Kelesea 5:18 - Ku̍o̍ Delee 1999

¹⁸ Nɛ̀ pò mɔ̀ ja dě Nyɔsoa-a Sùù di̍i̍ naɛ-ɛ, nɛ̀ mɔ̀ se̍ dǒ telě sɔ̀n nɛ.

Kelesea 5:18 Iomraidhean Croise

Chɔɔn 16:13

Jɛ ti̍ Sùù ɛ̀ sèàɛ̍-a nyɔ̍ Nyɔsoa-a tìh-a taǐn wlùh-ɛ ɛ̍ mu̍-a ji̍-ɛ, nɛ̀ ɛ̍ mu̍ ɛ̍ nu̍ mɔ̀ iě tìh-a taǐn kli̍hgbɛ̍ juo. Ɛ̍ se̍ dǒ ɛ̍ chɛ̀-ɛ sɔ̍n kɛ̍n wlu-i mu̍. Jɛ dɛ̍ ɛ̍ wɔ̌n-aɛ bo ɛ̍ mu̍ wlu, wɛ̀ ɛ̍ iě mɔ̀ dɛ̍ᵻ ìh-a mu̍-a nɛ dě nya̍-ɛ wlùh sèàɛ̍.

Wloma 7:4

Ǐn de̍di̍i̍ᵻ, kǎ ɛ̍ nɛ ke dǒ mɔ̀ we̍. Mɔ̀ mɛ̌ wɛ̀ dǒ telě we̍, dɛ̍nu̍ɛ, mɔ̀ kɔn dǒ Klai we̍, ɔ̀ mɛ̌-a wɛ̀ ɔ̀ wlǔh-aeɛ, wɛ̀ à iě dɛ̍ᵻ chɛ̀ nu̍ wɛ̀ à iě Nyɔsoa jǔ dbee.

Wloma 8:12

Nɛ̀ɛ̍, ǐn de̍di̍i̍ᵻ, à se̍ gba̍ blě dɛ dǒ à gblɛ̍n sɔ̀ɛ̀n-a tu̍ we̍, wɛ̀ à iě dɛ̍ ɛ̍ dǎ-ɛ nu̍.

Wloma 8:14

Nyɔ̍ ùh Nyɔsoa-a Sùù-a naɛ-aɛ, u̍h bo ùh nu̍ Nyɔsoa-a nynuu̍.

Kelesea 5:16

Jɛ dɛ̍ ǎn sà-aɛ, ɛ̍ nu̍ mɔ̀ naɛ dě Nyɔsoa-a Sùù di̍i̍, wɛ̀ mɔ̀ɔ̍ je̍e mɔ̀-a chɛ̀-a wlùh i̍ tè-e dǒ mɔ̀-a tu̍ ɛ̀ pɔ̀n-a gblɛ̍n sɔ̀ɛ̀n nu̍-ɛ i̍-ɛ we̍.

Kelesea 5:23

Nɛ̀ diih nu̍ gba̍n gbɛ̍n-ɛ ke chɛ̀ i̍ gbɛ̍n-ɛ. Telě ɛ̀ iě-a ìh la-a nyɛ̌-ɛ, ɛ̍ se̍ nɛ.

Kelesea 5:25

Ka à nɛ-ɛa Sùù kmɔ̌ wɛ̀-ɛ, nɛ̀ mɔ̀ à naɛ dě Sùù di̍i̍.

1 Timote 1:9

Dɛ̍ à iě-a dounᵻ tù-ɛ, ɛ̍ nu̍, ɛ̍ se̍ nyɔ̍ chɛ̀-a tìh telě se̍ poe-ɛ. Jɛ ɛ̍ poe-ɛ dǒ dɛ̍ᵻ sɔ̀nᵻ nu̍ nyɔ̍ we̍, ɛ̍ ke se̍ nyɔ̍ dɛ̍ɛ̍ jě nyɔ̍ ke. Ɛ̍ poe-ɛ dǒ se̍ Nyɔsoa dɛ-ɛ nɛ nyɔ̍ ke gblɛ̍n sɔ̀ɛ̀n nyɔ̍ we̍. Ɛ̍ poe-ɛ dǒ kà kɔn nyɔ̍ ke ùh faɛn-a Nyɔsoa-a we̍. Ɛ̍ poe-ɛ dǒ de̍ᵻ ke baaᵻ dbǎ nyɔ̍ we̍, ɛ̍ ke ùh-a poe-a nyɔ̍ gbe̍ja̍a̍ ke.

2 Timote 1:7

Nyɔsoa se̍ ɔ̍ Sùù àɔ̀ nyǐ ɛ̍ iě à slè sà. Jɛ ɔ̍ nyǐ ɛ̍ àɔ̀ wɛ̀ ɛ̍ iě à gbǐh ke, jbɛɛ ke, chɛ̀ i̍ gbɛ̍n-ɛ nyǐ.