Kelesea 4:5 - Ku̍o̍ Delee 1999

⁵ wɛ̀ ɔ̍ iě nyɔ̍ ùh nɛ-a dǒ telě sɔ̀n-ɛ kɛ̍ɛ̍n pùhbɔ, wɛ̀ à iě Nyɔsoa-a chɛǐ nynuu̍ nu̍.

Kelesea 4:5 Iomraidhean Croise

Matio 20:28

Nyi̍ɔ̍-a Jǔ se̍ ji̍ nyɔ̍ iě ɔ̍ pòi̍ju nu̍. Jɛ ɔ̍ ji̍-i wɛ̀ ɔ̍ chɛ̀ iě pòi̍ju nu̍. Wɛ̀ ɔ̍ iě ɔ̍ feɛ i̍ pɛ̌n-ɛ, ɛ̍ iě nyɔ̍ dɔu kɛ̍ɛ̍n pùhbɔ. Ɛ̍ kɔn ba̍ mɔ̀ iě nu̍ ke.”

Pɔ̀n Chɛ̀ Luu To-a La 1:68

“Joi ɔ̀ nu̍-a Eslɔɛ nyɔ̍-a Nyɔsoa-ɛ, mɔ̀ à po̍ ɔ̍ tìhwe̍. Ɔ̍ ji̍ ɔ̍ nyɔ̍ we̍ gbǎ laa̍, iě ɔ̍ pùhbɔ u̍h kɛ̍ɛ̍n.

Chɔɔn 1:12

Jɛ nyɔ̍ juh gbɛ̍n-a ɔ̍ tìh i̍ iě u̍h gbaɛ-a ɔ̍ wlùh-ɛ, ɔ̍ nu̍ ɛ̍ iě u̍h nu̍ Nyɔsoa-a nynuu̍.

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

Wloma 10:4

Klai bo ɔ̀ wɔ̀ telě i̍, wɛ̀ nyɔ̍ mu̍-a wlùh gbaɛ blě-ɛ, ɔ̍ iě i̍ slɛ̌-ɛ dě Nyɔsoa jlǐh.

Wloma 8:14

Nyɔ̍ ùh Nyɔsoa-a Sùù-a naɛ-aɛ, u̍h bo ùh nu̍ Nyɔsoa-a nynuu̍.

Wloma 8:15

Dɛ̍nu̍ɛ, Sùù ɛ̀ mɔ̀ jě-aɛ, ɛ̍ se̍ mɔ̀ kèi̍ᵻ we̍i̍ nu̍ la̍ ji̍ dode̍ mɔ̀ iě faɔn ple̍. Jɛ mɔ̀ jě ɛ̍-ɛ, ɛ̍ iě mɔ̀ Nyɔsoa-a nynuu̍ we̍i̍ nu̍, wɛ̀ à iě Nyɔsoa à Baa dǎɛ.

Wloma 8:19

Kmɔ̌ kli̍hgbɛ̍ Nyɔsoa nu̍-aɛ, ɛ̍ wlùh-a nu̍ jàjà ɛ̍ fuo ti̍ ɔ̍ mu̍-a ɔ̍ nynuu̍ ɛ̍ i̍ to-ɛ kɛ̍ɛ̍n.

Wloma 8:23

Jɛ ɛ̍ se̍ kmɔ̌ kli̍hgbɛ̍ ɛ̀ nui-aɛ nɛ due, dě à di̍i̍-a si̍n i̍ ke. Àɔ̀ juh jě-a Nyɔsoa-a Sùù ɛ̀ nu̍-a nyǐ-dɛ̍ᵻá sàǐtòò naɛ-ɛ, à chlì Nyɔsoa we̍ i̍ ɔ̍ iě àɔ̀ ɔ̍ kui nynuu̍ we̍i̍ nu̍, wɛ̀ à ku̍ kli̍hgbɛ̍ iě sèìe-ɛ.

Wloma 9:4

Eslɔɛ nyɔ̍ laa̍ u̍h-u bo Nyɔsoa nu̍ ɔ̍ nynuu̍ we̍i̍. Ɔ̍ toe u̍h ɔ̍ tìh-a i̍ bɛ̌-ɛ, iě ɔ̍ dǔ ku̍o̍ po̍-ɛ dǒ ɔ̍ ke u̍h nynɛ̌. Wɛ̀ ɔ̍ nyǐ u̍h telě, iě ɔ̍ toe u̍h wɛɛ sà-a, wɛ̀ ɔ̍ dǔ wlu̍ tɔ̀ma̍a̍ po̍-ɛ dě u̍h we̍.

Kelesea 3:13

Klai pùhbɔ à kɛ̍ɛ̍n dǒ kàɔ̀ telě-a mu̍-a à dlǔ wlǎ de-ɛ we̍. Kàɔ̀ ɛ̀ iě-a à dlǔ wlǎ de-ɛ, ɛ̍ bo ɛ̀ wlǎ-a dǒ Klai dlǔ dǒ à wɔ̀ɔ̀. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ u̍h pèle-a dǒ tu̍ wlì-ɛ, nɛ̀ kàɔ̀ gbɛ̍n ɔ̍-ɛ.”

