Kelesea 5:2 - Ku̍o̍ Delee 1999

² Mɔ̀ po̍ dě ǐn we̍ dounᵻ. Mɔ̍ Pɔɔ, ǎn sèàɛ̍ mɔ̀ wlùh, pò mɔ̀ wɔ̌n wɛ̀ mɔ̀ iě plɔ̀n gbǎ-ɛ, nɛ̀ Klai se̍ dɛ̍ i̍ blaɛ dɛ dǒ mɔ̀ we̍.

Kelesea 5:2 Iomraidhean Croise

Nu̍-dɛ̍ᵻ 15:1

Dǒ nyɔ̍ duuh sɔ-ɛ Judia fɔɔ iě u̍h ji̍ dǒ Antiɔ. Wɛ̀ u̍h-a po̍ de̍di̍i̍ᵻ nɛ-a doǒ-ɛ nǎ. U̍h la̍a̍, “Pò mɔ̀ gbǎ plɔ̀n ka Mose-a telě dǎ-aɛ, nɛ̀ à sà-o ɛ̍ tɛ̀. Jɛ pò mɔ̀ se̍ la̍a̍n nu̍-ɛ, nɛ̀ mɔ̀ se̍ pǔh ke̍ o.”

Nu̍-dɛ̍ᵻ 15:24

À wɔ̌n i̍h nyɔ̍ sɔ nɔ̌ àɔ̀ nynɛ̌ iě u̍h-a bɛ̌ɛ mɔ̀ wɔ̍ɔ̍n i̍, iě ɛ̍ po̍ mɔ̀-a wlùh dě de̍ i̍ dǒ dɛ̍ u̍h-a sà-a we̍. Jɛ u̍h se̍ ɛ̍ dě à wɔ̍ɔ̍n dǔ i̍ o.

Nu̍-dɛ̍ᵻ 15:5

Wɛ̀ wlùh gbaɛ-ɛ blě nyɔ̍ juh nɛ-a dě Fɛlesii nyɔ̍ naɛ gbɔ̀ù di̍i̍-ɛ, iě u̍h nyna i̍, u̍h la̍a̍, “Ùh se̍-a Juu nyɔ̍-ɛ u̍h kɔn u̍h iě plɔ̀n gbǎ, nɛ̀ mɔ̀ à sèàɛ̍ u̍h wlùh u̍h iě Mose-a telě dɛ̍ɛ̍ jě.”

1 Kɔwlɛntiɔn 16:21

Mɔ̍ Pɔɔ, ǎn chɛ̀-a sɔ̍n bo ǎn chlǐh i̍ nyinɔ̍ i̍ sà wlu̍ la.

2 Kɔwlɛntiɔn 10:1

Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.

Kelesea 5:11

Ǐn de̍di̍i̍ᵻ, pò ǐn ja plɔ̀n gbǎ tìh bla̍-a dluwe̍ i̍ gba̍ wɛ̀ iě ka nu̍ ɛ̍ nmɔ jii̍-ɛ, nɛ̀ dɛ̍-ɛ tìh u̍h-a jě-e ǐn klě ɛ? Pò ɛ̍ nɛ la̍a̍n-ɛ, nɛ̀ tìh ǎn bla̍-a dǒ Klai-a gbàɛ̍ kɛ̍n i̍ tu̍ wlì mɛ̌ɛ dɛ we̍-ɛ, nɛ̀ ɛ̍ se̍ nyɔ̍ɔ wɔ̍i̍n nyaɛ mu̍ de.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

1 Tɛsoloniɔn 2:18

À pɔ̀n à iě dě mɔ̀ we̍ ji̍ dɛ. Ǎn chɛ̀ ǐn fɔ̀n dɛ̍ we̍ iě dě de̍ mɔ̀ we̍ ji̍ dode̍ de, jɛ Setɔn se̍ wɔ̌n la̍a̍n nɛ.

Faɛlimɔ 1:19

Mɔ̍ Pɔɔ, ǎn chlǐh ɛ̀ la dǒ ǎn chɛ̀-a sɔ̍n we̍. Na̍a̍, “Dɛ̍ àn mu̍-a ǐn dlǔ po̍-ɛ, ǎn mu̍ ɛ̍ de̍ pɛ̌ɛ.” (Ɛ̍ chɛ̀ nɔ̀ɔ̍, ɛ̍ se̍ dɛ̍-ɛ wɛ̀ iě ìn wlùh sèàɛ̍, ka àn chɛ̀ bo ɔ̀ nu̍-a gba̍ ìn blě-a dǒ ǐn we̍-ɛ ìn juo i̍h.)

Faɛlimɔ 1:9

Jɛ we̍ jbɛɛ tìh-ɛ, ǐn gbɛ̍n àn bu̍hᵻ i̍. Mɔ̍ Pɔɔ la ǐn nu̍ nyɔ̍ klaa wɛ̀, iě ǐn nu̍ ka gbɛ̍n-nyɔ̍ Jusu Klai-a tìh.

Iblu 4:2

Ka à nu̍-a Nyɔsoa-a pɔ̀n chɛ̀ wɔ̌n-ɛɛ, kǎ à baaᵻ nu̍ ɛ̍ wɔ̌n-ɛ ke de. Jɛ ɛ̍ se̍ dɛ̍ chɛ̀ nu̍ dǒ u̍h we̍, dɛ̍nu̍ɛ, u̍h wɔ̌n-a tu̍owli la-ɛ, iě u̍h se̍ ɛ̍ wlùh gbaɛ i̍ gbɛ̍n-ɛ.