Kelesea 5:1 - Ku̍o̍ Delee 1999

¹ Klai sèìe àɔ̀ wɛ̀, wɛ̀ à-a je̍e kèi̍ᵻ nu̍ dɛ. Ɛ̍ tìh-ɛ, mɔ̀ ku̍e̍i̍, wɛ̀ mɔ̀ɔ̍ je̍e kèi̍ᵻ wɔ̀ dɛ.

Kelesea 5:1 Iomraidhean Croise

Matio 23:4

Kwa̍ ku gbɛ̀ᵻ bo u̍h-a po̍ dǒ nyɔ̍ kleǐ. Jɛ nɛ̀ u̍h-u wɔ̌ɛn nyɔ̍ sɔ̍n we̍ po̍ tìh i̍ u̍h iě gbɛ̀ᵻá chɛ̀ gba̍.

Pɔ̀n Chɛ̀ Luu To-a La 5:38

Jɛ nmɔ̍ delee bo ɛ̀ iě dě dɛ̍ku sòlɛ̀ delee di̍i̍ gbǎ.

Nu̍-dɛ̍ᵻ 15:10

Nɛ̀ɛ̍, gbɛ̀ la à baaᵻ ke à chɛ̀ se̍-a gba̍-a bɛ̌ɛ iě mɔ̀-a tè-a ɛ̍ dǒ Jusu-a kòà delee la dlǔ i̍-ɛ, nɛ̀ mɔ̀-a se̍-o Nyɔsoa-a jlu̍h duǐh-a tù ae?

Wloma 6:14

Nɛ̀ gblɛ̍n sɔ̀ɛ̀n se̍ mɔ̀ wlu̍ i̍ kɔn mu̍ dɛ, dɛ̍nu̍ɛ, mɔ̀ se̍ dǒ telě sɔ̀n nɛ dɛ, jɛ mɔ̀ nɛ dě Nyɔsoa-a blɛ di̍i̍ wɛ̀.

Wloma 6:18

Gblɛ̍n sɔ̀ɛ̀n se̍ mɔ̀ wlu̍ i̍ kɔn dɛ, jɛ mɔ̀ɔ̍ kèi̍ᵻ dǒ dɛ̍ ɛ̀ slɛ̌-a i̍-ɛ nu̍-ɛ we̍.

Wloma 7:3

Nɛ̀ pò ɔ̍ kɔan tè kmɔ̌ i̍ wɛ̀ ɔ̍ iě nyɔ̍ dɔɔ dǔ-ɛ, nɛ̀ u̍h-a mu̍ ɔ̍ nynɛ̌à nu̍ nyɔ̍ dǎɛ. Jɛ pò ɔ̍ kɔan mɛ̌-ɛ, nɛ̀ ɔ̍ flɔn de̍e̍ i̍ wɛ̀ dǒ telě la we̍. Nɛ̀ pò ɔ̍ jɛ dǔ ka jɔ̍gbau dɔɔ-ɛ, nɛ̀ ɛ̍ se̍ nynɛ̌à ɔ̍ se̍ nu̍ dɛ.

Wloma 7:6

Jɛ telě jɛ nu̍-a à gbɛ̍n-nyɔ̍ we̍i̍ de-ɛ, à mɛ̌ wɛ̀ dǒ ɛ̍ we̍ iě Nyɔsoa sà àɔ̀ dǒ ɛ̍ sɔ̍n wɛ̀. Sɔ nɛ̀ à se̍ dǒ telě soa nɔ̀ɔ̍ sɔ̀n nɛ dɛ, jɛ à dbee la̍ Nyɔsoa jǔ dě gblɛ̍n delee di̍i̍, dɛ̍nu̍ɛ, à jě ɔ̍ Sùù dɛ̍ɛ̍.

Wloma 8:15

Dɛ̍nu̍ɛ, Sùù ɛ̀ mɔ̀ jě-aɛ, ɛ̍ se̍ mɔ̀ kèi̍ᵻ we̍i̍ nu̍ la̍ ji̍ dode̍ mɔ̀ iě faɔn ple̍. Jɛ mɔ̀ jě ɛ̍-ɛ, ɛ̍ iě mɔ̀ Nyɔsoa-a nynuu̍ we̍i̍ nu̍, wɛ̀ à iě Nyɔsoa à Baa dǎɛ.

Wloma 8:2

Dɛ̍nu̍ɛ, Nyɔsoa-a Sùù-a telě ɛ̀ ja-a à feɛ dě à ke Jusu Klai-a due nɛ-ɛ di̍i̍-ɛ, ɛ̍ bo ɛ̀ nu̍ ɛ̍ iě telě ɛ̀ ja-a gblɛ̍n sɔ̀ɛ̀n ke mɛ̌ɛ-ɛ, wɛ̀ ɛ̍ se̍ ǐn wlu̍ i̍ kɔn.

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

1 Kɔwlɛntiɔn 16:13

Mɔ̀ tù mɔ̀-a chɛ̀ jlǐhɛ̍ mɔ̀ iě-a klì i̍ ku̍ dǒ wlùh gbaɛ blě-ɛ we̍. Mɔ̀ bɛ̌ wlì i̍ mɔ̀ iě kmu.

