Kelesea 5:10 - Ku̍o̍ Delee 1999

¹⁰ Ǐn tè Joi wlì dǒ mɔ̀ we̍, mɔ̀ se̍ flɔ̍nwlùh dɛɛ de̍e̍ gbǎ mu̍ wɛ̀ mɔ̀ iě-o naɛ̍ i̍ si̍e̍. Nɛ̀ nyɔ̍ jɔ bɛ̌ɛ-a mɔ̀ wɔ̍ɔ̍n i̍-ɛ, ka jɛ ɔ̍ nɛ-ɛ, ɔ̍ mu̍ kàn gbɛ̍n-ɛ.

Kelesea 5:10 Iomraidhean Croise

Nu̍-dɛ̍ᵻ 15:24

À wɔ̌n i̍h nyɔ̍ sɔ nɔ̌ àɔ̀ nynɛ̌ iě u̍h-a bɛ̌ɛ mɔ̀ wɔ̍ɔ̍n i̍, iě ɛ̍ po̍ mɔ̀-a wlùh dě de̍ i̍ dǒ dɛ̍ u̍h-a sà-a we̍. Jɛ u̍h se̍ ɛ̍ dě à wɔ̍ɔ̍n dǔ i̍ o.

1 Kɔwlɛntiɔn 5:5

Nɛ̀ mɔ̀ sà jɔ̍gbau laa̍ kwlǎ dě Setɔn we̍ ɔ̍ nyi̍ɔ̍ku iě-e gbɔ̀lɔ-ɛ, wɛ̀ ɔ̍ sùù iě pǔh dǒ weɛ̍ Joi Jusu-a mu̍-a ja-ɛ di̍i̍.

2 Kɔwlɛntiɔn 1:15

Ǐn juo ka mɔ̀-a po̍-a à bu̍hᵻ wlù i̍-ɛ, ɛ̍ kɔn ǎn pɔ̀n iě dě mɔ̀ we̍ ji̍ sàǐtòò wɛ̀ ɛ̍ iě ɛ̍ nu̍ mɔ̀ iě mɔna̍-a gbǎ-a gbɔ̍ᵻ sɔɔ̌n nu̍ de.

2 Kɔwlɛntiɔn 10:2

Ǎn ba̍le mɔ̀-ɛ, mɔ̀ɔ̍ je̍e ɛ̍ nu̍ pò ǐn ji̍-e mɔ̀ we̍-ɛ wɛ̀ nɛ̌ je̍e wɔ̍n kma. Ǐn juo ɛ̍ ǎn mu̍ wɔ̍n kma wɛ̀ iě wlì i̍ bɛ̌ dǒ nyɔ̍ ùh la̍ à nu̍-a dɛ̍ᵻ ka kmɔ̌ we̍ nyɔ̍-ɛ we̍.

2 Kɔwlɛntiɔn 10:6

À jě ti̍ wɛ̀ à iě nyɔ̍ wɔ̍n blaɛ nyɔ̍ kli̍hgbɛ̍ kàn gbɛ̍n, pò mɔ̀-a à wlù nu̍-ɛ gbǎ gba̍a̍-ɛ.

2 Kɔwlɛntiɔn 13:10

Ǐn chlǐh chlǐh-dɛ̍ la ti̍ ǐn se̍-a dě mɔ̀ we̍ nɛ-ɛ, ɛ̍ iě ɛ̍ nu̍ pò ǐn ji̍-ɛ wɛ̀ nɛ̌ je̍e wɔ̍n kma dǒ tùn Joi nyǐ-a m-ɛ we̍. Ɔ̍ nyǐ ǐn tùn iě mɔ̀ gbǐh ku̍u̍ po̍, ɛ̍ se̍ mɔ̀ɔ̍ gbɔ̀lɔ tìh.

2 Kɔwlɛntiɔn 2:3

Ɛ̍ kɔn ǐn chlǐh mɔ̀ chlǐh-dɛ̍ laa̍ we̍. Ǐn se̍ pɔ̀n iě-e mɔ̀ we̍ ji̍-ɛ, wɛ̀ mɔ̀ɔ̍ kɔn taǐn ùh kɔn ùh iě-a ǐn mɔna̍-a po̍-ɛ, wɛ̀ mɔ̀ iě ǎn wlùh seɔn po̍. Ǐn juo ɛ̍ kleǐn pò ǐn gbǎ mɔna̍-ɛ, nɛ̀ mɔ̀ kli̍hgbɛ̍ mɔ̀ gbǎ mɔna̍-a ke.

