Kelesea 3:21 - Ku̍o̍ Delee 1999

²¹ Pò ɛ̍ nɛ ka-ɛ, nɛ̀ telě ke Nyɔsoa-a tɔ̀ma̍a̍ wlu̍ se̍ i̍ wɛɛn ae? Sakǒ, ɛ̍ se̍ la̍a̍n nɛ. Pò telě ja wlɔ̀ nyi̍ɔ̍ feɛ nyǐ de-ɛ, nɛ̀ telě dɛ̍ɛ̍ jě-ɛ bo ɛ̀ mu̍ nyɔ̍ i̍ slɛ̌-ɛ dě Nyɔsoa jlǐh de.

Kelesea 3:21 Iomraidhean Croise

Pɔ̀n Chɛ̀ Luu To-a La 20:16

Nɛ̀ ɔ̍ mu̍ ji̍ wɛ̀ ɔ̍ iě klè i̍ gbɛ̍n nyɔ̍ laa̍ dbǎ, wɛ̀ ɔ̍ iě klè-a chɛ̀ nyɔ̍ duuh nyǐ.” Nyɔ̍gbei wɔ̌n-a ɔ̍ wlu̍ la-ɛ, iě u̍h la̍a̍, “Sakǒ, ɛ̍ bɔ̌-a nɛ-ɛ.”

Wloma 3:31

Nɛ̀ɛ̍, wlùh gbaɛ bo à iě nu̍ la̍ sǔh wɛ̀ à iě telě de̍ po̍ ae? Iěe tììh, wlùh gbaɛ bo à nu̍ wɛ̀ à gbɛ̍n telě i̍ klìmàtàìn.

Wloma 3:4

Iěe tììh, pò nyɔ̍ kli̍hgbɛ̍-a jɛ ja si̍h tmɔ̌-ɛ, Nyɔsoa nɔ̀ɔ̍ ɔ̍ kɔn ɔ̍ iě tìh-a taǐn nyɔ̍ nu̍ kleǐn. Ɛ̍ kɔn ɛ̍ chlǐh-ɛ dě ɔ̍ wlu̍ di̍i̍, ɛ̍ la̍a̍, “Àn wlu̍ kɔn ɛ̍ iě ɛ̍ to ka ìn slɛ̌-a i̍-ɛ, wɛ̀ ìè kɛ̀n gba̍ dǒ sàwi̍h sì la̍.”

Wloma 3:6

Iěe tììh, pò Nyɔsoa se̍ i̍ slɛ̌ de-ɛ, nɛ̀ ka ɔ̍ mu̍ kmɔ̌ la ɛ̍ sàwi̍h sì-ɛ nu̍ ɛ?

Wloma 9:31

Wɛ̀ Eslɔɛ nyɔ̍ juh-a pɔ̀n-a telě dɛɛ jě-ɛ i̍ ɛ̍ iě-a u̍h i̍ slɛ̌-ɛ de-ɛ, wɛ̀ ɛ̍ se̍ u̍h i̍ slɛ̌-ɛ.

2 Kɔwlɛntiɔn 3:7

Telě ɛ̀ chlǐh-aɛ, ɛ̍ chlǐh-ɛ dǒ sɔɔ̌ᵻ paɔᵻ pùn iě ɛ̍ ja mɛ̌ɛ. Ti̍ ɛ̍ po̍-eaɛ, dǒ Nyɔsoa-a tìh-a i̍ bɛ̌-ɛ ji̍-i. Wɛ̀ Mose-a jua̍a̍ fa̍n-ɛ dǒ tìh-a i̍ bɛ̌-ɛ la we̍. Ɔ̍ jua̍a̍-a fa̍n-a wɛ̀ jlǐh gbɛɛ-ɛ, jɛ Eslɔɛ nyɔ̍ se̍ ɛ̍ ja̍ gbɛ̀n-ɛ bɛ̌ɛ.

Kelesea 2:17

Ka à fɔ̀n-a dɛ̍ we̍ à iě-a i̍ slɛ̌ dě Nyɔsoa jlǐh dě Klai ja̍a̍-ɛ, wɛ̀ à iě gblɛ̍n sɔ̀ɛ̀n nyɔ̍ sàɛ̀-ɛ, nɛ̀ Klai bo ɔ̀ nu̍ gblɛ̍n sɔ̀ɛ̀n-a nya̍ sɔ̍nᵻ ae? Sakǒ, ɛ̍ se̍ la̍a̍n nɛ.

Kelesea 2:19

Ǐn mɛ̌ wɛ̀ dǒ telě nɔ̀ɔ̍ we̍, wɛ̀ iě kmɔ̌ nɛ dǒ Nyɔsoa we̍. Ǐn mɛ̌ wɛ̀ dǒ Klai we̍ gbàɛ̍ kɛ̍n i̍ tu̍ wlì.

Kelesea 2:21

Ǐn se̍ Nyɔsoa-a blɛ chla tba̍. Dɛ̍nu̍ɛ, pò telě ja nyɔ̍ i̍ slɛ̌-ɛ de dě Nyɔsoa jlǐh-ɛ, nɛ̀ Klai-a mɛ̌ɛ se̍ dɛ̍ i̍ blaɛ de.

Kelesea 6:14

Jɛ mɔ̍ɔ-ɛ, à Joi Jusu Klai-a dǒ gbàɛ̍ kɛ̍n i̍ tu̍ wlì mɛ̌ɛ tìh nɛ due bo ǎn mu̍ blɔ̌. Ɔ̍ tìh bo kmɔ̌ we̍ dɛ̍ᵻ mɛ̌ dǒ ǐn we̍, wɛ̀ ǐn mɛ̌ ke dǒ i̍h we̍.

Iblu 11:7

Nɔa-a wlùh gbaɛ blě-ɛ bo ɛ̀ nu̍ ɛ̍ iě ɔ̍ wɔ̌n Nyɔsoa-a gbòɛ̀ wlu̍ i̍ dǒ dɛ̍ᵻ ɔ̍-ɔ se̍a jě ìh-a mu̍-a gbǎ-ɛ we̍. Wɛ̀ ɔ̍ wɔ̌n Nyɔsoa-a wlu̍ i̍ iě ɔ̍ kɔ̍ blǎgbè klaa ɛ̍ iě ɔ̍ ke ɔ̍ chɛ̌ pǔh-i. Dɛ̍ᵻ ɔ̍ nu̍-a bo ìh sà kmɔ̌ la kɛ̀n, wɛ̀ Nyɔsoa nyǐ ɔ̍ i̍ slɛ̌-ɛ ɛ̀ jii-a dě wlùh gbaɛ di̍i̍-ɛ.

Iblu 7:18

Telě soa nɔ̀ɔ̍, ɛ̍ sà-aɛ dǒ wìè-i wɛ̀. Dɛ̍nu̍ɛ, ɛ̍ wɛ̀ wɔ̍n iě ɛ̍ se̍ dɛ̍ i̍ blaɛ dɛ.

Iblu 7:19

Dɛ̍nu̍ɛ, Mose-a telě se̍ nyɔ̍ i̍ slɛ̌-ɛ bɛ̌ɛ. Jɛ ɔ̀ nu̍-a à wlùh i̍ kɔ̍ dɛ̍ ɔ̀ sìì-a telě-ɛ ɔ̍ wlǔh tà wɛ̀. Ɔ̍-ɔ bo ɔ̀ nɛ kmɔ̌ wɛ̀ à kɔǎɛn ka Nyɔsoa we̍ i̍.