Kelesea 3:16 - Ku̍o̍ Delee 1999

¹⁶ Nyɔsoa po̍ wlu̍ tɔ̀ma̍a̍ dě Eblaɛɛn ke ɔ̍ tloemlai we̍. Nyɔsoa-a wlu̍ se̍ ka nu̍ Eblaɛɛn-a tloemlai dɔu. Jɛ ɛ̍ la̍ tloemlai due, nɛ̀ nyɔ̍ due bo ɛ̍ dǎ. Ɛ̍-ɛ bo ɛ̀ nu̍-a Klai.

Kelesea 3:16 Iomraidhean Croise

Matio 1:1

Jusu Klai baa-a baaᵻá nynɛ̌ la. Depe nu̍ Eblaɛɛn-a tloemlai, wɛ̀ Jusu nu̍ Depe naɛ tloemlai.

Pɔ̀n Chɛ̀ Luu To-a La 1:55

Eblaɛɛn ke ɔ̍ tloemlai wɔɛ jě tìh se̍ dǒ ɔ̍ wlì i̍ wɛ̀ nɔ̌ kmɔ̌-a kmɔ̌.”

Nu̍-dɛ̍ᵻ 3:25

Mɔ̀ɔ̍ bo ùh nu̍ Nyɔsoa-a tu̍owli po̍ nyɔ̍-a nynuu̍. Mɔ̀ɔ̍ kɔn ku̍o̍ bo ɔ̍ po̍-a dǒ mɔ̀ baaᵻ we̍. Ɔ̍ la̍a̍ dě Eblaɛɛn we̍, ‘Dě àn tloemlai ja̍a̍ bo ǎn mu̍ kmɔ̌ nyɔ̍ kli̍hgbɛ̍ pɔ̀ìě nyǐ-i.’

Wloma 12:5

Ɛ̍ kɔn ba̍ bo ke, à tìè i̍ sǔh jɛ à ke Klai-a due nɛ-ɛ nu̍ ɛ̍ iě à nu̍ nyi̍ɔ̍tu due. Sɔ nɛ̀ jɔ-ɛ, nɛ̀ ɔ̍ ke àɔ̀ juh sie-a dǒ de̍-ɛ, à tùi i̍ iě à nu̍ nyi̍ɔ̍tu due.

Wloma 4:13

Eblaɛɛn slè-ɛ i̍ slɛ̌-nyɔ̍ dě ɔ̍ wlùh gbaɛ blě-ɛ di̍i̍. Ɛ̍ kɔn Nyɔsoa po̍ wlu̍ tɔ̀ma̍a̍ dǒ ɔ̍ ke ɔ̍ tloemlai we̍ u̍h iě kmɔ̌ la wlu̍ i̍ kɔn. Jɛ ɛ̍ se̍ ɔ̍ Nyɔsoa-a telě dɛ̍ɛ̍ jě tìh.

Wloma 4:16

Nɛ̀ɛ̍, tɔ̀ma̍a̍ wlu̍ la ɛ̍ tba̍ dǒ wlùh gbaɛ kɛ̍n i̍, wɛ̀ ɛ̍ iě dě Nyɔsoa-a blɛ nɛ-ɛ di̍i̍ jii. Tɔ̀ma̍a̍ wlu̍ la ɛ̍ kɔn dǒ Eblaɛɛn-a tloemlai kli̍hgbɛ̍ we̍. Ɛ̍ se̍ dǒ telě dɛ̍ɛ̍ jě nyɔ̍ nɛ due we̍ ɛ̍ se̍ kɔn, jɛ nyɔ̍ ùh gbaɛ-ɛa Klai wlùh ka Eblaɛɛn-ɛ, ɛ̍ kɔn dǒ u̍h we̍ ke. Dɛ̍nu̍ɛ, ɔ̍ bo ɔ̀ nu̍ àɔ̀ kli̍hgbɛ̍ à baa.

Wloma 9:4

Eslɔɛ nyɔ̍ laa̍ u̍h-u bo Nyɔsoa nu̍ ɔ̍ nynuu̍ we̍i̍. Ɔ̍ toe u̍h ɔ̍ tìh-a i̍ bɛ̌-ɛ, iě ɔ̍ dǔ ku̍o̍ po̍-ɛ dǒ ɔ̍ ke u̍h nynɛ̌. Wɛ̀ ɔ̍ nyǐ u̍h telě, iě ɔ̍ toe u̍h wɛɛ sà-a, wɛ̀ ɔ̍ dǔ wlu̍ tɔ̀ma̍a̍ po̍-ɛ dě u̍h we̍.

1 Kɔwlɛntiɔn 12:12

Kǎ ku̍ nɛ due sǔh wɛ̀ ɛ̍ blě fɔ̌ᵻ dɔu. Kǎ ɛ̍ fɔ̌ᵻ laa̍ i̍h tìè i̍ sǔh wɛ̀ i̍h nu̍ ku̍ due. Kǎ Klai-a tìh nɛ ke.

1 Kɔwlɛntiɔn 12:27

Nɛ̀ɛ̍, mɔ̀ɔ̍ bo ùh nu̍ ku̍ ɛ̀ kɔn-a dǒ Klai we̍-ɛ, iě mɔ̀ nu̍ ɛ̍ fɔ̌ᵻ due due dɛ.

2 Kɔwlɛntiɔn 11:22

U̍h-u Iblu nyɔ̍ ae? Mɔ̍ Iblu jǔ ke. U̍h-u Eslɔɛ nyɔ̍ ae? Mɔ̍ Eslɔɛ jǔ ke. U̍h-u Eblaɛɛn-a tloemlai ae? Mɔ̍ Eblaɛɛn-a tloemlai ke.

Kelesea 3:19

Dɛ̍ kɔn tìh telě la ɛ̍ poe-ɛ la̍ ɛ? Ɛ̍ gbǎ dǒ kɛ̍n wɛ̀ ɛ̍ iě gblɛ̍n sɔ̀ɛ̀n kɛ̍n nyɛ-ɛ. Kǎ ɛ̍ mu̍ nɛ te̍e̍ iě Eblaɛɛn-a tloemlai ɔ̀ kɔn wlu̍ Nyɔsoa po̍-a tɔ̀ma̍a̍-aɛ, wɛ̀ ɔ̍ iě ji̍. Nyɔsoa-a ǐnchɔ̀ bo ìh ja telě la, iě ɛ̍ jii dě ɔ̀ nu̍-a tùna̍-i̍-tu̍-ɛ kwa̍a̍.

Kelesea 3:8

Nyɔsoa-a wlu̍ sà ɛ̍-ɛ se̍e̍ ka ɔ̍ mu̍-a ùh se̍-a Juu nyɔ̍-ɛ i̍ slɛ̌-nyɔ̍ dǎɛ dě u̍h-a wlùh gbaɛ-ɛ di̍i̍-ɛ. Ti̍ sie nya̍ wɛ̀ pɔ̀n chɛ̀-a tìh bla̍-ɛɛ dě Eblaɛɛn we̍. Ɛ̍ la̍a̍, “Dě ìn ja̍a̍ bo bloa̍ kli̍hgbɛ̍-a mu̍ pɔ̀ìě jě-e.”

Ɛfɛsɔ 5:32

Sìle dɛ̍ klaa la ɛ̀ wlǔh-a tà dě Nyɔsoa-a wlu̍ la di̍i̍-ɛ, Klai ke chɔchi̍h bo ǎn dǎ.

Kalase 2:19

Dɛ̍nu̍ɛ, nɛ̀ Klai jɔ nu̍-a chɔchi̍h-a dlǔ, ɔ̍ jɔ gbɛ̀n-a dǒ ku̍ kli̍hgbɛ̍ we̍ i̍ wɛ̀ ɛ̍ di̍-a dɛ̍, iě ɛ̍ tùi-a i̍, wɛ̀ ɛ̍ ku̍-a Nyɔsoa-a wlùh dɛ̍-ɛ, nɛ̀ ɔ̍ bo u̍h tǎli i̍ wɛ̀.

Kalase 3:11

Ɛ̍ tìh-ɛ, ùh se̍-a Juu nyɔ̍-ɛ u̍h se̍-o dɔɔ̌ nɛ, wɛ̀ Juu nyɔ̍ se̍-o dɔɔ̌ nɛ. Plɔ̀n gbǎ nyɔ̍ se̍-o dɔɔ̌ nɛ, wɛ̀ se̍ plɔ̀n gbǎ nyɔ̍ se̍-o dɔɔ̌ nɛ. Nyɔ̍ ùh se̍-a Klii nyɔ̍-ɛ se̍-o dɔɔ̌ nɛ, wɛ̀ nyɔ̍ ùh-a nu̍-a dɛ̍ᵻ ka gbɛ̍n-ɛ nmi̍i̍-ɛ u̍h se̍-o dɔɔ̌ nɛ. Nɛ̀ kèi̍ se̍-o dɔɔ̌ nɛ, wɛ̀ nyɔ̍ ùh flɔn-a i̍-ɛ se̍-o dɔɔ̌ nɛ. Jɛ Klai bo ɔ̀ gbǎ dɛ̍kɛ̍n dǒ dɛ̍ᵻ kli̍hgbɛ̍ we̍, iě ɔ̍ nɛ mɔ̀ɔ̍ kli̍hgbɛ̍.