1 Kɔwlɛntiɔn 7:22

Nyɔ̍ nu̍ kèi̍ wɛ̀ Joi iě ɔ̍ dǎ-ɛ, nɛ̀ ɔ̍ flɔn i̍ dǒ Joi nɔ̀ɔ̍ we̍. Kǎ ɛ̍ nɛ ke, pò nyɔ̍ flɔn i̍ wɛ̀ Klai iě ɔ̍ dǎ-ɛ, nɛ̀ ɔ̍-ɔ Klai-a kèi̍.

2 Kɔwlɛntiɔn 11:20

Mɔ̀-a wɔ̌ɛn iě nyɔ̍-a nu̍ mɔ̀ dɛ̍ᵻ jii̍ ka kèi̍ᵻɛ́ àe̍e̍ u̍h-a tè mɔ̀ wɔ̍n dlǔ àe̍e̍ u̍h-a gbɛ̍n mɔ̀ àe̍e̍ u̍h-a bɛ̌-ɛ u̍h-a chɛ̀ i̍, iě u̍h-a tba̍ mɔ̀ gbǎ jua̍i̍.

2 Kɔwlɛntiɔn 3:17

Joi bo ɔ̀ nu̍ Nyɔsoa-a Sùù. Joi-a Sùù bo ɛ̀ flɔn-ɛ nyɔ̍ kɛ̍n i̍.

Kelesea 2:4

Nyɔ̍ ùh tba̍-o bu̍h sǔh-ɛ, ɛ̍ nu̍ de̍di̍i̍ᵻá si̍h naɛ ùh gbǎ-a à nynɛ̌ soɛɛ, iě u̍h-a klǎɛ à jlǐhɛ̍-ɛ. Wɛ̀ u̍h iě ka à nu̍-a sèìe-ɛ dě Jusu Klai ja̍a̍-ɛ we̍ i̍ ju̍o̍e. Wɛ̀ u̍h iě àɔ̀ telě-a kèi̍ we̍i̍ nu̍ dode̍.

Kelesea 3:25

Kaka la̍, ɛ̍ nu̍ wlùh gbaɛ naɛ ti̍ wɛ̀, nɛ̀ à se̍ dǒ telě sɔ̀n nɛ dɛ.

Kelesea 4:26

Jɛ Juluslɛn jɛ nɛ-a dě à dlǔwèàì-ɛ, ɛ̍ se̍-e kèìe̍e̍ nɛ, iě ɛ̍ nu̍ à de̍.

Kelesea 4:31

Nɛ̀ɛ̍, ǐn de̍di̍i̍ᵻ, à se̍ kèi̍ nynɔ̌-a nynuu̍, jɛ àɔ̀ jɔ se̍-a kèi̍-ɛ, ɔ̍ nynuu̍.

Kelesea 4:9

Jɛ kaka la̍ mɔ̀-a juo la̍ Nyɔsoa. Jɛ chɛ̀ɛ̌chɛ̀-ɛ, Nyɔsoa bo ɔ̀ juo la̍ mɔ̀. Dɛ̍nu̍ mɔ̀-a pɔ̀n dě nyɔsoa-a si̍h naɛ ìh se̍-a gbǐh kɔn, ìh se̍-a dɛ̍ i̍ blaɛ-ɛ we̍ mu̍-ɛ i̍ dode̍ ɛ? Mɔ̀-a pɔ̀n mɔ̀ iě i̍h-a kèi̍ᵻ nu̍ dɛ ae?

Kelesea 5:13

Ǐn de̍di̍i̍ᵻ, mɔ̀ɔ̍ nɔ̀ɔ̍, mɔ̀ dǎ-ɛ mɔ̀ iě de̍e̍ i̍ flɔn. Jɛ mɔ̀ bɔ̌ mɔ̀-a de̍e̍ i̍ flɔn-ɛ dǔ-ɛ, wɛ̀ mɔ̀ bɔ̌ ɛ̍ gblɛ̍n sɔ̀ɛ̀n nui-ɛ. Jɛ jɔ-ɛ, nɛ̀ ɔ̍ dbee ɔ̍ ba̍ jǔ dě jbɛɛ di̍i̍.

Ɛfɛsɔ 6:14

Ɛ̍ tìh-ɛ, mɔ̀ chlìì kɛ̍n dǒ mɔ̀-a bɛtɛ̍ ɛ̀ nu̍-a tìh-a taǐn ɛ̀ kɔ̍-a dǒ Nyɔsoa pùn i̍-ɛ we̍, wɛ̀ mɔ̀ iě i̍ nyna. Nɛ̀ i̍ slɛ̌-ɛ bo ɛ̀ iě mɔ̀-a nɛ̍ne̍ɛ̍ wola̍ nu̍ mɔ̀ iě-e pa̍.

