Kelesea 4:18 - Ku̍o̍ Delee 1999

¹⁸ Ɛ̍ nmɔ jii mɔ̀ iě nyɔ̍ tìh-a wlì bla̍ ti̍ kli̍hgbɛ̍ we̍, pò ɛ̍ kɔ̍ dǒ dɛ̍ chɛ̀ kɛ̍n i̍-ɛ. Jɛ ɛ̍ se̍ iě dǒ mɔ̀ we̍ nɛ gbɔ̀.

Kelesea 4:18 Iomraidhean Croise

Chɔɔn 2:17

Sɔ dɛ̍ Nyɔsoa-a wlu̍ bla̍-ɛ, i̍h sǐ dǒ ɔ̍ kòà wlì i̍ sǔh. Ɛ̍ la̍a̍, “Àn gbò dɛ-a jàjà nɛ-a dě ǐn di̍i̍-ɛ, ɛ̍ mu̍ ǐn i̍ gbɔ̀lɔ.”

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

Kelesea 4:13

Mɔ̀-a chɛ̀ juo ɛ̍-ɛ, ǎn poa-a bo ɛ̀ nɛ kmɔ̌ iě ǐn bla̍ pɔ̀n chɛ̀ dě mɔ̀ we̍ sàǐtòò.

Kelesea 4:17

Nyɔ̍ la u̍h-a nu̍ mɔ̀-a dɛ̍i̍, jɛ ɛ̍ se̍ mɔ̀-a tìh kma-a. Dɛ̍ u̍h-a pɔ̀n-a i̍-ɛ, ɛ̍ nu̍ mɔ̀ ke ǐn ke à iě i̍ che̍ɛ̍ɛn, wɛ̀ u̍h iě mɔ̀ chlì dě u̍h we̍ ka.

Kelesea 4:20

Ǎn pɔ̀n iě dě mɔ̀ we̍ nɛ kaka wɛ̀ iě wlu̍ i̍ bǐi. Ka iě-a mɔ̀-a tìh nu̍-ɛ, ǐn se̍ ɛ̍ juo dɛ.

Felepai 1:27

Dɛ̍ due gbài̍ mɔ̀ iě-a nu̍-ɛ, ɛ̍ nu̍ ka Klai-a pɔ̀n chɛ̀-a pɔ̀n-a mɔ̀ iě-a nɛ-ɛ, mɔ̀ iě laǎn nɛ. Wɛ̀ pò ǎn jɛ ji̍ dě mɔ̀ we̍-o, iě pò ǐn se̍-e ji̍-o, iě i̍h wɔ̌n mɔ̀ iě kǎn i̍ nyna dě wlùh due di̍i̍. Wɛ̀ mɔ̀-a dɛ̍ we̍ fɔ̀n-ɛ iě due nɛ dǒ wlùh gbaɛ ɛ̀ kɔ̍-a dǒ pɔ̀n chɛ̀ kɛ̍n i̍-ɛ we̍.

Felepai 2:12

Ɛ̍ tìh-ɛ, ǎn tìh kma nyɔ̍, ka mɔ̀-a nu̍-a ǎn wlu̍ i̍ wɔ̌n-ɛ se̍e̍-ɛ, ɛ̍-ɛ bo mɔ̀ iě dluwe̍ i̍ gba̍. Ɛ̍ se̍ pò ǎn jlǐhɛ̍ tè ka-ɛ, wɛ̀ mɔ̀ iě ɛ̍ nu̍ gbɔ̀. Jɛ ka ǐn se̍-a dǒ mɔ̀ we̍ nɛ dɛ-ɛ, jɛwɛ̀ mɔ̀ iě-e de̍ i̍ gbǎ dǒ ɛ̍ nu̍ la̍. Nɛ̀ mɔ̀ gba̍ dbo̍ nu̍-ɛ ɛ̀ kɔ̍-a dǒ mɔ̀-a pǔh-ɛ pùn i̍-ɛ dluwe̍ i̍ dě Nyɔsoa dɛ̍ɛ̍ jě-ɛ di̍i̍.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Wlɛfeleseɔn 3:19

Nyɔ̍ ǐn jbɛɛ-aɛ u̍h bo ǎn gbɛ̍n kàn iě ǎn sà gblɛ̍n kwa̍ i̍. Ɛ̍ tìh-ɛ, mɔ̀-a wlùh nu̍ jàjà mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe.