Kelesea 5:11 - Ku̍o̍ Delee 1999

¹¹ Ǐn de̍di̍i̍ᵻ, pò ǐn ja plɔ̀n gbǎ tìh bla̍-a dluwe̍ i̍ gba̍ wɛ̀ iě ka nu̍ ɛ̍ nmɔ jii̍-ɛ, nɛ̀ dɛ̍-ɛ tìh u̍h-a jě-e ǐn klě ɛ? Pò ɛ̍ nɛ la̍a̍n-ɛ, nɛ̀ tìh ǎn bla̍-a dǒ Klai-a gbàɛ̍ kɛ̍n i̍ tu̍ wlì mɛ̌ɛ dɛ we̍-ɛ, nɛ̀ ɛ̍ se̍ nyɔ̍ɔ wɔ̍i̍n nyaɛ mu̍ de.

Kelesea 5:11 Iomraidhean Croise

Nu̍-dɛ̍ᵻ 16:3

Sɔ Pɔɔ-a pɔ̀n ɔ̍ gba̍-a i̍, ɛ̍ kɔn ɔ̍ po̍ ɔ̍ plɔ̀n. Dɛ̍nu̍ɛ, ka Timote baa nu̍-a Klii jǔ-ɛ, Juu nyɔ̍ kli̍hgbɛ̍ juo ɛ̍ dɛ̍ i̍ dě fɔ̌ laa̍ we̍.

Nu̍-dɛ̍ᵻ 21:21

Nyɔ̍ sèàɛ̍ u̍h wlùh u̍h la̍ Juu nyɔ̍ kli̍hgbɛ̍ tǐn-a dě ùh se̍-a Juu nyɔ̍-a blǔh kɛ̍n-ɛ, àn po̍ u̍h nǎ u̍h iě Mose-a telě jlǐhɛ̍ we̍ sà. Ɛ̍ tìh àn sèàɛ̍ u̍h wlùh u̍h-u je̍e u̍h-a nynuu̍ plɔ̀n po̍, wɛ̀ u̍h iě à blǐ dɛ̍ᵻ sɔ̍n we̍ sà.

Nu̍-dɛ̍ᵻ 21:28

Iě u̍h-a wǐi i̍, u̍h la̍a̍, “Mɔ̀ɔ̍ Eslɔɛ nyɔ̍, mɔ̀ gbǎ àɔ̀ we̍ à iě jɔ̍gbau la gbɛ̍n lě. Ɔ̍ bo ɔ̀ po̍ nyɔ̍ nǎ tà kli̍hgbɛ̍, wɛ̀ ɔ̍ nyni i̍ à blǐ nyɔ̍ ke Mose-a telě-a nynɛ̌ wɔ̍n, ɛ̍ ke à slaǎ sà gbò ke. Ɛ̍ se̍-o siee, ɔ̍ ja ùh se̍-a Juu nyɔ̍-ɛ nɔ̌ à slaǎ sà gbò sɔ̀n wɛ̀ dɛ iě ɛ̍ sɔ fau kɛ̍n.” (

1 Kɔwlɛntiɔn 1:18

Dɛ̍nu̍ɛ, tu̍owli ɛ̀ kɔ̍-a dǒ Klai-a dǒ gbàɛ̍ kɛ̍n i̍ tu̍ wlì mɛ̌ɛ dɛ we̍-ɛ, ɛ̍ wɔ̀ se̍o̍nɛ dǒ nyɔ̍ ùh-a mǎ-aɛ we̍, jɛ àɔ̀ juh-a pǔh-aɛ, nɛ̀ Nyɔsoa-a gbǐh bo ɛ̍ to.

1 Kɔwlɛntiɔn 1:23

Jɛ àɔ̀ nɔ̀ɔ̍, à bla̍ Klai-a dǒ tu̍ wlì kɔ̍-ɛ tìh, wɛ̀ Juu nyɔ̍-a dǎɛ ɛ̍ nyɔ̍ tàmlain poe dɛ̍. Iě ɛ̍ wɔ̀ se̍o̍nɛ dǒ ùh se̍-a Juu-ɛ we̍.

1 Kɔwlɛntiɔn 15:30

Nɛ̀ dɛ̍ kɔn tìh à na-ɛ kanɛa dɛ̍ᵻ wɔ̍i̍n ti̍ kli̍hgbɛ̍ we̍ ɛ?

Kelesea 2:3

Taitɔ ɔ̀ ke ǐn ke à na-aɛ, ɔ̍-ɔ Klii jǔ gbɛɛ, jɛ u̍h se̍ ɔ̍ kloǒ nu̍ u̍h iě ɔ̍ plɔ̀n po̍.

Kelesea 3:1

Mɔ̀ɔ̍ Kelesea nyɔ̍ ùh bo-a we̍i̍-ɛ, ǐn juo ɛ̍-ɛ nyɔ̍ po̍ mɔ̀ dɛ̍ jlǐh. Ǐn nyna dǒ mɔ̀ jǔ i̍ wɛ̀ ǐn sèàɛ̍ ɛ̍ we̍ i̍ nmɔ jii̍ dě mɔ̀ we̍ ka Jusu Klai mɛ̌-a dǒ gbàɛ̍ kɛ̍n i̍ tu̍ wlì-ɛ.

Kelesea 4:29

Dǒ ti̍ laa̍ di̍i̍-ɛ, jǔ ɔ̀ wlǔh-a plǒai ka-ɛ, ɔ̍ jě-e jɔ wlǔh-ia dě Sùù di̍i̍-ɛ klě. Ɛ̍ kɔn ba̍ bo ɛ̀ nɛ kaka.

Kelesea 6:12

Nyɔ̍ ùh-a pɔ̀n-a u̍h-a chɛ̀ nyɔ̍ chɛ̀ we̍i̍ nu̍-ɛ i̍-ɛ, u̍h bo ùh-a nɛ̌ mɔ̀ kɛ̍ɛ̍n mɔ̀ iě plɔ̀n gbǎ. U̍h-a nu̍ laan wɛ̀ u̍h-u je̍e klě jě Klai ɔ̀ mɛ̌-a dǒ gbàɛ̍ kɛ̍n i̍ tu̍ wlì-ɛ ɔ̍ tìh.

Kelesea 6:17

Dɛ̍ ǎn mu̍-a kɛ̍n chlà-ɛɛ, ɛ̍ nu̍ nyɔ̍ bɔ̌ ǐn wɔ̍ɔ̍n i̍ bɛ̌ɛ dɛ kleǐnklein. Dɛ̍nu̍ɛ, pǎᵻ nɛ-a dǒ ǎn ku̍ pùn-ɛ, Jusu-a tìh bo i̍h nɛ-o.