Kelesea 5:7 - Ku̍o̍ Delee 1999

⁷ Mɔ̀-a mu̍-a nya̍ de gbɛɛ-ɛ, nyɔ̍ bo ɔ̀ sà mɔ̀ wìè-i dǒ tìh-a taǐn dɛ̍ɛ̍ jě-ɛ we̍ ɛ?

Kelesea 5:7 Iomraidhean Croise

Matio 13:21

Jɛ ɛ̍ se̍ sɛ̌n po̍ dě u̍h ku̍sɔ̀n, ɛ̍ kɔn klě jě-ɛ ji̍-a Nyɔsoa-a tu̍owli tìh-ɛ, wɛ̀ u̍h ple̍ suei̍.

Nu̍-dɛ̍ᵻ 6:7

Sɔ Nyɔsoa-a wlu̍ sɛ̍ i̍, wɛ̀ Jusu-a kòà nɛ-a dǒ Juluslɛn wlɔ̀-ɛ, iě u̍h gboǎɛ kɛ̍n i̍ dɛ̍blɔ. Wɛ̀ Nyɔsoa-a slaǎ sà nyɔ̍ dɔu gbaɛ Jusu wlùh.

Wloma 10:16

Jɛ ɛ̍ se̍ nyɔ̍ kli̍hgbɛ̍ ùh se̍ pɔ̀n chɛ̀ la i̍ gbɛ̍n. Ɛ̍ kɔn Asaia la̍a̍, “Joi, tu̍owli à po̍-aɛ, nyɔ̍ bo ɔ̀ dǎɛ i̍h tìh ɛ?”

Wloma 15:18

Dɛ̍ ɛ̀ Klai nu̍-a dě ǐn ja̍a̍-ɛ, ɛ̍ nu̍ ùh se̍-a Juu nyɔ̍-ɛ u̍h iě Nyɔsoa-a wlu̍ nu̍. Ɛ̍ nɛ due bo ǎn mu̍ bla̍ gbài̍gbài̍. Ɔ̍ nu̍ ɛ̍-ɛ dǒ ǎn wlu̍ ke ǎn nu̍-dɛ̍ᵻ we̍.

Wloma 16:26

Kmɔ̌ sie Nyɔsoa po̍ ɔ̍ tu̍owli po̍ nyɔ̍ slǔh u̍h iě chlǐh dǒ sìle dɛ̍ la we̍. Ɛ̍ bo ɛ̀ sà-ɛ tà iě nyɔ̍ kli̍hgbɛ̍ juo i̍h, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 2:8

Jɛ nyɔ̍ duuh-a sì u̍h-a chɛ̀ tìh, wɛ̀ u̍h-a blaɛ-a tìh-a taǐn wɔ̍n, iě u̍h wɔ̀ dǒ kà kɔn-ɛ de̍e̍. U̍h nɔ̀ɔ̍, Nyɔsoa-a mu̍ u̍h jlu̍h-u gbǎ-ɛ ɔ̍ iě u̍h kàn gbɛ̍n.

Wloma 6:17

Mɔ̀ɔ̍ gblɛ̍n sɔ̀ɛ̀n-a kèi̍ᵻ de, jɛ à po̍ Nyɔsoa tlɔ̌ wɛ̀ mɔ̀-a nu̍ la̍ dɛ̍ à poe-a mɔ̀ nǎ-a dǒ mɔ̀-a wlùh kli̍hgbɛ̍ we̍.

1 Kɔwlɛntiɔn 9:24

Mɔ̀ se̍ i̍h juo ka nyɔ̍ ùh-a bla̍-ɛa dlǔᵻ wɔ̍i̍n dǒ ple̍ la̍-ɛ, u̍h-a nyɔ̍ due gbài̍ bo ɔ̀ gba̍-a nyǐ-dɛ̍-ɛ ae? Ɛ̍ tìh-ɛ, ple̍, wɛ̀ ìè ɛ̍ gba̍.

2 Kɔwlɛntiɔn 10:5

À nu̍ ɛ̍ iě si̍h tòlo-ɛ ke kmu-u dɛ̍ᵻ kli̍hgbɛ̍ blɔ̌ nyɔ̍ blě-a ìh-a nu̍-a ɛ̍ wɛ̀ nyɔ̍-ɔ juo-a Nyɔsoa-a, wɛ̀ i̍h wɛ̀ i̍. À nu̍ ɛ̍ iě nyi̍ɔ̍-a wlùh i̍ naɛ kli̍hgbɛ̍ iě Klai-a wlùh nu̍.

