Kelesea 4:6 - Ku̍o̍ Delee 1999

⁶ Mɔ̀ɔ̍ Nyɔsoa-a chɛǐ nynuu̍ dɛbo, ɛ̍ kɔn ɔ̍ dbo̍ ɔ̍ Jǔ-a Sùù dě à wlùh di̍i̍. Iě ɛ̍ sèàɛ̍ àɔ̀ wlùh ka Nyɔsoa bo ɔ̀ nu̍-a à Baa-ɛ.

Kelesea 4:6 Iomraidhean Croise

Pɔ̀n Chɛ̀ Maɛ To-a La 14:36

Ɔ̍ la̍a̍, “Baa, ǐn Baa, ka ìn bɛ̌ɛ-a dɛ̍ᵻ kli̍hgbɛ̍ nu̍-ɛɛ, sà ǐn kàu̍n la wɔ̍i̍n lě. Gbɔ̀gbɔ̀-ɛ, bɔ̌ naɛ̍ wlùh nu̍-ɛ, nu̍ àn chɛ̀-a wlùh.”

Pɔ̀n Chɛ̀ Luu To-a La 11:13

Mɔ̀ɔ̍ juh kɔn gblɛ̍n nyni-a jii̍-ɛ, pò mɔ̀ juo mɔ̀-a nynuu̍ dɛ̍ᵻ chɛ̀ nyǐ-ɛɛ, jɛ nɛ̀ mɔ̀ Baa Nyɔsoa nɛ-a dě ja̍i̍wlɔ̀-ɛ, ɔ̍ bo ɔ̀ se̍ nyɔ̍ jbǎ-ɛa ɔ̍ Sùù-ɛ nyǐ mu̍ ae?”

Pɔ̀n Chɛ̀ Luu To-a La 11:2

Wɛ̀ Jusu la̍a̍ dě u̍h we̍, “Pò mɔ̀ ja ba̍le-ɛ, nɛ̀ mɔ̀ la̍a̍, ‘Baa, àn nynɛ̌ bo nyɔ̍ iě ja̍ tè. Àn kmɔ̌ wlu̍ i̍ kɔn-ɛ iě ji̍.

Chɔɔn 14:16

wɛ̀ iě Baa i̍ tèle ɔ̍ iě mɔ̀ Sùù ɛ̀ naɛ-a nyɔ̍ sɔ̍nᵻ we̍ i̍-ɛ we̍ dbo̍. Wɛ̀ Sùù ɛ̀ sèàɛ̍-a nyɔ̍ Nyɔsoa-a tìh-a taǐn tìh wlùh-ɛ ɛ̍ iě dǒ mɔ̀ we̍ nɛ kleǐnklein. Ɛ̀ kɔn tìh kmɔ̌ nyɔ̍ se̍-a ɛ̍ tìh i̍ wɔ̌ɛn-ɛ, ɛ̍ nu̍, u̍h-u se̍a ɛ̍ jě, iě u̍h se̍ ɛ̍ juo. Jɛ mɔ̀ɔ̍ nɔ̀ɔ̍, mɔ̀ juo ɛ̍-ɛ, dɛ̍nu̍ɛ, ɛ̍ nɛ dǒ mɔ̀ we̍, iě ɛ̍ mu̍ dě mɔ̀ ja̍a̍ nɛ ma̍u̍.

Chɔɔn 15:26

“Sùù ɛ̀ sèàɛ̍-a nyɔ̍ Nyɔsoa-a tìh-a taǐn wlùh-ɛ, ɛ̀ naɛ-a nyɔ̍ sɔ̍nᵻ we̍ i̍-ɛ, ǎn mu̍ ɛ̍ nu̍ wɛ̀ ɛ̍ iě dě Baa we̍ sɔ ɛ̍ iě nɔ̌ mɔ̀ we̍ ji̍. Pò ɛ̍ sɔ dě ɔ̍ we̍-ɛ, nɛ̀ ɛ̍-ɛ bo ɛ̀ mu̍ ǎn sàànsi̍i̍h nu̍.

