Kelesea 4:8 - Ku̍o̍ Delee 1999

⁸ Mɔ̀ se̍ Nyɔsoa juo de tɛin, ɛ̍ kɔn mɔ̀ nu̍ kèi̍ᵻ dǒ nyɔsoa-a si̍h naɛ we̍.

Kelesea 4:8 Iomraidhean Croise

Chɔɔn 1:10

Ɔ̀ kɔn nynɛ̌ nu̍-a Wlu̍-ɛ, ɔ̍ nɛ nɔ̌ kmɔ̌, iě kmɔ̌ nui-ɛ dě ɔ̍ ja̍a̍. Jɛ kmɔ̌-a nyɔ̍ se̍ ɔ̍ juo.

Nu̍-dɛ̍ᵻ 14:12

Wɛ̀ u̍h-a dǎɛ Banaba Siu, iě u̍h-a dǎɛ Pɔɔ Ɔmi, dɛ̍nu̍ɛ, ɔ̍ bo ɔ̀ nu̍ wlu-u nyɔ̍.

Nu̍-dɛ̍ᵻ 17:23

Dɛ̍nu̍ɛ, pò ǐn ja tàjɛ̀ jii-ɛ, nɛ̀ ǎn jě mɔ̀-a wɛɛ sà-ɛ la̍. Ǐn jě gblǒ u̍h chlǐh Se̍ Juo Nyɔsoa dǒ ɛ̍ wlì. Se̍ Juo Nyɔsoa mɔ̀ se̍-a juo iě mɔ̀-a sà-a wɛɛ-ɛ, ɔ̍ kɔn tìh bo ǎn bla̍-a la̍ dě mɔ̀ we̍.

Wloma 1:23

Nyɔsoa ɔ̀ se̍-a mɛ̌ la̍ kɔn-ɛ, ɔ̍ wɛɛ sà-a bo u̍h-a dǔ-u u̍h-a gba̍ dǒ dɛ̍ᵻ ìh mɛ̍-ɛa we̍. I̍h-a diih wɔ̀ nyi̍ɔ̍ fɔɔ, iě diih wɔ̀ na̍wɛ̍ᵻ, wɛ̀ diih wɔ̀ nmi̍i̍ chɛ̀ ke pɛ̀lɛ̌ naɛ nmi̍i̍.

Wloma 1:28

Ka u̍h se̍-a Nyɔsoa-a tìh-a taǐn-a tìh i̍ wɔ̌ɛn-ɛ, ɛ̍ kɔn ɔ̍ tǎli u̍h i̍ wɛ̀ u̍h wɔ̀ dǒ u̍h-a tba̍ɛ kɛ̍n i̍ nu̍ wlùh de̍e̍, iě u̍h-a nu̍ se̍i̍kɔɛn.

1 Kɔwlɛntiɔn 1:21

Nyɔsoa nu̍ ɛ̍ dě ɔ̍ flɔ̍nwlùh di̍i̍ wɛ̀ kmɔ̌ nyɔ̍ se̍ ɔ̍ juo-ɛ bɛ̌ɛ dě u̍h naɛ flɔ̍nwlùh di̍i̍. Dɛ̍ à bla̍-a iě kmɔ̌ nyɔ̍-a dǎɛ ɛ̍ se̍o̍nɛ. Nyɔ̍ ùh gbaɛ-a ɛ̍ wlùh-ɛ, u̍h-u bo Nyɔsoa pǔh-i.

1 Kɔwlɛntiɔn 12:2

Mɔ̀ juo ɛ̍-ɛ, ti̍ mɔ̀ se̍-a Nyɔsoa juo-ɛ, nɛ̀ kwɛ̍i̍n gbo̍ᵻ ìh se̍-a feɛ blě-ɛ i̍h mɔ̀-a sà wɛɛ. Nɛ̀ ka mɔ̀ jě-ɛ mɔ̀-a nu̍.

