Kelesea 4:15 - Ku̍o̍ Delee 1999

¹⁵ Dɛ̍ bo ɛ̀ po̍ ka mɔ̀-a mɔna̍ cha̍n we̍ ɛ? Ǐn wɔ̌ɛn mɔ̀-a tìh i̍, pò mɔ̀ bɛ̌ɛ-ɛ mɔ̀-a jlǐh-a chɛ̀ kɔ̌n-ɔ sà-a de-ɛ, nɛ̀ mɔ̀-a mu̍ i̍h kɔ̌n-ɔ sà mɔ̀ iě i̍h ǐn nyǐ de.

Kelesea 4:15 Iomraidhean Croise

Pɔ̀n Chɛ̀ Luu To-a La 8:13

Jih gbǎ-a dǒ sɔɔ̌ paɔ kɛ̍n-ɛ, i̍h bo ìh wɔ̀ nyɔ̍ ùh wɔ̌n-a Nyɔsoa-a wlu̍ iě u̍h gbɛ̍n-a ɛ̍ i̍ dǒ mɔna̍ we̍-ɛ. Jɛ ɛ̍ se̍ sɛ̌n po̍ dě u̍h ku̍sɔ̀n. Ɛ̍ kɔn u̍h blě wlùh gbaɛ dǒ ti̍ gbɔ̀ di̍i̍. Jɛ nyɔ̍ i̍ tɛ̀n-ɛ ji̍-aɛ, iě u̍h ple̍.

Wloma 10:2

Ǐn bɛ̌ɛ iě u̍h-a sàànsi̍i̍h nu̍ ka u̍h fòè-a Nyɔsoa dɛ we̍-ɛ. Jɛ u̍h-a ɔ̍ we̍ fòè-ɛa chɛ̀ bo ɛ̀ se̍ dǒ tìh-a taǐn kɛ̍n i̍ tba̍.

Wloma 15:13

Nyɔsoa ɔ̀ nu̍-a wlùh i̍ kɔ̍ nyɔ̍-ɛ, ǎn sà nǐ wɔ̍n ɔ̍ iě mɔ̀ nmɔ-ɛ kli̍hgbɛ̍ ke wlùh-a i̍ tè-ɛ i̍ jǐi ka mɔ̀ gbaɛ-a ɔ̍ wlùh-ɛ. Wɛ̀ ɔ̍ Sùù iě ɛ̍ nu̍ mɔ̀-a wlùh i̍ kɔ̍ dɛ̍ iě i̍ ku̍.

Wloma 5:2

Dě ɔ̍ ja̍a̍ bo à jii iě à jě Nyɔsoa-a blɛ à nɛ-a ka dě di̍i̍-ɛ ɛ̍ gbɛ̍n la̍. Nyɔsoa-a tìh-a i̍ bɛ̌-ɛ à mu̍-a kwa̍a̍ i̍ klɛ̀ɛ̀n-ɛ, ɛ̍ bo à kɔ̍ wlùh i̍ wɛ̀ à nmɔ.

Wloma 9:3

Pò Nyɔsoa-a jɛ poe ǐn pǎ ǐn de̍di̍i̍ᵻ Eslɔɛ nyɔ̍-a tìh, ùh ke ǐn ke à nu̍-a à blǐ nyɔ̍ due-ɛ, wɛ̀ ɔ̍ iě ǐn dǒ Klai de̍e̍ sà-ɛ, nɛ̀ ɛ̍ mu̍ ǐn gbǐh po̍.

2 Kɔwlɛntiɔn 8:3

Ǎn sèàɛ̍ mɔ̀ wlùh, dɛ̍ u̍h bɛ̌ɛ-a u̍h iě-a nyǐ-ɛ, nɛ̀ u̍h nyǐ ɛ̍ u̍h. U̍h sì tà u̍h kɔn u̍h iě-a siee-a chɛ̀-ɛ, dǒ u̍h-a chɛ̀-a wlùh wlǎ-a sǔh we̍.