Chɔɔn 16:7

Tìh-a taǐn ǎn sèàɛ̍ mɔ̀ wlùh, ɛ̍ nmɔ jii̍ dǒ mɔ̀ we̍ iě ǎn mu̍. Dɛ̍nu̍ɛ, pò ǐn se̍ mu̍-ɛ, nɛ̀ Sùù ɛ̀ naɛ-a nyɔ̍ sɔ̍nᵻ we̍ i̍-ɛ ɛ̍ se̍ mɔ̀ we̍ ji̍ mu̍. Jɛ pò ǐn mu̍-ɛ, nɛ̀ ǎn mu̍ ɛ̍ nɔ̌ mɔ̀ we̍ dbo̍.

Chɔɔn 3:34

Nɛ̀ nyɔ̍ ɔ̀ Nyɔsoa dbo̍-aɛ, Nyɔsoa-a wlu̍ bo ɔ̍ wlu-i, dɛ̍nu̍ɛ, Nyɔsoa se̍ ɔ̍ Sùù-a kwlǎgbàì nyǐ.

Chɔɔn 7:39

Dɛ̍ ɔ̍ bla̍-aɛ, nɛ̀ Nyɔsoa-a Sùù ɛ̀ wlùh gbaɛ blě nyɔ̍-a mu̍-a jě dě nya̍-ɛ bo ɔ̍ dǎ. Nɛ̀ Nyɔsoa-a se̍a nyɔ̍ ɔ̍ Sùù nyǐ ke̍, dɛ̍nu̍ɛ, nɛ̀ Jusu se̍-e wlǔh ke̍ dě tìh-a i̍ bɛ̌-ɛ di̍i̍.

Nu̍-dɛ̍ᵻ 16:7

Ti̍ u̍h nyni̍-a Maisia dǒ tùna̍ i̍-ɛ, sɔ u̍h-a pɔ̀n tùna̍ tàn-a i̍ de u̍h iě dě Betenia fɔɔ mu̍. Jɛ Jusu-a Sùù se̍ ɛ̍-ɛ wɔ̌ɛn.

Wloma 5:5

Nɛ̀ wlùh i̍ kɔ̍ dɛ̍ se̍ à si̍h wɔ̍n po̍ mu̍, dɛ̍nu̍ɛ, Nyɔsoa-a Sùù ɛ̀ ɔ̍ nyǐ-a àɔ̀-ɛ, ɛ̍ nu̍ ɛ̍ iě Nyɔsoa jbɛɛ àɔ̀ kaa̍.

Wloma 8:9

Mɔ̀ɔ̍ nɔ̀ɔ̍, gblɛ̍n sɔ̀ɛ̀n-a tu̍ se̍ mɔ̀ wlu̍ i̍ kɔn dɛ, jɛ Nyɔsoa-a Sùù bo ɛ̀ kɔn mɔ̀ wlu̍ i̍ wɛ̀ ka ɛ̍ nɛ-a dě mɔ̀ ja̍a̍-ɛ. Nyɔ̍ ɔ̀ Klai-a Sùù se̍-a dě ja̍a̍ nɛ-ɛ, nɛ̀ ɔ̍ se̍ dǒ Klai we̍ kɔn.

1 Kɔwlɛntiɔn 15:45

Nyɔsoa-a wlu̍ la̍a̍, “Sàǐtòò jɔ̍gbau Nyɔsoa nu̍-aa ɔ̍ nynɛ̌ bo Adaun.” Jɛ Adaun jɔ bɔ̌ɛ-aoɛ bo ɔ̀ nu̍ nyɔ̍ feɛ nyǐ nyɔ̍.

2 Kɔwlɛntiɔn 1:22

Ɔ̍ tù ɔ̍ juola dǒ à pùn wɛ̀, iě ɔ̍ po̍ ɔ̍ Sùù dě à wlùh di̍i̍, ɛ̍ iě ɛ̍ to dǒ dɛ̍ᵻ ɔ̍ mu̍-a à nyǐ-ɛ we̍.

