Kelesea 5:13 - Ku̍o̍ Delee 1999

¹³ Ǐn de̍di̍i̍ᵻ, mɔ̀ɔ̍ nɔ̀ɔ̍, mɔ̀ dǎ-ɛ mɔ̀ iě de̍e̍ i̍ flɔn. Jɛ mɔ̀ bɔ̌ mɔ̀-a de̍e̍ i̍ flɔn-ɛ dǔ-ɛ, wɛ̀ mɔ̀ bɔ̌ ɛ̍ gblɛ̍n sɔ̀ɛ̀n nui-ɛ. Jɛ jɔ-ɛ, nɛ̀ ɔ̍ dbee ɔ̍ ba̍ jǔ dě jbɛɛ di̍i̍.

Kelesea 5:13 Iomraidhean Croise

Pɔ̀n Chɛ̀ Luu To-a La 4:18

“Joi-a Sùù nɛ ǐn we̍. Dɛ̍nu̍ɛ, ɔ̍ tba̍ ǐn chèɛ̀ iě pɔ̀n chɛ̀-a tìh we̍i̍ bla̍ dě nyɔ̍gbà nyɔ̍ we̍. Ɔ̍ dbo̍ m iě i̍h i̍ sà ka kèi̍ᵻ sèìe-a wɛ̀-ɛ, wɛ̀ iě dɔ̌-nyɔ̍-a i̍ jě-e tìh i̍ sà ke dě u̍h we̍. Wɛ̀ iě nyɔ̍ ùh-a jě-a tìh-ɛ tìh jě-ɛ kɛ̍n sà.

Nu̍-dɛ̍ᵻ 20:35

Ǎn nu̍ ɛ̍-ɛ wɛ̀ mɔ̀ iě ɛ̍ juo ka pò nyɔ̍ ja ka dbo̍ nu̍ sɔɛn nu̍-ɛ, wɛ̀ nyɔ̍-a gbǎ nyɔ̍ ùh se̍-a dɛ̍ nu̍-ɛ bɛ̌ɛ we̍. Mɔ̀ bɔ̌ Joi Jusu-a wlu̍ la we̍ mǎle-ɛ, ɔ̍ la̍a̍, ‘Nyɔ̍ dɛ̍ nyǐ-ɛ blě pɔ̀ìě dɔu ɛ̍ sìì dɛ̍ jě-ɛ.’ ”

1 Kɔwlɛntiɔn 8:9

Ɛ̍ tìh-ɛ, mɔ̀ nu̍ nɛnɛ̌ mɔ̀-a de̍e̍ i̍ flɔn-ɛ je̍e nyɔ̍ ùh kɔn wlùh gbaɛ se̍-a i̍ ku̍-ɛ blu̍ja̍a̍ po̍.

1 Kɔwlɛntiɔn 9:19

Ǐn flɔn de̍e̍ i̍, nyɔ̍ se̍ ǐn wlu̍ i̍ kɔn. Jɛ ǐn nu̍ ǎn chɛ̀ nyɔ̍ kli̍hgbɛ̍-a kèi̍ we̍i̍, wɛ̀ ɛ̍ iě kmɔ̌ nɛ iě nyɔ̍ dɔu-a wlùh fèàɛ̀ dě Klai we̍.

2 Kɔwlɛntiɔn 12:15

Ɛ̍ mu̍ ǐn gbǐh po̍ kaa̍ iě ǎn dɛ̍ᵻ kli̍hgbɛ̍ àe̍e̍ ǎn chɛ̀ ple̍ dǒ mɔ̀-a sùù we̍. Ǐn jbɛɛ mɔ̀ɔ̍ kaa̍, nɛ̀ mɔ̀-a ǐn jbɛɛ-ɛ kɔn ɛ̍ iě i̍ wàn ae?

2 Kɔwlɛntiɔn 2:8

Ɛ̍ tìh-ɛ, ǎn ba̍le mɔ̀-ɛ, mɔ̀ iě ɛ̍ to dě ɔ̍ we̍ ka mɔ̀ jbɛɛ-a ɔ̍-ɔ ɛ̍.

2 Kɔwlɛntiɔn 3:17

Joi bo ɔ̀ nu̍ Nyɔsoa-a Sùù. Joi-a Sùù bo ɛ̀ flɔn-ɛ nyɔ̍ kɛ̍n i̍.

2 Kɔwlɛntiɔn 4:5

Ɛ̍ se̍ à chɛ̀-a tìh à se̍ bla̍. À bla̍ ka Jusu Klai nu̍-a Joi-ɛ tìh, ɛ̍ ke ka à nu̍-a mɔ̀-a pòi̍nynuu̍ Jusu-a tìh-ɛ ke.

