Kelesea 3:2 - Ku̍o̍ Delee 1999

² Bɔ̌ ǐn tèle mɔ̀ dɛ̍ due i̍. Telě dɛ̍ɛ̍ jě tìh bo ɛ̀ jě-e mɔ̀ Nyɔsoa-a Sùù ɛɛ, àe̍e̍ mɔ̀ wɔ̌n pɔ̀n chɛ̀ iě mɔ̀ gbaɛ ɛ̍ wlùh dɛbo ae?

Kelesea 3:2 Iomraidhean Croise

Nu̍-dɛ̍ᵻ 15:8

Nyɔsoa ɔ̀ juo-a nyɔ̍-a wlùh-ɛ, ɔ̍ bo ɔ̀ to ɛ̍ ka ɔ̍ wɔ̌ɛn-a ùh se̍-a Juu nyɔ̍-ɛ tìh i̍-ɛ. Ɛ̍ kɔn ka ɔ̍ nu̍-a àɔ̀ ɔ̍ Sùù nyǐ-ɛɛ, iě ɔ̍ nu̍ la̍a̍n ɛ̍ u̍h nyǐ-ɛ ke.

Nu̍-dɛ̍ᵻ 2:38

Wɛ̀ Pitɛ la̍a̍ dě u̍h we̍, “Mɔ̀ bǐi i̍, wɛ̀ mɔ̀ iě nǐ dlǔ po̍ kli̍hgbɛ̍ dǒ Jusu Klai-a nynɛ̌ kɛ̍n. Nɛ̀ mɔ̀-a gblɛ̍n sɔ̀ɛ̀n-a tìh-a mu̍ i̍ tǎli-ɛ. Nɛ̀ mɔ̀-a mu̍ Nyɔsoa-a Sùù jě.

Nu̍-dɛ̍ᵻ 8:15

U̍h nyni̍-aɛ, wɛ̀ u̍h ba̍le dǒ u̍h-a tàà u̍h iě Nyɔsoa-a Sùù jě.

Wloma 1:17

Dɛ̍nu̍ɛ, dě pɔ̀n chɛ̀ di̍i̍ bo Nyɔsoa slè-e àɔ̀ i̍ slɛ̌-nyɔ̍ wɛ̀ dě wlùh gbaɛ di̍i̍. Nyɔ̍ kli̍hgbɛ̍ ùh blě-a wlùh gbaɛ-ɛ bo ùh slɛ̌ i̍. Kǎ ɛ̍ dǎ dě Nyɔsoa-a wlu̍ di̍i̍, ɛ̍ la̍a̍, “Wlùh gbaɛ bo ɛ̀ mu̍ i̍ slɛ̌-nyɔ̍ kmɔ̌ nɛ-ɛ.”

1 Kɔwlɛntiɔn 9:21

Pò ǐn jɛɛ nyɔ̍ ùh se̍-a dǒ telě sɔ̀n nɛ-ɛ, nɛ̀ ǐn nu̍ ǎn chɛ̀ se̍ dǒ telě sɔ̀n nɛ nyɔ̍ we̍i̍, wɛ̀ ɛ̍ iě kmɔ̌ nɛ iě u̍h-a wlùh fèàɛ̀ dě Klai we̍. Jɛ ɛ̍ se̍ nɛ ǐn se̍ dǒ Nyɔsoa-a telě sɔ̀n nɛ kai, ǐn nɛ dǒ Klai-a telě sɔ̀n kleǐn.

2 Kɔwlɛntiɔn 11:4

Ɛ̀ kɔn ǎn bla̍-a ɛ̀ la-ɛ, ɛ̍ nu̍ nyɔ̍ ji̍ dě mɔ̀ we̍ wɛ̀ ɔ̀ bla̍ Jusu dɔɔ kɔn tìh à se̍-a bla̍-ɛ, iě ɛ̍ po̍ mɔ̀ gbǐh. Wɛ̀ Nyɔsoa-a Sùù ke pɔ̀n chɛ̀ ìh nɛ-ao dɔɔ̌ ìh kɔn tìh mɔ̀ se̍a wɔ̌n dě à we̍-ɛ, iě mɔ̀ gbɛ̍n i̍h i̍.