2 Kɔwlɛntiɔn 3:17

Joi bo ɔ̀ nu̍ Nyɔsoa-a Sùù. Joi-a Sùù bo ɛ̀ flɔn-ɛ nyɔ̍ kɛ̍n i̍.

Ɛfɛsɔ 1:13

Nɛ̀ɛ̍, kǎ mɔ̀ nɛ ke. Ti̍ mɔ̀ wɔ̌n-a tìh-a taǐn tu̍owli ɛ̀ nu̍-a pɔ̀n chɛ̀ iě ɛ̍ pǔh-ia mɔ̀-ɛ, mɔ̀ gbaɛ Klai wlùh iě Nyɔsoa nyǐ mɔ̀ ɔ̍ Sùù ɛ̀ kɔn wlu̍ ɔ̍ po̍-a tɔ̀ma̍a̍. Wɛ̀ ɛ̍ nu̍ juola ka mɔ̀ kɔn-a dǒ ɔ̍ we̍-ɛ.

Ɛfɛsɔ 2:18

Dě Klai ja̍a̍ bo à jii wɛ̀ à wìè flɔn ka wɔ̍n dě Baa Nyɔsoa we̍ dǒ ɔ̍ Sùù-a à we̍ gbǎ-a we̍.

Ɛfɛsɔ 4:30

Mɔ̀ bɔ̌ Nyɔsoa-a Sùù-a wlùh seɔn po̍-ɛ. Dɛ̍nu̍ɛ, ɛ̍ bo ɛ̀ nu̍ mɔ̀ naɛ juola dǒ weɛ̍ mɔ̀-a mu̍-a sèìe-ɛ di̍i̍.

Ɛfɛsɔ 6:18

Mɔ̀-a ba̍le-ɛ kli̍hgbɛ̍ ke, dɛ̍ jbǎ-a ke̍, dě Nyɔsoa-a Sùù ja̍a̍ bo i̍h iě jii. Mɔ̀ bɔ̌ se̍a̍-a, mɔ̀ ba̍le dǒ Nyɔsoa nyɔ̍ kli̍hgbɛ̍-a tàà te̍e̍ kleǐn.

Felepai 1:19

Dɛ̍nu̍ɛ, ǐn juo ɛ̍-ɛ kleǐn, ka mɔ̀-a ba̍le wlu̍ ke Jusu Klai-a Sùù-a ǐn we̍ gbǎ-a mu̍-a ǐn sèìe-ɛ.

1 Tɛsoloniɔn 4:8

Ɛ̍ tìh-ɛ, nyɔ̍-o-nyɔ̍ ɔ̀ tba̍-a nǎ po̍ wlu̍ la chla-ɛ, nɛ̀ ɔ̍ se̍ wlɔ̀ nyi̍ɔ̍ chla tba̍, jɛ nɛ̀ Nyɔsoa bo ɔ̍ tba̍ chla, ɔ̀ nyǐ-a mɔ̀ ɔ̍ Sùù-ɛ.

1 Pitɛ 1:11

Ka Klai-a mu̍-a jua̍i̍ sàɛ̀, wɛ̀ tìh-a i̍ bɛ̌-ɛ iě-a dǒ ɛ̍ de̍e̍ i̍ tba̍-aa, ti̍ i̍h-a mu̍-a nɛ-ɛ ke ka i̍h-a mu̍-a nɛ-ɛ nu̍-ɛ, ɛ̍ bo u̍h-a pɔ̀n juo-ɛ i̍. Iě Klai-a Sùù nɛ-a dě u̍h ja̍a̍-ɛ, wɛ̀ ɛ̍ sèàɛ̍ ɛ̍ we̍ i̍ dě u̍h we̍.

Judi 1:20

Jɛ ǎn tìh kma nyɔ̍, mɔ̀ kui mɔ̀-a chɛ̀ i̍ dě Nyɔsoa wlùh gbaɛ di̍i̍. Nɛ̀ mɔ̀ ba̍le dě ɔ̍ Sùù di̍i̍.

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.