Kelesea 5:5 - Ku̍o̍ Delee 1999

⁵ Àɔ̀ nɔ̀ɔ̍, dɛ̍ à tè-a wlì-ɛ, ɛ̍ nu̍ Nyɔsoa-a mu̍ à i̍ slɛ̌-nyɔ̍ we̍i̍ nu̍. Ɛ̍ kɔn à fuo ɛ̍ kɛ̍ɛ̍n dǒ wlùh gbaɛ we̍ dě Nyɔsoa-a Sùù-a gbǐh di̍i̍.

Kelesea 5:5 Iomraidhean Croise

Wloma 5:21

Nɛ̀ ka gblɛ̍n sɔ̀ɛ̀n kɔn-a nyɔ̍ wlu̍ i̍ dě mɛ̌ɛ di̍i̍-ɛ, kǎ Nyɔsoa-a blɛ-a mu̍ nyɔ̍ wlu̍ i̍ kɔn-ɛ nu̍ ke dě ɔ̍ nyɔ̍ i̍ slɛ̌-ɛ di̍i̍, wɛ̀ ɛ̍ iě nyɔ̍ kmɔ̌ sie feɛ nyǐ dě à Joi Jusu Klai ja̍a̍.

1 Kɔwlɛntiɔn 1:7

Ɛ̍ kɔn mɔ̀ se̍ Nyɔsoa-a nyǐ-dɛ̍ᵻá dɛ̍-o-dɛ̍ pɔ̀ dě mɔ̀-a à Joi Jusu Klai kɛ̍ɛ̍n fuo-ɛ di̍i̍ dǒ ɔ̍ de̍ ji̍ la̍.

Ɛfɛsɔ 2:18

Dě Klai ja̍a̍ bo à jii wɛ̀ à wìè flɔn ka wɔ̍n dě Baa Nyɔsoa we̍ dǒ ɔ̍ Sùù-a à we̍ gbǎ-a we̍.

Felepai 3:9

Wɛ̀ ɔ̍ ke ǐn ke à iě due nɛ. Nɛ̀ ǐn se̍ naɛ̍ i̍ slɛ̌-ɛ jɛ tba̍-a telě dɛɛ jě-ɛ gbɔ̀ i̍-ɛ blě dɛ, jɛ nɛ̀ jɛ tba̍-a Klai wlùh gbaɛ gbɔ̀ i̍-ɛ bo ǐn blě wɛ̀. I̍ slɛ̌-ɛ sɔ-a dě Nyɔsoa we̍ ɛ̀ tba̍-a wlùh gbaɛ blě-ɛ gbɔ̀ i̍-ɛ bo ǎn dǎ.

1 Tɛsoloniɔn 1:10

Wɛ̀ mɔ̀ iě ɔ̍ Jǔ Jusu ɔ̍ sà-eɛ, ɔ̍ dě ja̍i̍wlɔ̀ sɔ-ɛ fuo-e, ɔ̍ bo ɔ̀ sèìe àɔ̀ dǒ Nyɔsoa-a jlu̍h ɛ̀ mu̍-a ji̍-ɛ we̍.

2 Tɛsoloniɔn 3:5

Ǎn sà nǐ wɔ̍n Joi iě mɔ̀-a pɔluh wìè-e po̍ dǒ ka Nyɔsoa nu̍-a mɔ̀ɔ̍ jbɛɛ we̍, ɛ̍ ke dě klì i̍ ku̍-ɛ Klai nyǐ-a mɔ̀-ɛ ke.

2 Timote 4:8

Nɛ̀ɛ̍, blawɛ̌ ɛ̀ tè-ea i̍ dǒ i̍ slɛ̌-nyɔ̍ we̍, ɛ̀ Joi ɔ̀ nu̍-a i̍ slɛ̌-ɛ sàwi̍h sì nyɔ̍ ɔ̍ mu̍-a ǐn nyǐ dǒ bɔ̌ɛ-o weɛ̍ laa̍ di̍i̍-ɛ, ɛ̍ fuo la̍ ǐn kɛ̍ɛ̍n. Nɛ̀ ɛ̍ se̍ ǐn nɛ due ɔ̍ se̍ ɛ̍ nyǐ mu̍. Jɛ nyɔ̍ kli̍hgbɛ̍ ùh ɔ̍ ji̍-i tɔ̌n-a nu̍-aɛ, ɔ̍ mu̍ ɛ̍ u̍h nyǐ ke.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.