Kelesea 3:22 - Ku̍o̍ Delee 1999

²² Ɛ̍ kɔn Nyɔsoa-a wlu̍ la̍ kmɔ̌ kli̍hgbɛ̍ nɛ dě gblɛ̍n sɔ̀ɛ̀n-a kèìe̍e̍, wɛ̀ tɔ̀ma̍a̍ wlu̍ ɛ̀ kɔ̍-a dǒ wlùh gbaɛ kɛ̍n i̍ dě Jusu Klai ja̍a̍-ɛ, wɛ̀ ɛ̍ iě wlùh gbaɛ blě nyɔ̍ nyǐ-ɛ.

Kelesea 3:22 Iomraidhean Croise

Pɔ̀n Chɛ̀ Maɛ To-a La 16:16

Nyɔ̍ ɔ̀ po̍-a ɛ̍ tìh chɛ̀ wɛ̀ ɔ̍ iě nǐ dlǔ po̍-ɛ, nɛ̀ ɔ̍ mu̍ pǔh. Jɛ nyɔ̍ ɔ̀ se̍-a ɛ̍ tìh chɛ̀ po̍-ɛ, nɛ̀ kɛ̀n-a mu̍ ɔ̍ kwa̍a̍ sɔ.

Chɔɔn 12:46

Ǐn ji̍ nɔ̌ kmɔ̌ we̍ ka sɔ̀npli-ɛ, wɛ̀ nyɔ̍ ùh gbaɛ-a ǐn wlùh-ɛ u̍h-u je̍e dě kwile di̍i̍ sie.

Chɔɔn 20:31

Ìh la i̍h chlǐh-ɛ, wɛ̀ mɔ̀ iě ɛ̍ tìh chɛ̀ po̍ ka Jusu nu̍-a Nyɔsoa-a Jǔ ɔ̀ nu̍-a ɔ̍ Chèɛ̀ Tba̍ju-ɛ. Nɛ̀ wlùh gbaɛ blě-ɛ bo ɛ̀ mu̍ mɔ̀ feɛ nyǐ dǒ ɔ̍ nynɛ̌ kɛ̍n.

Chɔɔn 3:36

Nyɔ̍ jɔ gbaɛ-a Jǔ la wlùh-ɛ, nɛ̀ ɔ̍ blě kmɔ̌ sie feɛ. Jɛ nyɔ̍ jɔ se̍-a Jǔ la ɔ̍ wlu̍ nu̍-ɛ, ɔ̍ se̍ feɛ jě mu̍. Jɛ nɛ̀ Nyɔsoa-a mu̍ ɔ̍ kàn gbɛ̍n.

Chɔɔn 5:24

“Tìh-a taǐn ǎn sèàɛ̍ mɔ̀ wlùh, pò nyɔ̍ wɔ̌n ǎn wlu̍ wɛ̀ ɔ̍ iě nyɔ̍ ɔ̀ dbo̍-a m-ɛ wlùh gbaɛ-ɛ, nɛ̀ ɔ̍ blě kmɔ̌ sie feɛ. Nɛ̀ tìh se̍ ɔ̍ gbɛ̍n mu̍ dɛ, nɛ̀ ɔ̍ chɛ̍n dǒ mɛ̌ɛ we̍ tìè iě ɔ̍ jɛɛ feɛ.

Chɔɔn 6:40

Nɛ̀ ǐn Baa-a wlùh dɛ nu̍, nyɔ̍ juh jě-a Jǔ la sǔh wɛ̀ u̍h gbaɛ-a ɔ̍ wlùh-ɛ, nɛ̀ u̍h-a mu̍ kmɔ̌ sie feɛ blě. Nɛ̀ ǎn mu̍ u̍h bloɔ̍ sà dǒ bɔ̌ɛ-o weɛ̍ di̍i̍.”

Nu̍-dɛ̍ᵻ 16:31

Wɛ̀ u̍h la̍a̍, “Gbaɛ Joi Jusu wlùh nɛ̀ àn mu̍ pǔh, ɛ̍ ke àn chɛ̌ kli̍hgbɛ̍ ke.”

Wloma 10:9

Pò ìn wɔ̌ɛn-ɛ wɛ̀ ìè ka nu̍, “Jusu bo ɔ̀ nu̍ Joi,” wɛ̀ ìè ɛ̍ tìh chɛ̀ po̍ ka Nyɔsoa sà-a ɔ̍-eɛ dǒ ìn wlùh kɛ̍n-ɛ, nɛ̀ àn mu̍ pǔh.

Wloma 11:32

Nyɔsoa nu̍ nyɔ̍ kli̍hgbɛ̍ gbɛ̍n-nyɔ̍ we̍i̍, dɛ̍nu̍ɛ, u̍h blaɛ ɔ̍ wɔ̍n. Ɔ̍ nu̍ ɛ̍-ɛ wɛ̀ ɔ̍ iě u̍h kli̍hgbɛ̍ wɔɛ jě.

Wloma 3:22

Nyɔsoa-a slè-e nyɔ̍ i̍ slɛ̌-nyɔ̍ dě nyɔ̍-a Jusu Klai wlùh gbaɛ di̍i̍. Ɔ̍ nu̍ ɛ̍-ɛ dǒ nyɔ̍ kli̍hgbɛ̍ ùh blě-a wlùh gbaɛ-ɛ we̍, ɔ̍-ɔ chlɛ̌-e nyɔ̍ i̍.

