Kelesea 3:19 - Ku̍o̍ Delee 1999

¹⁹ Dɛ̍ kɔn tìh telě la ɛ̍ poe-ɛ la̍ ɛ? Ɛ̍ gbǎ dǒ kɛ̍n wɛ̀ ɛ̍ iě gblɛ̍n sɔ̀ɛ̀n kɛ̍n nyɛ-ɛ. Kǎ ɛ̍ mu̍ nɛ te̍e̍ iě Eblaɛɛn-a tloemlai ɔ̀ kɔn wlu̍ Nyɔsoa po̍-a tɔ̀ma̍a̍-aɛ, wɛ̀ ɔ̍ iě ji̍. Nyɔsoa-a ǐnchɔ̀ bo ìh ja telě la, iě ɛ̍ jii dě ɔ̀ nu̍-a tùna̍-i̍-tu̍-ɛ kwa̍a̍.

Kelesea 3:19 Iomraidhean Croise

Pɔ̀n Chɛ̀ Luu To-a La 16:31

Eblaɛɛn la̍a̍ dě ɔ̍ we̍, ‘Pò u̍h se̍ Mose ke Nyɔsoa-a tu̍owli po̍ nyɔ̍-a wlu̍ dounᵻ tù-ɛ, nɛ̀ pò nyɔ̍-a jɛ wlǔh-eɛ, ɛ̍ se̍ u̍h-a dlǔ jli̍-i mu̍ ke sǔh.’ ”

Chɔɔn 1:17

Nyɔsoa-a telě jii dě Mose ja̍a̍, jɛ ɔ̍ blɛ ke tìh-a taǐn kli̍hgbɛ̍ ìh kɔ̍-a dǒ ɔ̍ pùn i̍-ɛ, i̍h jii dě Jusu Klai ja̍a̍ iě à jě i̍h.

Chɔɔn 15:22

Pò ǐn se̍ ji̍ ǐn se̍ dě u̍h we̍ wlu de-ɛ, nɛ̀ nyɔ̍ se̍ u̍h gblɛ̍n sɔ̀ɛ̀n nyɔ̍ slè-e mu̍ de. Jɛ kaka la̍ u̍h se̍ gblɛ̍n sɔ̀ɛ̀n tìh-i tòlo-ɛ bɛ̌ɛ dɛ.

Nu̍-dɛ̍ᵻ 7:38

Mose laa̍ bo ɔ̀ nɛ dě u̍h-a gbɔ̀ù nynɛ̌ iě ɔ̍ ke à baaᵻ na dě kwlǎslò we̍, ɛ̍ ke Nyɔsoa-a ǐnchɔ̀ jɛ wlu-a ɔ̍ we̍ dǒ Saɛnaɛ Tlu̍h kɛ̍n-ɛ ke. Dǒ ɔ̍ jě-e kmɔ̌ nɛ tu̍owli ɔ̍ iě sìì nɔ̌ àɔ̀ we̍.

Nu̍-dɛ̍ᵻ 7:53

Telě ɛ̀ Nyɔsoa-a ǐnchɔ̀ ja-aɛ, nɔ̌ mɔ̀ we̍ bo ɛ̍ wlǔh-i iě mɔ̀ se̍ ɛ̍ dɛ̍ɛ̍ jě.”

Wloma 2:13

Dɛ̍nu̍ɛ, telě-e wɔ̌n nyɔ̍ se̍ i̍ slɛ̌ mu̍ dě Nyɔsoa jlǐh, jɛ nyɔ̍ ùh-a nu̍-a dɛ̍ telě dǎ-aɛ, u̍h bo ùh-a mu̍ i̍ slɛ̌ dě ɔ̍ jlǐh.

Wloma 4:15

Dɛ̍nu̍ɛ, telě wa̍-a ja Nyɔsoa-a jlu̍h dǒ tà. Jɛ pò telě se̍ dǒ tà nɛ-ɛ, nɛ̀ dɛ̍ nyɔ̍ iě-a wa̍-a se̍ nɛ.

Kelesea 3:16

Nyɔsoa po̍ wlu̍ tɔ̀ma̍a̍ dě Eblaɛɛn ke ɔ̍ tloemlai we̍. Nyɔsoa-a wlu̍ se̍ ka nu̍ Eblaɛɛn-a tloemlai dɔu. Jɛ ɛ̍ la̍ tloemlai due, nɛ̀ nyɔ̍ due bo ɛ̍ dǎ. Ɛ̍-ɛ bo ɛ̀ nu̍-a Klai.

Iblu 2:2

Tu̍owli ɛ̀ Nyɔsoa-a ǐnchɔ̀ ja-a tɛin-ɛ, ɛ̍ nu̍ gblangbai̍. Nɛ̀ nyɔ̍-o-nyɔ̍ ɔ̀ nu̍-a gblɛ̍n sɔ̀ɛ̀n, àe̍e̍ ɔ̀ se̍-a telě dɛɛ jě-ɛ, ɔ̍ gbɛ̍n-ɛ kàn.

Iblu 2:5

Kmɔ̌ kɔn tìh à sà-a ɛ̀ mu̍-a ji̍-ɛ, ɛ̍ se̍ ǐnchɔ̀ Nyɔsoa se̍ chèɛ̀ tba̍ ìh iě ɛ̍ wlu̍ i̍ kɔn.