Kelesea 5:22 - Ku̍o̍ Delee 1999

²² Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Kelesea 5:22 Iomraidhean Croise

Chɔɔn 15:5

“Mɔ̍ bo ɔ̀ nu̍ tlo-dɛ̍ᵻá tu̍, mɔ̀ɔ̍ bo ùh nu̍ ɛ̍ bu̍hᵻ. Nyɔ̍ ɔ̀ nɛ-a dě ǐn ja̍a̍-ɛ, nɛ̀ ǐn nɛ dě ɔ̍ ja̍a̍ ke. Nɛ̀ ɔ̍-ɔ bo ɔ̀ mu̍ buǒᵻ dɔu tlo. Pò mɔ̀ sà ǐn sɔ̍nᵻ i̍-ɛ, nɛ̀ mɔ̀ se̍ dɛ̍ nu̍-ɛ bɛ̌ɛ mu̍.

Chɔɔn 15:2

Bu̍h jɛ nɛ-a dǒ ǐn pùn ɛ̀-ɛ tlo-aɛ, nɛ̀ ɔ̍ chɛ̍n ɛ̍ doǒ. Jɛ jɛ tlo-aɛ, nɛ̀ ɔ̍ gbɛ̀n dǒ ɛ̍ we̍ i̍, wɛ̀ ɛ̍ iě dɛ̍ dɔu tlo.

Ɛfɛsɔ 5:9

Dɛ̍nu̍ɛ, sɔ̀npli naɛ tlo-buǒᵻ nu̍ dɛ̍ᵻ kli̍hgbɛ̍ ìh nu̍-a dɛ̍ᵻ chɛ̀ ìh slɛ̌-a i̍-ɛ ke ìh nu̍-a tìh-a taǐn-ɛ.

Chɔɔn 15:16

Mɔ̀ se̍ ǐn chèɛ̀ tba̍, mɔ̍ bo ɔ̀ tba̍ mɔ̀ chèɛ̀ iě ǐn dbo̍ mɔ̀ mɔ̀ iě buǒᵻ ìh se̍-a jii̍ nyni la̍ kɔn-ɛ po̍. Nɛ̀ pò mɔ̀ jbǎ-ɛ Baa dɛ̍ dǒ ǎn nynɛ̌ kɛ̍n-ɛ, nɛ̀ ɔ̍ mu̍ ɛ̍ mɔ̀ nyǐ.

Wloma 7:4

Ǐn de̍di̍i̍ᵻ, kǎ ɛ̍ nɛ ke dǒ mɔ̀ we̍. Mɔ̀ mɛ̌ wɛ̀ dǒ telě we̍, dɛ̍nu̍ɛ, mɔ̀ kɔn dǒ Klai we̍, ɔ̀ mɛ̌-a wɛ̀ ɔ̀ wlǔh-aeɛ, wɛ̀ à iě dɛ̍ᵻ chɛ̀ nu̍ wɛ̀ à iě Nyɔsoa jǔ dbee.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

Matio 12:33

Jusu la̍a̍, “Pò ìn blě tu̍ chɛ̀-ɛ, nɛ̀ àn mu̍ tu̍-a buǒ chɛ̀ blě. Pò ìn blě tu̍ sɔ̀n-ɛ, nɛ̀ àn mu̍ tu̍-a buǒ sɔ̀n blě. Dɛ̍nu̍ɛ, tu̍-a buǒ bo nyɔ̍-a juo-e ɛ̍ i̍.

1 Kɔwlɛntiɔn 13:13

Ɛ̍ tìh-ɛ, wlùh gbaɛ ke, dɛ̍ wlì tè-ɛ ke jbɛɛ bo ìh se̍ i̍ sì mu̍. Jɛ i̍h nɛ-a ta̍a̍n-ɛ, jbɛɛ bo ɛ̀ ku̍ wɔ̍n.

