Kelesea 4:19 - Ku̍o̍ Delee 1999

¹⁹ Ǎn nynuu̍, ka kwlǐ nynɔ̌ gbǔh we̍-a nu̍-a chlɛ̌n-ɛ dǒ gbàɔ̀n sà la̍-ɛ, kǎ ǎn ku̍-a nu̍ chlɛ̌n-ɛ ke mɔ̀-a tìh. Kǎ ɛ̍ mu̍ nɛ te̍e̍ wɛ̀ mɔ̀ iě Klai wɔ̀ dě mɔ̀-a kmɔ̌ di̍i̍.

Kelesea 4:19 Iomraidhean Croise

Pɔ̀n Chɛ̀ Luu To-a La 22:44

Wɛ̀ ɔ̍ ba̍le dɛ̍blɔ, dɛ̍nu̍ɛ, nɛ̀ ɛ̍ chlɛ̌n-ɛ ɔ̍ wlùh. Nɛ̀ ka nymɔ̍-a tǒ dǒ bloɔ̍-ɛ, kǎ sù ɛ̀ wlǔh-a ɔ̍-ɛ, ɛ̍ nu̍ tǒ-ɛ.]

Wloma 13:14

Jɛ Joi Jusu Klai bo ɔ̀ iě jliɛ̍ nu̍ mɔ̀ iě-e pa̍, nɛ̀ mɔ̀ bɔ̌ mɔ̀-a gblɛ̍n sɔ̀ɛ̀n nu̍ ku̍-a wlùh-a i̍ pɔ̀n-ɔ dɛ̍ᵻ nu̍-ɛ dɛ.

Wloma 8:29

Nyɔ̍ ùh Nyɔsoa tba̍-a chèɛ̀ se̍e̍-ɛ, ɔ̍ tè u̍h pɔ̌ wɛ̀ u̍h iě ɔ̍ Jǔ wɔ̀, wɛ̀ ɔ̍ iě sàì Jǔ nu̍ dě de̍di̍i̍ᵻ dɔu nynɛ̌.

2 Kɔwlɛntiɔn 12:14

Dě mɔ̀ we̍ i̍ nala ji̍-ɛa gbɔ̍ᵻ ta̍a̍n naɛ kɔn ti̍ bo ǐn jě wɛ̀ iě-e mɔ̀ we̍ ji̍. Ǐn se̍ mɔ̀ dɛ̍-ɛ i̍ pɔ̀n-ɛ mu̍. Ǐn se̍ mɔ̀-a kɔn-dɛ̍ᵻ i̍ pɔ̀n, jɛ mɔ̀-a chɛ̀ bo ǎn pɔ̀n i̍. Nynuu̍ se̍ kɔn u̍h iě dǒ u̍h baaᵻ we̍ i̍ gbɛ̀n, jɛ baaᵻ bo ùh kɔn ùh iě dǒ u̍h-a nynuu̍ we̍ i̍ gbɛ̀n.

Ɛfɛsɔ 4:13

U̍h-a mu̍ ɛ̍ nu̍ te̍e̍ wɛ̀ à kli̍hgbɛ̍ à wlùh gbaɛ blě-ɛ ke à Nyɔsoa-a Jǔ juo-ɛ iě ɛ̍ nu̍ wɛ̀ à iě nyɔ̍ due nu̍. Nɛ̀ à mu̍ ku̍ dě Nyɔsoa dɛ di̍i̍ wɛ̀ à iě gblɛ̍ja̍i̍ wɛ̀ slèěslè ka Klai nɛ-aɛ.

Ɛfɛsɔ 4:24

mɔ̀ iě dě tu̍ delee ɛ̀ Nyɔsoa nu̍-a dě ɔ̍ chɛ̀-a tu̍ di̍i̍-ɛ gbǎ, ɛ̀ slɛ̌-a i̍ iě ɛ̀ wɛ̀-a nɛi̍ slèěslè-ɛ.

Felepai 1:8

Ka ǎn mɔ̀-a tìh kma-a kɔ̍-a dě Jusu Klai we̍ i̍, iě ǎn gble-a mɔ̀ kli̍hgbɛ̍-a tìh kaa̍-ɛ, Nyɔsoa-a chɛ̀-a gbǎ bo ɔ̀ nu̍ ǎn sàànsi̍i̍h.

Felepai 2:17

Pò ǎn jɛ dbǎ-ɛ, wɛ̀ ǎn nymɔ̍ iě chɛ̌li-ɛ dǒ slaǎ sà-ɛ dɛ̍ mɔ̀-a wlùh gbaɛ nyǐ-a Nyɔsoa-a kɛ̍n-ɛ, nɛ̀ ǎn pɔluh pɛ̌n i̍ mɔ̀ ke ǐn ke à iě mɔna̍ we̍ nui kli̍hgbɛ̍.

Felepai 2:5

Nɛ̀ gblɛ̍n Jusu Klai blě-aɛ, ɛ̍ bo mɔ̀ iě blě ke.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

Kalase 2:1

Kmu-dbo̍ kɔn gbɔ̍igbɔ̍ ǐn po̍-a dǒ mɔ̀ ke Leodesia nyɔ̍ we̍-ɛ, ɛ̍ ke jɛ ǐn nu̍-a dǒ nyɔ̍ duuh ùh-u se̍a ǐn jě-ɛ we̍ ke-ɛ, ɛ̍-ɛ bo ǎn pɔ̀n mɔ̀ iě juo.

Kalase 3:10

Mɔ̀ gbǎ-e tu̍ delee di̍i̍ wɛ̀, wɛ̀ Nyɔsoa ɔ̀ nu̍-a ɛ̍ nu̍ nyɔ̍-ɛ, ɛ̍ iě ɔ̍ dɛ̍ i̍ juo. Ɛ̍ kɔn ɔ̍ po̍ ɛ̍ delee i̍ dě ɔ̍ chɛ̀-a tu̍ di̍i̍.

