Kelesea 6:1 - Ku̍o̍ Delee 1999

¹ Ǐn de̍di̍i̍ᵻ, pò nyɔ̍ gba̍ wìè sɔ̀n-ɛ, nɛ̀ mɔ̀ɔ̍ juh nɛ-a dě Nyɔsoa-a Sùù-ɛ, nɛ̀ mɔ̀ɔ̍ bo ùh iě ɔ̍ wìè-e po̍ dě gba̍n gbɛ̍n-ɛ di̍i̍. Jɛ nɛ̀ mɔ̀ nu̍ nɛnɛ̌ wɛ̀ mɔ̀-a chɛ̀ je̍e blu̍ja̍a̍ gbǎ ke.

Kelesea 6:1 Iomraidhean Croise

Matio 11:29

Mɔ̀ gba̍ ǎn kɛ̌n wìè mɔ̀ iě ǐn dɛ̍ we̍ cheǎn-ɛ, dɛ̍nu̍ɛ, ǐn gbɛ̍n gba̍n, wɛ̀ ǐn ja ǎn chɛ̀ wlù. Pò mɔ̀ nu̍ la̍a̍n-ɛ, nɛ̀ mɔ̀-a wlùh-a mu̍ i̍ tè.

Matio 26:69

Ɛ̍ ti̍ laa̍ nɛ̀ kǎ Pitɛ tè i̍ ke sǔh dě gbò-a gbàɛ̍gbà di̍i̍. Wɛ̀ nynɔ̌gbaɔ jǔ ɔ̀ nu̍-a pòi̍ju-ɛ ji̍ dǒ ɔ̍ we̍ ɔ̍ la̍a̍, “Jusu la ɔ̀ sɔ-a Kaladii fɔɔ-ɛ, ɔ̍ ke àn na ke o.”

Matio 26:75

Iě wlu̍ Jusu bla̍-ɛ, wɛ̀ ɛ̍ dǔ dǒ Pitɛ wlì i̍ sǐ-ɛ. Ɔ̍ la̍a̍, “Àn mu̍ ǎn tìh-i tòlo ìè gbɔ̍ᵻ ta̍a̍n nu̍ sasǎ wɛ̀ suuh iě slò-ɛ dǔ.” Pitɛ sǐ-a sɔ̀n-ɛ, iě ɔ̍ fìn dɛ̍blɔ dɛ.

Matio 9:13

Jɛ wlu̍ la ɛ̀ la̍a̍, ‘Wɔɛ bo ǎn pɔ̀n, ǐn se̍ slaǎ sà-a pɔ̀n,’ mɔ̀ mu̍ mɔ̀ iě ɛ̍ cheǎn mɔ̀ iě ɛ̍ gbɔ̀ juo. Dɛ̍nu̍ɛ, ǐn se̍ i̍ slɛ̌-nyɔ̍ i̍ pɔ̀n la̍-a ji̍, jɛ gblɛ̍n sɔ̀ɛ̀n nyɔ̍ bo ǐn ji̍ i̍ pɔ̀n la̍-a.”

Wloma 14:1

Nyɔ̍ ɔ̀ kɔn wlùh gbaɛ se̍-a i̍ ku̍ dě mɔ̀ nynɛ̌-ɛ, mɔ̀ gbà ɔ̍ wlì. Jɛ nɛ̀ mɔ̀ bɔ̌ ɔ̍ we̍ chɛ̀-ɛ ɔ̍ flɔ̍nwlùh-a tìh.

Wloma 15:1

Àɔ̀ juh kɔn wlùh gbaɛ ku̍-a i̍-ɛ, àɔ̀ bo à iě juh kɔn naɛ se̍-a i̍ ku̍-ɛ we̍ gbǎ wɛ̀ ɛ̍ iě u̍h-a gbǔh ja̍i̍ dǔ. Ɛ̍ se̍ à chɛ̀-a wlùh i̍ tè-e kai.

Wloma 8:6

Nɛ̀ nyɔ̍ ɔ̀ kɔn wlùh gblɛ̍n sɔ̀ɛ̀n-a tu̍ kɔn-a wlu̍ i̍-ɛ, ɔ̍ mu̍ mɛ̌. Jɛ nyɔ̍ ɔ̀ kɔn wlùh Sùù kɔn-a wlu̍ i̍-ɛ, nɛ̀ ɔ̍ mu̍ feɛ ke wlùh-a i̍ tè-ɛ blě.

1 Kɔwlɛntiɔn 10:12

Pò nyɔ̍-o-nyɔ̍ jě nyna la̍ wɛ̀ dě ɔ̍ chɛ̀ jlǐh-ɛ, nɛ̀ ɔ̍ nu̍ nɛnɛ̌ wɛ̀ ɔ̍-ɔ je̍e i̍ kà.

