Kelesea 4:3 - Ku̍o̍ Delee 1999

³ Ka ɛ̍ nɛ ke, ti̍ à se̍-a jlǐh flɔn ke̍-ɛ, nɛ̀ gbǐh jih kɔn-a kmɔ̌ la wlu̍ i̍-ɛ, nɛ̀ àɔ̀ i̍h-a kèi̍ᵻ.

Kelesea 4:3 Iomraidhean Croise

Matio 11:28

“Nyɔ̍ ùh gbɛ̀-ɛ bla̍-a ke ùh kɔn gbǐh-a nu̍-a sɔɔn-ɛ, mɔ̀ ji̍ nɔ̌ ǐn we̍. Ǎn mu̍ ɛ̍ nu̍ mɔ̀ iě feɛ i̍ jě.

Chɔɔn 8:31

Wɛ̀ Jusu la̍a̍ dě nyɔ̍ juh gbaɛ-a ɔ̍ wlùh-ɛ we̍, “Pò mɔ̀ gbɛ̍n ǎn nǎ po̍ wlu̍ la i̍-ɛ, nɛ̀ mɔ̀ɔ̍ ǎn kòà-a gblangbai̍.

Nu̍-dɛ̍ᵻ 15:10

Nɛ̀ɛ̍, gbɛ̀ la à baaᵻ ke à chɛ̀ se̍-a gba̍-a bɛ̌ɛ iě mɔ̀-a tè-a ɛ̍ dǒ Jusu-a kòà delee la dlǔ i̍-ɛ, nɛ̀ mɔ̀-a se̍-o Nyɔsoa-a jlu̍h duǐh-a tù ae?

Wloma 7:14

À juo ɛ̍-ɛ ka telě sɔ-a dě Nyɔsoa we̍-ɛ. Jɛ mɔ̍ bo ɔ̀ nu̍ kmɔ̌ we̍ nyɔ̍, iě ǐn ple̍-eɛ ka kèi̍-ɛ dě gblɛ̍n sɔ̀ɛ̀n we̍.

Wloma 8:15

Dɛ̍nu̍ɛ, Sùù ɛ̀ mɔ̀ jě-aɛ, ɛ̍ se̍ mɔ̀ kèi̍ᵻ we̍i̍ nu̍ la̍ ji̍ dode̍ mɔ̀ iě faɔn ple̍. Jɛ mɔ̀ jě ɛ̍-ɛ, ɛ̍ iě mɔ̀ Nyɔsoa-a nynuu̍ we̍i̍ nu̍, wɛ̀ à iě Nyɔsoa à Baa dǎɛ.

2 Kɔwlɛntiɔn 11:20

Mɔ̀-a wɔ̌ɛn iě nyɔ̍-a nu̍ mɔ̀ dɛ̍ᵻ jii̍ ka kèi̍ᵻɛ́ àe̍e̍ u̍h-a tè mɔ̀ wɔ̍n dlǔ àe̍e̍ u̍h-a gbɛ̍n mɔ̀ àe̍e̍ u̍h-a bɛ̌-ɛ u̍h-a chɛ̀ i̍, iě u̍h-a tba̍ mɔ̀ gbǎ jua̍i̍.

Kelesea 2:4

Nyɔ̍ ùh tba̍-o bu̍h sǔh-ɛ, ɛ̍ nu̍ de̍di̍i̍ᵻá si̍h naɛ ùh gbǎ-a à nynɛ̌ soɛɛ, iě u̍h-a klǎɛ à jlǐhɛ̍-ɛ. Wɛ̀ u̍h iě ka à nu̍-a sèìe-ɛ dě Jusu Klai ja̍a̍-ɛ we̍ i̍ ju̍o̍e. Wɛ̀ u̍h iě àɔ̀ telě-a kèi̍ we̍i̍ nu̍ dode̍.

Kelesea 3:19

Dɛ̍ kɔn tìh telě la ɛ̍ poe-ɛ la̍ ɛ? Ɛ̍ gbǎ dǒ kɛ̍n wɛ̀ ɛ̍ iě gblɛ̍n sɔ̀ɛ̀n kɛ̍n nyɛ-ɛ. Kǎ ɛ̍ mu̍ nɛ te̍e̍ iě Eblaɛɛn-a tloemlai ɔ̀ kɔn wlu̍ Nyɔsoa po̍-a tɔ̀ma̍a̍-aɛ, wɛ̀ ɔ̍ iě ji̍. Nyɔsoa-a ǐnchɔ̀ bo ìh ja telě la, iě ɛ̍ jii dě ɔ̀ nu̍-a tùna̍-i̍-tu̍-ɛ kwa̍a̍.

Kelesea 4:2

Jɛ nɛ̀ nyɔ̍-a gbɛ̀n dǒ ɔ̍ ke ɔ̍ baa-a kɔn-dɛ̍ᵻ we̍ i̍ te̍e̍ wɛ̀ ti̍ ɔ̍ baa tba̍-aɛ, ɛ̍ nyni̍-o.