Felepai 1:11

Weɛ̍ laa̍ ɛ̍ iě ji̍-ɛ, i̍-i slɛ̌-ɛ ɛ̀ jii-a dě Jusu Klai ja̍a̍-ɛ, ɛ̍ iě mɔ̀ tlo-e ti̍ kli̍hgbɛ̍ we̍. Nɛ̀ ɛ̍ mu̍ Nyɔsoa-a nynɛ̌ i̍ bɛ̌-ɛ, ɔ̍ iě tìhwe̍ poe-ɛ.

Kalase 1:10

Pò ɛ̍ nɛ laan-ɛ, nɛ̀ mɔ̀-a mu̍ dě kmɔ̌ ɛ̀ po̍-a Joi gbǐh-ɛ di̍i̍ nɛ, mɔ̀ iě ɔ̍ wlùh i̍ tè-e mɔ̀ iě tlo dě dbo̍ chɛ̀ kli̍hgbɛ̍ di̍i̍. Nɛ̀ mɔ̀-a mu̍ ku̍ dě Nyɔsoa juo-ɛ di̍i̍.

Kelesea 5:13

Ǐn de̍di̍i̍ᵻ, mɔ̀ɔ̍ nɔ̀ɔ̍, mɔ̀ dǎ-ɛ mɔ̀ iě de̍e̍ i̍ flɔn. Jɛ mɔ̀ bɔ̌ mɔ̀-a de̍e̍ i̍ flɔn-ɛ dǔ-ɛ, wɛ̀ mɔ̀ bɔ̌ ɛ̍ gblɛ̍n sɔ̀ɛ̀n nui-ɛ. Jɛ jɔ-ɛ, nɛ̀ ɔ̍ dbee ɔ̍ ba̍ jǔ dě jbɛɛ di̍i̍.

Ɛfɛsɔ 4:23

Mɔ̀-a pɔluh ke mɔ̀-a wlùh kɔn i̍h iě delee nu̍,

Wloma 6:22

Jɛ kaka la̍ gblɛ̍n sɔ̀ɛ̀n se̍ mɔ̀ wlu̍ i̍ kɔn dɛ, iě mɔ̀ nu̍ ka Nyɔsoa-a kèi̍ᵻ. Ɛ̍ nu̍ ɛ̍ iě mɔ̀ kɔn dǒ Nyɔsoa we̍, iě ɛ̍ nu̍ ɛ̍ wɛ̀ mɔ̀ blě kmɔ̌ sie feɛ.

1 Pitɛ 1:8

Mɔ̀-ɔ se̍a ɔ̍ jě gbɛɛ, jɛ mɔ̀ jbɛɛ ɔ̍. Kaka la̍, mɔ̀-ɔ tba̍ ɔ̍ jlǐhɛ̍ gbɛɛ, jɛ mɔ̀ gbaɛ ɔ̍ wlùh. Ɛ̍ tìh-ɛ, mɔ̀-a nu̍ mɔna̍ ɛ̍ sìì-o dɛ̍ i̍.

1 Timote 4:12

Bɔ̌ wɔ̌n-ɛ nyɔ̍ bɔ̌ àn jǔgbèlà dɛ jlǐhɛ̍ dlǔ bla̍-a. Jɛ àn wlu-ɛ ke, àn na ka̍ ke, àn nyɔ̍-ɔ jbɛɛ-ɛ ke, àn wlùh gbaɛ blě-ɛ ke wlaǎwla nɛ-ɛ bo wlùh gbaɛ blě nyɔ̍ iě dɛ̍ i̍ blaɛ.

Wloma 15:3

Klai se̍ ɔ̍ chɛ̀-a wlùh i̍ tè-e. Nyɔsoa-a chlǐh-wlu̍ la̍ we̍ chɛ̀ wlu̍ nyɔ̍gbei po̍-a Nyɔsoa pùn i̍-ɛ, i̍h bo ìh wlǎ dǒ Klai dlǔ.

