Kelesea 4:4 - Ku̍o̍ Delee 1999

⁴ Jɛ ti̍-a taǐn nyni̍-a wɛ̀-ɛ, iě Nyɔsoa dbo̍ ɔ̍ Jǔ jɔ̍gbau. Nynɔ̌gbaɔ bo ɔ̀ wlǔh-i ɔ̍, iě ɔ̍ nɛ dǒ telě sɔ̀n,

Kelesea 4:4 Iomraidhean Croise

Matio 1:23

Ɔ̍ la̍a̍, “Mɔ̀ tù ɛ̍ jlǐhɛ̍, jǔ nynɔ̌nyaa ɔ̀ se̍-a dɛ̍ i̍ juo-ɛ, ɔ̍ mu̍ sùù kɛ̍n nɛ wɛ̀ ɔ̍ iě jɔ̍gbau jǔ wlǔh-i, nɛ̀ ɔ̍ nynɛ̌-a mu̍ Imajɔɛ nu̍.” Ɛ̍ gbɔ̀ nu̍ Nyɔsoa nɛ à we̍.

Matio 3:15

Jɛ Jusu la̍a̍, “Kaka la̍ kǎ ɛ̍ iě nɛ. Dɛ̍nu̍ɛ, pò à nu̍ la̍a̍n-ɛ, nɛ̀ dɛ̍ᵻ kli̍hgbɛ̍ Nyɔsoa-a pɔ̀n-a bo à nu̍-a.” Wɛ̀ Chɔɔn dǔ wɔ̌n-ɛ.

Matio 5:17

Ɔ̍ la̍a̍, “Ǐn se̍ ji̍ iě Nyɔsoa-a telě ke ɔ̍ tu̍owli po̍ nyɔ̍-a nǎ po̍-ɛ dǒ wìè-i sà. Ɛ̍ tìh-ɛ, mɔ̀ bɔ̌ ɛ̍ wlùh i̍ naɛ. Ǐn se̍ i̍h dǒ wìè-i sà la̍ ji̍, jɛ ǐn ji̍-i iě i̍h dlǔ jǐ-i.

Pɔ̀n Chɛ̀ Maɛ To-a La 1:15

Ɔ̍ la̍a̍, “Nyɔsoa-a kmɔ̌ wlu̍ i̍ kɔn-ɛ ti̍ kɔǎn we̍ wɛ̀. Mɔ̀ bǐi i̍, mɔ̀ iě pɔ̀n chɛ̀ la tìh chɛ̀ po̍.”

Pɔ̀n Chɛ̀ Luu To-a La 1:31

Àn mu̍ sùù kɛ̍n nɛ, wɛ̀ ìè jɔ̍gbau jǔ wlǔh-i. Nɛ̀ ìn dǎɛ ɔ̍ Jusu.

Pɔ̀n Chɛ̀ Luu To-a La 1:35

Iě ǐnchɔ̀ la̍a̍ dě ɔ̍ we̍, “Nyɔsoa-a Sùù-a mu̍ ìn kɛ̍ɛ̍n ji̍, wɛ̀ Sìì Nyɔ̍ Wɔ̍n Nyɔsoa-a gbǐh iě ìn kɛ̍n nɛ. Ɛ̍ tìh-ɛ, jǔ ɔ̀ mu̍-a wlǔh-ɛ, ɔ̍ mu̍ Nyɔsoa-a Jǔ nu̍, wɛ̀ ɔ̍ iě ɔ̍ jǔ dbee.

Pɔ̀n Chɛ̀ Luu To-a La 2:7

Iě ɔ̍ sà ɔ̍ sàǐtòò gbàɔ̀n, ɔ̍ wlǔh-i jɔ̍gbau jǔ, wɛ̀ ɔ̍ pìàɛ̍n ɔ̍ jliɛ̍ i̍, iě ɔ̍ pɛ̌n-ɛ ɔ̍ i̍ dě bliᵻá di̍i̍ di̍-i gblòùn gbà di̍i̍. Dɛ̍nu̍ɛ, u̍h se̍ pɛ̌n la̍ jě dě dihwi̍h gbò di̍i̍.

