Kelesea 4:12 - Ku̍o̍ Delee 1999

¹² Ǐn de̍di̍i̍ᵻ, ǎn ba̍le mɔ̀ɔ̍-ɛ, kǎ ǐn nɛ-aɛ mɔ̀ iě laǎn nɛ. Dɛ̍nu̍ɛ, ka mɔ̀ nɛ-aɛ, kǎ ǐn nɛ. Mɔ̀ se̍ ǐn dɛ̍ sɔ̀n pùn nu̍.

Kelesea 4:12 Iomraidhean Croise

Nu̍-dɛ̍ᵻ 21:21

Nyɔ̍ sèàɛ̍ u̍h wlùh u̍h la̍ Juu nyɔ̍ kli̍hgbɛ̍ tǐn-a dě ùh se̍-a Juu nyɔ̍-a blǔh kɛ̍n-ɛ, àn po̍ u̍h nǎ u̍h iě Mose-a telě jlǐhɛ̍ we̍ sà. Ɛ̍ tìh àn sèàɛ̍ u̍h wlùh u̍h-u je̍e u̍h-a nynuu̍ plɔ̀n po̍, wɛ̀ u̍h iě à blǐ dɛ̍ᵻ sɔ̍n we̍ sà.

2 Kɔwlɛntiɔn 2:5

Jɛ pò nyɔ̍-o-nyɔ̍ po̍ mɔ̀-a nyɔ̍-a wlùh dě de̍ i̍-ɛ, nɛ̀ ɛ̍ se̍ mɔ̍ ɔ̍ se̍ ɛ̍ pùn nu̍. Jɛ nɛ̀ mɔ̀-a nyɔ̍ duuh bo ɔ̍ nu̍ ɛ̍ pùn. Ǎn bla̍ ɛ̀ la, dɛ̍nu̍ɛ, ǐn se̍ pɔ̀n iě ɔ̍ wɔ̍i̍n gbɛ̍n kaa̍.

2 Kɔwlɛntiɔn 6:11

Kɔwlɛn nyɔ̍, dɛ̍ᵻ kli̍hgbɛ̍ nɛ-a dě à wlùh we̍-ɛ à sèàɛ̍ i̍h mɔ̀ wlùh. À wlùh flɔn kɛ̍n i̍ dǒ mɔ̀ we̍.

2 Kɔwlɛntiɔn 6:13

Ǎn wlu-i kaka dě mɔ̀ we̍ ka nyɔ̍-a wlu dě ɔ̍ chɛ̀-a nynuu̍ we̍-ɛ. Ka à nu̍-a mɔ̀-a wlùh blě-ɛɛ, kǎ mɔ̀ iě à wlùh blě-ɛ nu̍ ke. Mɔ̀ flɔn-ɛ mɔ̀-a wlùh kɛ̍n i̍ ke.

Kelesea 2:14

Ti̍ ǐn juo-ao dɛ̍ i̍ ka u̍h-u naɛ-a dě pɔ̀n chɛ̀-a tìh-a taǐn di̍i̍-ɛ, wɛ̀ na̍a̍ dě Pitɛ we̍ dǒ u̍h kli̍hgbɛ̍ jlǐhwai, “Mɔ̀ Juu jǔ, jɛ àn nu̍ la̍ ùh se̍-a Juu nyɔ̍-ɛ u̍h-a gblɛ̍n, nɛ̀ nu̍ Juu gblɛ̍n dɛ. Ka ɛ̍ iě nu̍ wɛ̀ àn nɛ̌ ùh se̍-a Juu nyɔ̍-ɛ kɛ̍ɛ̍n u̍h iě Juu gblɛ̍n nu̍ ɛ?”

Kelesea 4:11

Mɔ̀-a faɔn-a nu̍ m, wɛ̀ dbo̍ ǐn nu̍-a dǒ mɔ̀ we̍-ɛ, ɛ̍-ɛ je̍e bu̍ɛ̍i̍ nu̍.

Kelesea 4:13

Mɔ̀-a chɛ̀ juo ɛ̍-ɛ, ǎn poa-a bo ɛ̀ nɛ kmɔ̌ iě ǐn bla̍ pɔ̀n chɛ̀ dě mɔ̀ we̍ sàǐtòò.

Kelesea 6:14

Jɛ mɔ̍ɔ-ɛ, à Joi Jusu Klai-a dǒ gbàɛ̍ kɛ̍n i̍ tu̍ wlì mɛ̌ɛ tìh nɛ due bo ǎn mu̍ blɔ̌. Ɔ̍ tìh bo kmɔ̌ we̍ dɛ̍ᵻ mɛ̌ dǒ ǐn we̍, wɛ̀ ǐn mɛ̌ ke dǒ i̍h we̍.

Kelesea 6:18

Ǐn de̍di̍i̍ᵻ, ǎn sà nǐ wɔ̍n à Joi Jusu Klai-a blɛ iě mɔ̀ we̍ nɛ. Kǎ ɛ̍-ɛ nɛ.