Wloma 3:23

Dɛ̍nu̍ɛ, nyɔ̍ kli̍hgbɛ̍ nu̍ gblɛ̍n sɔ̀ɛ̀n, iě u̍h ti̍ɛ̍ɛn Nyɔsoa-a tìh-a i̍ bɛ̌-ɛ we̍ i̍.

Wloma 5:12

Adaun nu̍ gblɛ̍n sɔ̀ɛ̀n, iě ɔ̍ gblɛ̍n sɔ̀ɛ̀n laa̍ ɛ̍ ja mɛ̌ɛ nɔ̌ kmɔ̌ we̍. Sɔ mɛ̌ɛ wɔ̀ nyɔ̍ kli̍hgbɛ̍ dlǔ, dɛ̍nu̍ɛ, nyɔ̍ kli̍hgbɛ̍ nu̍ gblɛ̍n sɔ̀ɛ̀n nyɔ̍.

Kelesea 3:14

Ɔ̍ pùhbɔ à kɛ̍ɛ̍n iě pɔ̀ìě Nyɔsoa-a mu̍-a Eblaɛɛn nyǐ-ɛ, wɛ̀ ɛ̍ iě ùh se̍-a Juu nyɔ̍-ɛ we̍ ji̍ ke dě ɔ̍ ja̍a̍. Wɛ̀ à iě Sùù kɔn wlu̍ Nyɔsoa po̍-a tɔ̀ma̍a̍-a jě dě wlùh gbaɛ di̍i̍.

Kelesea 3:17

Dɛ̍ ǎn pɔ̀n-a iě-a bla̍-ɛ, ɛ̍ nu̍ Nyɔsoa po̍ ku̍o̍ dě Eblaɛɛn we̍, iě ɔ̍ po̍ wlu̍ tɔ̀ma̍a̍ ka ɔ̍ se̍-a ɛ̍ wa̍ mu̍-ɛ. Telě ɛ̀ nu̍-a sɔ̀nᵻá kmɛ nyìɛ̍ kwela ta̍a̍n (430) wɛ̀-ɛ, ɛ̍ se̍ ku̍o̍ la wa̍-a bɛ̌ɛ wɛ̀ ɛ̍ iě Nyɔsoa-a tɔ̀ma̍a̍ wlu̍-a chɛ̀ dǒ wìè-i sà.

Kelesea 3:23

Jɛ wlùh gbaɛ iě-a ji̍-ɛ, nɛ̀ telě sa̍n àɔ̀ wɛ̀ ka gbɛ̍n-nyɔ̍-ɛ. Wɛ̀ ɛ̍ iě laǎn nɛ te̍e̍ wlùh gbaɛ la ɛ̍ iě tà sà-ɛ.

Kelesea 3:29

Pò mɔ̀ kɔn dǒ Klai we̍-ɛ, nɛ̀ mɔ̀ɔ̍ Eblaɛɛn-a tloemlai, nɛ̀ mɔ̀-a mu̍ dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a jě.

2 Timote 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍ dǒ kmɔ̌ kɔn wlu̍ ɔ̍ po̍-a tɔ̀ma̍a̍-a kɛ̍n dě Jusu Klai ja̍a̍.

Iblu 9:15

Ɛ̍ tìh-ɛ, Klai bo ɔ̀ nu̍ tùna̍-i̍-tu̍ dǒ ku̍o̍ delee la we̍, wɛ̀ nyɔ̍ ùh Nyɔsoa dǎ-aɛ, u̍h iě kmɔ̌ sie pɔ̀ìě la ɛ̀ kɔn wlu̍ ɔ̍ po̍-a tɔ̀ma̍a̍-ɛ jě. Kaka la̍, ɔ̍ mɛ̌-ɛ, wɛ̀ ɔ̍ iě nyɔ̍ ùh nu̍-a gblɛ̍n sɔ̀ɛ̀n dě sàǐtòò ku̍o̍-a ti̍ di̍i̍-ɛ sèìe.

2 Pitɛ 1:4

Ɛ̍ kɔn ɔ̍ wlu̍ ɛ̀ gbǎ-a dɛ̍kɛ̍n iě ɛ̀ ku̍-a wɔ̍n-ɛ, wɛ̀ ɔ̍ po̍ ɛ̍ tɔ̀ma̍a̍ dǒ à we̍. Ɛ̍ bo ɛ̀ mu̍ kmɔ̌ nɛ wɛ̀ mɔ̀ iě kmɔ̌-a tba̍ɛ kɛ̍n i̍ la wɔ̍i̍n wa̍n, wɛ̀ mɔ̀ iě Nyɔsoa wɔ̀.

2 Pitɛ 3:13

Jɛ blǔh delee ke ja̍u̍n delee kɔn wlu̍ Nyɔsoa po̍-a tɔ̀ma̍a̍-ɛ, ɛ̍ bo à fuo kɛ̍ɛ̍n. Dě-e bo i̍ slɛ̌-ɛ nɛ.

1 Chɔɔn 2:25

Kmɔ̌ sie feɛ-a wlu̍ bo Klai po̍ tɔ̀ma̍a̍ dǒ à we̍.