Pɔ̀n Chɛ̀ Luu To-a La 20:44

Depe-a chɛ̀-a dǎɛ ɔ̍ Joi, nɛ̀ dɛ̍ ɛ̀ nu̍ ɔ̍ Depe-a tloemlai we̍i̍ ɛ?”

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Chɔɔn 10:36

Jɛ nɛ̀ mɔ̍ jɔ Baa Nyɔsoa tè-a tɛ̌n wɛ̀ ɔ̍ dbo̍-a nɔ̌ kmɔ̌ we̍-ɛ, nɛ̀ pò na̍ mɔ̍ ɔ̍ Jǔ-ɛ, nɛ̀ dɛ̍ bo ɛ̀ nu̍ ɔ̍ wɔ̍n blaɛ dɛ ǐn nu̍ ɛ?

Chɔɔn 3:16

Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě.

Chɔɔn 6:38

Dɛ̍nu̍ɛ, dě ja̍i̍wlɔ̀ ǐn sɔ-a wɛ̀ ǐn ji̍-a nɔ̌ bloɔ̍-ɛ, ǐn se̍ ji̍ iě ǎn chɛ̀-a wlùh nu̍. Jɛ ǐn ji̍-i nyɔ̍ ɔ̀ dbo̍-a m-ɛ, iě ɔ̍ wlùh nu̍.

Chɔɔn 8:42

Jusu la̍a̍, “Pò Nyɔsoa nu̍ mɔ̀ Baa de-ɛ, nɛ̀ mɔ̀-a mu̍ ǐn jbɛɛ de, dɛ̍nu̍ɛ, ǐn sɔ dě Nyɔsoa we̍ wɛ̀ ǐn nɛ da̍a. Ǐn se̍ dǒ ǎn chɛ̀-a sɔ̍n kɛ̍n jii, ɔ̍-ɔ bo ɔ̀ dbo̍ m.

Nu̍-dɛ̍ᵻ 1:7

Jusu la̍a̍ dě u̍h we̍, “Nɔɔ ke ti̍ la ǐn Baa chɛ̍n-a dǒ ɔ̍ chɛ̀-a tùn we̍-ɛ, mɔ̀ se̍ i̍h nɔ̀ɔ̍ juo mu̍.

Wloma 1:3

Ɛ̍ tba̍ dǒ ɔ̍ Jǔ ɔ̀ nu̍-a à Joi Jusu Klai-ɛ pùn i̍, ɔ̀ nu̍-a Depe-a tloemlai dě nyi̍ɔ̍ku di̍i̍-ɛ.

Wloma 15:8

Ǎn sèàɛ̍ mɔ̀ wlùh, Klai nu̍ Juu nyɔ̍-a pòi̍ju wɛ̀ ɛ̍ iě ɛ̍ to ka Nyɔsoa-a gblìh-a wlu̍ kɛ̍n-ɛ. Iě wlu̍ ɔ̍ po̍-a tɔ̀ma̍a̍ tɛin dě Juu nyɔ̍ baaᵻ we̍-ɛ, i̍h iě chɛ̀-ɛ gbǎ.

Wloma 5:6

Ti̍ à se̍-a à chɛ̀ we̍ gbǎ-a bɛ̌ɛ-ɛ, wɛ̀ Klai mɛ̌ àɔ̀ gblɛ̍n sɔ̀ɛ̀n nyɔ̍-a tìh dǒ ti̍ Nyɔsoa tba̍-aɛ di̍i̍.

Wloma 8:3

Dɛ̍ ɛ̀ telě se̍-a nu̍-ɛ bɛ̌ɛ à gblɛ̍n sɔ̀ɛ̀n ku̍-a gbǐh-a mɛ̌-ɛ tìh-ɛ, ɛ̍ bo Nyɔsoa nu̍. Ɔ̍ dbo̍ ɔ̍ chɛ̀-a Jǔ dě gblɛ̍n sɔ̀ɛ̀n nu̍ nyɔ̍-a tu̍ di̍i̍ ɔ̍ iě gblɛ̍n sɔ̀ɛ̀n-a slaǎ sà-ɛ dɛ̍ nu̍. Nyɔsoa sà gblɛ̍n sɔ̀ɛ̀n kɛ̀n dě ɔ̍ Jǔ-a ku̍ laa̍ di̍i̍.

