Kelesea 4:17 - Ku̍o̍ Delee 1999

¹⁷ Nyɔ̍ la u̍h-a nu̍ mɔ̀-a dɛ̍i̍, jɛ ɛ̍ se̍ mɔ̀-a tìh kma-a. Dɛ̍ u̍h-a pɔ̀n-a i̍-ɛ, ɛ̍ nu̍ mɔ̀ ke ǐn ke à iě i̍ che̍ɛ̍ɛn, wɛ̀ u̍h iě mɔ̀ chlì dě u̍h we̍ ka.

Kelesea 4:17 Iomraidhean Croise

Matio 23:15

“Mɔ̀ɔ̍ telě nǎ poe nyɔ̍ ke Fɛlesii nyɔ̍ la, chlě dǒ mɔ̀ we̍. Mɔ̀ nɛ mɛɔ sɔɔ̌n wɔ̍ɔ̍n. Nyɔ̍ due iě mɔ̀ de̍e̍ gbǎ tìh-ɛ, nɛ̀ mɔ̀-a na blǔh we̍. Nɛ̀ pò ɔ̍ gbǎ dǒ mɔ̀ de̍e̍-ɛ, nɛ̀ nu̍-dɛ̍ᵻ ìh-a gba̍-a nyɔ̍ dě kàn nɛ̍ di̍i̍-ɛ, wɛ̀ mɔ̀-a nu̍ ɛ̍ iě ɔ̍ nu̍ i̍h ɔ̍ sìì mɔ̀-a chɛ̀.

Wloma 10:2

Ǐn bɛ̌ɛ iě u̍h-a sàànsi̍i̍h nu̍ ka u̍h fòè-a Nyɔsoa dɛ we̍-ɛ. Jɛ u̍h-a ɔ̍ we̍ fòè-ɛa chɛ̀ bo ɛ̀ se̍ dǒ tìh-a taǐn kɛ̍n i̍ tba̍.

Wloma 16:18

Dɛ̍nu̍ɛ, nyɔ̍ kaɛn laa̍ nɛ̀ u̍h se̍ Klai ɔ̀ nu̍-a à Joi-ɛ jǔ dbee, jɛ u̍h-a chɛ̀-a wlùh dɛ̍ᵻ bo u̍h-a nu̍. U̍h-a wɔ̍n nmɔ wlu̍ bo ɛ̀ boe nyɔ̍ ùh se̍-a dɛ̍ we̍ i̍ ju̍o̍e-ɛ i̍.

1 Kɔwlɛntiɔn 11:2

Ǎn po̍ mɔ̀ tìhwe̍, dɛ̍nu̍ɛ, mɔ̀-a blě-e ǎn tìh dǒ wlùh kɛ̍n te̍e̍, iě mɔ̀-a jě nǎ po̍ wlu̍ ǐn ja-a dě mɔ̀ we̍-ɛ dɛ̍ɛ̍.

1 Kɔwlɛntiɔn 4:18

Mɔ̀-a nyɔ̍ duuh-a bɛ̌-ɛ u̍h-a chɛ̀ i̍. Dɛ̍nu̍ɛ, u̍h jajeɛ̍ ǐn se̍ dě mɔ̀ we̍ ji̍ mu̍ dɛ de.

1 Kɔwlɛntiɔn 4:8

Mɔ̀ blě dɛ̍ᵻ kli̍hgbɛ̍ mɔ̀-a pɔ̀n-aɛ wɛ̀, iě mɔ̀ pàn ke. Mɔ̀ nu̍ blǔh baaᵻ dǒ àɔ̀ kɛ̍n. Ɛ̍ mu̍ ǎn gbǐh po̍ dɛ̍ nu̍ de mɔ̀ iě blǔh baaᵻ nu̍ chɛ̀ɛ̌chɛ̀, wɛ̀ mɔ̀ ke à iě mɔ̀-a blǔh baaᵻ dɛ dɛ̍we̍ di̍.

2 Kɔwlɛntiɔn 11:3

Jɛ ǎn ple̍ faɔn ka sɛ̍ nu̍-a Ii i̍ boe-ɛ dǒ ɛ̍ di̍i̍ i̍ flɔn-ɛ we̍-ɛ, mɔ̀-a wlùh-u je̍e la̍a̍n fèàɛ̀ nu̍, wɛ̀ mɔ̀ɔ̍ je̍e Klai we̍ fòè-ɛ chɛ̀ɛ̌chɛ̀ i̍ tǎli.

Kelesea 4:16

Dɛ̍-ɛ ɛ? Mɔ̀-a tìh-a taǐn wlùh sèàɛ̍ tìh iě ǐn mɔ̀-a nyɛ̌-nyɔ̍ we̍i̍ nu̍ ae?

Kelesea 4:18

Ɛ̍ nmɔ jii mɔ̀ iě nyɔ̍ tìh-a wlì bla̍ ti̍ kli̍hgbɛ̍ we̍, pò ɛ̍ kɔ̍ dǒ dɛ̍ chɛ̀ kɛ̍n i̍-ɛ. Jɛ ɛ̍ se̍ iě dǒ mɔ̀ we̍ nɛ gbɔ̀.

Felepai 2:21

Jɛ juh kli̍hgbɛ̍ sie-a dǒ de̍-ɛ, u̍h-a sì u̍h-a chɛ̀-a tìh sǔh, u̍h se̍ Jusu Klai-a tìh sì.

2 Pitɛ 2:18

U̍h-a chɛ̍n blɔ̌-ɛ ke bo-sɔ̀ìn. Wɛ̀ u̍h-a nu̍ se̍i̍kɔɛn, nyɔ̍ ùh-a ple̍-a la̍ de ùh-a sɔ-a dě dɛ̍ᵻ sɔ̀nᵻ di̍i̍ tǐn nyɔ̍ we̍-ɛ, u̍h-u bo u̍h-a po̍ dě de̍ biě laa̍ di̍i̍.

2 Pitɛ 2:3

Nǎ po̍ nyɔ̍-a si̍h naɛ laa̍ u̍h kɔn klǎn, ɛ̍ tìh u̍h-a mu̍ si̍h tmɔ̌ wɛ̀ u̍h iě mɔ̀ dɛ̍ kɛ̍n jě. U̍h-a se̍ kɛ̀n gba̍ pèle dǒ u̍h de̍e̍-ɛ se̍e̍, iě u̍h-aa gbɔ̀lɔ nyɔ̍ wɔ̍ se̍ mɔ̌ dɛ ke.