Kelesea 4:24

Nynɔ̌gbaɔᵻ sɔɔ̌n la à mu̍ u̍h dɛ̍ i̍ blaɛ. Ku̍o̍ sɔɔ̌n bo u̍h wɔ̀. Due sɔ Saɛnaɛ Tlu̍h kɛ̍n, iě ɔ̍ wlǔh-i ɔ̍ nynuu̍ dě kèìe̍e̍. Ɔ̍-ɔ bo ɔ̀ nu̍-a Eka.

Kelesea 4:25

Eka bo ɔ̀ nu̍ Saɛnaɛ Tlu̍h dě Awlebia bloa̍ kɛ̍n, iě ɔ̍ wɔ̀ Juluslɛn wlɔ̀ ɛ̀ nɛ-a kaka-ɛ. Dɛ̍nu̍ɛ, ɔ̍ ke ɔ̍ nynuu̍ nɛ dě kèìe̍e̍.

Kelesea 4:31

Nɛ̀ɛ̍, ǐn de̍di̍i̍ᵻ, à se̍ kèi̍ nynɔ̌-a nynuu̍, jɛ àɔ̀ jɔ se̍-a kèi̍-ɛ, ɔ̍ nynuu̍.

Kelesea 4:8

Mɔ̀ se̍ Nyɔsoa juo de tɛin, ɛ̍ kɔn mɔ̀ nu̍ kèi̍ᵻ dǒ nyɔsoa-a si̍h naɛ we̍.

Kelesea 4:9

Jɛ kaka la̍ mɔ̀-a juo la̍ Nyɔsoa. Jɛ chɛ̀ɛ̌chɛ̀-ɛ, Nyɔsoa bo ɔ̀ juo la̍ mɔ̀. Dɛ̍nu̍ mɔ̀-a pɔ̀n dě nyɔsoa-a si̍h naɛ ìh se̍-a gbǐh kɔn, ìh se̍-a dɛ̍ i̍ blaɛ-ɛ we̍ mu̍-ɛ i̍ dode̍ ɛ? Mɔ̀-a pɔ̀n mɔ̀ iě i̍h-a kèi̍ᵻ nu̍ dɛ ae?

Kalase 2:20

Ka mɔ̀ mɛ̌-ɛa Klai we̍ wɛ̀-ɛ, nɛ̀ mɔ̀ se̍ dǒ gbǐh jih kɔn-a kmɔ̌ la wlu̍ i̍-ɛ we̍ kɔn dɛ. Dɛ̍nu̍ mɔ̀-a nu̍ dě kmɔ̌ we̍ nɛ nyɔ̍-a dɛ̍ᵻ ke̍ gbɔ̀ɔ-ɛ, iě mɔ̀-a tè-o i̍h-a gbànᵻ i̍ ke̍ ɛ?

Kalase 2:8

Mɔ̀ nu̍ nɛnɛ̌ wɛ̀ nyɔ̍ɔ je̍e mɔ̀ kèi̍ᵻ we̍i̍ nu̍ dǒ wlɔ̀ nyi̍ɔ̍-a pɔ̀ɔ̍pìe̍ flɔ̍nwlùh ɛ̀ boe-a nyɔ̍ i̍-ɛ we̍. I̍h tba̍ dǒ kmɔ̌ nyɔ̍-a nu̍-dɛ̍ᵻ kɛ̍n i̍, i̍h se̍ dǒ Klai naɛ kɛ̍n i̍ tba̍. Gbǐh jih kɔn-a kmɔ̌ la wlu̍ i̍-ɛ bo.

Iblu 5:12

Ti̍ nɛ-o wɛ̀ ke de mɔ̀ iě nǎ po̍ nyɔ̍ nu̍, jɛ nyɔ̍ kɔn u̍h iě mɔ̀ Nyɔsoa-a wlu̍-a bloɔ̍ i̍ bloɔ̍ i̍ naɛ toe ke̍. Mɔ̀ nɛ dǒ di̍-dɛ̍ᵻ klaklǎ di̍ la̍-a wɛ̀ de, jɛ mɔ̀ kɔn mɔ̀ iě nyɛnɛ nyǎ ke̍.

Iblu 7:16

Slaǎ sà nyɔ̍ ɔ̍ nu̍-a ka-ɛ, ɛ̍ se̍ ɔ̍ tè-o telě ɛ̀ la̍ nyɔ̍ iě-a slaǎ sà nyɔ̍-a tloemlai nu̍-ɛ tìh. Jɛ ɔ̍ nui-ɛ slaǎ sà nyɔ̍, dɛ̍nu̍ɛ, gbǐh ɔ̍ blě-aɛ, ɛ̍ sɔ dě feɛ ɛ̀ se̍-a dlǔ i̍ chla la̍ kɔn-ɛ di̍i̍.