ̀ wɔ̌n i̍h u̍h la̍a̍, ‘Jbɛɛ ìn pònyɔ̍, jɛ faɛn àn nyɛ̌-nyɔ̍.’


Wɛ̀ Jusu tèle u̍h i̍, ɔ̍ la̍a̍, “Ɛ̍ slɛ̌ i̍ dě à telě di̍i̍ à iě dɛ̍ chɛ̀ nu̍ dǒ wlè-weɛ̍ di̍i̍ ɛɛ, àe̍e̍ ɛ̍ slɛ̌ i̍ à iě dɛ̍ sɔ̀n nu̍ ae? À iě nyɔ̍ pǔh-i ɛɛ, àe̍e̍ à iě nyɔ̍-ɔ gbɔ̀lɔ ae?” Jɛ u̍h-a nyɔ̍ se̍ fuɛn nu̍.


Jɛ mɔ̀ jbɛɛ mɔ̀-a nyɛ̌-nyɔ̍-ɔ, nɛ̀ mɔ̀ nu̍ u̍h dɛ̍ chɛ̀ pùn. Mɔ̀ po̍ u̍h gba̍-aɛ, nɛ̀ mɔ̀ bɔ̌ ɛ̍ sà-a tìh gbàɛ̀. Nɛ̀ mɔ̀-a jě-dɛ̍-a mu̍ wɔ̍n ku̍, wɛ̀ mɔ̀ iě Sìì Nyɔ̍ Wɔ̍n Nyɔsoa-a nynuu̍ nu̍. Dɛ̍nu̍ɛ, ɔ̍ nmɔ gblɛ̍n-ɛa chɛ̀ dǒ nyɔ̍-a nynɛ̌ kɔ̌-ɛ nyɔ̍ ke kà kɔn nyɔ̍ we̍.


Iě Jusu la̍a̍ dě u̍h we̍, “Sɔ̀npli-a mu̍ da̍a mɔ̀ we̍ nɛ ke̍ dǒ ti̍ gbɔ̍ di̍i̍. Mɔ̀ na duedɛ ka mɔ̀ blě-a sɔ̀npli ke̍-ɛ, wɛ̀ wlù-u je̍e mɔ̀ wɔ̀-ɛ. Nyɔ̍ ɔ̀ na-ɛa dě kwile-ɛ, tà ɔ̍ mu̍-aɛ, nɛ̀ ɔ̍-ɔ jě-o i̍.


Nyɔ̍ ɔ̀ dbo̍-a m-ɛ, à kɔn à iě ɔ̍ dbo̍ nu̍ duedɛ, ka sɔ̀n sɛ̀n-a ke̍-ɛ. Wlù-a mu̍ ka wɔ̀ tiɔ, nɛ̀ nyɔ̍ se̍ dbo̍ nu̍-ɛ bɛ̌ɛ dɛ.


Sɔ Nyɔsoa-a wlu̍ sɛ̍ i̍, wɛ̀ Jusu-a kòà nɛ-a dǒ Juluslɛn wlɔ̀-ɛ, iě u̍h gboǎɛ kɛ̍n i̍ dɛ̍blɔ. Wɛ̀ Nyɔsoa-a slaǎ sà nyɔ̍ dɔu gbaɛ Jusu wlùh.


Ɛ̍ tìh-ɛ, ǎn ba̍le mɔ̀-ɛ, mɔ̀ iě ɛ̍ to dě ɔ̍ we̍ ka mɔ̀ jbɛɛ-a ɔ̍-ɔ ɛ̍.


Dɛ̍ due u̍h juo-a sǔh nyɔ̍gbei-a sà-aɛ, ɛ̍ nu̍, “Jɔ̍gbau ɔ̀ jě-ea à klě de-ɛ, ɔ̍ bo ɔ̀ bla̍-a la̍ wlùh gbaɛ blě tìh ti̍laa, ɛ̀ ɔ̍ pɔ̀n-a gbɔ̀lɔ-ɛ i̍ de-ɛ.”