Wloma 9:5

U̍h bo ùh nu̍ à blǔh baaᵻá nynuu̍, wɛ̀ Klai nu̍ u̍h blǐ jǔ dě nyi̍ɔ̍tu di̍i̍. Nɛ̀ Nyɔsoa ɔ̀ kɔn-a dɛ̍ᵻ kli̍hgbɛ̍ wlu̍ i̍-ɛ, ɔ̍ bo ɔ̀ iě nǐ wɔ̍n sà-ɛɛ nɔ̌ kmɔ̌-a kmɔ̌. Kǎ ɛ̍-ɛ nɛ.

Ɛfɛsɔ 1:10

Di̍i̍chì Nyɔsoa chɛ̍n-aɛ, ɛ̍ nu̍ pò ti̍ blaɛ i̍-ɛ, nɛ̀ dɛ̍ᵻ nɛ-a dě ja̍i̍-ɛ ke jih nɛ-a nɔ̌ bloɔ̍-ɛ, nɛ̀ ɔ̍ mu̍ i̍h kli̍hgbɛ̍ tàdùè po̍, wɛ̀ Klai iě i̍h-a wlu̍ kwa̍ blě.

Kalase 2:14

Gba̍ telě po̍-a à dlǔ de-ɛ, ɛ̍ bo ɔ̍ sà wɛ̀, iě ɔ̍ po̍ ɛ̍ de̍ flɔ̀. Ɛ̍ de̍ po̍-ɛ nu̍ ɛ̍ dǒ gbàɛ̍ kɛ̍n i̍ tu̍ wlì kɔ̍-ɛ.

1 Timote 2:6

Ɔ̍ sà ɔ̍ chɛ̀ kwlǎ ɔ̍ iě kmɔ̌ nyɔ̍ kli̍hgbɛ̍ kɛ̍ɛ̍n pùhbɔ. Ka Nyɔsoa-a pɔ̀n-a nyɔ̍ kli̍hgbɛ̍ iě-a pǔh-ɛ, ɛ̍ bo ɛ̀ flɔn-ɛ ɛ̍ we̍i̍ dǒ ti̍ ɔ̍ tba̍-a di̍i̍.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

Iblu 2:14

Ka ùh ɔ̍ dǎɛ-a ka nynuu̍-ɛ, u̍h blě-a ku̍ ke nymɔ̍-ɛ, ɛ̍ kɔn ɔ̍ gbǎ dě u̍h-a tu̍ di̍i̍ ke. Wɛ̀ ɔ̍ mɛ̌ iě ɛ̍ iě Kǔ jɛ blě-a gbǐh dǒ mɛ̌ɛ we̍-ɛ gbɔ̀lɔ.

Iblu 9:10

Dɛ̍nu̍ɛ, i̍h nɔ̀ɔ̍, i̍h tba̍ dǒ di̍-dɛ̍ ke, nǎ-dɛ̍ ke, i̍ dle-ɛ bei pùn i̍. Ìh la nu̍-dɛ̍ᵻ naɛ telě bo. I̍h nɛ-ɛ te̍e̍ wɛ̀ Nyɔsoa po̍ dɛ̍ᵻ kli̍hgbɛ̍ delee i̍.

1 Chɔɔn 4:14

À jě ɛ̍ iě à sèàɛ̍ nyɔ̍ɔ wlùh ka Baa Nyɔsoa dbo̍-a ɔ̍ Jǔ ɔ̍ iě-a kmɔ̌ la ɛ̍ Sèìe Nyɔ̍ nu̍-ɛ.

1 Chɔɔn 4:2

Kǎ mɔ̀-a mu̍ ka nyɔ̍ ùh blě-a Nyɔsoa-a Sùù-ɛ i̍ juo-ɛ nu̍. Nyɔ̍ ùh wɔ̌ɛn-a Jusu Klai-a dě nyi̍ɔ̍tu di̍i̍ ji̍-i tìh i̍-ɛ, nɛ̀ u̍h sɔ dě Nyɔsoa we̍.