2 Kɔwlɛntiɔn 2:6

Nyɔ̍ kaɛn la, kàn mɔ̀-a nyɔ̍ dɔu gbɛ̍n-a ɔ̍-ɛ, ɛ̍ tìè i̍.

2 Kɔwlɛntiɔn 5:16

Ɛ̍ tìh-ɛ, sɔ dě ti̍ à gbaɛ-a Klai wlùh-ɛ we̍-ɛ, à-a se̍a nyɔ̍ ja̍ gbɛ̀n ka kmɔ̌ we̍ nyɔ̍-a nu̍-aɛ. Ka kmɔ̌ we̍ nyɔ̍-a nu̍-a ɔ̍ ja̍ gbɛ̀n-ɛ, kǎ à nu̍ ke de.

2 Kɔwlɛntiɔn 7:16

Ǐn nu̍ mɔna̍ kaa̍, dɛ̍nu̍ɛ, ǐn tè mɔ̀ wlì chɛ̀ɛ̌chɛ̀.

2 Kɔwlɛntiɔn 8:22

À dbo̍ u̍h ke à de̍di̍i̍ dɔɔ. À tɛ̀n ɔ̍-ɔ wɛ̀ kaa̍, iě à juo-o dɛ̍ i̍ ka ɔ̍ wlùh-a nu̍-a jàjà ɔ̍ iě-a nyɔ̍ we̍ gbǎ-ɛ. Kaka la̍ ka ɔ̍ tè-a mɔ̀ wlì kaa̍-ɛ, ɛ̍ nu̍ ɔ̍ wlùh-a jàjà kaa̍ ɛ̍ sìì sàǐtòò naɛ ɔ̍ iě mɔ̀ we̍ gbǎ.

Kelesea 1:7

Jɛ pɔ̀n chɛ̀ dɛɛ se̍ nɛ fu̍u̍. Dě mɔ̀ we̍ bo nyɔ̍ duuh nɛ u̍h-a bɛ̌ɛ mɔ̀ wɔ̍ɔ̍n i̍, u̍h iě Klai-a pɔ̀n chɛ̀-a klě-e fiǎn.

Kelesea 2:4

Nyɔ̍ ùh tba̍-o bu̍h sǔh-ɛ, ɛ̍ nu̍ de̍di̍i̍ᵻá si̍h naɛ ùh gbǎ-a à nynɛ̌ soɛɛ, iě u̍h-a klǎɛ à jlǐhɛ̍-ɛ. Wɛ̀ u̍h iě ka à nu̍-a sèìe-ɛ dě Jusu Klai ja̍a̍-ɛ we̍ i̍ ju̍o̍e. Wɛ̀ u̍h iě àɔ̀ telě-a kèi̍ we̍i̍ nu̍ dode̍.

Kelesea 2:6

Jɛ nyɔ̍ u̍h-a dǎɛ-a nyɔ̍ klaaᵻɛ́, u̍h se̍ flɔ̍nwlùh delee dǒ naɛ̍ kɛ̍n po̍. Ka jɛ u̍h nɛ-a chɛ̀-ɛ, dɛ̍ ɛ̀ iě-a dǒ dɔɔ̌ nɛ dǒ ǐn we̍-ɛ, ɛ̍ se̍ nɛ dɛ̍nu̍ɛ, Nyɔsoa-a chlɛ̌-e nyɔ̍ i̍.

Kelesea 3:1

Mɔ̀ɔ̍ Kelesea nyɔ̍ ùh bo-a we̍i̍-ɛ, ǐn juo ɛ̍-ɛ nyɔ̍ po̍ mɔ̀ dɛ̍ jlǐh. Ǐn nyna dǒ mɔ̀ jǔ i̍ wɛ̀ ǐn sèàɛ̍ ɛ̍ we̍ i̍ nmɔ jii̍ dě mɔ̀ we̍ ka Jusu Klai mɛ̌-a dǒ gbàɛ̍ kɛ̍n i̍ tu̍ wlì-ɛ.