1 Kɔwlɛntiɔn 14:37

Pò nyɔ̍-o-nyɔ̍ la̍ ɔ̍-ɔ Nyɔsoa-a tu̍owli po̍ nyɔ̍ àe̍e̍ ɔ̍ blě Nyɔsoa-a Sùù-a nyǐ-dɛ̍-ɛ, nɛ̀ ɔ̍ kɔn ɔ̍ iě ɛ̍ i̍ juo ka dɛ̍ ǎn chlǐh-a dě mɔ̀ we̍-ɛ, ɛ̍ nu̍-a Joi-a telě-ɛ.

1 Kɔwlɛntiɔn 2:15

Nyɔ̍ ɔ̀ blě-a Nyɔsoa-a Sùù-ɛ, nɛ̀ ɔ̍ bo ɔ̀ nu̍ taɔ pa̍ nyɔ̍ dǒ dɛ̍ᵻ kli̍hgbɛ̍ we̍. Jɛ ɔ̍ chɛ̀ nɔ̀ɔ̍, nyɔ̍ se̍ ɔ̍ taɔ pa̍-a bɛ̌ɛ.

1 Kɔwlɛntiɔn 3:1

Ǐn de̍di̍i̍ᵻ, ka ǐn nu̍-a dě Nyɔsoa-a Sùù blě nyɔ̍ we̍ wlu-ɛɛ, ǐn se̍ la̍a̍n wlu-ɛ nu̍-ɛ bɛ̌ɛ dě mɔ̀ we̍. Jɛ ǐn wlu dě mɔ̀ we̍ ka dě kmɔ̌ we̍ nɛ nyɔ̍-ɛ. Dɛ̍nu̍ɛ, mɔ̀ wɔ̀ nynuu̍pli ke̍ dě Klai wlùh gbaɛ di̍i̍.

1 Kɔwlɛntiɔn 4:21

Jɛwe̍ ɛ̀ mu̍ mɔ̀ gbǐh po̍ ɛ? Ǐn ja bliku iě mɔ̀ bla̍ ɛɛ, àe̍e̍ ǐn ja jbɛɛ ke gba̍n gbɛ̍n-ɛ dě wlùh wlǎ di̍i̍ ae?

1 Kɔwlɛntiɔn 7:5

Mɔ̀ bɔ̌ mɔ̀-a chɛ̀ kǎn i̍ po̍-ɛ, jɛ pò mɔ̀ dbǎ wlu̍ i̍ dǒ ti̍ di̍i̍ mɔ̀ iě ba̍le-ɛ, nɛ̀ ǐn sà-o ɛ̍ tɛ̀. Jɛ nɛ̀ nynɔ̌ ke ɔ̍ kɔan gbǎ tàdùè suei̍ wɛ̀ u̍h-u se̍-e wlùh ku̍, iě Setɔn je̍e ɛ̍-ɛ jii ɛ̍-ɛ je̍e u̍h blu̍ja̍a̍ po̍.

2 Kɔwlɛntiɔn 10:1

Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.

2 Kɔwlɛntiɔn 2:7

Ɛ̍ tìh-ɛ, mɔ̀ bǐi i̍ mɔ̀ iě ɔ̍ gblɛ̍n sɔ̀ɛ̀n-a tìh i̍ tǎli mɔ̀ iě ɔ̍ we̍ gbǎ. Wɛ̀ ɛ̍ iě ɛ̍ nu̍ ɔ̍-ɔ je̍e seɔn gbǎ kaa̍ wɛ̀ ɔ̍-ɔ je̍e i̍ kà chɛ̀ɛ̌chɛ̀.

2 Kɔwlɛntiɔn 2:8

Ɛ̍ tìh-ɛ, ǎn ba̍le mɔ̀-ɛ, mɔ̀ iě ɛ̍ to dě ɔ̍ we̍ ka mɔ̀ jbɛɛ-a ɔ̍-ɔ ɛ̍.

Kelesea 5:23

Nɛ̀ diih nu̍ gba̍n gbɛ̍n-ɛ ke chɛ̀ i̍ gbɛ̍n-ɛ. Telě ɛ̀ iě-a ìh la-a nyɛ̌-ɛ, ɛ̍ se̍ nɛ.

Kelesea 6:18

Ǐn de̍di̍i̍ᵻ, ǎn sà nǐ wɔ̍n à Joi Jusu Klai-a blɛ iě mɔ̀ we̍ nɛ. Kǎ ɛ̍-ɛ nɛ.

1 Tɛsoloniɔn 4:1

À de̍di̍i̍ᵻ, pò iě chlà-ɛ, ka mɔ̀ iě-a kmɔ̌ nɛ-ɛ nu̍ wɛ̀ mɔ̀ iě-a dě Nyɔsoa jlǐh i̍ nmɔ-ɛ, ɛ̍-ɛ bo à toe mɔ̀. I̍i̍n, kǎ mɔ̀-a nu̍ la̍. Jɛ kaka la̍ à ba̍le mɔ̀-ɛ, à gbɛ̍n mɔ̀-a bu̍hᵻ i̍ dǒ Joi Jusu-a nynɛ̌ kɛ̍n mɔ̀ iě ɛ̍ dluwe̍ i̍ gba̍ ma̍u̍.

