Kelesea 4:13 - Ku̍o̍ Delee 1999

¹³ Mɔ̀-a chɛ̀ juo ɛ̍-ɛ, ǎn poa-a bo ɛ̀ nɛ kmɔ̌ iě ǐn bla̍ pɔ̀n chɛ̀ dě mɔ̀ we̍ sàǐtòò.

Kelesea 4:13 Iomraidhean Croise

Matio 4:23

Wɛ̀ Jusu na Kaladii bloa̍ kli̍hgbɛ̍ we̍, ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n-i. Iě ɔ̍ bla̍ pɔ̀n chɛ̀-a tìh dǒ Nyɔsoa-a kmɔ̌ wlu̍ i̍ kɔn dɛ we̍. Wɛ̀ ɔ̍ bɔ̌-ɛ nyɔ̍gbei-a poa-dɛ̍ᵻ ke wɛ̌ᵻ kli̍hgbɛ̍.

Nu̍-dɛ̍ᵻ 16:6

Pɔɔ bei jii Flejia ke Kelesea bloa̍ kɛ̍n, dɛ̍nu̍ɛ, Nyɔsoa-a Sùù se̍ pɔ̀n u̍h iě Nyɔsoa tìh bla̍ dě Esea fɔɔ.

1 Kɔwlɛntiɔn 2:3

Ɛ̍ kɔn ti̍ ǐn nɛ-a dě mɔ̀ we̍-ɛ, wɛ̀ ǎn gbǐh-a nu̍ sɔɔn iě ǎn tlɛ̍-a dǒ faɔn we̍-ɛ bo.

2 Kɔwlɛntiɔn 10:10

Nyɔ̍gbei la̍a̍, “Pɔɔ-a chlǐh-dɛ̍ᵻá kma i̍ iě ɔ̍ pɔ̀n-ɛ nyɔ̍ dɛ̍-ɛ i̍ dě i̍h di̍i̍. Jɛ pò ɔ̍ chɛ̀-a gbǎ nɛ nɔ̌ à we̍-ɛ, nɛ̀ ɔ̍ se̍ i̍ kma, nɛ̀ ɔ̍ se̍ wlu-ɛ juo.”

2 Kɔwlɛntiɔn 11:30

Ka ǐn kɔn iě-a wɔ̍i̍n po̍-ɛ, nɛ̀ ǎn mu̍ wɔ̍i̍n po̍ dǒ dɛ̍ᵻ ìh-a to-a ǎn gbǐh-a sɔɔn nu̍-ɛ we̍.

2 Kɔwlɛntiɔn 11:6

Pò ǐn se̍ wlu-ɛ juo-a chɛ̀-ɛ, jɛ ǐn se̍ la̍a̍n nɛ dǒ tɔɔ blě-ɛ we̍. À flɔn-ɛ ɛ̀ la we̍i̍ te̍gbe̍i̍n dě mɔ̀ we̍ tà kli̍hgbɛ̍.

2 Kɔwlɛntiɔn 13:4

Ɔ̍ dbǎ-ɛ dǒ gbàɛ̍ kɛ̍n i̍ tu̍ wlì ti̍ ɔ̍ gbǐh-a nu̍-a sɔɔn-ɛ. Jɛ ɔ̍ nɛ kmɔ̌ dǒ Nyɔsoa-a gbǐh we̍. Dě à ke Klai-a due nɛ-ɛ di̍i̍-ɛ, à gbǐh-a nu̍ sɔɔn ke. À nɛ kmɔ̌ dě ɔ̍ we̍ dǒ Nyɔsoa-a gbǐh we̍ mɔ̀-a jǔ dbee tìh.

Kelesea 1:6

Mɔ̀-a nu̍-dɛ̍ᵻ wlǔh i̍ ǐn de̍e̍. Ɛ̍ se̍-o wlè fu̍u̍ wɛ̀ mɔ̀-a poe nyɔ̍ ɔ̀ dǎ-a mɔ̀ dě Klai-a blɛ nɛ-ɛ di̍i̍-ɛ kɛ̍n i̍, iě mɔ̀-a bǐi dě pɔ̀n chɛ̀ dɛɛ we̍ i̍.

Kelesea 4:12

Ǐn de̍di̍i̍ᵻ, ǎn ba̍le mɔ̀ɔ̍-ɛ, kǎ ǐn nɛ-aɛ mɔ̀ iě laǎn nɛ. Dɛ̍nu̍ɛ, ka mɔ̀ nɛ-aɛ, kǎ ǐn nɛ. Mɔ̀ se̍ ǐn dɛ̍ sɔ̀n pùn nu̍.

Kelesea 4:14

Ǎn poa-a sàɛ̀ mɔ̀ jua̍i̍ kaa̍, jɛ mɔ̀ se̍ ǐn faɛn, iě mɔ̀ wɔ̍ se̍ ǐn chla tba̍ ke. Wɛ̀ ka mɔ̀ iě-a Nyɔsoa-a ǐnchɔ̀ ke Jusu Klai-a tìh i̍ gbɛ̍n-ɛ nu̍-ɛ, iě mɔ̀ nu̍ la̍a̍n ǎn tìh i̍ gbɛ̍n-ɛ.

Kelesea 4:18

Ɛ̍ nmɔ jii mɔ̀ iě nyɔ̍ tìh-a wlì bla̍ ti̍ kli̍hgbɛ̍ we̍, pò ɛ̍ kɔ̍ dǒ dɛ̍ chɛ̀ kɛ̍n i̍-ɛ. Jɛ ɛ̍ se̍ iě dǒ mɔ̀ we̍ nɛ gbɔ̀.