Felepai 1:27

Dɛ̍ due gbài̍ mɔ̀ iě-a nu̍-ɛ, ɛ̍ nu̍ ka Klai-a pɔ̀n chɛ̀-a pɔ̀n-a mɔ̀ iě-a nɛ-ɛ, mɔ̀ iě laǎn nɛ. Wɛ̀ pò ǎn jɛ ji̍ dě mɔ̀ we̍-o, iě pò ǐn se̍-e ji̍-o, iě i̍h wɔ̌n mɔ̀ iě kǎn i̍ nyna dě wlùh due di̍i̍. Wɛ̀ mɔ̀-a dɛ̍ we̍ fɔ̀n-ɛ iě due nɛ dǒ wlùh gbaɛ ɛ̀ kɔ̍-a dǒ pɔ̀n chɛ̀ kɛ̍n i̍-ɛ we̍.

1 Tɛsoloniɔn 3:8

Ka mɔ̀ ku̍-ae klì i̍ wɛ̀ dě Joi ja̍a̍-ɛ, nɛ̀ jɛwɛ̀ ǐn juo ɛ̍ ka à nɛ-a kmɔ̌-ɛ.

2 Tɛsoloniɔn 2:15

Ɛ̍ tìh-ɛ, à de̍di̍i̍ᵻ, mɔ̀ ku̍-e klì i̍, mɔ̀ iě dɛ̍ᵻ à poe-a mɔ̀ nǎ dǒ à wɔ̍i̍n wlu̍ ke chlǐh-dɛ̍ we̍-ɛ i̍ gbɛ̍n.

Iblu 10:23

Nɛ̀ wlì tè dɛ̍ kɔn tìh à bla̍-aɛ, mɔ̀ à gbɛ̍n ɛ̍ i̍ klìmàtàìn. Dɛ̍nu̍ɛ, Nyɔsoa ɔ̀ po̍-a wlu̍ tɔ̀ma̍a̍-ɛ, ɔ̍-ɔ gblìh wlu̍ kɛ̍n.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

Iblu 3:6

Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.

Iblu 4:14

Wlùh gbaɛ blě tìh à sà-aɛ, mɔ̀ à gbɛ̍n ɛ̍ i̍ klìmàtàìn, dɛ̍nu̍ɛ, à blě Slaǎ Sà Nyɔ̍-a Dlǔtu ɔ̀ ku̍-a wɔ̍n-ɛ. Nyɔsoa-a Jǔ Jusu ɔ̀ mu̍-a dě ja̍i̍wlɔ̀ wɛ̀-ɛ bo.

1 Pitɛ 2:16

Mɔ̀ nu̍ dɛ̍ᵻ ka pǔh-u nyɔ̍-ɛ, jɛ mɔ̀ bɔ̌ dě mɔ̀-a pǔh-ɛ de̍e̍ kɛ̍n poe-ɛ, wɛ̀ mɔ̀ bɔ̌ dɛ̍ᵻ sɔ̀nᵻ nu̍-ɛ. Jɛ mɔ̀ nu̍ dɛ̍ᵻ ka Nyɔsoa-a pòi̍nynuu̍-ɛ.

2 Pitɛ 2:19

Nǎ po̍ nyɔ̍-a si̍h naɛ la u̍h-a po̍ wlu̍ tɔ̀ma̍a̍ u̍h iě nyɔ̍ dě kèìe̍e̍ sà, jɛ nɛ̀ u̍h-a chɛ̀ nɛ dě tba̍ɛ kɛ̍n i̍-a kèìe̍e̍. Nyɔ̍ ɔ̀ dɛ̍-o-dɛ̍ kɔn-a wlu̍ i̍-ɛ, nɛ̀ ɔ̍ nɛ dě ɛ̍ kèìe̍e̍.

Judi 1:3

Ǎn tìh kma nyɔ̍, sèìe la mɔ̀ ke à gblè-a kwa̍a̍ i̍-ɛ, ɛ̍ kɔn tìh bo ǎn wlùh-a nu̍ jàjà de iě mɔ̀ we̍ chlǐh. Jɛ kaka la̍, wlùh gbaɛ ɛ̀ Nyɔsoa nyǐ-a ɔ̍ nyɔ̍ wɛ̀ kleǐnklein-ɛ, ɛ̍ kɔn tìh bo ǐn kɔn iě mɔ̀ we̍ chlǐh, iě mɔ̀-a wlùh fùka, wɛ̀ mɔ̀ iě ɛ̍ tìh we̍ fɔ̀n.

Wlɛfeleseɔn 2:25

Jɛ tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n te̍e̍ wɛ̀ iě ji̍.

Wlɛfeleseɔn 3:3

Dɛ̍ᵻ ǐn poe-a mɔ̀ nǎ wɛ̀ mɔ̀ cheǎn-aɛ, mɔ̀ nu̍ i̍h wlùh we̍. Nɛ̀ mɔ̀ jě i̍h dɛ̍ɛ̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe. Jɛ pò mɔ̀ se̍ bloɔ̍ sɔ mu̍-ɛ, nɛ̀ ǎn ji̍-ɛa mu̍ nyɔ̍ kɛ̍n kèè ka jlǐ-nyɔ̍-ɛ. Nɛ̀ mɔ̀ se̍ ti̍ ǎn mu̍-a ja-ɛ juo mu̍.