Kelesea 3:23 - Ku̍o̍ Delee 1999

²³ Jɛ wlùh gbaɛ iě-a ji̍-ɛ, nɛ̀ telě sa̍n àɔ̀ wɛ̀ ka gbɛ̍n-nyɔ̍-ɛ. Wɛ̀ ɛ̍ iě laǎn nɛ te̍e̍ wlùh gbaɛ la ɛ̍ iě tà sà-ɛ.

Kelesea 3:23 Iomraidhean Croise

Chɔɔn 3:34

Nɛ̀ nyɔ̍ ɔ̀ Nyɔsoa dbo̍-aɛ, Nyɔsoa-a wlu̍ bo ɔ̍ wlu-i, dɛ̍nu̍ɛ, Nyɔsoa se̍ ɔ̍ Sùù-a kwlǎgbàì nyǐ.

Wloma 11:32

Nyɔsoa nu̍ nyɔ̍ kli̍hgbɛ̍ gbɛ̍n-nyɔ̍ we̍i̍, dɛ̍nu̍ɛ, u̍h blaɛ ɔ̍ wɔ̍n. Ɔ̍ nu̍ ɛ̍-ɛ wɛ̀ ɔ̍ iě u̍h kli̍hgbɛ̍ wɔɛ jě.

Wloma 3:19

Kaka la̍ à juo ɛ̍-ɛ, dɛ̍ ɛ̀ Nyɔsoa-a telě sà-aɛ, nɛ̀ ɛ̍ sà ɛ̍-ɛ dǒ nyɔ̍ ùh nɛ-a dǒ ɛ̍ sɔ̀n-ɛ we̍. Wɛ̀ ɛ̍ iě wɔ̍nᵻ kli̍hgbɛ̍ ka̍n, iě kmɔ̌ kli̍hgbɛ̍ iě sàwi̍h sì dǒ Nyɔsoa jǔ.

Kelesea 3:19

Dɛ̍ kɔn tìh telě la ɛ̍ poe-ɛ la̍ ɛ? Ɛ̍ gbǎ dǒ kɛ̍n wɛ̀ ɛ̍ iě gblɛ̍n sɔ̀ɛ̀n kɛ̍n nyɛ-ɛ. Kǎ ɛ̍ mu̍ nɛ te̍e̍ iě Eblaɛɛn-a tloemlai ɔ̀ kɔn wlu̍ Nyɔsoa po̍-a tɔ̀ma̍a̍-aɛ, wɛ̀ ɔ̍ iě ji̍. Nyɔsoa-a ǐnchɔ̀ bo ìh ja telě la, iě ɛ̍ jii dě ɔ̀ nu̍-a tùna̍-i̍-tu̍-ɛ kwa̍a̍.

Kelesea 4:21

Mɔ̀ɔ̍ ùh-a pɔ̀n-a dǒ telě sɔ̀n nɛ-ɛ i̍-ɛ, ǎn mu̍ mɔ̀ i̍ tèle. Mɔ̀ se̍ dɛ̍ telě sà-a wɔ̌n ae?

Kelesea 5:18

Nɛ̀ pò mɔ̀ ja dě Nyɔsoa-a Sùù di̍i̍ naɛ-ɛ, nɛ̀ mɔ̀ se̍ dǒ telě sɔ̀n nɛ.

Iblu 11:13

Ùh kli̍hgbɛ̍ la dě u̍h-a wlùh gbaɛ blě-ɛ di̍i̍ bo u̍h mɛ̌-ɛ. U̍h se̍ dɛ̍ kɔn wlu̍ Nyɔsoa po̍-a tɔ̀ma̍a̍-ɛ jě, jɛ u̍h jě ɛ̍ dě nya̍ wɛ̀ u̍h nu̍ ɛ̍ dɛ̍i̍. Ka u̍h nu̍-a dakɔ̍ pàɔ̀n nɔ̌ bloɔ̍-ɛ, u̍h juo ɛ̍ i̍, iě u̍h sà ɛ̍-ɛ.

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.