Kelesea 2:2

Nyɔsoa jii ǐn dluwe̍ iě-e mu̍, ɛ̍ kɔn ǐn mu̍-e. Wɛ̀ pɔ̀n chɛ̀ kɔn tìh ǐn bla̍-a dě ùh se̍-a Juu nyɔ̍-ɛ we̍-ɛ, iě ǐn po̍ ɛ̍ dǒ chɔchi̍h-a nyɔ̍ klaaᵻ jǔ i̍ dě slǎn. Ǐn po̍ u̍h kunǎ, wɛ̀ ǎn dbo̍ jɛ ǐn nu̍-a wɛ̀-ɛ ke, iě jɛ ǎn nu̍-a ka-ɛ, i̍h-i je̍e bu̍ɛ̍i̍ nu̍.

Kelesea 3:1

Mɔ̀ɔ̍ Kelesea nyɔ̍ ùh bo-a we̍i̍-ɛ, ǐn juo ɛ̍-ɛ nyɔ̍ po̍ mɔ̀ dɛ̍ jlǐh. Ǐn nyna dǒ mɔ̀ jǔ i̍ wɛ̀ ǐn sèàɛ̍ ɛ̍ we̍ i̍ nmɔ jii̍ dě mɔ̀ we̍ ka Jusu Klai mɛ̌-a dǒ gbàɛ̍ kɛ̍n i̍ tu̍ wlì-ɛ.

Kelesea 5:10

Ǐn tè Joi wlì dǒ mɔ̀ we̍, mɔ̀ se̍ flɔ̍nwlùh dɛɛ de̍e̍ gbǎ mu̍ wɛ̀ mɔ̀ iě-o naɛ̍ i̍ si̍e̍. Nɛ̀ nyɔ̍ jɔ bɛ̌ɛ-a mɔ̀ wɔ̍ɔ̍n i̍-ɛ, ka jɛ ɔ̍ nɛ-ɛ, ɔ̍ mu̍ kàn gbɛ̍n-ɛ.

2 Tɛsoloniɔn 1:8

Wɛ̀ ɔ̍ iě nyɔ̍ ùh se̍-a Nyɔsoa juo-ɛ ke, nyɔ̍ ùh se̍-a pɔ̀n chɛ̀ ɛ̀ kɔ̍-a dǒ à Joi Jusu pùn i̍-ɛ ɛ̍ wlu̍ nu̍-ɛ kàn gbɛ̍n.

Iblu 11:8

Eblaɛɛn-a wlùh gbaɛ blě-ɛ bo ɛ̀ nu̍ ɛ̍ wɛ̀ ɔ̍ mu̍ blǔh dɛɛ kɛ̍n ɛ̀ Nyɔsoa dǎ ɔ̍ ɔ̍ iě-a kɛ̍n mu̍ ɔ̍ iě-a kɔn-ɛ. Wɛ̀ ɔ̍ nu̍ ɔ̍ wlu̍, iě ɔ̍ mu̍ tà ɔ̍ se̍-a juo-ɛ.

Iblu 12:1

Nɛ̀ɛ̍, ka à blě-a wlùh gbaɛ blě nyɔ̍ tlùgbei̍ la à de̍e̍ i̍-ɛ, dɛ̍ᵻ kli̍hgbɛ̍ ìh-a chlì-a à ja̍-ɛ ke gblɛ̍n sɔ̀ɛ̀n jih gbɛ̍n-ɛ à i̍ gba̍i̍ngba̍i̍n-ɛ, mɔ̀ à poe i̍h fɔ̌ i̍ à iě-e gbǐh po̍ à iě dɛ̍ ɛ̀ pɛ̌n-a dǒ à jǔ i̍-ɛ we̍ ple̍.

Iblu 5:9

Ti̍ ɔ̍ wɛ̀-a nɛi̍ dě jua̍i̍ sàɛ̀ di̍i̍-ɛ, iě ɔ̍ dǔ ka nyɔ̍ ɔ̀ pǔh-ia nyɔ̍ iě ɔ̀ nyǐ-a nyɔ̍ kmɔ̌ sie feɛ-ɛ nu̍-ɛɛ dǒ nyɔ̍ kli̍hgbɛ̍ ùh-a nu̍-a ɔ̍ wlu̍-ɛ we̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.