Kelesea 3:14

Ɔ̍ pùhbɔ à kɛ̍ɛ̍n iě pɔ̀ìě Nyɔsoa-a mu̍-a Eblaɛɛn nyǐ-ɛ, wɛ̀ ɛ̍ iě ùh se̍-a Juu nyɔ̍-ɛ we̍ ji̍ ke dě ɔ̍ ja̍a̍. Wɛ̀ à iě Sùù kɔn wlu̍ Nyɔsoa po̍-a tɔ̀ma̍a̍-a jě dě wlùh gbaɛ di̍i̍.

Kelesea 4:14

Ǎn poa-a sàɛ̀ mɔ̀ jua̍i̍ kaa̍, jɛ mɔ̀ se̍ ǐn faɛn, iě mɔ̀ wɔ̍ se̍ ǐn chla tba̍ ke. Wɛ̀ ka mɔ̀ iě-a Nyɔsoa-a ǐnchɔ̀ ke Jusu Klai-a tìh i̍ gbɛ̍n-ɛ nu̍-ɛ, iě mɔ̀ nu̍ la̍a̍n ǎn tìh i̍ gbɛ̍n-ɛ.

Kelesea 4:16

Dɛ̍-ɛ ɛ? Mɔ̀-a tìh-a taǐn wlùh sèàɛ̍ tìh iě ǐn mɔ̀-a nyɛ̌-nyɔ̍ we̍i̍ nu̍ ae?

Kelesea 4:19

Ǎn nynuu̍, ka kwlǐ nynɔ̌ gbǔh we̍-a nu̍-a chlɛ̌n-ɛ dǒ gbàɔ̀n sà la̍-ɛ, kǎ ǎn ku̍-a nu̍ chlɛ̌n-ɛ ke mɔ̀-a tìh. Kǎ ɛ̍ mu̍ nɛ te̍e̍ wɛ̀ mɔ̀ iě Klai wɔ̀ dě mɔ̀-a kmɔ̌ di̍i̍.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Kelesea 6:4

Nyɔ̍ jɔ-ɛ, nɛ̀ ɔ̍ chlɛ̌ ɔ̍ chɛ̀-a nu̍-dɛ̍ᵻ we̍ i̍. Pò i̍h nmɔ jii̍-ɛ, nɛ̀ ɔ̍ blɔ̌ dǒ ɔ̍ chɛ̀ we̍, jɛ nɛ̀ ɔ̍ bɔ̌ ɔ̍ chɛ̀ nyɔ̍ dɔɔ i̍ blaɛ-ɛ.

Kalase 4:13

Mɔ̀ɔ̍ ke nyɔ̍ ùh nɛ-a dǒ Leodesia wlɔ̀-ɛ ke Ɛwlapole wlɔ̀ di̍i̍-ɛ, ɔ̍ po̍-e mɔ̀-a tìh-a gbǐh kaa̍. Ǎn chɛ̀ bo ɔ̀ nu̍ ɔ̍ sàànsi̍i̍h.

1 Tɛsoloniɔn 2:8

À mɔ̀ɔ̍ jbɛɛ tìh sɔ à se̍ mɔ̀ Nyɔsoa-a pɔ̀n chɛ̀ nɛ due jii̍ gblè-ɛ i̍ pɔ̀n, jɛ à chɛ̀-ɛ kmɔ̌ bo à pɔ̀n mɔ̀ jii̍ gblè-ɛ i̍ ke. Dɛ̍nu̍ɛ, mɔ̀-a dɛ bla̍ à gbǎ di̍i̍.

1 Tɛsoloniɔn 5:13

Mɔ̀ gbɛ̍n-ɛ u̍h-a dɛ̍ɛ̍ jě-ɛ gbǐh i̍ dǒ jbɛɛ we̍. Dɛ̍nu̍ɛ, u̍h-a nu̍ dbo̍ dǒ mɔ̀ we̍. Mɔ̀ na-ɛ dě wlùh-a i̍ tè-ɛ di̍i̍ dě mɔ̀-a chɛ̀ nynɛ̌.