Kelesea 3:14

Ɔ̍ pùhbɔ à kɛ̍ɛ̍n iě pɔ̀ìě Nyɔsoa-a mu̍-a Eblaɛɛn nyǐ-ɛ, wɛ̀ ɛ̍ iě ùh se̍-a Juu nyɔ̍-ɛ we̍ ji̍ ke dě ɔ̍ ja̍a̍. Wɛ̀ à iě Sùù kɔn wlu̍ Nyɔsoa po̍-a tɔ̀ma̍a̍-a jě dě wlùh gbaɛ di̍i̍.

Kelesea 3:3

Mɔ̀ bo we̍i̍ ae? Dɛ̍nu̍ mɔ̀ tè dɛ̍ gbɔ̀ dǒ Sùù we̍, wɛ̀ mɔ̀-a pɔ̀n mɔ̀ iě ɛ̍ i̍ wɔ̀ dǒ mɔ̀-a chɛ̀-a gbǐh we̍ ɛ?

Kelesea 3:5

Nyɔsoa nyǐ mɔ̀ ɔ̍ Sùù iě ɔ̍ po̍ jbaɛdih dǒ mɔ̀ we̍ mɔ̀-a telě dɛ̍ɛ̍ jě tìh ɛɛ, àe̍e̍ mɔ̀ wɔ̌n pɔ̀n chɛ̀ iě mɔ̀ gbaɛ ɛ̍ wlùh dɛbo ae?

Iblu 2:4

Wɛ̀ nyɔ̍ wɔ̍n flɔn-ɛ dɛ̍ᵻ ke jbaɛdih kaɛn Nyɔsoa po̍-a, i̍h nu̍ ɛ̍ sàànsi̍i̍h. Iě ɔ̍ nyǐ nyɔ̍ɔ ɔ̍ Sùù ke ka ɔ̍ wlùh-a pɔ̀n-a ɔ̍ iě-a nu̍-ɛ.

Iblu 4:2

Ka à nu̍-a Nyɔsoa-a pɔ̀n chɛ̀ wɔ̌n-ɛɛ, kǎ à baaᵻ nu̍ ɛ̍ wɔ̌n-ɛ ke de. Jɛ ɛ̍ se̍ dɛ̍ chɛ̀ nu̍ dǒ u̍h we̍, dɛ̍nu̍ɛ, u̍h wɔ̌n-a tu̍owli la-ɛ, iě u̍h se̍ ɛ̍ wlùh gbaɛ i̍ gbɛ̍n-ɛ.

Iblu 6:4

Nyɔ̍ ùh sɔ-a dǒ Nyɔsoa-a wìè kɛ̍n-ɛ, nɛ̀ nyɔ̍ se̍ ɛ̍ nu̍-ɛ bɛ̌ɛ dɛ u̍h iě i̍ bǐi wɛ̀ u̍h iě u̍h-a gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, u̍h nɛ dě Nyɔsoa-a sɔ̀npli di̍i̍ sàì, iě u̍h juo dɛ̍ ɔ̍ nyǐ-a nyɔ̍-ɛ. U̍h jě ɔ̍ Sùù,

1 Pitɛ 1:12

Nyɔsoa flɔn-ɛ ɛ̍ we̍i̍ dě ɔ̍ tu̍owli po̍ nyɔ̍ laa̍ we̍, ka dbo̍ u̍h-a nu̍-aɛ, ɛ̍ se̍-a dǒ u̍h-a chɛ̀ we̍ kɔn-ɛ, jɛ ɛ̍ kɔn-a dǒ mɔ̀ we̍-ɛ. Ti̍ u̍h bla̍-a ìh la wɛ̀ mɔ̀ iě-a ka i̍h wɔ̌n dě pɔ̀n chɛ̀ we̍i̍ bla̍ nyɔ̍ wɔ̍ɔ̍n-ɛ, Nyɔsoa-a Sùù sɔ-a dě ja̍i̍wlɔ̀-ɛ bo ɛ̀ gbǎ u̍h we̍ iě u̍h bla̍ i̍h. Ìh la bo Nyɔsoa-a ǐnchɔ̀-a chɛ̀-a pɔ̀n we̍ i̍ ju̍o̍e-ɛ i̍ ke.