2 Tɛsoloniɔn 3:15

Bɔ̌ ɔ̍ ja̍ gbɛ̀n-ɛ ka àn nyɛ̌-nyɔ̍-ɛ, jɛ tù ɔ̍ slɛ̌n ka àn mu̍-a de̍di̍i̍ᵻ duuh-a tìh nu̍-ɛ.

2 Timote 2:25

Nɛ̀ ɔ̍ po̍ nyɔ̍ ùh-a tbaɛ-a ɔ̍ bu̍hᵻ i̍-ɛ wìè-e gba̍n gbɛ̍n ka. Nyɔ̍-se̍-juo dǒ Nyɔsoa-a mu̍ u̍h flɔn la̍ nyǐ-i, wɛ̀ u̍h iě i̍ bǐi u̍h iě tìh-a taǐn juo la̍ ji̍.

Iblu 12:13

Nɛ̀ mɔ̀ sà wìè ɛ̀ slɛ̌-a i̍-ɛ ɛ̍ iě puepuě nɛ, wɛ̀ pò i̍ kɔ̌-bu̍h ja ɛ̍ we̍ na-ɛ, ɛ̍-ɛ je̍e kɛ̍n gblìh, jɛ wɛ̀ ɛ̍ iě bɔ̌.

Iblu 13:3

Nyɔ̍ ùh nɛ-a dě kasoo-ɛ, mɔ̀ naɛ u̍h-a tìh wlùh i̍ ka nyɔ̍ la̍ mɔ̀-a chɛ̀ bo ùh nɛ dě kasoo-ɛ. Nyɔ̍ ùh-a jě-a tìh-ɛ kǎ mɔ̀ iě u̍h-a tìh wlùh i̍ naɛ nu̍ ke, ka nyɔ̍ la̍ mɔ̀-a chɛ̀ bo ùh-a jě tìh-ɛ.

Chiin 3:13

Nyɔ̍ bo ɔ̀ flɔn di̍i̍ i̍ iě ɔ̀ wɔ̌n dɛ̍ɛ̍ i̍ dě mɔ̀ nynɛ̌ ɛ? Nɛ̀ ɔ̍ to ɛ̍ dě ɔ̍ kmɔ̌ chɛ̀ di̍i̍, ɛ̍ ke nu̍-dɛ̍ᵻ chɛ̀ ɔ̍ nu̍-a dě tìh i̍ gbɛ̍n flɔ̍nwlùh di̍i̍-ɛ ke.

Chiin 3:2

À kli̍hgbɛ̍ la à sì dɛ̍ i̍ ti̍ kli̍hgbɛ̍ we̍. Pò nyɔ̍-ɔ se̍a wlu̍ i̍ sì-ɛ, nɛ̀ ɔ̍ wɛ̀ nɛi̍ wɛ̀. Nɛ̀ ɔ̍ bɛ̌ɛ ɔ̍ chɛ̀ i̍ gbɛ̍n-ɛ dǒ dɛ̍ᵻ kli̍hgbɛ̍ we̍.

1 Pitɛ 3:15

Mɔ̀ jě Klai dɛ̍ɛ̍ kleǐnklein ka ɔ̍ nu̍-a mɔ̀-a Joi-ɛ. Mɔ̀ gbàɛ̀ ti̍ kli̍hgbɛ̍ we̍ nyɔ̍ mu̍-a mɔ̀ i̍ tèle-ɛ, wɛ̀ mɔ̀ iě u̍h wlùh sèàɛ̍ dɛ̍ kɔn tìh mɔ̀ tè-a Nyɔsoa wlì-ɛ.

1 Chɔɔn 5:16

Pò nyɔ̍-o-nyɔ̍ jě ɔ̍ de̍di̍i̍ ɔ̍ nu̍ gblɛ̍n sɔ̀ɛ̀n ɛ̀ se̍-a mɛ̌ɛ wìè gba̍-ɛ, nɛ̀ ɔ̍ ba̍le ɔ̍ Nyɔsoa ɔ̍ iě kmɔ̌ nɛ. Ùh kɔn gblɛ̍n sɔ̀ɛ̀n se̍-a mɛ̌ɛ wìè gba̍-ɛ bo ǎn dǎ. Gblɛ̍n sɔ̀ɛ̀n jih-a gba̍-a mɛ̌ɛ wìè-ɛ, ǐn se̍ la̍ ɔ̍ iě Nyɔsoa ba̍le dǒ i̍h nɔ̀ɔ̍ we̍.