Kelesea 4:14 - Ku̍o̍ Delee 1999

¹⁴ Ǎn poa-a sàɛ̀ mɔ̀ jua̍i̍ kaa̍, jɛ mɔ̀ se̍ ǐn faɛn, iě mɔ̀ wɔ̍ se̍ ǐn chla tba̍ ke. Wɛ̀ ka mɔ̀ iě-a Nyɔsoa-a ǐnchɔ̀ ke Jusu Klai-a tìh i̍ gbɛ̍n-ɛ nu̍-ɛ, iě mɔ̀ nu̍ la̍a̍n ǎn tìh i̍ gbɛ̍n-ɛ.

Kelesea 4:14 Iomraidhean Croise

Matio 10:40

Jusu la̍a̍, “Nyɔ̍ ɔ̀ mu̍-a mɔ̀-a tìh i̍ gbɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke. Nɛ̀ nyɔ̍ ɔ̀ gbɛ̍n-a ǎn tìh i̍-ɛ, nɛ̀ nyɔ̍ ɔ̀ dbo̍-a m-ɛ, ɔ̍ tìh bo ɔ̍ gbɛ̍n i̍ wɛ̀ ke.

Matio 18:5

Nyɔ̍-o-nyɔ̍ ɔ̀ gbɛ̍n-a jǔwɛ la ɔ̍ tìh i̍ dǒ ǎn nynɛ̌ kɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke.”

Matio 25:40

Nɛ̀ Blǔh Baa-a mu̍ ka dǎ dě u̍h we̍, ‘Bɔ̌ ǐn sèàɛ̍ mɔ̀ wlùh, dɛ̍ jɛ mɔ̀ nu̍-a dǒ ǐn de̍di̍i̍ᵻ la u̍h-a bla̍-a jlǐhɛ̍ dlǔ-ɛ we̍-ɛ, nɛ̀ mɔ̀ nu̍ ɛ̍ ǐn pùn wɛ̀.’

Pɔ̀n Chɛ̀ Luu To-a La 10:16

Jusu la̍a̍ dě ɔ̍ kòà we̍, “Nyɔ̍ ɔ̀ mu̍-a mɔ̀-a wlu̍ i̍ wɔ̌n-ɛ, nɛ̀ ǎn wlu̍ bo ɔ̍ wɔ̌n i̍. Nɛ̀ nyɔ̍ ɔ̀ mu̍-a mɔ̀ chla tba̍-aɛ, nɛ̀ mɔ̍ bo ɔ̍ tba̍ chla. Nyɔ̍ ɔ̀ tba̍-a ǐn chla-aɛ, nɛ̀ nyɔ̍ ɔ̀ dbo̍-a m-ɛ bo ɔ̍ tba̍ chla.”

Chɔɔn 13:20

Tìh-a taǐn ǎn sèàɛ̍ mɔ̀ wlùh, nyɔ̍-o-nyɔ̍ ǐn dbo̍-a, nyɔ̍ jɔ gbɛ̍n-a ɔ̍ tìh i̍-ɛ, nɛ̀ ɔ̍ gbɛ̍n ǎn tìh i̍ wɛ̀. Nyɔ̍ ɔ̀ gbɛ̍n-a ǎn tìh i̍-ɛ, nɛ̀ ɔ̀ dbo̍-a m-ɛ, ɔ̍ tìh bo ɔ̍ gbɛ̍n i̍ wɛ̀ ke.”

1 Kɔwlɛntiɔn 1:28

Dɛ̍ ɛ̀ kmɔ̌ nyɔ̍-a bla̍-a jlǐhɛ̍ dlǔ wɛ̀ u̍h se̍-a dɛ̍ɛ̍ jě-ɛ, ɛ̍ ke ɛ̀ u̍h se̍-a dɛ̍ dǎɛ-ɛ ɛ̍ bo Nyɔsoa-a tba̍ chèɛ̀, wɛ̀ ɛ̍ iě kmɔ̌ nyɔ̍ naɛ gbɔ̀ fǒ-e.

1 Kɔwlɛntiɔn 4:10

À nu̍ bo-nyɔ̍ Klai-a tìh, jɛ mɔ̀ɔ̍ nɔ̀ɔ̍-ɛ, mɔ̀ flɔn di̍i̍ i̍ dě mɔ̀ ke Klai-a due nɛ-ɛ di̍i̍. À gbǐh-a mɛ̌-ɛ, jɛ mɔ̀ɔ̍ nɔ̀ɔ̍-ɛ, mɔ̀ kmu i̍. Nyɔ̍-a tè mɔ̀ ja̍, jɛ u̍h-u tè àɔ̀ nɔ̀ɔ̍ ja̍.

