Kelesea 3:5 - Ku̍o̍ Delee 1999

⁵ Nyɔsoa nyǐ mɔ̀ ɔ̍ Sùù iě ɔ̍ po̍ jbaɛdih dǒ mɔ̀ we̍ mɔ̀-a telě dɛ̍ɛ̍ jě tìh ɛɛ, àe̍e̍ mɔ̀ wɔ̌n pɔ̀n chɛ̀ iě mɔ̀ gbaɛ ɛ̍ wlùh dɛbo ae?

Kelesea 3:5 Iomraidhean Croise

Nu̍-dɛ̍ᵻ 14:3

Dǒ Pɔɔ ke Banaba wlè, iě u̍h-a bla̍ Joi-a tìh gbài̍gbài̍. Wɛ̀ Joi tba̍ u̍h bu̍hᵻ de̍e̍ i̍ dǒ ɔ̍ blɛ nɛ tìh u̍h-a bla̍-aɛ we̍. Ɛ̍ kɔn ɔ̍ nu̍ ɛ̍ iě nyɔ̍ wɔ̍n flɔn-ɛ dɛ̍ᵻ ke jbaɛdih-a jii dě u̍h ja̍a̍.

Wloma 10:17

Nɛ̀ɛ̍, dě tu̍owli i̍ wɔ̌n-ɛ di̍i̍ bo wlùh gbaɛ blě-ɛa sɔ-ɔ. Nɛ̀ dě Klai-a tìh we̍i̍ bla̍-a di̍i̍ bo tu̍owli i̍ wɔ̌n-ɛa sɔ-ɔ.

Wloma 15:19

Ɔ̍ nu̍ ɛ̍ dǒ jbaɛdih ke, nyɔ̍ wɔ̍n flɔn-ɛ dɛ̍ᵻ nu̍-ɛa gbǐh ke Nyɔsoa-a Sùù-a gbǐh we̍. Wɛ̀ sɔ dǒ Juluslɛn wlɔ̀ di̍i̍ ìè Ilewlekɔn fɔɔ nyni̍-ɛ, iě ǐn bla̍-e Klai-a pɔ̀n chɛ̀ we̍i̍ wɛ̀ kli̍hgbɛ̍.

1 Kɔwlɛntiɔn 12:10

Nɛ̀ ɛ̍ nyǐ nyɔ̍ dɔɔ jbaɛdih po̍-ɛ, nɛ̀ dɔɔ-ɛ, ɛ̍ nyǐ ɔ̍ Nyɔsoa-a tu̍owli po̍-ɛ. Nɛ̀ ɛ̍ nyǐ dɔɔ gbǐh ɔ̍ iě Nyɔsoa-a Sùù ke jeědih we̍ sèàɛ̍. Iě ɛ̍ nyǐ dɔɔ gbǐh ɔ̍ iě wlu̍ diih po̍, iě ɛ̍ nyǐ dɔɔ gbǐh ɔ̍ iě wlu̍ diih-a chɛ̀ we̍ i̍ sèàɛ̍.

2 Kɔwlɛntiɔn 10:4

À fɔ̀n-dɛ̍ᵻ à fɔ̀n-aɛ, i̍h se̍ kmɔ̌ we̍ nyɔ̍-a fɔ̀n-dɛ̍ᵻ, jɛ à blě Nyɔsoa-a kmu-gbǐh dǒ nyɛ̌-nyɔ̍-a kmu-ɛ kli̍hgbɛ̍-ɛ gbɔ̀lɔ-ɛ we̍.

2 Kɔwlɛntiɔn 12:12

Jbaɛdih ke nyɔ̍ wɔ̍n flɔn-ɛ dɛ̍ᵻ ke dɛ̍ᵻ klaaᵻ nui-ɛ dě mɔ̀ nynɛ̌, iě i̍h to ɛ̍ ka ǐn nu̍-a Klai-a gba̍tòà dǒ ǎn wlùh i̍ gbɛ̍n-ɛ we̍ kaa̍.

2 Kɔwlɛntiɔn 13:3

Ǎn mu̍ ɛ̍ nu̍, dɛ̍nu̍ɛ, mɔ̀-a pɔ̀n dɛ̍ ɛ̍ iě ɛ̍ to ka Klai-a wlu-ia dě ǐn ja̍a̍-ɛ. Ɔ̍ gbǐh-i nu̍ sɔɔn dǒ mɔ̀ dɛ̍ pùn nu̍-ɛ we̍, jɛ ɔ̍ to ɔ̍ gbǐh-a i̍ bɛ̌-ɛ dě mɔ̀ nynɛ̌.

2 Kɔwlɛntiɔn 3:8

Jɛ ku̍o̍ ɛ̀ Nyɔsoa-a Sùù nyǐ-a àɔ̀-ɛ, ɛ̍ tìh-a i̍ bɛ̌-ɛ ku̍ wɔ̍n ɛ̍ sìì telě.

2 Kɔwlɛntiɔn 9:10

Nyɔsoa bo ɔ̀ nyǐ po̍-dɛ̍ᵻ gbà nyɔ̍ dɛ̍ᵻ jɔ̌. Ɔ̍-ɔ due laa̍ bo ɔ̀ nyǐ nyɔ̍ kli̍hgbɛ̍ di̍-dɛ̍ᵻ. Ɔ̍ mu̍ mɔ̀ dɛ̍ᵻ jɔ̌ kli̍hgbɛ̍ nyǐ, wɛ̀ ɔ̍ iě ɛ̍ nu̍ i̍h iě ku̍, wɛ̀ ɔ̍ iě mɔ̀-a nu̍-dɛ̍ᵻ chɛ̀-a jě-e dɛ̍ᵻ i̍ tìè-e.

Kelesea 3:2

Bɔ̌ ǐn tèle mɔ̀ dɛ̍ due i̍. Telě dɛ̍ɛ̍ jě tìh bo ɛ̀ jě-e mɔ̀ Nyɔsoa-a Sùù ɛɛ, àe̍e̍ mɔ̀ wɔ̌n pɔ̀n chɛ̀ iě mɔ̀ gbaɛ ɛ̍ wlùh dɛbo ae?

Felepai 1:19

Dɛ̍nu̍ɛ, ǐn juo ɛ̍-ɛ kleǐn, ka mɔ̀-a ba̍le wlu̍ ke Jusu Klai-a Sùù-a ǐn we̍ gbǎ-a mu̍-a ǐn sèìe-ɛ.