1 Pitɛ 5:12

Sale ɔ̀ nu̍-a ǐn de̍di̍i̍ ǐn gbaɛ-a wlùh-ɛ, ɔ̍ bo ɔ̀ gbǎ ǐn we̍ wɛ̀ ǐn chlǐh mɔ̀ chlǐh-dɛ̍ tile la we̍. Ǎn pɔ̀n iě mɔ̀-a wlùh fùka wɛ̀ mɔ̀ iě ɛ̍ juo ka ɛ̀ la ɛ̍ nu̍-a Nyɔsoa-a tìh-a taǐn blɛ-ɛ. Mɔ̀ ku̍-e i̍ dě ɛ̍ di̍i̍.

Wloma 15:14

Ǐn de̍di̍i̍ᵻ, jɛwɛ̀ ǎn pɔluh pɛ̌n i̍ dǒ mɔ̀ we̍ ka mɔ̀ blě-a gblɛ̍n chɛ̀ ke tɔɔ kli̍hgbɛ̍-ɛ, iě mɔ̀ bɛ̌ɛ-a slɛ̌n we̍ tù i̍-ɛ wɛ̀-ɛ.

Pɔ̀n Chɛ̀ Luu To-a La 13:9

Nɛ̀ pò ɛ̍ tlo sɔ̀n-a mu̍-a i̍ sǐ-ɛ, nɛ̀ jɛ nmɔ-a jii̍-ɛ bo. Jɛ pò ɛ̍ se̍ la̍a̍n nɛ-ɛ, nɛ̀ ìn dba̍ ɛ̍ la̍ sǔh.’ ”

1 Timote 3:11

Ɛ̍ we̍ nynɔ̌gbaɔᵻ kɔn u̍h iě tìh-a i̍ gbɛ̍n nyɔ̍ nu̍ ke. U̍h bɔ̌ nyɔ̍-a wlu̍ wɔ̍i̍n nyni-ɛ, u̍h tù u̍h-a chɛ̀ jlǐhɛ̍, nyɔ̍ iě u̍h wlì tè dǒ dɛ̍ᵻ kli̍hgbɛ̍ we̍.

2 Tɛsoloniɔn 3:2

Mɔ̀ ba̍le wɛ̀ Nyɔsoa iě à sèìe dě kà kɔn nyɔ̍ ke dɛ̍ sɔ̀n nu̍ nyɔ̍ kwa̍a̍. Dɛ̍nu̍ɛ, ɛ̍ se̍ nyɔ̍ kli̍hgbɛ̍ ùh se̍ wlùh gbaɛ blě.

Wloma 8:5

Nyɔ̍ ùh-a nu̍-a dɛ̍ gblɛ̍n sɔ̀ɛ̀n-a tu̍ dǎ-ɛ, nɛ̀ dɛ̍ᵻ gblɛ̍n sɔ̀ɛ̀n-a tu̍-a pɔ̀n-a i̍-ɛ bo u̍h-a wlùh nɛ we̍. Jɛ nyɔ̍ ùh-a nu̍-a dɛ̍ Sùù dǎ-a, nɛ̀ dɛ̍ᵻ Sùù-a pɔ̀n-a i̍-ɛ bo u̍h-a wlùh nɛ we̍.

Wloma 14:17

Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ se̍ di̍-dɛ̍ ke nǎ-dɛ̍ i̍ bǎ. Jɛ i̍ slɛ̌-ɛ ke, wlùh-a i̍ tè-ɛ ke nmɔ-ɛ Nyɔsoa-a Sùù-a nyǐ-a nyɔ̍-ɛ bo ɛ̍ bǎ i̍.

Wloma 15:30

Ǐn de̍di̍i̍ᵻ, ǐn gbɛ̍n mɔ̀-a bu̍hᵻ i̍, mɔ̀ gbǎ ǐn we̍ mɔ̀ iě ǎn Nyɔsoa ba̍le ka à gbaɛ-a à Joi Jusu Klai wlùh iě jbɛɛ sɔ-a dě ɔ̍ Sùù we̍-ɛ.