Kelesea 2:4

Nyɔ̍ ùh tba̍-o bu̍h sǔh-ɛ, ɛ̍ nu̍ de̍di̍i̍ᵻá si̍h naɛ ùh gbǎ-a à nynɛ̌ soɛɛ, iě u̍h-a klǎɛ à jlǐhɛ̍-ɛ. Wɛ̀ u̍h iě ka à nu̍-a sèìe-ɛ dě Jusu Klai ja̍a̍-ɛ we̍ i̍ ju̍o̍e. Wɛ̀ u̍h iě àɔ̀ telě-a kèi̍ we̍i̍ nu̍ dode̍.

Kelesea 4:22

Ɛ̍ la̍ Eblaɛɛn wlǔh-i jɔ̍gbauᵻ nynuu̍ sɔɔ̌n. Ɔ̍ ke kèi̍ nynɔ̌ wlǔh-i due, wɛ̀ ɔ̍ ke jɔ se̍-a kèi̍-ɛ wlǔh-i due.

Kelesea 5:1

Klai sèìe àɔ̀ wɛ̀, wɛ̀ à-a je̍e kèi̍ᵻ nu̍ dɛ. Ɛ̍ tìh-ɛ, mɔ̀ ku̍e̍i̍, wɛ̀ mɔ̀ɔ̍ je̍e kèi̍ᵻ wɔ̀ dɛ.

Kelesea 5:14

Dɛ̍nu̍ɛ, telě kli̍hgbɛ̍ gbǎ dě telě due la di̍i̍, ɛ̍ la̍a̍, “Jbɛɛ ìn pònyɔ̍ ka àn chɛ̀-ɛ.”

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Kelesea 6:2

Pò jɔ kɔn ba̍ ja tìh jě-ɛ, nɛ̀ ɔ̍ gbǎ ɔ̍ we̍ u̍h iě ɛ̍ kwa̍a̍ i̍ gblè-e. Ɛ̍ ja laan nɛ-ɛ, nɛ̀ mɔ̀-a jě la̍ Klai-a telě kli̍hgbɛ̍ dɛ̍ɛ̍.

Ɛfɛsɔ 5:21

Mɔ̀ tù Klai dɛ̍ɛ̍ jě tìh mɔ̀ iě mɔ̀-a chɛ̀ wlù ja dě mɔ̀-a chɛ̀ nynɛ̌.

1 Tɛsoloniɔn 1:3

Mɔ̀-a wlùh gbaɛ ɛ̀ blě-a nu̍-dɛ̍ᵻ ke jbɛɛ ɛ̀ nɛ-a kmu-u dbo̍ de̍e̍-ɛ, ɛ̍ ke mɔ̀-a à Joi Jusu Klai wlì tè-ɛ ɛ̀ ku̍-ae klì i̍-ɛ, pò à nɛ dǒ à Baa Nyɔsoa jǔ-ɛ, nɛ̀ à nu̍ i̍h wlùh we̍.

1 Pitɛ 2:16

Mɔ̀ nu̍ dɛ̍ᵻ ka pǔh-u nyɔ̍-ɛ, jɛ mɔ̀ bɔ̌ dě mɔ̀-a pǔh-ɛ de̍e̍ kɛ̍n poe-ɛ, wɛ̀ mɔ̀ bɔ̌ dɛ̍ᵻ sɔ̀nᵻ nu̍-ɛ. Jɛ mɔ̀ nu̍ dɛ̍ᵻ ka Nyɔsoa-a pòi̍nynuu̍-ɛ.

2 Pitɛ 2:19

Nǎ po̍ nyɔ̍-a si̍h naɛ la u̍h-a po̍ wlu̍ tɔ̀ma̍a̍ u̍h iě nyɔ̍ dě kèìe̍e̍ sà, jɛ nɛ̀ u̍h-a chɛ̀ nɛ dě tba̍ɛ kɛ̍n i̍-a kèìe̍e̍. Nyɔ̍ ɔ̀ dɛ̍-o-dɛ̍ kɔn-a wlu̍ i̍-ɛ, nɛ̀ ɔ̍ nɛ dě ɛ̍ kèìe̍e̍.

Judi 1:4

Nyɔ̍ duuh ùh kɔn kɛ̀n sà tìh chlǐh-a dě Nyɔsoa-a wlu̍ di̍i̍ tɛin-ɛ, u̍h gbǎ mɔ̀ nynɛ̌ soɛɛ. U̍h se̍ Nyɔsoa dɛ-ɛ nɛ, ɛ̍ kɔn u̍h-a bǐi blɛ Nyɔsoa nyǐ-a àɔ̀-ɛ kwa̍ i̍, wɛ̀ u̍h iě ɛ̍ se̍i̍kɔɛn nui. Wɛ̀ Jusu Klai ɔ̀ nɛ due nu̍-a à Joi ke à Dlǔtu-ɛ, iě u̍h tba̍ ɔ̍ chla.