Kelesea 3:26 - Ku̍o̍ Delee 1999

²⁶ Wlùh gbaɛ bo ɛ̀ nu̍ mɔ̀ kli̍hgbɛ̍ Nyɔsoa-a chɛǐ nynuu̍ we̍i̍ wɛ̀ dě Jusu Klai ja̍a̍.

Kelesea 3:26 Iomraidhean Croise

Chɔɔn 1:7

Ɔ̍ ji̍-i ɔ̍ iě sɔ̀npli laa̍ ɛ̍ sàànsi̍i̍h nu̍, wɛ̀ ɔ̍ iě ɛ̍ tìh nyɔ̍ wlùh sèàɛ̍. Nɛ̀ nyɔ̍ kli̍hgbɛ̍-a mu̍ ɔ̍-ɔ jii wɛ̀ u̍h iě ɛ̍ tìh chɛ̀ po̍.

Chɔɔn 20:17

Wɛ̀ Jusu la̍a̍ dě ɔ̍ we̍, “Bɔ̌ ǐn i̍ gbɛ̍n-ɛ, dɛ̍nu̍ɛ, nɛ̌ se̍a dě ǐn Baa we̍ ja̍i̍ mu̍ ke̍. Jɛ mu̍ dě ǐn de̍di̍i̍ᵻ we̍ ìè u̍h wlùh sèàɛ̍ ka ǎn mu̍-a la̍ dě u̍h ke ǐn ke à Baa we̍ ja̍i̍-ɛ, ɔ̀ nu̍-a u̍h ke ǐn ke à Nyɔsoa-a.”

Wloma 8:1

Nɛ̀ɛ̍, kaka la̍, nyɔ̍ ùh ke Jusu Klai nɛ-a due-ɛ, u̍h se̍ kɛ̀n sà-ɛɛ.

Wloma 8:19

Kmɔ̌ kli̍hgbɛ̍ Nyɔsoa nu̍-aɛ, ɛ̍ wlùh-a nu̍ jàjà ɛ̍ fuo ti̍ ɔ̍ mu̍-a ɔ̍ nynuu̍ ɛ̍ i̍ to-ɛ kɛ̍ɛ̍n.

2 Kɔwlɛntiɔn 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ. À chlǐh-ɛ dě Nyɔsoa-a chɔchi̍h ɛ̀ nɛ-a dě Kɔwlɛn wlɔ̀ di̍i̍-ɛ we̍, ɛ̍ ke Nyɔsoa nyɔ̍ kli̍hgbɛ̍ ùh nɛ-a dě Akaia bloa̍ kɛ̍n-ɛ ke.

2 Kɔwlɛntiɔn 6:18

Ǎn mu̍ mɔ̀ baa nu̍, wɛ̀ mɔ̀ iě ǎn jɔ̍gbauᵻ nynuu̍ ke nynɔ̌gbaɔᵻ nynuu̍ nu̍. Kǎ mɔ̍ Joi Ɔ̀ Blě-a Gbǐh Kli̍hgbɛ̍-ɛ dǎ.”

Kelesea 3:28

Juu nyɔ̍ se̍-o dɔɔ̌ nɛ, wɛ̀ ùh se̍-a Juu nyɔ̍-ɛ se̍-o dɔɔ̌ nɛ. Kèi̍ se̍-o dɔɔ̌ nɛ, wɛ̀ i̍ flɔn nyɔ̍ se̍-o dɔɔ̌ nɛ. Jɔ̍gbau se̍-o dɔɔ̌ nɛ, wɛ̀ nynɔ̌gbaɔ se̍-o dɔɔ̌ nɛ. Jɛ mɔ̀ kli̍hgbɛ̍ mɔ̀ nɛ due wɛ̀ dě Jusu Klai ja̍a̍.

Kelesea 4:14

Ǎn poa-a sàɛ̀ mɔ̀ jua̍i̍ kaa̍, jɛ mɔ̀ se̍ ǐn faɛn, iě mɔ̀ wɔ̍ se̍ ǐn chla tba̍ ke. Wɛ̀ ka mɔ̀ iě-a Nyɔsoa-a ǐnchɔ̀ ke Jusu Klai-a tìh i̍ gbɛ̍n-ɛ nu̍-ɛ, iě mɔ̀ nu̍ la̍a̍n ǎn tìh i̍ gbɛ̍n-ɛ.

Kelesea 5:24

Nyɔ̍ ùh kɔn-a dǒ Jusu Klai we̍-ɛ, nɛ̀ u̍h dbǎ u̍h-a gblɛ̍n sɔ̀ɛ̀n-a ku̍ ke, ɛ̍ wlùh dɛ̍ᵻ ke, ɛ̍ pɔ̀n-dɛ̍ᵻ kli̍hgbɛ̍ wɛ̀.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

Ɛfɛsɔ 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn we̍ bo chlǐh-dɛ̍ la ɛ̍ sɔ-ɔ. Ɛ̍ mu̍ Nyɔsoa nyɔ̍ nɛ-a dǒ Ɛfɛsɔ wlɔ̀ di̍i̍-ɛ we̍, ùh gbaɛ-a Jusu Klai wlùh-ɛ.