Kalase 4:12

Ipafla ɔ̀ nu̍-a mɔ̀-a chɛ̀-a nyɔ̍ due ɔ̀ nu̍-a Jusu Klai-a pòi̍ju-ɛ, ɔ̍ la̍ ɔ̍ sà mɔ̀ nyinɔ̍ i̍. Ɔ̍ po̍-e gbǐh, ɔ̍ ba̍le Nyɔsoa dǒ mɔ̀-a tàà te̍e̍ ɔ̍ iě mɔ̀ i̍ kui. Wɛ̀ mɔ̀ iě Nyɔsoa-a wlùh dɛ̍ᵻ kli̍hgbɛ̍ juo, iě mɔ̀ iě ɛ̍ nu̍ te̍kle̍e̍.

1 Tɛsoloniɔn 2:7

Ka à nu̍-a Klai-a gba̍tòà-ɛ, à kɔn à iě mɔ̀ dɛ̍ jbǎ-ɛa chɛ̀ de. Jɛ ti̍ à nɛ-a dě mɔ̀ we̍-ɛ, nɛ̀ à gbɛ̍n gba̍n ka gbàɔ̀n nynɔ̌-a gbɛ̀n dǒ ɔ̍ nynuu̍ we̍ i̍-ɛ.

1 Timote 1:2

Wlu̍ la ɛ̍ mu̍ Timote we̍, ǎn gblangbai̍ jǔ bo dě wlùh gbaɛ di̍i̍. Ǎn sà nǐ wɔ̍n Baa Nyɔsoa ke à Joi Jusu Klai-a blɛ ke, wɔɛ ke wlùh-a i̍ tè-ɛ iě dǒ ìn we̍ nɛ.

Taitɔ 1:4

Taitɔ, dě ìn we̍ bo wlu̍ la ɛ̍ ji̍. Mɔ̀ ǎn gblangbai̍ jǔ dě wlùh gbaɛ à klɛ̀ɛ̀n-a kwa̍a̍ i̍-ɛ di̍i̍. Ǎn sà nǐ wɔ̍n Baa Nyɔsoa ke Jusu Klai ɔ̀ nu̍-a à Sèìe Nyɔ̍-ɛ, u̍h iě ìn blɛ ke wlùh-a i̍ tè-ɛ nyǐ.

Faɛlimɔ 1:10

Nɛ̀ɛ̍, ǐn gbɛ̍n àn bu̍hᵻ i̍ dǒ ǎn jǔ Onɛsemɔ-a tìh we̍. Ti̍ ǐn nɛ-a dě kasoo-ɛ, dǒ ɔ̍ ke ǐn ke à nui jǔ ke baa dɛ.

Faɛlimɔ 1:19

Mɔ̍ Pɔɔ, ǎn chlǐh ɛ̀ la dǒ ǎn chɛ̀-a sɔ̍n we̍. Na̍a̍, “Dɛ̍ àn mu̍-a ǐn dlǔ po̍-ɛ, ǎn mu̍ ɛ̍ de̍ pɛ̌ɛ.” (Ɛ̍ chɛ̀ nɔ̀ɔ̍, ɛ̍ se̍ dɛ̍-ɛ wɛ̀ iě ìn wlùh sèàɛ̍, ka àn chɛ̀ bo ɔ̀ nu̍-a gba̍ ìn blě-a dǒ ǐn we̍-ɛ ìn juo i̍h.)

Iblu 5:7

Ti̍ Jusu nɛ-a nɔ̌ bloɔ̍-ɛ ɔ̍ ba̍le-e, iě ɔ̍ wǐ ɔ̍ tèle Nyɔsoa i̍ dǒ fìn-wlu̍ we̍. Dɛ̍nu̍ɛ, Nyɔsoa bo ɔ̀ bɛ̌ɛ ɔ̍ mɛ̌ɛ wɔ̍i̍n sèìe-ɛ. Nyɔsoa wɔ̌n ɔ̍ wlu̍, dɛ̍nu̍ɛ, ɔ̍ ja ɔ̍ chɛ̀ wlù iě ɔ̍ fòè ɔ̍ we̍.

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

1 Chɔɔn 2:1

Ǎn nynuu̍, ǎn chlǐh mɔ̀ ɛ̀ la we̍ wɛ̀ mɔ̀-ɔ je̍e gblɛ̍n sɔ̀ɛ̀n nu̍. Jɛ pò mɔ̀-a nyɔ̍ nu̍ gblɛ̍n sɔ̀ɛ̀n-ɛ, à blě à we̍ gbǎ nyɔ̍ dě Baa Nyɔsoa we̍. Ɔ̍ bo ɔ̀ nu̍-a Jusu Klai ɔ̀ slɛ̌-a i̍-ɛ.

1 Chɔɔn 2:12

Ǎn nynuu̍, ǎn chlǐh mɔ̀ we̍, dɛ̍nu̍ɛ, mɔ̀-a gblɛ̍n sɔ̀ɛ̀n-a tìh tǎli-ɛ i̍ Klai-a tìh.

1 Chɔɔn 5:21

Ǎn nynuu̍, mɔ̀ sà kwɛ̍i̍n gbo̍ᵻ dɛ sɔ̍n di̍i̍.

3 Chɔɔn 1:4

Pò ǐn wɔ̌n ǎn nynuu̍-a dǒ tìh-a taǐn de̍e̍ wɔ̀ pɔ̀n-ɛ, nɛ̀ dɛ̍ dɛɛ se̍ ǐn mɔna̍-a po̍ ɛ̍ se̍ ɛ̍ sìì.