1 Kɔwlɛntiɔn 8:4

Ɛ̍ tìh-ɛ, di̍-dɛ̍ᵻ u̍h-a sà-ɛa slaǎ dǒ kwɛ̍i̍n gbo̍ᵻ we̍-ɛ, kǎ i̍h-a di̍-i tìh nɛ ka. À kli̍hgbɛ̍ à juo i̍h ka kwɛ̍i̍n gbo̍ se̍-a feɛ blě nɔ̌ kmɔ̌ la we̍-ɛ. Nɛ̀ à juo ka Nyɔsoa nɛ-a due gbài̍-ɛ.

Kelesea 4:3

Ka ɛ̍ nɛ ke, ti̍ à se̍-a jlǐh flɔn ke̍-ɛ, nɛ̀ gbǐh jih kɔn-a kmɔ̌ la wlu̍ i̍-ɛ, nɛ̀ àɔ̀ i̍h-a kèi̍ᵻ.

Ɛfɛsɔ 4:18

U̍h-a wlùh gbe kɛ̍n i̍ dǒ dɛ̍ɛ̍ i̍ wɔ̌n la̍-a, sɔ u̍h nɛ-ɛ fɔ̌ i̍ dǒ kmɔ̌ Nyɔsoa nyǐ-a àɔ̀-ɛ we̍. Dɛ̍nu̍ɛ, u̍h-a se̍ dɛ̍ jlǐh juo ke u̍h-a dlǔ ku̍-ɛ bo ɛ̀ nu̍ ɛ̍.

1 Tɛsoloniɔn 1:9

Ti̍ à ji̍-a dě mɔ̀ we̍-ɛ, ka mɔ̀ nu̍-a à tìh i̍ gbɛ̍n-ɛɛ, nyɔ̍ kli̍hgbɛ̍-a sà i̍h-i. Ɛ̍ ke ka mɔ̀ tǎli-a kwɛ̍i̍n gbo̍ᵻ i̍, iě mɔ̀ bǐi-a dě Nyɔsoa we̍ i̍ wɛ̀ mɔ̀ iě-a kmɔ̌ nɛ Nyɔsoa ɔ̀ nu̍-a tìh-a taǐn-ɛ wɛɛ sà-ɛ.

1 Tɛsoloniɔn 4:5

Bɔ̌ ɛ̍ wlùh sɔ̀n we̍ blě-ɛ, ka nyɔ̍ ùh se̍-a Nyɔsoa juo-ɛ.

2 Tɛsoloniɔn 1:8

Wɛ̀ ɔ̍ iě nyɔ̍ ùh se̍-a Nyɔsoa juo-ɛ ke, nyɔ̍ ùh se̍-a pɔ̀n chɛ̀ ɛ̀ kɔ̍-a dǒ à Joi Jusu pùn i̍-ɛ ɛ̍ wlu̍ nu̍-ɛ kàn gbɛ̍n.

1 Pitɛ 4:3

Ɛ̍ se̍ ti̍ dɛ mɔ̀ iě ùh se̍-a Nyɔsoa juo-ɛ u̍h-a gblɛ̍n nu̍. Tɛin-ɛ, nɛ̀ mɔ̀-a nu̍ nynɛ̌à, mɔ̀-a sìèè mɔ̀-a chɛ̀ nmɔ̍ wlì, mɔ̀-a nu̍ sììjii̍, mɔ̀-a sà kwɛ̍i̍n wɛɛ, iě mɔ̀-a mu̍ nmɔ̍ nǎ peě kɛ̍n i̍ mɔ̀-a nu̍ mɔ̀-a chɛ̀-a wlùh.

1 Chɔɔn 3:1

Mɔ̀ jě ka Baa Nyɔsoa nu̍-a à tìh kma-a kaa̍-ɛ. Ɛ̍ tìh ɔ̍ dǎɛ àɔ̀ ɔ̍ nynuu̍. Àɔ̀ Nyɔsoa-a nynuu̍, ɛ̍ kɔn kmɔ̌ se̍ à juo, dɛ̍nu̍ɛ, ɛ̍ se̍ ɔ̍ juo.