Kelesea 3:26

Wlùh gbaɛ bo ɛ̀ nu̍ mɔ̀ kli̍hgbɛ̍ Nyɔsoa-a chɛǐ nynuu̍ we̍i̍ wɛ̀ dě Jusu Klai ja̍a̍.

Kelesea 4:21

Mɔ̀ɔ̍ ùh-a pɔ̀n-a dǒ telě sɔ̀n nɛ-ɛ i̍-ɛ, ǎn mu̍ mɔ̀ i̍ tèle. Mɔ̀ se̍ dɛ̍ telě sà-a wɔ̌n ae?

Kelesea 4:7

Ɛ̍ tìh-ɛ, mɔ̀ se̍ kèi̍ᵻ dɛ, mɔ̀ɔ̍ ɔ̍ chɛǐ nynuu̍ wɛ̀. Nɛ̀ɛ̍, ka ìn nu̍-a chɛǐ jǔ wɛ̀-ɛ, Nyɔsoa-a mu̍ la̍ ìn dǒ gbaa kɛ̍n sie.

Ɛfɛsɔ 1:5

ɛ̀ nu̍ ɛ̍ iě ɔ̍ po̍ ɛ̍ gbɔ̀ se̍e̍ ɔ̍ iě à ɔ̍ nynuu̍ we̍i̍ nu̍ dě Klai ja̍a̍. Ɛ̍ bo ɛ̀ nu̍ ɔ̍ wlùh-a kɛ̍n i̍ wɔ̌ɛn dɛ̍.

Ɛfɛsɔ 1:7

Klai-a nymɔ̍ bo ɛ̀ pùhbɔ à kɛ̍ɛ̍n, iě à gblɛ̍n sɔ̀ɛ̀n-a tìh tǎli-ɛ i̍ Nyɔsoa-a blɛ-a nya̍ pàn-ɛ tìh.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 1:3

Ɔ̍ blě Nyɔsoa-a tìh-a i̍ bɛ̌-ɛ. Ɔ̍ nɛ dě Nyɔsoa-a tu̍ di̍i̍ te̍kle̍e̍. Ɔ̍ blě kmɔ̌ la kwa̍ dǒ ɔ̍ gbǐh kɔn wlu̍ we̍. Ɔ̍ wɔ̀-a ɛ̍ nu̍-ɛ, wɛ̀ Nyɔsoa tǎli kmɔ̌ nyɔ̍-a gblɛ̍n sɔ̀ɛ̀n-a tìh i̍, wɛ̀ ɔ̍ dǔ i̍ tè-ɛ dě ja̍i̍wlɔ̀ dǒ Tìh-a I̍ Bɛ̌-ɛ Nyɔsoa-a di̍na̍ we̍.

Iblu 9:12

Ɔ̍ pa̍ dě Nɛi̍ Wɛ̀ Tà Klaa laa̍ sǔh kleǐn. Ɔ̍ se̍ gbàdɔ̍ ke bli plɔ̀-a nymɔ̍ slaǎ sà la̍ gba̍. Ɔ̍ chɛ̀-a nymɔ̍ bo ɔ̍ sà-ɛ slaǎ-a. Ɔ̍ nu̍ ɛ̍ iě à pǔh nɔ̌ kmɔ̌-a kmɔ̌.

Iblu 9:15

Ɛ̍ tìh-ɛ, Klai bo ɔ̀ nu̍ tùna̍-i̍-tu̍ dǒ ku̍o̍ delee la we̍, wɛ̀ nyɔ̍ ùh Nyɔsoa dǎ-aɛ, u̍h iě kmɔ̌ sie pɔ̀ìě la ɛ̀ kɔn wlu̍ ɔ̍ po̍-a tɔ̀ma̍a̍-ɛ jě. Kaka la̍, ɔ̍ mɛ̌-ɛ, wɛ̀ ɔ̍ iě nyɔ̍ ùh nu̍-a gblɛ̍n sɔ̀ɛ̀n dě sàǐtòò ku̍o̍-a ti̍ di̍i̍-ɛ sèìe.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

Wlɛfeleseɔn 14:3

Wɛ̀ nyɔ̍-a wlǔ-a kmɛ due kwela nyìɛ̍ jɔ̌ nyìɛ̍ (144,000) laa̍ ùh Nyɔsoa sèìe-aɛ, u̍h ble̍ duǐh delee dǒ nynɛ̌ gbalǎ ke, kmɔ̌ nɛ dɛ̍ᵻ nyìɛ̍ laa̍ ke nyɔ̍ klaaᵻ jǔ. Nyɔ̍ dɔɔ se̍ duǐh laa̍ cheǎn-a bɛ̌ɛ.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.