Nɛ̀ sɔ da̍a sèàn blǐ-ɛ, mɔ̀ se̍ dakɔ̍ nynuu̍ ke dihwi̍hᵻ dɛ fu̍u̍. Mɔ̀ɔ̍ blǔh nynuu̍ wɛ̀ dě Nyɔsoa-a nyɔ̍ nynɛ̌, mɔ̀ɔ̍ ɔ̍ gbò nynuu̍ wɛ̀.


Ɔ̍-ɔ bo ɔ̀ nyǐ nyɔ̍ kli̍hgbɛ̍ nɛ-a dě ja̍i̍wlɔ̀-ɛ ke nɔ̌ bloɔ̍-ɛ feɛ.


Nyɔ̍ ɔ̀ jlǐ-aɛ, ɔ̍ bɔ̌ jlǐ-ɛ dɛ. Jɛ ɔ̍ nu̍ dbo̍ ɛ̀ slɛ̌-a i̍-ɛ. Nɛ̀ ɔ̍ mu̍ la̍ dɛ̍ blě ke, wɛ̀ ɔ̍ iě nyɔ̍gbà nyɔ̍ we̍ gbǎ-a bɛ̌ɛ.


Flɔn la̍ kli̍hgbɛ̍ mɔ̀-a mu̍-a jě-ɛ, mɔ̀ nui i̍h dɛ̍ chɛ̀, dɛ̍nu̍ɛ, ti̍laa kmɔ̌ la ɛ̍ nyni jii̍.


Ka mɔ̀-a nu̍-a ǎn tìh-a wlùh i̍ naɛ kaka dɛ-ɛ, ɛ̍ nmɔ-ɛ m kaa̍ dě Joi ja̍a̍. Mɔ̀-a naɛ ǎn tìh-a wlùh i̍-a chɛ̀ se̍e̍ sǔh, jɛ nɛ̀ mɔ̀ se̍ ɛ̍ nu̍ ka̍ kɔn.


Nyɔ̍ ùh se̍-a Nyɔsoa nyɔ̍-ɛ, flɔ̍nwlùh bo mɔ̀ iě u̍h we̍ blě-e. Pò mɔ̀ jě flɔn la̍ mɔ̀ iě tu̍owli po̍ dě u̍h we̍-ɛ, nɛ̀ mɔ̀ nu̍ ɛ̍ sùo̍o̍ chɛ̀ka.


Mɔ̀ bɔ̌ wɔ̌n-ɛ nyɔ̍ bɔ̌ dɛ̍ sɔ̀n dɛ̍ sɔ̀n gba̍a̍ sàɛ̀-ɛ. Jɛ mɔ̀ fɔ̀n dɛ̍ we̍ mɔ̀ iě dɛ̍ᵻ chɛ̀ we̍ nui ti̍ kli̍hgbɛ̍ we̍, ɛ̍ ke dǒ nyɔ̍ kli̍hgbɛ̍ we̍ ke.


Mɔ̀ tɛ̀n dɛ̍ᵻ kli̍hgbɛ̍-ɛ, nɛ̀ mɔ̀ gbɛ̍n jii̍ nmɔ naɛ i̍.


Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.


Wlu̍ la tìh-a taǐn bo. Ìh la̍ bo ǎn pɔ̀n ìè kɛ̍ɛ̍n nɛ̌. Nyɔ̍ ùh gbaɛ-a Nyɔsoa wlùh-ɛ, nɛ̀ u̍h nu̍ nɛnɛ̌ u̍h iě dɛ̍ chɛ̀ nu̍-ɛ we̍ fòè. Ìh la̍ bo ìh nmɔ jii̍ wɛ̀ i̍h-a po̍-o nyɔ̍ kli̍hgbɛ̍ dɛ̍.


Mɔ̀ kɔn mɔ̀ iě dɛ̍ᵻ chɛ̀ nu̍. Dɛ̍ᵻ mɔ̀ blě-aɛ, mɔ̀ nmɔ-ɛ i̍h wlùh, dɛ̍nu̍ɛ, dɛ̍ᵻ kaɛn laa̍ bo ìh wɔ̀ slaǎ sà-a ìh-a tè-ea Nyɔsoa-a wlùh i̍-ɛ.


Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.


Nyɔsoa-a nu̍-dɛ̍ slɛ̌ i̍. Ɔ̍ se̍ mɔ̀-a nu̍-dɛ̍ᵻ we̍ mǎle. Mɔ̀ tù ɔ̍ tìh iě mɔ̀ gba̍ ɔ̍ nyɔ̍ jbɛɛ we̍ mɔ̀ iě u̍h we̍ gbǎ, iě mɔ̀-a gbǎ u̍h we̍ ke̍.


Mɔ̀ wɔ̀ kmɔ̌ nɛ sɔɔ̌ ke. Mɔ̀ɔ̍ bo Nyɔsoa dǔ-u, iě ɔ̍ poe mɔ̀ ɔ̍ Sùù-a gbò, wɛ̀ mɔ̀ iě nɛi̍ wɛ̀ slaǎ sà nyɔ̍ nu̍. Nɛ̀ mɔ̀ sà slaǎ Sùù ka, ɛ̀ Nyɔsoa-a mu̍-a i̍ gbɛ̍n dě Jusu Klai ja̍a̍-ɛ.


Ti̍ nyni̍ wɛ̀ sàwi̍h sì-ɛ iě gbɔ̀ tè-ɛ. Nyɔsoa-a nyɔ̍ bo ùh-a mu̍ sàǐtòò nyɔ̍ nu̍ ùh iě sàwi̍h sì. Pò ɛ̍ tè-ɛ gbɔ̀ dě àɔ̀ we̍-ɛ, nɛ̀ nyɔ̍ juh se̍-a Nyɔsoa-a pɔ̀n chɛ̀-a wlu̍ nu̍-ɛ, nɛ̀ ka u̍h naɛ-a mu̍ nɛ ɛ?


Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.


Jɛ pò ǐn ji̍-ɛ, nɛ̀ ǎn mu̍ ɔ̍ nu̍-dɛ̍ᵻá kunǎ po̍. Ɔ̍ sà dɛ̍ᵻ sɔ̀nᵻ dǒ à pùn, iě ɔ̍ tmɔ̌-ɛ à si̍h-i. Ɛ̍ nɔ̀ɔ̍, ɛ̍ se̍-o dɛ̍ nu̍ ke̍ gbɔ̀ɔ, jɛ ɔ̍ sà de̍di̍i̍ᵻ ùh nu̍-a dihwi̍hᵻɛ́ jlǐhɛ̍ we̍, iě juh-a pɔ̀n-a u̍h-a tìh jlǐhɛ̍ i̍ gbɛ̍n-ɛ i̍-ɛ, ɔ̍ po̍ u̍h bɔ̌ i̍. Iě ɔ̍ po̍ u̍h sɔ̀n i̍ dě chɔchi̍h-i.


Ǎn tìh kma nyɔ̍, bɔ̌-e dɛ̍ sɔ̀n-a wɔ̀ɔ̀ i̍ sà-a, jɛ dɛ̍ chɛ̀-a wɔ̀ɔ̀ bo ìè-e i̍ sà. Nyɔ̍ jɔ nu̍-a dɛ̍ chɛ̀-ɛ, nɛ̀ ɔ̍ sɔ dě Nyɔsoa we̍. Jɛ nyɔ̍ ɔ̀ nu̍-a dɛ̍ sɔ̀n-ɛ, nɛ̀ ɔ̍-ɔ se̍a Nyɔsoa jě.


À de̍di̍i̍ᵻ duuh sǐ-a da̍a i̍-ɛ, wɛ̀ ka àn nu̍-a tìh-a taǐn dɛ̍ɛ̍ jě-ɛ, iě àn wɔ̀-a dǒ ɛ̍ de̍e̍ ke̍ ma̍u̍-ɛ, u̍h sèàɛ̍ ǐn wlùh. Sɔ ɛ̍ po̍ ǐn mɔna̍-a kaa̍.


Lean sinn:

Sanasan


Sanasan