Kelesea 5:16 - Ku̍o̍ Delee 1999

¹⁶ Jɛ dɛ̍ ǎn sà-aɛ, ɛ̍ nu̍ mɔ̀ naɛ dě Nyɔsoa-a Sùù di̍i̍, wɛ̀ mɔ̀ɔ̍ je̍e mɔ̀-a chɛ̀-a wlùh i̍ tè-e dǒ mɔ̀-a tu̍ ɛ̀ pɔ̀n-a gblɛ̍n sɔ̀ɛ̀n nu̍-ɛ i̍-ɛ we̍.

Kelesea 5:16 Iomraidhean Croise

Wloma 6:12

Nɛ̀ɛ̍, mɔ̀ bɔ̌ wɔ̌n-ɛ gblɛ̍n sɔ̀ɛ̀n bɔ̌ mɔ̀-a ku̍ ɛ̀ mu̍-a mɛ̌-ɛ wlu̍ i̍ kɔn-ɛ wɛ̀ mɔ̀-ɔ je̍e ɛ̍ wlùh dɛ̍ᵻ dɛ̍ɛ̍ jě.

Wloma 8:1

Nɛ̀ɛ̍, kaka la̍, nyɔ̍ ùh ke Jusu Klai nɛ-a due-ɛ, u̍h se̍ kɛ̀n sà-ɛɛ.

1 Kɔwlɛntiɔn 7:29

Ǐn de̍di̍i̍ᵻ, dɛ̍ ǎn sèàɛ̍-a mɔ̀ wlùh-ɛ, ɛ̍ nu̍ ti̍ sie-a dǒ à jǔ-ɛ, ɛ̍ se̍ dlǔ tɛn dɛ. Sɔ da̍a sèàn blǐ-ɛ, jɔ̍gbauᵻ ùh blě-a nynɔ̌gbaɔᵻɛ́, ka nyɔ̍ se̍ nynɔ̌ blě-ɛ bo u̍h iě-e nɛ.

2 Kɔwlɛntiɔn 7:1

Ǎn tìh kma nyɔ̍, Nyɔsoa po̍ ìh la i̍h-a wlu̍ tɔ̀ma̍a̍ dǒ à we̍. Ɛ̍ tìh-ɛ, dɛ̍ᵻ kli̍hgbɛ̍ ìh-a nɛ-ɛa nyɔ̍-a ku̍ ke sùù nɛi̍-ɛ, mɔ̀ à ti̍ɛ̍ɛn i̍h we̍ i̍. Mɔ̀ à nu̍ ɛ̍ à Nyɔsoa gbiǐh jě-ɛ iě ɛ̍ nu̍ à nu̍-dɛ̍ᵻ iě gblɛ̍ja̍i̍ wɛ̀ chɛ̀ɛ̌chɛ̀.

Kelesea 3:17

Dɛ̍ ǎn pɔ̀n-a iě-a bla̍-ɛ, ɛ̍ nu̍ Nyɔsoa po̍ ku̍o̍ dě Eblaɛɛn we̍, iě ɔ̍ po̍ wlu̍ tɔ̀ma̍a̍ ka ɔ̍ se̍-a ɛ̍ wa̍ mu̍-ɛ. Telě ɛ̀ nu̍-a sɔ̀nᵻá kmɛ nyìɛ̍ kwela ta̍a̍n (430) wɛ̀-ɛ, ɛ̍ se̍ ku̍o̍ la wa̍-a bɛ̌ɛ wɛ̀ ɛ̍ iě Nyɔsoa-a tɔ̀ma̍a̍ wlu̍-a chɛ̀ dǒ wìè-i sà.

Kelesea 6:8

Pò nyɔ̍ tù dɛ̍ dě ɔ̍ gblɛ̍n sɔ̀ɛ̀n-a tu̍ di̍i̍-ɛ, nɛ̀ mɛ̌ɛ bo ɔ̍ mu̍-e gbǎn-ɛ. Pò ɔ̍ tù dɛ̍ dě Nyɔsoa-a Sùù di̍i̍-ɛ, nɛ̀ dě Sùù di̍i̍ bo ɔ̍ mu̍ kmɔ̌ sie feɛ gbǎn-ɛ.

Ɛfɛsɔ 2:3

Ka u̍h nɛ-aɛ, kǎ à nɛ ke de. Dɛ̍ᵻ à gblɛ̍n sɔ̀ɛ̀n ku̍ ke, à wlùh ke à nyi̍ɔ̍ku-a pɔ̀n-aɛ, i̍h bo à nu̍. Ka nyɔ̍ kli̍hgbɛ̍ nɛ-aɛ, kǎ à nɛ de, iě Nyɔsoa-a mu̍ à kli̍hgbɛ̍ jlu̍h po̍-e ke de à gblɛ̍n sɔ̀ɛ̀n-a tìh.

Kalase 2:11

Dě ɔ̍ ja̍a̍ bo mɔ̀ gbǎ-ɛ plɔ̀n, ɛ̍ se̍ nyi̍ɔ̍-a sɔ̍n ɛ̀ se̍ mɔ̀ plɔ̀n po̍. Jɛ Klai naɛ plɔ̀n gbǎ-a sà nyɔ̍ dě gblɛ̍n sɔ̀ɛ̀n ku̍ la di̍i̍.

1 Pitɛ 1:14

Mɔ̀ nu̍ Nyɔsoa-a wlu̍, nɛ̀ mɔ̀-a chɛ̀-a wlùh dɛ̍ᵻ mɔ̀-a nu̍-a tɛin ti̍ mɔ̀ se̍-a Klai juo-ɛ, mɔ̀ bɔ̌ wɔ̌n-ɛ i̍h bɔ̌ dě mɔ̀-a kmɔ̌ di̍i̍ nɛ-ɛ dɛ.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Pitɛ 2:11

Ǎn tìh kma nyɔ̍, ǎn ba̍le mɔ̀ɔ̍-ɛ, ka mɔ̀ nu̍-a dihwi̍hᵻ ke kwlǎ-gbǎ-kèi̍ᵻ nɔ̌ kmɔ̌ la we̍-ɛ, mɔ̀ sà mɔ̀-a sɔ̍n dě gblɛ̍n sɔ̀ɛ̀n nu̍ dɛ di̍i̍, dɛ̍nu̍ɛ, i̍h-a pa̍-ɛ mɔ̀-a wlùh tu̍h we̍.

1 Pitɛ 4:6

Ɛ̍ kɔn pɔ̀n chɛ̀ bla̍-ɛ ke dě mɛ̌-nyɔ̍ we̍, ùh kɔn taɔ pa̍-ɛa ka nyɔ̍ kli̍hgbɛ̍-a taɔ nu̍-a pa̍-ɛɛ. Ɛ̍ bla̍-ɛ dě u̍h we̍ wɛ̀ u̍h-a sùù iě kmɔ̌ nɛ dě Nyɔsoa ja̍a̍.