Kelesea 4:11

Mɔ̀-a faɔn-a nu̍ m, wɛ̀ dbo̍ ǐn nu̍-a dǒ mɔ̀ we̍-ɛ, ɛ̍-ɛ je̍e bu̍ɛ̍i̍ nu̍.

Kelesea 4:17

Nyɔ̍ la u̍h-a nu̍ mɔ̀-a dɛ̍i̍, jɛ ɛ̍ se̍ mɔ̀-a tìh kma-a. Dɛ̍ u̍h-a pɔ̀n-a i̍-ɛ, ɛ̍ nu̍ mɔ̀ ke ǐn ke à iě i̍ che̍ɛ̍ɛn, wɛ̀ u̍h iě mɔ̀ chlì dě u̍h we̍ ka.

Kelesea 4:20

Ǎn pɔ̀n iě dě mɔ̀ we̍ nɛ kaka wɛ̀ iě wlu̍ i̍ bǐi. Ka iě-a mɔ̀-a tìh nu̍-ɛ, ǐn se̍ ɛ̍ juo dɛ.

Kelesea 5:12

Ɛ̍ mu̍ ǐn gbǐh po̍, wɛ̀ nyɔ̍ ùh-a bɛ̌ɛ-a mɔ̀ wɔ̍ɔ̍n i̍-ɛ, u̍h iě u̍h-a chɛ̀ kɔlu̍-a poa-nyɔ̍ we̍i̍ nu̍ sǔh kleǐn.

Kelesea 5:7

Mɔ̀-a mu̍-a nya̍ de gbɛɛ-ɛ, nyɔ̍ bo ɔ̀ sà mɔ̀ wìè-i dǒ tìh-a taǐn dɛ̍ɛ̍ jě-ɛ we̍ ɛ?

Kelesea 6:17

Dɛ̍ ǎn mu̍-a kɛ̍n chlà-ɛɛ, ɛ̍ nu̍ nyɔ̍ bɔ̌ ǐn wɔ̍ɔ̍n i̍ bɛ̌ɛ dɛ kleǐnklein. Dɛ̍nu̍ɛ, pǎᵻ nɛ-a dǒ ǎn ku̍ pùn-ɛ, Jusu-a tìh bo i̍h nɛ-o.

Felepai 3:15

Nɛ̀ɛ̍, àɔ̀ juh-a wɔ̌n-a ka dɛ̍ᵻ kli̍hgbɛ̍-ɛ i̍-ɛ, nɛ̀ sìla̍ jɛɛ-a wlùh laa̍ bo à iě blě la̍ sǔh. Jɛ pò dɛ̍ dɛɛ nu̍ ɛ̍ wɛ̀ mɔ̀ iě wlùh dɛɛ blě-ɛ, nɛ̀ Nyɔsoa-a mu̍ ɛ̍ we̍i̍ flɔn-ɛ dě mɔ̀ we̍.

2 Tɛsoloniɔn 3:4

À tè Joi wlì dǒ mɔ̀ we̍, ka mɔ̀-a nu̍-a dɛ̍ᵻ à sèàɛ̍-a mɔ̀ wlùh iě mɔ̀-a mu̍-a i̍h dluwe̍ i̍ gba̍-ɛ.

1 Timote 1:20

U̍h-a duuh bo ùh nu̍-a Amɛnia ke Ɛlesana ǐn sà-ɛa Setɔn kwlǎ, wɛ̀ u̍h iě dɛ̍ cheǎn, wɛ̀ u̍h-u je̍e Nyɔsoa-a wlu̍ wɔ̍i̍n nyni dɛ.

Faɛlimɔ 1:21

Ǐn tè ɛ̍ wlì dɛ̍ kɔn tìh ǎn chlǐh-a ìn we̍-ɛ, àn mu̍ ɛ̍ nu̍. Ǐn juo ɛ̍-ɛ àn mu̍ ɛ̍ nu̍ ìè ɛ̍ kɛ̍n sì-a chɛ̀.