2 Kɔwlɛntiɔn 5:20

Ɛ̍ tìh-ɛ, à wlu Klai-a dɛ̍. Dě à ja̍a̍ bo Nyɔsoa-a ba̍le-e nyɔ̍. À gbɛ̍n mɔ̀-a bu̍hᵻ dǒ Klai-a tàà Nyɔsoa iě ɛ̍ nu̍ mɔ̀ ke ɔ̍ iě kɛ̍n i̍ gbe̍ɛ̍ɛn.

Kelesea 3:26

Wlùh gbaɛ bo ɛ̀ nu̍ mɔ̀ kli̍hgbɛ̍ Nyɔsoa-a chɛǐ nynuu̍ we̍i̍ wɛ̀ dě Jusu Klai ja̍a̍.

Kelesea 3:28

Juu nyɔ̍ se̍-o dɔɔ̌ nɛ, wɛ̀ ùh se̍-a Juu nyɔ̍-ɛ se̍-o dɔɔ̌ nɛ. Kèi̍ se̍-o dɔɔ̌ nɛ, wɛ̀ i̍ flɔn nyɔ̍ se̍-o dɔɔ̌ nɛ. Jɔ̍gbau se̍-o dɔɔ̌ nɛ, wɛ̀ nynɔ̌gbaɔ se̍-o dɔɔ̌ nɛ. Jɛ mɔ̀ kli̍hgbɛ̍ mɔ̀ nɛ due wɛ̀ dě Jusu Klai ja̍a̍.

Kelesea 4:13

Mɔ̀-a chɛ̀ juo ɛ̍-ɛ, ǎn poa-a bo ɛ̀ nɛ kmɔ̌ iě ǐn bla̍ pɔ̀n chɛ̀ dě mɔ̀ we̍ sàǐtòò.

Kelesea 4:15

Dɛ̍ bo ɛ̀ po̍ ka mɔ̀-a mɔna̍ cha̍n we̍ ɛ? Ǐn wɔ̌ɛn mɔ̀-a tìh i̍, pò mɔ̀ bɛ̌ɛ-ɛ mɔ̀-a jlǐh-a chɛ̀ kɔ̌n-ɔ sà-a de-ɛ, nɛ̀ mɔ̀-a mu̍ i̍h kɔ̌n-ɔ sà mɔ̀ iě i̍h ǐn nyǐ de.

1 Tɛsoloniɔn 2:13

Ɛ̀ la ɛ̍ kɔn tìh bo à po̍ Nyɔsoa tlɔ̌ ke ma̍u̍. Ti̍ à ja̍-a mɔ̀ Nyɔsoa-a tu̍owli-ɛ, mɔ̀ wɔ̌n ɛ̍-ɛ i̍, iě mɔ̀ gbɛ̍n ɛ̍ i̍. Mɔ̀ se̍ ɛ̍ nyi̍ɔ̍-a tu̍owli ka gbɛ̍n, jɛ ka ɛ̍ nu̍-a nɛ-ɛɛ kǎ mɔ̀ nu̍ ɛ̍ i̍ gbɛ̍n-ɛ. Nyɔsoa-a wlu̍ la, ɛ̍-ɛ bo ɛ̀ nu̍-a dbo̍ dě mɔ̀ɔ̍ wlùh gbaɛ blě nyɔ̍ ja̍a̍.

1 Tɛsoloniɔn 4:8

Ɛ̍ tìh-ɛ, nyɔ̍-o-nyɔ̍ ɔ̀ tba̍-a nǎ po̍ wlu̍ la chla-ɛ, nɛ̀ ɔ̍ se̍ wlɔ̀ nyi̍ɔ̍ chla tba̍, jɛ nɛ̀ Nyɔsoa bo ɔ̍ tba̍ chla, ɔ̀ nyǐ-a mɔ̀ ɔ̍ Sùù-ɛ.

Iblu 13:2

Mɔ̀ kɔn mɔ̀ iě dihwi̍h gbò we̍ gba̍. Dɛ̍nu̍ɛ, kǎ nyɔ̍ duuh nu̍ wɛ̀ u̍h gba̍ Nyɔsoa-a ǐnchɔ̀ gbò we̍, iě u̍h-a chɛ̀ se̍ i̍h juo.