Ɛfɛsɔ 1:5

ɛ̀ nu̍ ɛ̍ iě ɔ̍ po̍ ɛ̍ gbɔ̀ se̍e̍ ɔ̍ iě à ɔ̍ nynuu̍ we̍i̍ nu̍ dě Klai ja̍a̍. Ɛ̍ bo ɛ̀ nu̍ ɔ̍ wlùh-a kɛ̍n i̍ wɔ̌ɛn dɛ̍.

Ɛfɛsɔ 5:1

Ka mɔ̀ nu̍-a Nyɔsoa-a tìh kma nynuu̍-ɛ, nɛ̀ ɔ̍ wɔ̀ɔ̀ bo mɔ̀ iě-e i̍ sà.

Felepai 1:1

Chlǐh-dɛ̍ la ɛ̍ sɔ nɔ̌ mɔ̍ Pɔɔ ke Timote we̍, àɔ̀ nu̍-a Jusu Klai-a pòi̍nynuu̍-ɛ. Ɛ̍ mu̍ dě Nyɔsoa nyɔ̍ kli̍hgbɛ̍ ùh kɔn-a dǒ Jusu Klai we̍ dǒ Felepai wlɔ̀ di̍i̍-ɛ we̍, ɛ̍ ke chɔchi̍h-a fààmlà ke ɛ̍ jǔ dbee nyɔ̍ ke.

Felepai 1:8

Ka ǎn mɔ̀-a tìh kma-a kɔ̍-a dě Jusu Klai we̍ i̍, iě ǎn gble-a mɔ̀ kli̍hgbɛ̍-a tìh kaa̍-ɛ, Nyɔsoa-a chɛ̀-a gbǎ bo ɔ̀ nu̍ ǎn sàànsi̍i̍h.

Felepai 2:15

Nɛ̀ mɔ̀-a nynɛ̌ se̍ kɔ̌ mu̍, mɔ̀ iě wlaǎwla nɛ. Nɛ̀ mɔ̀-a mu̍ Nyɔsoa-a nynuu̍ ùh se̍-a nɛi̍ nɛ-ɛ wɔ̀ dě ùh-a nu̍-a klǐ-dɛ̍ᵻ ke tba̍ɛ kɛ̍n i̍-ɛ we̍. Mɔ̀ kɔn mɔ̀ iě fa̍n dě u̍h nynɛ̌ ka chǔhtlɛ̀n-a fa̍n dě ja̍u̍n wlì-ɛ,

Kalase 1:4

Ka mɔ̀ gbaɛ-a Jusu Klai wlùh-ɛ, ɛ̍ kɔn pɔ̀n bo à wɔ̌n, ɛ̍ ke ka mɔ̀ kma-a Nyɔsoa nyɔ̍ kli̍hgbɛ̍-a tìh-ɛ ke.

Kalase 2:6

Ka mɔ̀ wɔ̌n-a wɛ̀ Jusu Klai iě-a mɔ̀-a Joi nu̍-ɛ, nɛ̀ mɔ̀ nɛ kmɔ̌ dě ɔ̍ ja̍a̍.

Faɛlimɔ 1:1

Mɔ̍ Pɔɔ ɔ̀ nu̍-a gbɛ̍n-nyɔ̍ Jusu Klai-a tìh-ɛ, nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ. À tìh kma nyɔ̍ Faɛlimɔ, mɔ̀ nu̍-a ǐn ba̍ dbo̍ nu̍ nyɔ̍-ɛ, dě ìn we̍ ɛ̍ ji̍.

Faɛlimɔ 1:9

Jɛ we̍ jbɛɛ tìh-ɛ, ǐn gbɛ̍n àn bu̍hᵻ i̍. Mɔ̍ Pɔɔ la ǐn nu̍ nyɔ̍ klaa wɛ̀, iě ǐn nu̍ ka gbɛ̍n-nyɔ̍ Jusu Klai-a tìh.

Wlɛfeleseɔn 21:7

Nyɔ̍ ɔ̀ sà-a dɛ̍ sɔ̀n klà-a, nɛ̀ ɔ̍ mu̍ dɛ̍ kɔn wlu̍ ǐn po̍-a tɔ̀ma̍a̍-ɛ nyǐ-ɛ. Ǎn mu̍ ɔ̍ Nyɔsoa nu̍, wɛ̀ ɔ̍ iě ǎn jǔ nu̍.